|
لا تنام قبل فعل خمس
لا تنام إلا بعد أن تفعل خمسة أشياء:
قال: رسول الله صلى الله عليه وسلم يا علي... لا تنم إلا بعد أن تأتي بخمسة أشياء ... ... ... 1. قراءة القرآن كله 2. التصدق بأربعة آلاف درهم 3. زيارة الكعبه 4. حفظ مكانك في الجنه 5. إرضاء الخصوم قال : علي كيف ذلك يارسول الله؟؟ فقال له : 1. إذا قرأت سورة الأخلاص ثلاث مرات فقد قرأت القرآن كله . 2. إذا قرأت الفاتحه ثلاث مرات فقد تصدقت بأربعة آلاف درهم . 3. و إذا قلت لاإله إلاالله وحده لاشريك له له الملك وله الحمد يحي ويميت وهو على كل شئ قدير عشر مرات فقد زرت الكعبه . 4. وإذا قلت لاحول ولاقوة إلا بالله العلي العظيم عشر مرات فقد حفظت مكانك في الجنة . 5. وإذا قلت أستغفر الله العظيم الذي لاإله إلاهو الحي القيوم وأتوب إليه عشر مرات فقد أرضيت الخصوم . ما تنسوش التقيم والدعاء |
رد: لا تنام قبل فعل خمس
الأخ العزيز , أين سند هذا الحديث ؟ |
رد: لا تنام قبل فعل خمس
ربنا يجعله فى ميزان حسناتك
|
رد: لا تنام قبل فعل خمس
اقتباس:
وهو ممكن يكون حديث موضوع بس انا او اى حد يقرأه مش هيستغربله فى حاجه يعنى وكمان انا نقله من اجعل صفحه النبى رقمك واحد على الفيس بوك |
رد: لا تنام قبل فعل خمس
سبحان الله وبحمده سبحان الله العظيم
|
رد: لا تنام قبل فعل خمس
اقتباس:
القصه كلها ان الصفحات بتاعه الفيس ديه اكتريه الادمن اللى عليها بينقولو زى البغبغان وخلاص فلو هوه حديث صحيح فأنت هتكون اكدتله وكسبت ثواب لو مش صحيح يبقى هوه اكدلك وساعدك فى انك متنشرش حاجه قد تكون بدعه تحياتى ومتخدش الموضوع بحزازيه |
رد: لا تنام قبل فعل خمس
اقتباس:
قال علي : وكيف ذلك يارسول الله ؟ قال النبي صلى الله عليه سلم : أما تعلم أنك إذا قرأت قل هو الله أحد ثلاث مرات فقد قرأت القرآن كله , وإذا قرأت الفاتحة أربع مرات فقد تصدقت بأربعة آلاف درهم , وإذا قلت لا إله إلا الله وحده لاشريك له , له الملك وله الحمد يحيي ويميت وهو على كل شيء قدير عشر مرات فقد زرت الكعبة , وإذا قلت لا حول ولا قوة إلا بالله العلي العظيم عشر مرات فقد حفظت مكانك في الجنة , وإذا قلت أستغفر الله العظيم الذي لا إله إلا هو الحي القيوم وأتوب إليه عشر مرات فقد أرضيت الخصوم والله يا عم عادل انا جايبها كدا بس اكيد يعنى مش انا الى واضح الحديث دا مثلا وعلى فكره فى مكتبه البيت فى نسخه اصليه من كتاب الالئ المصنوعه فى الاحاديث الموضوعه والله مرايح الدرس ولا خارج من البيت وهفر الكتاب حته حته واديا نبقى كسبنا ثواب وكسبنا كمان مشاركه من عم عادل والدكتور طبعا على عينى وراسى ولو زعل فبجد انا بتأسفله وياريت ميزعلش وانت كمان يا عم عادل ماتزعلش دا حتى يعنى انت كل يوم تملالى الخاص رسايل أسئله واستفسارات وانا مستحمل (والعكس صحيح )وربنا يخليك لينا يا عم عادل ويديم الاخوه بين اعضاء المنتدى |
رد: لا تنام قبل فعل خمس
اقتباس:
اقتباس:
أنا فعلاً ماعرفش الحديث ده صحيح ولا لأ وكنت عايز أتأكد منك لأنى توقعت أنك أكيد عارف بما انك صاحب الموضوع مش المقصود انك تألف حديث ولا حاجة , الحديث لازم يكون ليه سند , يعنى ان فلان رواه عن فلان عن فلان عن رسول الله صلى الله عليه و سلم و كل ده بيكون ثابت فى الكتب الصحيحة للحديث مثل صحيح البخارى و مسلم و الترمذى ........ الخ للتأكد من صحة الحديث . و مش كل حديث على الفيسبوك صحيح مهما كانت الصفحة التى تحتويه اللى مستغرب منه فعلاً هو انك مستهون بأن الحديث ممكن يكون موضوع , ومعتبر دى حاجة عادية و يكفى ان اى حد يقراه مش هايستغربله , (زى ما انت قلت فى مشاركتك) لا يا أخى العزيز , الموضوع مش بالبساطة دى , لازم تتأكد من صحة الحديث قبل نشره لأنك هاتشيل ذنبه و ذنب كل من يعمل به و ينقله عنك وهو غير صحيح كما ان الإفتراء على رسول الله بكلام لم يقله يعد ذنباً عظيماً وفى المشاركة الجاية انا حاهديلك برنامج كمبيوتر يحتوى على الكثير من كتب الحديث الصحيحة التى يمكنك البحث من خلالها عن الحديث المقصود من مجرد كلمة واحدة البرنامج اسمه موسوعة الحديث خالص تحيّاتى |
رد: لا تنام قبل فعل خمس
اقتباس:
مافيش حاجة تزعّل والله , انا عارف انك أصغر منّى فى السن , يعنى أخويا الصغيّر , ولازم يكون ليك حق عليّا أنى استحملك شوية لو اتضايقت و أقدّر انفعالك , و طالما أن الحوار لم يخرج عن حدود الاحترام المتبادل بيننا , يبقى واجبى ناحيتك انى أنصحك لما فيه الخير و أشكر عادل حبيب قلبى لأنه وصّلك وجه نظرى بطريقة بسيطة , لأن عادل عارفنى و عارف دماغى و عارف قصدى ايه من مشاركتى و سؤالى خالص تحيّاتى لكم جميعاً |
رد: لا تنام قبل فعل خمس
أعتذر لأنى مش قادر ارفع البرنامج لكبر حجمه |
رد: لا تنام قبل فعل خمس
يا خواجه ولا اعتذار ولا حاجه
انا بس حسيت انك فهمت الدكتور غلط وانا عارفه فهوه بمثابه اخى الكبير يمكن اكتر وبينا عيش وملح وما اكثر من ذالك بيننا محبه فى الله وعشان كده وضحت الفكره عشان ميحصلش سوء تفاهم وهوه دخل وضح وانا ماكنتش اعرف كم واقدر الذنب لو الحديث غير صحيح وبعدين فكك من الكلام الكبير ده احنا هنا كلنا اخوات يابرنس |
رد: لا تنام قبل فعل خمس
|
رد: لا تنام قبل فعل خمس
اقتباس:
بجد تسلم ايدك |
| الساعة الآن 02:15 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir