|
بندقيه كرال كسر زيروا تاريخ شراء 11-1-2012
1 مرفق
بندقيه كرال كسر زيروا استخدام علبه رش
تم فكها وتنظيفها وتشحيمها لايوجد اي مشاكل بها بالكرتونه والفاتوره اتضرب بيها نص علبه طلق او اقل سبب البيع محتاج فلوس مطلوب 1000ج نهائي 0149051010 |
رد: بندقيه كرال كسر زيروا تاريخ شراء 11-1-2012
ليك رساله ع الخاص
|
Re: بندقيه كرال كسر زيروا تاريخ شراء 11-1-2012
ازيك يا فيصل؟مش دي الي انا بعتهالك وكانت استعمال اسبوع واحد؟
|
رد: بندقيه كرال كسر زيروا تاريخ شراء 11-1-2012
بالتوفيق فى البيع
|
رد: بندقيه كرال كسر زيروا تاريخ شراء 11-1-2012
بالتوفيق فى البيع ان شاء الله
|
رد: بندقيه كرال كسر زيروا تاريخ شراء 11-1-2012
بالتوفيق في البيع وسعر كويس جداً
|
Re: بندقيه كرال كسر زيروا تاريخ شراء 11-1-2012
موفق ان شاء الله في البيع
|
رد: بندقيه كرال كسر زيروا تاريخ شراء 11-1-2012
بالتوفيق انشاء الله
|
Re: بندقيه كرال كسر زيروا تاريخ شراء 11-1-2012
يا جماعة البندقية دي كويسة ومضربتش كتير انا بعتهالو بعد ما اشتريتها باسبوع بالظبط
|
رد: Re: بندقيه كرال كسر زيروا تاريخ شراء 11-1-2012
اقتباس:
+11111111111111111111111111 |
رد: بندقيه كرال كسر زيروا تاريخ شراء 11-1-2012
موفق في البيع انشاء الله ربنا يحسن سوقها
|
رد: بندقيه كرال كسر زيروا تاريخ شراء 11-1-2012
العرض لسه ساري
|
رد: بندقيه كرال كسر زيروا تاريخ شراء 11-1-2012
انا نازل باذن الله يوم الحد بليل
|
رد: بندقيه كرال كسر زيروا تاريخ شراء 11-1-2012
بالتوفيق ان شاء الله
|
رد: بندقيه كرال كسر زيروا تاريخ شراء 11-1-2012
حد مسح مشاركه عادل عبده على فكره !
|
رد: بندقيه كرال كسر زيروا تاريخ شراء 11-1-2012
اقتباس:
|
رد: بندقيه كرال كسر زيروا تاريخ شراء 11-1-2012
اقتباس:
اصل وانا بربط على مسمار الدبشك اللى قدام الدبشك اتشرخ وانا بعتها لواحد على العيب ده ومرضدتش اغفلك وابليك بيها ودلوقتى هوه بيبيعاها من غير ما يكتب انها فيه عيب وده يعتبر غش للناس وانا مبحبش الغش ولو فعلا زى ما الراجل صاحبها بيقول انها كويسه يبقى صاحبها كان بيشتغلنى وانا مش هعرفه تانى لو بيشتغلى وفى حد مسح الكومنتات بتعتى وساب الكومنتات اللى بتقول البندقيه كويسه وده مينفعش |
رد: بندقيه كرال كسر زيروا تاريخ شراء 11-1-2012
اقتباس:
بس هو ممكن حد يشيل مواضيع الا من الادارة |
رد: بندقيه كرال كسر زيروا تاريخ شراء 11-1-2012
اقتباس:
وانا عملت كده عشان محدش من الناس الجديده بيبقى كل تحويشه عمره ونفسه يجيب بيه بندقيه ولو اتغفل فيها بيكره كل الناس وبيعتبرهوم غشاشين وبيكره نفسه والهوايه وبيتصدم فى اول رحلته كصياد وحصلت معايا وانا فى مدخل الهوايه ومش هقدر انساها ولا انسى اللى عمل الموقف ده معايا وبرده حصلت مع صديق ليا وكان دائما يتذكر الموضوع ويحمل همه وكان مقدار زعل وضيق ليه مع انهه مقتدر يرمى البندقيه ويجيب غيرها اشحل بقى العالم الغير قادره على العموم انا ولا اعرف فيصل ولا اعرف ناس كتير جدا فى المنتدى انما كل هدفى لو هى فعلا مشروخه وفيصل يعرف ومش قايل يبقى ربنا ميوفقوش فى الضحك على حد ولو صحابها كان بيضحك عليا يبقى مش هعرفه تانى وانا اصلا كنت بخدمه لله فى لله دون انتظار اى شئ وشكرا |
رد: بندقيه كرال كسر زيروا تاريخ شراء 11-1-2012
اقتباس:
|
رد: بندقيه كرال كسر زيروا تاريخ شراء 11-1-2012
كلامك والله يا عادل بك (تمام من غشنا فليس منا ) وياريت اى حد يبيع حاجة يقول عيوبها قبل مميزاتها اولا للأمانة والمباركة له الرزق بألحلال وثانيا علشان فية ناس بتعتبر العروض دى استكشاف للأسعار لنفس السلعة وبيقرنوها بحجات زيها من غير ما يعرفو العيب وبيستشهدوا كمان بيها وان دة سعرها وطبعا دة ظلم للبائع لأنة بينزل سعر حاجتة لما بيلاقى ان هو ده سعر السوق لو مضطر يبيع الكلام دة مش لحد معين الكلام لينا كلنا ومع الأسف فية ناس لما تنوى تشترى تبخس الحاجة فى مشاركتها علشان تشترى رخيص فيما بعد ومبتفكرش انها هتيجى يوم وتبيع وبردو فية ناس لما تيجى تبيع تعمل مشاركات علشان ترفع سعر الحاجة الى عايزة تبعها وتبيع غالى فيما بعد مع ان الرزق محدد والرزاق واحد انما يا عادل بك ازاى يتحذف لك مشاركة اذا كان انت ادارى هههههههه اما الأعضاء تعمل اية بس احيك على امانتك ويا ريت الناس كلها تكون بهذة الأخلاق
|
رد: بندقيه كرال كسر زيروا تاريخ شراء 11-1-2012
الراجل بيقول ان البندقية والعلبة والفاتورة بتاعتها ازاى تكون تانى يد وبالفاتورة ارجو التوضيح .
|
رد: بندقيه كرال كسر زيروا تاريخ شراء 11-1-2012
اقتباس:
وربنا يصلح احوالنا جميعا |
رد: بندقيه كرال كسر زيروا تاريخ شراء 11-1-2012
اقتباس:
|
رد: بندقيه كرال كسر زيروا تاريخ شراء 11-1-2012
اقتباس:
|
رد: بندقيه كرال كسر زيروا تاريخ شراء 11-1-2012
بالتوفيق فى البيع ان شاء الله
|
رد: بندقيه كرال كسر زيروا تاريخ شراء 11-1-2012
اقتباس:
111111111111111111111111+ يعني واحد زي لسة جديد لو لبست اي حاجة بايظة هزعل فعلا وهيحصلي كل الي عادل بية قال علية ربنا يعلم بحترمك قد اية يا عادل وربنا يقدم الي فية الخير ( ملك الكرال والصيد :d ) عقابل لما نبقي حتة صغيرة كدا من الناس الحلوة دي |
رد: بندقيه كرال كسر زيروا تاريخ شراء 11-1-2012
طيب دلوقتى فيه امرين ان يكون البائع غشاش او مضحوك عليه وفى الحاله ديه فصديقك يا استاذ عادل هو الغشاش
فى كلا الحالتين لابد من توضيح الاخ صاحب الموضوع عشان بكل حال من الاحوال كده حرام وانا فهمت قصد حضرتك فى الكلام السابق انت كنت بتحاول تبين الموضوع بس بصورة شيك شوية "انا بقصد الكلام المحذف" ويكون مش كلام جارح ولا مقصود |
Re: بندقيه كرال كسر زيروا تاريخ شراء 11-1-2012
يا شباب طيب متريحوا دماغكوا والي عايز يشتريها يفحصها كويس
قبل ما يخدها وخلاص وخلص الموضوع علي كده |
رد: بندقيه كرال كسر زيروا تاريخ شراء 11-1-2012
اقتباس:
بس انا شرحت برده وجهه نظرى ومنكرش انى زعلت من مسح كومنتاتى وزعلت جامد كمان وانا لو ليا غرض وعاوز اخدها او ما الى ذالك عشان عارف الناس تفكيرها هيروح فين كنت قولت سعرها اللى خدها بيه وربنا يعلم انى عارف قصه حياه البندقيه ديه من اول ماخرجت من عند السجلابى اللى فى الجيزه وخرجت بكام ومعاها ايه وضربت كام رشايه ونوع الرش كمان لحد ما راحت لاستاذ فيصل وعاوز اقول برده انى بايع اختها وكان الدبشك فيه شرخ كبير وواضح وبعتها ب900 جنيه يعنى مابعتهاش بتمن قليل بس كنت كاتب انهه فى شرخ ولما الراجل جهه يستلمها ومخدش باله من الشرخ وهوه ماشى قولتلوه لو سمحت يا استاذ البندقيه ديه فيها شرخ وفى الحته ديه قالى يا باشا كفايا انها منك من الاخر وعشان محدش ياخد كلامى على مزاجه انا كل اللى يزعلنى ويضايقنى وهقف قدامه بالمرصاد ان حد يغش حد وخصوصا لو كانت سلعه مطلوبه ومن المبتدئين قبل المحترفين وبرده بالتوفيق للاستاذ فيصل لانى افترض فيه حسن النيه |
رد: بندقيه كرال كسر زيروا تاريخ شراء 11-1-2012
اقتباس:
وانا معاك يا برنس كلنا ايد واحده يا دوله قصاد الغش |
رد: بندقيه كرال كسر زيروا تاريخ شراء 11-1-2012
السلام عليكم ورحمه الله وبركاته انا ممتنع ولكن يجب ان اشهد شهاده حق استاذ فيصل ماعرفوش ولكن اللى اعرفه عارض مسدس ساقيه تركى ب 1300 تقريبا واسمه مستعمل حتى لو ما استخدمش وثمنه جديد 1200 بمشتملاته - خزنه البرتا رخيصه جدا الصراحه بس ماحدش عارف قيمتها فلسه ماحدش اشتراها المنجله تحفه نادره ولسه ماحدش اشتراها لاننا جهله ومانعرف قيمتها تتبعوا عروضه ستجدونها مفيده للجميع واسعار ممتازه - الساكت عن الحق شيطانا اخرس اتمنى من الاستاذ محمد محمود والاستاذ طارق والاستاذ كريم والساده مشرفين 1-2-3- والاداره مراجعه السلعه والسعر لمنع اى نتيجه سيئه تحياتى للاستازين محمد سعيد وعادل عبده ولجميع المشاركين وا - لصاحب الموضوع وبالتوفيق فى البيع
|
رد: بندقيه كرال كسر زيروا تاريخ شراء 11-1-2012
الله يبارك فيك يا استاذ عادل عبدة انت وكل انسان يخاف من الله ويخاف على اخوانه ولا يقبل لهم ما يكرهه لنفسه وربنا يهدى الجميع
|
Re: رد: بندقيه كرال كسر زيروا تاريخ شراء 11-1-2012
اقتباس:
للتوضيح المسدس دا انا عرضته قبل ما التجار كلهم ينزلوا للسعر دوت وكان واقف غالي وسعره وقتها غالي وللعلم المسدس اتباع بس انا نسيت اقفل الموضوع وبعته ب ب 1050ج اول مرجعت قلبت البندقيه واعت أفلي فيها حته حته ادور علي اي شروخ او اي حاجه ملقتش وابص من جوا ومن برا مفيش خربوش فيها بس هنفترض اسوأ الأحوال بالنسبه للبندقيه الي اشتراها قلتله بص عليها كويس قلبها لمين وشمال لو فيها شرخ ضاهري متاخدها ش ولو رجعت ولقيت حاجه مش باينه هرجعله 100ج البندقيه الحمد لله ان امحافظ عليها جدا وبلمعتها تقريبا مستخدمتهاش وعلي ما اقول شهيد فعلا بس انا بصراحه مشلتش الفبره الي نحيت المسامير الي قدام لاني معرفش فلو فرضنا ان في شرخ تحتيها مع اني بصيت عليها من جوا البندقيه كويس جدا فهنزله ال 100ج بالنسبه للفاتوره الفاتوره مختومه بأسم المحل وصاحب البندقيه وانا واخدها منه فعلا جديده والراجل الي بعهالي مدحكش عليا وانا للعلم الي من النوع الي بيدقق في الحاجه ولو كان فيها خربوش كنت هعرف وبصراحه ان ازعلت من الناس الي دخلت تشوه في البندقيه كانهم شافوها فعلا الي يتكلم عن حاجه يريت يكون شافها بعينه مش فلان حكالي ولا فلان قالي شوف بعينك وبعد كدا ليك الحق انك تقول لكن تخش تبوض موضوع حد حتي مع حسن النيه بس تبقا النصيحه مش كدا في ناس بتبقا داخله ولاتعرفني ولا تعرف حد من المنتدي اول ميشوفوا مشاركه زي كدا عرطول يقفلوا الصفحه ويمشوا ويبقا انا كدا حجتي اتعطلت وخلاص وعامتا شكرا لكل الي شارك في موضوعي |
Re: رد: بندقيه كرال كسر زيروا تاريخ شراء 11-1-2012
اقتباس:
أستاذ عادل اقدر فيك موقفك بس في نقطه مهمه ممكن حضرتك متكونش اخدت بالك منها وبالنسبه للراجل الي انتا قلت انه قالك ان فهيا شرخ لو افتضرنا حسن النيه كتير بيبقا لينا اصدقاء علي المنتدي بس مثلا تجار او مش هورين ومحترفين فالواحد بيبقا عايز يبيع الحاجه لأعلي سعر فلو فرضنا ان حاجه ب 10ج اكيد التاجر او القديم والمحترف هياخدها ب 7ج مثلا والمبتدأ والي مش قديم هياخدها بالسعر المتوسط 9ج او 10ج فأحيانا بيفضل بيعها لواحد عادي لان اغلبنا بيبقا جايب الحاجه ودافع فيها مبلغ وعايز لما يبيعها يبيعها بسعر كويس لان الجنيه بيفرق وحب لأخيك ما تحب لنفسك ممكن يكون الراجل مرضاش يبعهالك لانك بتتكلم في سعر قليل وبعهالي انا كل شيء وارد وبتحصل كتير والبيع والشرا مفيهوش زعل اكيد انتا كمان لو جايب حاجه ب 10ج وعايز تبيعها ب 8 وواحد قالك اخدها ب 5 اكيد مش هتبقا مبسوط وفي نفس الوقت لو حد قالك 8 اكيد هتبعها للراجل الي قالك 8 الواحد بيبيع بندقيه عشان يجيب حاجه احسن او يفك سزنقه فاكيد محتاج كل جنيه فارق بس انا فعلا اعرف ناس الواحد يبقا عارض الحاجه ب 10ج واحد يقله 5 جنيه وبصراحه لما الواحد بيتزنق بيبيع مبتبقاش فارقه وكله عن تراضي |
رد: Re: رد: بندقيه كرال كسر زيروا تاريخ شراء 11-1-2012
اقتباس:
فسصل باشا انت برده فهمتنى غلط وانا مش بتاجر ولا ببخس الناس اشيائها وانا مش داخل هنا عشان زعلان ان الراجل مبعهاليش عشان لو على الكرال انا اكتر واحد جاب وغير كرال فى المنتدى والحمد لله من خشب لرمايه لغيره لغيره واحب اقولك ان صاحب البندقيه الاصلى بعد موضوعك ده اكدلى الكلام يعنى مش كان بيزوغ منى عشان فرق التمن وقالى انك انت اللى حدت تمن البندقيه وانهه مختلفش معاك فى حاجه وانا مش بطفشلك زباينك يا أ/فيصل انا بس اللى زعلنى انك كاتب ان البندقيه مفكوكه ومتشحمه ومتظبطه يعنى انت فكتها وظبتطها يعنى اكيد شوفت الشرخ لان الراجل حلفلى انه وهوه بيربط المسمار اللى قدام سمع فرقعه فى الربط فاللى زعلنى وخصوصا منك انك مكتبتش الحته ديه خصوصا انك كاتب انها متشحمه ومتظبطه فالمفروض والطبيعى جدا انى افهم انك فكيتها وظبطتها يبقى شوفت الشرخ ولو انت بتقول انها متظبطه بناءا على كلام صاحبها يبقى من الاولى انك متقولش فى التعليق السابق لازم الواحد يشوف الحاجه قبل ما يتكلم وانت بتعمل كده على العموم حصل خير وربنا يكرمك فى بيعها بدل انت حسن النيه ويوفق كل واحد لما فيه الخير ارجو انك برده متخدش كلامى على الجانب الشئ |
رد: بندقيه كرال كسر زيروا تاريخ شراء 11-1-2012
استاذ فيصل المسدس دا طول عمره عند المدمر مفتوح ب1250 وحضرتك كنت بتقول لواحد فى موضوعك سعره 1700 مقفول ;) وحضرتك عارف ان الساقيه كله عيوب والمسدس دا بالذات الساقيه بترحل لوحدها عموما خلى بالك المره القادمه - على فكره انا عندى كلمتين لازم اقولهملك وماتزعلش اسعارك مابتعجبنيش - وخياليه
|
رد: بندقيه كرال كسر زيروا تاريخ شراء 11-1-2012
اقتباس:
الراجل ده بيتكلم كلام زى الفل ولو واحد جديد فى الصيد دفع كل الى حيلته فى بندقية واتكسرت منه بسرعة او كانت فيها عيب مبيحبش انو يكمل فى الصيد تانى طول عمره وحصلت معايا بجد بس مش فى البنادق (مع العلم انى كنت قادر على تغفيل شخص اخر بس استحرمت انى اعمل كده فى اى حد) وشكرا على امانتك يا اخ عادل |
رد: بندقيه كرال كسر زيروا تاريخ شراء 11-1-2012
--------------------------------------------------------------------------------
سعر جميل جدا ومناسب بالتوفيق |
رد: بندقيه كرال كسر زيروا تاريخ شراء 11-1-2012
--------------------------------------------------------------------------------
سعر جميل جدا ومناسب بالتوفيقبالتوفيق في البيع وسعر كويس جداً |
رد: بندقيه كرال كسر زيروا تاريخ شراء 11-1-2012
بارك الله للشاري و البائع
|
| الساعة الآن 10:01 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir