|
بتحب تضرب بنمرة واحد ولا إثنين ( موضوع للمناقشة)
تضرب بالنمرة واحد ولا إثنين موضوع للمناقشة
ياريت كل واحد يقول الى بيحب يضرب بية ويقول الأسباب ويسرد تجاربة مع العيارين ويقول إستخدم أنهى بندقية مع العيار الى ضرب بية لكى يستفيد الجميع |
رد: بتحب تضرب بنمرة واحد ولا إثنين ( موضوع للمناقشة)
انا بضرب بgamo cf 20 نمرة اتنين على طول وصوتها قوى وقوية ماشاء الله جربت اكتر من مرة المعادى نمرة 1 صوتها ضعيف جدا تحس انك معاك بندقية خرز وضعيفة اوى وتحس ان شكلها العام تعبان
|
رد: بتحب تضرب بنمرة واحد ولا إثنين ( موضوع للمناقشة)
العيارين لا غنى عنهم لاى صياد انا باضرب بالهانتر والكرال نمره 2 وصيدهم قوى حتى فى اضعف مناطق التصويب على الطير وباضرب بالسلافيا 631 نمره 1 وهى موس فى نيشانها ولكن تتطلب اختيار اقوى اصابه للطير وغالبا ما تكون الراس وذلك يتتطلب تحكم اكثر فى النفس ومهاره فى التصويب اكثر واى صياد يحب الهوايه ويقدرها لازم تلاقى عنده العيارين موضوعك شيق والكلام فيه مش هايخلص تمنياتى بالتوفيق تقبل مرورى ولك التحيه
|
رد: بتحب تضرب بنمرة واحد ولا إثنين ( موضوع للمناقشة)
رغم اني معايا بندقية 2 لكني مغرم جدا بالعيار 1 لأنه فعلا بيعلم الدقة في النيشان جدااااا
|
رد: بتحب تضرب بنمرة واحد ولا إثنين ( موضوع للمناقشة)
احييك على الموضوع انا شخصيا معرفش امسك بندقية نمرة واحد مش عارف لية مش لاقى نفسى فيها كنت بستخدم بندقة bsa قناصة فى نمرة 2
|
رد: بتحب تضرب بنمرة واحد ولا إثنين ( موضوع للمناقشة)
أنا كل اللى استخدمته كان نمرة 2 .. بس بيعجبنى فى نمرة 1 انى دايما بلاقى البنادق بتاعتها أسرع.
|
رد: بتحب تضرب بنمرة واحد ولا إثنين ( موضوع للمناقشة)
انا استخدم العيارين ونمرة واحد افضل فى تجربتى الشخصيه فى الاصابه وبتقفل حمام ويمام كتيييييييييير من مسافات وكذالك نمرة اتنين ومحدش يقدر يحكم برئيو على الناس كلها فى ناس بتعشق نمرة واحد وفى ناس بتحب نمرة اتنين وفى الاخر كلو بيضرب وبيصطاد والله ههههههههه
|
رد: بتحب تضرب بنمرة واحد ولا إثنين ( موضوع للمناقشة)
بستخدم النمره 2 مع اى شئ لانها قويه وتحدث ثقب اكبر فى الطيور
|
رد: بتحب تضرب بنمرة واحد ولا إثنين ( موضوع للمناقشة)
الموضوع محل جدال لكن العيار المنتشر علي مستوي العالم في الطير هو نمرة 1 لسرعته و بيجيب مسافات اكبر... لكن عاما انا بضرب 2
|
رد: بتحب تضرب بنمرة واحد ولا إثنين ( موضوع للمناقشة)
الطلقة نمرة واحد خطيرة جدا بس دة يتوقف على قوة البندقية يعنى الطلقة نمرة واحد لما تضرب من بندقية رمسيس غير لما تضرب من بندقية هاى باور انا تجربتى مع العيار واحد من سنين طويلة مع البندقية bsa مفييش حاجة ما ضربتهاش اليمام والحمام وفراخ المية والثعالب ومرة كنت بهوش قطة من على مسافة تقريبا عشرة متر وكانت الصدمة القطة ماتت كانها يمامة وسعات كتيير الواحد يضرب الهدف والطلقة تنفد منة ويخدها ويطير ودة بيحصل مع العيارين الواحد والاتنين . الطلقة الواحد سرعة الاختراق ليها علية جدا لصغر الحجم والسرعة اما الاتنين اصبتها اكبر لكن اخترقها للهدف بطيء على المسافات
|
رد: بتحب تضرب بنمرة واحد ولا إثنين ( موضوع للمناقشة)
لا غنى عن العيارين يعنى لو الواحد عايز عصافير ويمام نمرة واحد افضل مع الاعتبار ان البندقية تكون كويسة متوسطة القوة على الاقل اما لو هاتضرب على حاجات اكبر يا ريت يكون عيار نمرة اتنين_الواحد زى الموس واالاتنين زى خبطة الشومة_هههه_ شوف انتة محتاج اية
|
رد: بتحب تضرب بنمرة واحد ولا إثنين ( موضوع للمناقشة)
هو فعلا علي حسب نوع الطريده بتختار العيار بس انا عن نفسي بفضل نمره اثنين لاني التاثي بتهعها قوي ومبتسرقش الطير الا لو المسافه قريبه وبضربها بالديانا 52 والكرال وبقالي فتره من ساعه لما جبت الكرال وانا مبستخدمش غيرها
|
| الساعة الآن 04:29 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir