المرازيق
 

السلام عليكم ورحمة الله و بركاته .. النهارده يا رجاله افتقدت مُعلمي و أستاذي في الصيد أ/ محمد محمود لأنه عنده ظروف و معرفناش ننزل النهارده. و بما إني كنت زهقان و شوفت في الشغل أسبوع غير أدمي فكنت هموت و أنزل أصتاد النهارده. المهم ربنا كرمني و نزلت مع أ/محمود شلبي ورحنا قريه جميله جداً إسمها المرازيق. أجمل ما كان في اليوم الطعميه و العيش الفلاحي اللي إشترناهم من الفلاحين هناك. المناظر هناك يا جماعه حاجه سبحان الخلاق. أول ما دخلنا البلد جاتلي حالة صدمه من مئات الحمام اللي ماشي علي الأرض و واقف في كل حته .. و الله الحمام هناك أكتر من البني أدمين :) . طبعاً كلكم هتقولوا يا بن المحظوظه .. المهم أول ما شفت الحمام لسه هرفع البندقيه لقيت محمود شلبي بيصوت و بيقولي نزل البندقيه يا مجنون!!.. و قالي إني لو ضربت فرد واحد البلد كلها هتضرب عليك نار .. لأن الحمام هنا عندهم زي عرض البنات بتاعتهم هاهاهاهاها.. قالي هنا تضرب أي حاجه ألا الحمام :) . و فعلاً طول ما إحنا ماشين الناس تقولك حمام لا أنت فاهم :) و طبعاً قلت ايوه فاهم :) . أما بالنسبة للأطفال هناك ما شاء الله يعلموك الأدب لأنهم بيفضلوا ماشين وراك و متتبعينك ولا جهاز الجي بي اس .. هاهاهاها.. المهم قضينا يوم ظريف جداً في الضرب علي اليمام و فراخ الماء .. و ضربنا صحبيه مع الحمام .. هههههههه.. بس للحق أهل البلد ظراف و مضيفين جداً. أنا بكتب الموضوع ده علشان أشكر النجم محمود شلبي و علشان أقول لمحمد محمود أنا زي اليتيم من غيرك يا كبير :). و أخيراً و ليس أخراً أنا لسه بفكر في الحمام اللي أنا سبته هناك :). متنسوش بقي أحلي تقييم يا رجاله :) العبد لله لسه صياد جديد :)

رد: المرازيق
 

رد: المرازيق
 

اققفش محمود شلبى النهارده هيزعل منى :d نزل من غيرى بس انا نزلت مع ابن عمته ههههههه
احساس وحش اوى يا عرابى حاسس بيك والله عامة احلى حاجة فى اليوم المواقف اللى بتحصل مش الصيد نفسه

رد: المرازيق
 

ياعم عالم ليها رزق ونجوم وعالم ليها خمقه ونوم
اللى اداك يدينا ياسيدى
الله يسهلك ياعم وبلاش احنا



ملحوظه :ده مش قر
ده حسد

رد: المرازيق
 

شكرًا يا بشمهندس محمد علي ذوقك :)

رد: المرازيق
 

رد: المرازيق
 

و الله فعلاً يا عمر عندك حق أحلي حاجه المواقف اللي بتحصل :)

رد: المرازيق
 

إزيك يا عدوله وحشني والله .. إن شاء الله يبقي لينا طلعه مع بعض نتعلم منك يا كبير :)

رد: المرازيق
 

تتعلم ايه بقى ياعم عرابى
اللى على على ياعم وانت نسيتنا خلاص

بجد انا مبسوط ليك اووووى ومبروك على اليوم الجميل ده

رد: المرازيق
 

شكرًا لذوقك يا باشا :)

رد: المرازيق
 

يا عدوله متخزيش العين عنك .. الكل عارف إنك صياد جامد أوي :)

رد: المرازيق
 

يا عم حسن الله يسهلك نزلت مع محمود شلبى وانا بقالى سنة نفسى انزل معة
ماشى يا عم قليل البخت يلاقى العضم فى الكرشة هههههههههههههه
بس انت برضة بقات صياد تمام والله دا انت يا عم من اول طلعة اصطات فى غيرك بيعقد خمس ست طلعات عقبال ما ربنا يكرمة انا مش بنق يا مدير ههههههههههههه

رد: المرازيق
 

رد: المرازيق
 

رد: المرازيق
 

بسم الله ما شاء الله على الطلعة الجميلة والصحبة الأجمل وتحياتي ليك ولأستاذ محمود شلبي وتقبلوا تحياتي

رد: المرازيق
 

يا كبير إحنا تلامذتك .. و أنا فعلاً هفضل لأخر يوم في عمري أقول إني تربيت إيدك في الصيد. :)

رد: المرازيق
 

مبروك على الطلعه وعقبال الطلعات الجايه ان شاء الله وبالنسبه لموضوع الحمام حتى لو ماكنش اهل البلد قالوا لك حمام لا ماتضربش عليه بردوا لانه بتاع ناس طالما انت فى بلد فلاحين وماحدش يقولى ده حمام برى لان اى بلد فلاحين الحمام الى فيها بتاع ناس ومافيش اماكن مهجوره هناك الحمام يسكنها فبلاش تضرب حمام وانت فى بلد ارياف تقبل مرورى

رد: المرازيق
 

السلام عليكم ورحمه الله وبركاته

الحمد لله انا من مواليد قريه المرازيق بلد الجدعنه والرجوله ولما انتقلت من المرازيق الى مركز البدرشين حتى الان اى حد يعرف والدى او يعرفنى ولو بالشكل لازم يوقفنى ويعزم عليا وبالعافيه لما يسيبنى بصراحه ناس جدعه جدا ورجاااااااااااااااااله لاقى درجه

اما بخصوص الحمام هناك بصراحه وانا صغير من كتر الحمام هناك كنت بصطادو بالطوب يعنى بمسك طوبه واطوحها عليه ومن كتر الحمام لازم باذن الله تصيب حمامه هههههه

ده لما كنت صغير ولاكن لما الواحد كبر فهمت ان الحمام كله اللى هناك بتاع اهل القريه ومش حمام مهاجر ولا حمام برى فأتقيت الله فى مطعمى ومن بعدها عمرى ما قربت لحمامه من حمامات المرازيق ههههههههههه والحمام عندهم مش زى عرض البنات زى ما حضرتك ذكرت لاكن هما ناس تحب تبقى فى حالها والاخرين يبقوا فى حالهم ( يعنى حد الله بينا وبينك لا تأذينى ولا اذيك ) وعلى فكره الحمام هناك مبيخفش من الناس يعنى ممكن تمشى جنبه زيك زيه سبحان الله حمام قلبه جامد اوى :) ومتزعلش من العيال هناك اصل القريه صغيره :)

وعلى فكره المرازيق مفيهاش عيل الا ومعاه ألى او سلاح يعنى بلد فيها فائض من السلاح يكفى اهل القريه واحتمال كمان يكفى قريه مجاوره وعلى فكره الاهالى لما بينبهوك انك متضربش حمام هما همهم على مصلحتك منعا للمشاكل وكلمه حق لوجه الله تعالى الواحد عمره ما شاف حاجه وحشه من حبايبى المرازيقيه :) المهم انت كنت بتصطاد فين فى المرازيق ؟

http://www9.0zz0.com/2012/02/04/23/606788904.gif[/url]

رد: المرازيق
 

ya basha ahl el maraze2 a7san nas :)

رد: المرازيق
 

انما مين محمد محمود دة انا بسمع عنة كتير اوى

رد: المرازيق
 

الله يكرمك ويعزك يا رب :)

رد: المرازيق
 

رد: المرازيق
 

ماشي يا معلم
مفتقد محمد محمود بس
هههههههههههههه
مبارك عليك الخروجة

رد: المرازيق
 

واحشناااااااااااااااااااااااااااااااااااااااا يا ابو شمس والله