|
الراجل ده فعلاً صياد محترم
النهارده يا رجاله طلعت طلعه مع الخلوق الصياد المحنك أ/ محمد محمود و دي تاني طالعه ليه. أنا مش هقول أد إيه أنا إتبسطت و كم الدروس المستفادة من هذا الصياد المخضرم. الله أكبر عليه النهارده إقتنص صقر و يمامتين "هد شوت" و الله العظيم كانوا من مسافات بعيده جداً و ما شاء الله و الله أكبر عليه يأخذوا الرشه من هنا و اتقلبوا علي ضهرهم وقتي من هنا :) . المهم الراجل المحترم أصر برضه و حلف بالله إني برضه هاخد الصيد كله. وخلاني في قمة الخجل من ذوقه. كان في بس حاجه وحشه انهارده و هي إن البرنس أبو شمس ماكنش معانا بس ان شاء الله المره الجايه يكون موجود معانا. شكرًا يا أستاذي/ محمد محمود و أخيراً و ليس أخراً إفتقدناك يا أبو شمس :)
|
رد: الراجل ده فعلاً صياد محترم
ربنا يحميه من العيييييييييييين
|
رد: الراجل ده فعلاً صياد محترم
أ/ محمد من الناس المحترمه جدا بالمنتدى ربنا يباركله
وبعدين مبيبخلش بمعلومات أو مساعده أي حد من الاعضاء وبالتوفيق ان شاء الله يا أ/ عرابي في هوائة الصيد الجميلة |
رد: الراجل ده فعلاً صياد محترم
صياد في قمه الذوق و ارجو انه يرضي عني و يخليني اطلع معاه
|
رد: الراجل ده فعلاً صياد محترم
بصراحة ان معرفش الاستاذ محمد بس من اللى بتحكيه ده يدل على انه انسان فى قمة الاحترام ويسعدنى ويسعد الجميع انهم يتعرفوا عليه
|
رد: الراجل ده فعلاً صياد محترم
اتشرفنا بحضرتك يا أستاذ محمد والله معلش مقدرناش نمشى مع بعض المصانع بقيت شحه خالص الحمام بطل ينزل على الارض الظاهر كده انها اتشهرت اوى والناس بتيجى تخلص :)
عرابى باشا لينا طالعه فى اى مكان تانى بقى مع بعض إن شاء الله وبعدين كنا عاوزين نقف نتصور مع بعض شوية مع الحصيله ده إحنا ضربنا الاسكور النهارده فى التريش والتسقيط برضه :d |
رد: الراجل ده فعلاً صياد محترم
محمد محمود راجل سكره وابن بلد ومبروك عليك الركال ياعم عرابى
وانت اصلا انسان محترم واخلاق |
رد: الراجل ده فعلاً صياد محترم
إن شاء الله يا عمر هتتكرر في مره تانيه بس في مكان تاني :) مع حصيله كبيره و صور كتيره.
|
رد: الراجل ده فعلاً صياد محترم
عدوله حبيبي الصياد الجامد أوي :) ربنا يخليك يا باشا و أنا اللي شكرًا علي ذوقك. أنتم كلكم فعلاً ناس محترمه و ذوق.
|
رد: الراجل ده فعلاً صياد محترم
حسن بك عرابي محمد لا يختلف عليه اتنين و بعدين انا فعلا اللي افتقدتكم و ان شاء الله معاكم الاسبوع القادم |
رد: الراجل ده فعلاً صياد محترم
ربنا يخليك يا عرابى باشا والله بسم الله ما شاء الله عليك يا بنى انت صياد بالفطرة وزى ما محمود شلبى قالك الصيد دة فى الدم مش حاجة تتعلمها هى موجودة جواك
اتشرفت بيك انت وعمر باشا و ان شاء الله فى طلعات جاية بس المرة الجاية هيكون معانا ان شاء الله ابو شمس حبيبى و محمد توتو الصياد الجامد اووى اللى ياما قطعنا الدنيا انا وهو |
رد: الراجل ده فعلاً صياد محترم
إن شاء الله يا محمد باشا يبقي معانا أبو شمس و محمد توتو لأنك عارف ان طلعة النهارده اترتبت في أخر وقت كانت ترتيبه قرب الفجر :) و ملحقناش نقول لحد بس هتتعوض علشان عايز أتفرج عليك انت و توتو و ابو شمس و انتم بتقطعوا بعض :) و طبعاً انا اللي هستفاد لما أشوف صيادين جامدين بيقطعوا بعض و أتعلم منهم. و كمان عايز اتفرج علي الأسطورة توتو اللي جاب الحمامه من علي قرطاس الميه ال ٨٠ متر زي ما كنت بتقولي عليه. المهم أنا فعلاً بعتبر معرفتكم إنت و ابو شمس و توتو و محمود شلبي رزق جميل و نعمه من ربنا :)
|
رد: الراجل ده فعلاً صياد محترم
علي فكره إسمه فنطاس الميه مش قرطاس الميه .. هاهاهاهاهاها :)
|
رد: الراجل ده فعلاً صياد محترم
هى دى اخلاق الصيادين
|
رد: الراجل ده فعلاً صياد محترم
محمد نشنجى محترم بس بيخاف يمسك الصيد وهو صاحى قبل الدبح وهى دى نقطة ضعفة الوحيدة صح ولا لاء يا قناص ...
|
رد: الراجل ده فعلاً صياد محترم
هى الطلعات دى بتكون فين؟ عشان أنا معرفش أماكن كويسه الواحد يصطاد فيها
|
رد: الراجل ده فعلاً صياد محترم
أ/ محمد أحمد العناني، لقد دخلت إمرأه بغي الجنه لإنها سقت كلب و كانت رحيمه به، و دخلت إمرأه النار بسبب قطه، فعمر الرحمه أو التعاطف مع حيوان أو طائر ما كان ضعف أو خوف، بل هو رحمه في قلبك و هي من نعم الله عليك ان تكون رحيم و لك قلب لين علي حال ما أمامك .. اللهم إجعل لنا قلباً رؤفاً عطوفاً ليناً.. مش كده برضه ولا إيه يا صياد ... !!!
|
رد: الراجل ده فعلاً صياد محترم
محمد محمود اسم معناه الرجوله والاخلاص والاخلاق العاليه
شخصيه بجد من اروع وارجل واطيب وانقى الشخصيات اللى انا عرفتها فى حياتى مبارك لك فعلاً صحبته وكمان لما تتعرف على ابو شمس وعنانى باشا وتوتو وباقى تيم محمد محمود |
رد: الراجل ده فعلاً صياد محترم
الرحمة انك تمسك الطير ومتسبوش يتعزب وتزكية بسكين حاد بدل ما تديلة رشة تانية وتبهدلو متلاقيش فية حاجة للاكل ويبقى قتلتو عبس وتاحد علية زنب لان اساس الصيد للاكل وليس للعبث.
|
رد: الراجل ده فعلاً صياد محترم
أ/ محمد أحمد عناني، للعلم محمد محمود هو اللي ذبح كل اللي إصتدناه النهارده لأني علشان جديد قالي تعالي أوريك هتدبح الصيد إزاي ..
|
رد: الراجل ده فعلاً صياد محترم
و علي فكره أنا شويت كل اللي إصتدناه النهارده و أكلته.. يعني الحمد لله لا كان عبث و لا حاجه
|
رد: الراجل ده فعلاً صياد محترم
بالهنا والشفا .............
|
رد: الراجل ده فعلاً صياد محترم
اقتباس:
بس لما انت او توتو او ابوشمس بتكونوا معايا انتوا اللى بتدبحوا بس الحمدللة انا لما باكون لوحدى او معايا حد لا يعرف الذبح بذبح انا وهفكرك من سنة كنت انا وانت و سيد خالد عند العمرانية وكنت انت و سيد بتلفوا وراء الحمام ولما رجعتوا كنت انا اصدت فردين يمام و سميت و دبحت علشان انتوا مكنتوش جنبى وقتها وعلى فكرة برضة العملاق طلعت بخيت ما بيحبش الذبح برضة وعلى العموم الاصدقاء لازمتهم اية يا كبير واحنا كلنا بتعلم منك يا ابو احمد |
رد: الراجل ده فعلاً صياد محترم
لا العفو يا قناص.... فوق ذو علم عليم واحنا كلنا بنستفاد من بعض .والى مبيعرفش يدبح بيدبح .. وبالتوفيق ومزيد من التألق ...
|
رد: الراجل ده فعلاً صياد محترم
ربنا يوفقكم و يديم المعروف بس قتل الصقر حرام شرعا لان مش هتاكلوه ولا هتعملو بيه حاجه ولا ايه
|
رد: الراجل ده فعلاً صياد محترم
اقتباس:
|
رد: الراجل ده فعلاً صياد محترم
المهم النيه. لو خطاء ان شاء الله ربنا يعفو عنا
|
رد: الراجل ده فعلاً صياد محترم
تحياتى للجميع وفعلا انا مشفتش أ.محمد محمود الا مره واحده يوم الخميس بس والل من اول مره تتكلم معاه تحس انه محترم وانسان بسيط وبيرد على اسئلتك رد واحد خبير.
|
رد: الراجل ده فعلاً صياد محترم
ماشى يا عم محمد سهلة وبسيطة انا مبعرفش ادبح دة انا لسة دابح عجل هايج بتاع واحد جزار جنبى بموس الحلاقة
|
رد: الراجل ده فعلاً صياد محترم
مفيش كلام ينفع يتقال تانى بعد كل الى اتقال
غير محمد محمود ذوق وراجل بمعنى الكلمه وربنا يقربنا واشوفه قريب |
| الساعة الآن 02:28 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir