الصيد فى مصر

الصيد فى مصر (http://www.egyhunt.net/index.php)
-   الورشة (http://www.egyhunt.net/forumdisplay.php?f=63)
-   -   طلب فيديو صيانه (http://www.egyhunt.net/showthread.php?t=26207)

mr vigo 12-03-24 12:24 AM
طلب فيديو صيانه
 
السلام عليكم ورحمة الله
ازيكم يا أحبتي يارب تكونو بخير

أنا عندي مسدس والتر p99

كنت عاوز طريقة أو فيديو يشرح لكيفية تزييت المسدس وصيانته

وأكون شاكر ليكم جدا والله:D

adel152 12-03-24 12:32 AM
رد: طلب فيديو صيانه
 
شوف كده الفيديو ده ينفع
تحياتى

mr vigo 12-03-24 01:35 AM
رد: طلب فيديو صيانه
 
الله عليك ياعادل

تسلم ايديك والله ومتشكر جدا على ذوقك العالي ده

بس فيه أجزاء مش فاهمها في الفيديو

إزاي فك القطعه البلاستيك اللي فوق الزناد ؟؟
يعني ايه القطعه الفضي اللي كانت ورا السوسته ؟؟
ولو لاحظت هنا هو مازيتوش هو مجرد رش الاسبراي بس وقفل
وعشان كده في الاخر المسدس مش راضي يرد تاني !!!
ياريت توضحلي بس الاجزاء دي عشان أفكه وانا مطمن

adel152 12-03-25 05:08 AM
رد: طلب فيديو صيانه
 
الاخ العزيز بعد التحية.
خد بالك فى الدقيقة 1.25 حتلاقيه بيرجع الاجزاء للوراء حاجة بسيطة وبعد كده بيزق بالقلم الجزء اللى فوق الزناد لان هو ده الجزء اللى بيثبت الاجزاء العليا مع شاسيه المسدس والقطعة الفضى اللى وراء السوسنة هى دى اللى بتمسك هذه القطعة اللى فوق الزناد.
فى نهاية الفيلم الاجزاء مرديتش لانه ضرب اخر طلقة فى الخزنة وده الطبيعى ان الاجزاء تعلق لما الخزنة تفضى.
انا عن نفسى ما بأستعملش الزيت مع مسدسات الصوت اللى عندى لسببين الاول ان الزيت عمره ما بيفضل فى مكانه والسبب التانى انه بيبهدل الهدوم لو بتحط المسدس فى ظهرك زى حالاتى.
انا بحط شحم بنسبة خفيفة جدا جدا على المجرة اللى بين الاجزاء وشاسيه المسدس وعلى ماسورة المسدس وده بيساعد يخلى الماسورة بارده اثناء الضرب لانى باستعمل شحم حرارى. ميزة الشحم انه بيفضل فى المكان المراد بيه سهولة الحركة عند الاحتكاك والمسدس بيبقى نضيف من الخارج وبذلك لايمل اى علامة على الملابس زى الزيت.

mr vigo 12-03-25 10:54 PM
رد: طلب فيديو صيانه
 
مانا زيك يا عادل
بحط المسدس في المكان ده في الظهر

لكن القطعه دي صعب قوي فكها حاولت كتير لكن معرفتش فمرضتش أجازف

انا اقصد برجوع الاجزاء قبل ماكان بيضرب بالمسدس هنا أنا اقصدالاجزاء مرجعتش لورا بشكل سليم وكامل
كانت بتلق شويه
الشحم اللي بتحطه ده اسمه ايه
وياسلام لو نزلت أنت فيديو ياعادل لطريقة التشحيم دي

تبقه في الجون فعلا

adel152 12-03-28 03:39 AM
رد: طلب فيديو صيانه
 
انا بأستعمل شحم esso fibrax 235 وحتلاقيه فى محطات بنزين اسو.

mr vigo 12-03-28 11:07 PM
رد: طلب فيديو صيانه
 
تمام يا عادل

بس برضه القطعه البلاستيك دي مش راضيه تتفك

وكمان دلوقتي لما بجرب المسدس من غير خزنه بيضرب الشاكوش عادي مره والتانيه بشدة أجزاء واحده

لكن لما بركب الخزنه وبضرب بيه بيضرب طلقه وأشد الاجزاء واضرب التانيه مش بيكتفي بشدة أجزاء مره واحده في الاول

ماتعرفش الحل لده ايه؟؟؟

adel152 12-03-29 09:25 PM
رد: طلب فيديو صيانه
 
اقتباس:
المشاركة الأصلية كتبت بواسطة mr vigo (المشاركة 339592)
تمام يا عادل

بس برضه القطعه البلاستيك دي مش راضيه تتفك

وكمان دلوقتي لما بجرب المسدس من غير خزنه بيضرب الشاكوش عادي مره والتانيه بشدة أجزاء واحده

لكن لما بركب الخزنه وبضرب بيه بيضرب طلقه وأشد الاجزاء واضرب التانيه مش بيكتفي بشدة أجزاء مره واحده في الاول

ماتعرفش الحل لده ايه؟؟؟
ياريت توضيح اكثر.
يعنى ايه من غير خزنة بيضرب مرة والتانية؟
حضرتك بتضرب على الفاضى ولا بتضرب طلقات صوت؟
لو اثناء ضرب الطلقات الصوت الاجزاء مابترجعش بعد كل طلقة وبتحتاج تشد الاجزاء لكل طلقة ـعتقد محتاج تشوف الطبة اللى فى ماسورة المسدس ممكن تكون واسعة ومحتاج واحدة أضيق لحبس الغاز وترجيع الاجزاء.
لو مسدسك ماسورة مفتوحة ممكن تكون الطبة اللى موجودة فيه لضرب طلقات أخرى..........

mr vigo 12-03-30 04:09 AM
رد: طلب فيديو صيانه
 
حقولك

يعني أنا مثلا شديت الاجزاء والطلقه دخلت الماسوره خلاص

بعد أما أدوس الجزء اللي أنا معلم عليه بالاحمر بيبقه جاهز للضرب

http://img842.imageshack.us/img842/7118/63914789.jpg

بضرب بيه تمام والطلقه الفاضيه بتخرج

لكن لما أجي اضرب تاني لازم أرجع وأدوس على الجزء اللي معلم عليه بالاحمر ده عشان يضرب تاني

مش بيكتفي بضغطه واحده لازم ارجع واضغط قبل كل أطلاق

فهمت أنا اقصد ايه ياعادل؟؟

لكن لما بيكون المسدس من غير الخزنه الشاكوش بيضرب عادي مروه والتانيه من غير أما ادوس على الجزء ده
هو بس مابيرجعش يضرب تاني والخزنه فيه الا لما ارجع وادوس كل مره على الجزء ده

والمسدس ماسورته مقفول مش مفتوح

adel152 12-03-30 05:35 AM
رد: طلب فيديو صيانه
 
اقتباس:
المشاركة الأصلية كتبت بواسطة mr vigo (المشاركة 340360)
حقولك

يعني أنا مثلا شديت الاجزاء والطلقه دخلت الماسوره خلاص

بعد أما أدوس الجزء اللي أنا معلم عليه بالاحمر بيبقه جاهز للضرب

http://img842.imageshack.us/img842/7118/63914789.jpg

بضرب بيه تمام والطلقه الفاضيه بتخرج

لكن لما أجي اضرب تاني لازم أرجع وأدوس على الجزء اللي معلم عليه بالاحمر ده عشان يضرب تاني

مش بيكتفي بضغطه واحده لازم ارجع واضغط قبل كل أطلاق

فهمت أنا اقصد ايه ياعادل؟؟

لكن لما بيكون المسدس من غير الخزنه الشاكوش بيضرب عادي مروه والتانيه من غير أما ادوس على الجزء ده
هو بس مابيرجعش يضرب تاني والخزنه فيه الا لما ارجع وادوس كل مره على الجزء ده

والمسدس ماسورته مقفول مش مفتوح
حط 3 او 4 طلقات فى الخزنة وبعد كده شد الاجزاء مرة واحدة. كده اول طلقة دخلت الماسورة.
ماتجيش جنب الزرار اللى فوق اللى انت معلم عليه بالاحمر خالص.
اضرب وشوف ايه اللى حيحصل.
الزرار اللى فوق ده وظيفته يرجع الطارق الداخلى مكانه بدون ضرب الطلقة لأن المسدسات دى مافيهاش شاكوش ظاهر تقدر ترجعه بصوبعك وانت دايس على الزناد زى البريتا مثلا.
جرب تضرب من غير ما تيجى جنب الزرار ده ولو الاجزاء مارجعتش اوتوماتيك مع كل طلقة يبقى المسدس فيه مشكلة ومحتاج حد متخصص لمعرفة المشكلة.

mr vigo 12-03-30 06:41 AM
رد: طلب فيديو صيانه
 
أنا لما بحط الخزنه وبشد الاجزاء الزناد مش بيتشد بيبقه عايم ومش يبقه جاهز للضرب

إلا لما بدوس على الزرار اللي فوق

وقتها بيعمل زي تكه كبيره

والزناد بيبقه جاهز للضرب وبضرب فعلا

لكن لما أجي اضرب مره تانيه الزناد بيبقه عايم لحد أما أكرر نفس العمليه دي

adel152 12-03-30 03:20 PM
رد: طلب فيديو صيانه
 
اقتباس:
المشاركة الأصلية كتبت بواسطة mr vigo (المشاركة 340394)
أنا لما بحط الخزنه وبشد الاجزاء الزناد مش بيتشد بيبقه عايم ومش يبقه جاهز للضرب

إلا لما بدوس على الزرار اللي فوق

وقتها بيعمل زي تكه كبيره

والزناد بيبقه جاهز للضرب وبضرب فعلا

لكن لما أجي اضرب مره تانيه الزناد بيبقه عايم لحد أما أكرر نفس العمليه دي
ممكن يكون عندك مشكلة ومحتاجة حد متخصص يشوفها لك. عموما انا لقيت الفيديو ده اعتقد نفس مسدسك.
شوف كده الفيديو وهو بيضرب لأنى لاحظت فى الطلقة الخامسة داس على الزناد مرتين علشان يضرب وسمعت تكة قبل الضربز ممكن يكون ده نوع من الامان فى هذه المسدسات.

mr vigo 12-03-31 06:08 PM
رد: طلب فيديو صيانه
 
هو عندي مش بيضرب ورا بعض زي أول الفيديو كده يا عادل

وأخر طلقه بتتحشر جوه ومش بيبقه زي أخر الفيديو مشدوده أجزائه

يعني المراحل لما بجي أضرب مثلا

1/ بركب الخزنه وأشد الاجزاء

2/ أدوس على زرار الامان اللي فوق ده اللي قلتلك عليه

3/ اضرب طلقه

4/ أجي أضرب التانيه لازم أدوس مره تانيه على الزرار اللي فوق ولما بيتك الزناد بيكون مشدود عشان أضرب

لو مدوستش عليه الزناد بيكون عايم ومش مشدود للدوس عليه

تفتكر هو عاوز صيانه ؟؟

وعند مين لو سمحت ياعادل

adel152 12-04-01 12:49 AM
رد: طلب فيديو صيانه
 
اقتباس:
المشاركة الأصلية كتبت بواسطة mr vigo (المشاركة 341106)
هو عندي مش بيضرب ورا بعض زي أول الفيديو كده يا عادل

وأخر طلقه بتتحشر جوه ومش بيبقه زي أخر الفيديو مشدوده أجزائه

يعني المراحل لما بجي أضرب مثلا

1/ بركب الخزنه وأشد الاجزاء

2/ أدوس على زرار الامان اللي فوق ده اللي قلتلك عليه

3/ اضرب طلقه

4/ أجي أضرب التانيه لازم أدوس مره تانيه على الزرار اللي فوق ولما بيتك الزناد بيكون مشدود عشان أضرب

لو مدوستش عليه الزناد بيكون عايم ومش مشدود للدوس عليه

تفتكر هو عاوز صيانه ؟؟

وعند مين لو سمحت ياعادل
أعتقد محتاج فنى متخصص يشوفه. حضرتك من اى محافظة؟
لأنى انا من الاسكندرية وممكن اساعد حضرتك فى ورش التصليح اللى فى الاسكندرية فقط.
ولو من القاهرة فى شخص كل الاعضاء بتشكر فيه جدا فى التصيانة هو الاستاذ محمود شلبى وايضا الاخ المحترم احمد مازنجر وهو متخصص فى مسدسات الصوت عموما.

mr vigo 12-04-01 02:46 AM
رد: طلب فيديو صيانه
 
أنا من الهرم ومازنجر قريب مني قوي

تسلم يا عادل ومتشكر قوي على تعبك معايا

adel152 12-04-01 03:04 AM
رد: طلب فيديو صيانه
 
اقتباس:
المشاركة الأصلية كتبت بواسطة mr vigo (المشاركة 341417)
أنا من الهرم ومازنجر قريب مني قوي

تسلم يا عادل ومتشكر قوي على تعبك معايا
ياأخى العزيز مافيش تعب وحضرتك محظوظ لأن الاستاذ احمد مازنجر خبير فى مسدسات الصوت وأعتقد حيخلى مسدس حضرتك يشتغل احسن من الجديد.
بالتوفيق وتحياتى.

mr vigo 12-04-01 03:29 AM
رد: طلب فيديو صيانه
 
ربنا يكرمني وأعثر عليه

لأن مازنجر من الناس اللي قليله قوي الواحد يعرف يلاقيها

ولو عايز منه حاجه أنا تحت أمرك أبلغهاله من عينيا الاتنين

adel152 12-04-02 12:05 AM
رد: طلب فيديو صيانه
 
اقتباس:
المشاركة الأصلية كتبت بواسطة mr vigo (المشاركة 341437)
ربنا يكرمني وأعثر عليه

لأن مازنجر من الناس اللي قليله قوي الواحد يعرف يلاقيها

ولو عايز منه حاجه أنا تحت أمرك أبلغهاله من عينيا الاتنين
بلغه سلامى واحترامى الشديد وبلغه انى لسه ماجربتش طبة الايكول لغاية دلوقتى واتمنى من الله انى ماأجربهاش ابدا.
شكرا لحضرتك.

mr vigo 12-04-02 02:06 AM
رد: طلب فيديو صيانه
 
يوصل ياباشا

من عينيا الاتنين

dr mido dentist 12-04-07 12:36 AM
رد: طلب فيديو صيانه
 
الزناد سايب عشان الشاكوش فى وضع الضرب انت فقط اضغط عليه للاخر حيضرب معاك

mr vigo 12-04-07 01:59 AM
رد: طلب فيديو صيانه
 
هو بيضرب لما اضغط عليه يا ميدو

لكن بيحتاج لو جيت اضرب تاني ادوس على الزرار اللي فوق


الساعة الآن 08:31 AM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir