بسم الله الرحمن الرحيم

زى ما العنوان واضح طلعت النهارده بالرش الجديد الى كنت كاتب عنه فى الموضوع اسمه هدف مان مصرى العلبه ب 3 جنيه رشه جميله جدا ونضيفه ومظبوطه الحصيله كانت 20 فرد يمام و3 فراخ ميه والبندقيه شنجهاى بى 3 وحصل معايه النهارده كام مواقف غريبه جدا ومش هانساها وهاقولكم عليها

اول موقف حصل معايه فرخه من الى انا اصطدها لمحتها من بعيد وبعدين جريت واستخبت تحت الخوص والهيش الى فى الميه ومش شايفها خالص ومش شايف حاجه اصلا وفضلت واقف دقيقه كده يمكن اشوف اى حركه مافيش وبعدين رحت موجه البندقيه نحيت الهيش ده وضربت من غير ماصنف عشان تجرى ولا تطلع لاقيت حاجه فرفرت وطلعت وكانت الفرخه والطلعه جت فيها ماكنتش مصدق وكنت هاتجنن وموقف مش هانساه طول عمرى

تانى موقف وده اتكرر معايه مرتين سبحان الله ضربت يمامه فوق بيت مش عالى وبعدين جت فيها وطارت الناحيه التانيه لفيت عشان اشوفها مالقنهاش وبعدين كان فيه شجره جبنا من عليها يمامتين واحنا راجعين لاقيت يمامه قدامى فى الشارع وكانت هيه والى اكد لى ان لسه دمها سايل وكانت دافيه ونفس الموقف حصل معايه فى جنينه صورها واطى جدا يادوب تعدى من فوقه برجلك وكنت ضارب يمامه على شجره ووقعت تحتها وفضلنا ندور يجى عشر دقايق مالكناش حاجه واحنا ماشين لاقيناها قدامنا فى الشارع وقعت بره السور مع انى رحت وجيت مرتين فى الشارع ده وهو كان ضيق جدا سبحان الله رزقك بيجى لحد عندك

المهم دوشتكم اسيبكم مع الصور


العبد لله

http://img560.imageshack.us/img560/6306/07202012147.jpg

محمد جارى والى بيطلع معايه كل مره

http://img832.imageshack.us/img832/9307/07202012146.jpg

http://img713.imageshack.us/img713/1133/07202012145.jpg

http://img714.imageshack.us/img714/9682/07202012143.jpg

http://img42.imageshack.us/img42/9263/07202012144.jpg

http://img9.imageshack.us/img9/5413/07202012140.jpg

http://img823.imageshack.us/img823/9802/07202012142.jpg