|
مشكله ديانا 350
السلام عليكم ورحمه الله وبركاته
الحمدلله على اشتراكى بهذا المنبر المتميز بعالم الصيد والذى يوفر لكل هاوى المعلومات الكامله بعالم الصيد . واجهت مشكله مع ديانا ماجنوم 350 وهي عدم تعشيق البنندقيه عندما اكسرها ترجع كما كانت ولا يحدث تعشيق ارجوكم افيدوني في هذه المشكله ولكم جزيل الشكر والاحترام |
رد: مشكله ديانا 350
اتمنى من خبراء الصيانه يفدووك :)
|
رد: مشكله ديانا 350
عليك وعلى الأستاذ محمد وفيق دور عليه وابعتله في الخاص
ده يعتبر بالبلدي صنايعي الديانا 350 بكل انواعها وتحياتي لك |
رد: مشكله ديانا 350
خد بالك في زي لسانين عن مجموعة الزناد ممكن تكون ركبتها بالعكس واي حاجه انا هتابعك في الموضوع ده باذن الله
|
رد: مشكله ديانا 350
طول عمرك جامد وعمرك متأخرت على حد فى السؤال تحياتى لك
|
رد: مشكله ديانا 350
فعلا عمره ما بيتأخر على مساعده حد
ده انا كنت لسه جديد فى المنتدى واحتجت حاجه اتصل بيا يجى تلت ساعه يشرحلى بجد منتهى الاخلاق |
رد: مشكله ديانا 350
اقتباس:
اقتباس:
يا جماعة محمد شخص محترم جداً و شهم و أخلاقه عالية بجد |
رد: مشكله ديانا 350
اقتباس:
+11111111111111 وجدع وقلبه ابيض وصاحب صحبه وابن ناس ومن بيت اصيل |
رد: مشكله ديانا 350
الحمد لله على كل شى يارب زيدني تواضع وكمان كلكم ناس محترمه تستاهلوا كل خير وتستاهلوا اكون تحت امركم تقبلوا تحياتي
|
Re: مشكله ديانا 350
الف شكر ليكم كلكم وربنا يبارك فيكم
بس ياريت تتموا جميلكم بفيديو او صور تشرح طريقه تركيب الزناد واكون شاكر ليكم وبارك الله فيكم |
رد: مشكله ديانا 350
ان شاء الله هعمل فيديو لفك و تركيب البندقيه قريبا
|
رد: مشكله ديانا 350
بص هو الموضوع سهل مش صعب بس هى الفكرة يكون عندك الحته الفنيه هاقولك على حاجه بسيطه تجربها وتقولى اكسر الماسورة وخليك كاسرها ورجع الزناد بأيدك للامام وشوف هتعشق ولا لا لو عشقت يبقى عندك سوسته الزناد مش مظبوطه ممكن تكون مكسورة مفكوكه حاجه كدة يعنى
|
رد: مشكله ديانا 350
اخى الحبيب
المشكلة دى حصلت مع واحد صاحبى وفكينا البندقية وفكينا الزناد ووجدنا ان فى قطعة داخل الزناد انكسرت (وهى القطعة اللى بتنقل الحركة من البستم لتعشيق الزناد) ولما ركبنا زناد جديد انكسر تانى بعد حوالى 25 رشة فقط وفى نفس القطعة واكتشفنا السبب وهو ان الجسم المعدنى للبندقية اصبح بيلق داخل الخشب وده بيخلى السوستة عندما تدفع البستم للخلف عشان يدخل جوا الزناد ويعشق اللسان بيكون لسه فى فراغ حوالى واحد ملى متر خلف الزناد وده بالتالى بيدفع هذه القطعة اللى بتنكسر للخلف اكثر من طولها الاصلى وبيكرر نفس العزم عليها اثناء ارتداد السوستة وانتا بتضرب ومرة ورا التانية القطعة دى بتنكسر والحل على قد ما شفت وعرفت من هذا الموقف هو تغيير هذه القطعة او حتى لحامها لحام جيد لو لقيت صنايعى وحشر حتة ورق مقوى مطبقة ثلاث تطبيقات مثلا لتعطيك سماكة واحد ملى بعد الانضغاط تحطها تماما خلف القطعة البلاستيك اللى بيخرج منها الامانمابين هذه القطعة وبين الخشب وهتكون مدارية تحت مش هتبان هتلاحظ بمجرد وضع هذه التخشينة ان الحديد بطل يلق جوا الدبشك اثناء التعمير وان شاء الله مش هتنكسر معاك تانى دى نصيحتى وارجو انها تفيدك والسلام |
| الساعة الآن 10:23 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir