|
طلعة النهاردة مكملتش نصف ساعة
5 مرفق
السلام عليكم ورحمة الله وبركاته طلعت النهاردة أنا وواحد صاحبي نصطاد واصطدنا يمامتين وطائر غريب أول مرة أشوفه رجليه طويلة شوية مش عارف اسمه إيه وبيتاكل ولا لأ
ويا ريت لو حد يعرفه يقول لنا وجزاكم الله خيرا وبعد حوالي نصف ساعة من الصيد اتصل به أخوه وكان تعبان وكان عايز يذهب إلى المستشفى والحمد لله رحنا ووديناه المستشفى وعمل اشعة مقطعية على المخ والحمد الله الدكتور طمنا برجاء من الأخوة الدعاء له بالشفاء وهذه صور الصيد وبرجاء توضيح اسم الطائر وإذا كان يؤكل ولا لأ ودمتم في أمان الله |
رد: طلعة النهاردة مكملتش نصف ساعة
شفاه الله وعافاه والحمد لله ان النتائج جاءت مطمئنه , بالنسبه للطائر ده اسمه القطقاط الشوكى وله شوكتان فى جناحيه كما ترى ويعتبر من الطيور المفترسه ولا اعتقد انه يؤكل ولكن سمعت من اخ فى المنتدى قديما قال انه اكله ولكنى عند رئيى لا اعتقد انه يؤكل لانه طائر جارح يستخدم هاتين الشوكتين لاصطياد فرائسه جوا .
|
رد: طلعة النهاردة مكملتش نصف ساعة
ده من ارخم الطيور اللى شفتها فى حياتى بيطير كل الطيور اللى فى المنطقه اول لما يشوف حد مننا :) اللى اعرفه انه لا يؤكل وكنت لسه مع محمد سيد النهارده فى وقالى الفرنسيين بياكلوه مع النبيذ الاحمر طبعاً احنا مش فرنسيين :)
|
رد: طلعة النهاردة مكملتش نصف ساعة
ده في ناس بتكله
بس اهم حاجه انك تفتح معدته وتشوف هو بياكل ايه |
رد: طلعة النهاردة مكملتش نصف ساعة
السلام عليكم ، بالفعل لما تفرد الجناح تلاقى زى مخلب صغير فى نص الجناح بس انا عمرى ما شفته بيصطاد حاجة طايرة ابدا كل لما اشوفى الاقيه بياكل من الارض .
مسأله اكله دى انا مش قادر افتى فيها علشان معرفش . الف سلامة على اخوا حضرتك وربنا يتم شفاه على خير |
رد: طلعة النهاردة مكملتش نصف ساعة
السلام عليكم اولا الف سلامة للاخ المريض شفاة الله وعافاة اما بالنسبة للطائر فهو القطقاط ليس من الجوارح ولا يصيد اى طيور وكل غذائة من الارض يتغذى على الرخويات الموجودة على افرع وجذور النباتات فى الاراضى الزراعية ويرقات الحشرات وبعض ديدان الارض وهو يوكل ولا يوجد بة اى ظفارة او طعم غير مقبول بل بالعكس لحمة جميل يشبة لحم البط البلبول والبلاشون وهو فعلا كما قال الاخ فى المشاركة السابقة عندما يحس بالخطر يحلق فى الجو ويتجمع حولة بقية السرب الموجود فى المنطقة ويصدر اصوات عالية تنبة باقى الطيور بالخطر ولة ذاكرة قوية تستمر لاشهر كلما راى راى من مثل لة الخطر بمجرد الروية يقوم بنفس الموضوع هذا والله اعلم وتقبل تحياتى
|
رد: طلعة النهاردة مكملتش نصف ساعة
شفاة الله وعافاة وسائر مرضى المسلمين_بالنسبة للقطقاط دة انا بردة بشوفة على الارض بياكل من الارض بمنقارة ولا اعتقد انة طير جارح لان منقارة ليس بمعقوف وليس لة مخالب زى ما حضرتك ملاحظ واعتقد ان الشوطتين فى الجناح للدفاع عن نفسة لانة يبنى عشة على الارض وليس فوق الاشجار وهو منتشر جدا حول برك الصيد ويسمونة عكاك البركة نظرا للضجيج الذى يحدثة وينبة باقى الطيور بوجود صيادين اعتقد والله اعلم ان الطير الجارح لاينبة الطيور بوجود خطر لانة فى حد ذاتة خطر على الطيور والله اعلم
|
رد: طلعة النهاردة مكملتش نصف ساعة
جزاكم الله خيرًا جميعًا على الردود وأنا وريته لواحد صاحبي وقالي إنه لا يؤكل وبصراحه قرفت من الطائر وأخذته ورميته وربنا يغفر لي ودمتم في أمان الله
|
Re: رد: طلعة النهاردة مكملتش نصف ساعة
اقتباس:
|
رد: طلعة النهاردة مكملتش نصف ساعة
ده السقساق وليس له ناب اما الذى فى جناحيه هما للدفاع عن نفسه وصغاره وانظر الى المنقار ليس معكوفآ كالطيور الجارحه وليس له مخالب فى رجليه وهو يأكل الحبوب ولا يأكل الحشرات ولا الجيفه وهو بفضل الله يؤكل لانه طائر نزيه جدآ فى اكله
|
رد: طلعة النهاردة مكملتش نصف ساعة
الف سلامه عليه ويريت يكون بخير . وخيرها فى غيرها انشاء الله.
|
Re: طلعة النهاردة مكملتش نصف ساعة
خيرها في غيرها انشاء الله
|
رد: طلعة النهاردة مكملتش نصف ساعة
يا باشا خدنا معاك نصطاد الحجات الحلوه دى...و ندوق من فضل الله
|
رد: طلعة النهاردة مكملتش نصف ساعة
الف سلامه على صاحبك
وشفاه الله وعفاه والاخوه افادوك عن الطائر تحياتى |
رد: طلعة النهاردة مكملتش نصف ساعة
شكراً للجميع
على الردود والدعاء لأخى بارك الله فيكم |
| الساعة الآن 10:54 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir