|
موقعة الحمام الأولى
موقعة الحمام الأولى ...
تم الترتيب مع الأخ وليد سعد زغلول أبوعبدالرحمن لطلعة الجمعة وبالفعل صلينا الفجر وتقابلنا وبعد ساعة من الطلعة اتصل على أخوى تعبان قوى ومحتاج يروح المستشفى قطعنا الطلعة وذهب معى الأخ وليد مشكوراً ولم يتركنا حتى انتهينا قبيل صلاة الجمعة والحمد لله اخوى بخير وعدنا الى المنزل فى المساء اتصلت على الأخ وليد واتفقنا على اعادة الطلعة صباحاً لأنها كانت طلعة لذيذة بصراحة وبالفعل صلينا الفجر وتقابلنا وتوكلنا على الله رشك معاك ... شايك معاك ... شد حيلك فى الطريق قابلنا كام يمامة بقينا نضربهم من السيارة أو ننزل لهم كانت فكرة ظريفة جبنا بيها بعض اليمام واحنا فى الطريق وصلنا وركننا السيارة وبدأنا اليوم كان فيه شبورة كبيرة وجامده لكن قلنا كويس اليمام مش هيشوفنا وفعلاً الجو كان جميل لمدة كبيرة والشمس طلعت متأخرة وده ساعدنا على الصيد أكثر المكان مليان حمام فى البداية خفنا نضرب عليه وركزنا على اليمام لحد ما قابلنا شاب محترم من المنطقة وكان غاوى حمام زمان وأكد لنا أن الحمام ده برى وأنه مش بتاع حد وبقاله سنين هنا فى المكان وكمان تطوع يلف معانا ولو وقعت حاجه كمان على أى سطح بقى يطلع هو يجيبها من الأخر شاب مصرى طيب وجميل ومتفاعل اسمه سيد ( أبو جنى ) ودى صورته http://img836.imageshack.us/img836/9403/48238744.jpg بصراحة من بعدها ركزنا على الحمام وبقينا نتبطر على اليمام فى وسط الطلعة روحنا نضرب فول على عربية واحنا فى الطريق وبنخرج البندقية من الشباك على نضرب على غراب لقينا بوكس جنبنا بيلف من نفس الملف نزلوا منه ييجى 6 مخبرين واترعبوا من شكل البندقية المهم الأستاذ وليد طمنهم ووراهم انها رش ووراهم الحمام واليمام اللى معانا بصراحة طلعوا محترمين وقالوا مفيش مشكلة بس خلوا بالكوا علشان الناس بتقلق قلنا له ما تقلقش وصلنا لعربية فول محترمة وطبعاً بمساعدة خبير المنطقة سيد . http://img571.imageshack.us/img571/1382/29948546.jpg خلصنا الفطار المتين وعدنا لنكمل رحلتنا وبفضل الله كان الخير كتير وأول مرة أنا أو الأخ وليد نصطاد بالعدد ده http://img718.imageshack.us/img718/5016/20304449.jpg 22 فرد حمام 14 فرد يمام غير فردين حمام وقعوا على المسجد وسيد هيجيبهم لما ييجى عامل المسجد وحوالى 6 حاجات وقعت فى أماكن ما عرفناش نجيبهم للأسف ودى اول رحلة ما اضربش على عصافير ولا على حاجات مش هأكلها زى ما اتعلمت من الأعضاء هنا فى المنتدى صورنا بعض الفيديوهات أثناء الصيد هحاول ارفقها فى المنتدى وكانت الصحبة أجمل ما فى الرحلة وافتقدنا أستاذ محمود سعيد والأخ أحمد أصدقاء الطلعة اللى فاتت واحنا مروحين العربية سخنت شوية وتعبتنا لكن خير الحمد لله اتصلحت ومشى الحال نراكم قريباً فى موقعة الحمام الثانية ان شاء الله واسيبكم مع الصور ده وليد سعد http://img851.imageshack.us/img851/7471/69870228.jpg وده أنا http://img513.imageshack.us/img513/4555/29808925.jpg وده صديق الرحلة سيد http://img827.imageshack.us/img827/9614/17595311.jpg كما تم رفع فيديو لكن مفيش طريقة اضيفه بيها فى المنتدى هذا هو رابط الفيديو فيديو لصيد الحمام 2 ياريت لو فى طريقة نعرض بيها فيديوهات اليوتيوب على المنتدى يبقى المشرف مشكوراً يعدل الموضوع ويعرضها مباشرة فى الموضوع |
رد: موقعة الحمام الأولى
بسم الله ماشاء الله موضوع يفتح النِفس للتعليق عليه موضوع ممتاز فعلاً , سواء من ناحية طريقة السرد و الصور و الناس المحترمين فى الموضوع وأخلاق الصيّادين من عدم ضرب مخلوقات لا تؤكل و الحرص فى البداية على عدم صيد الحمام حتى تتأكدوا انه مش بتاع حد و طريقة التعامل المناسبة مع الشرطة . بصراحة الموضوع مثالى علشان الصيّادين يتعلموا منه حاجات كتير أنا ملاحظ أن البنادق الكرال عاملة الواجب تمام , فيه موضوع ممتاز اسمه (فريق الكرال) للدكتور محمد كمال , ياريت تنضموا للفريق و تشاركوا فى الموضوع ببعض صور هذه الطلعة الجميلة سوف يتم تثبيت الموضوع لفترة حتى يستفيد منه الجميع خالص تحيّاتى لأحسن صيّادين |
رد: موقعة الحمام الأولى
اقتباس:
|
رد: موقعة الحمام الأولى
جزاك الله خيرًا يا أخ عبد المنعم على الرحلة الممتعة والمجهود الرائع بتاعك وأنا من التعب نمت من بعد العصر وصحيت الصبح الساعة 7.30 صباحا وتحياتي لك ولجميع أعضاء المنتدى الكرام ودمت في أمان الله
|
رد: موقعة الحمام الأولى
رحله جميله ماشاء الله
بالتوفيق دائما بأذن الله الحمد لله اطمن على شغلى وكده بالى ارتاح اى مشكله تانيه تبقى صياد مش بندقيه يا استاذ عبدالمنعم |
رد: موقعة الحمام الأولى
أولاً : شكراً للدكتور محمد حسن على الثناء على الموضوع وعلى تثبيته لفترة
ثانياً : شكراً للأسطورة عادل عبدالفتاح عميد الكرال اللى ظبط لى الكرال الرماية بتاعتى وخلاها عروسة بجد تسلم ايده ثالثاً : شكراً للمنتدى الجميل اللى خلى ثانى طلعة لى تبقى بالجمال وبالشكل ده وكل يوم هتعلم من أعضاء المنتدى لحد ما ابقى صياد كبير ان شاء الله . رابعاً : شكراً للأخ وليد سعد نعم الصديق والصاحب |
رد: موقعة الحمام الأولى
على فكرة يا دكتور
انا مصمم مواقع انترنت وعندى شركة متخصصة فى المجال علشان كده بهتم بتنسيق الموضوع وعندى أفكار كويسة لتطوير المنتدى لو حابين انا تحت امركم ومن غير فلوس |
رد: موقعة الحمام الأولى
رحله جميله وضربات موفقه:)
تسلم ايديكم وفعلا طريقه سرد الموضوع تحفه .. |
رد: موقعة الحمام الأولى
حمد الله على السلامة ورحلة ممتازة_المكان دة فى الصالحية الجديدة؟
|
رد: موقعة الحمام الأولى
لا
المكان مش فى الصالحية الصالحية دى كانت المزرعة وكانت الرحلة اللى فاتت ورجعت منها بأبو قردان ويمامة وحمامة شوية عصافير لان ما كانش معاى سكوب لكن المكان ده سكنى وكويس بس رجالة المنتدى قالوا محدش يقول على مكان صيده علشان الاحتياطات الأمنية |
رد: موقعة الحمام الأولى
اقتباس:
|
رد: موقعة الحمام الأولى
اقتباس:
|
رد: موقعة الحمام الأولى
ما شاء الله مبروك يا أستاذ وليد الطلعه الجامدة و مزيد من التوفيق ان شاء رب العالمين
|
رد: موقعة الحمام الأولى
طلعه ميه ميه ,,,,صيادين احلى ,,,بالتوفيق دااائما
|
رد: موقعة الحمام الأولى
اقتباس:
|
رد: موقعة الحمام الأولى
اقتباس:
|
رد: موقعة الحمام الأولى
اقتباس:
السلام عليكم ، كلام حضرتك صح ميه فى الميه وياريت محدش يسأل عن مكان صيد حد لأنه تعب لغاية معرفه . المهم المكان ده فين ؟ هههههههههه طبعا بهزر |
رد: موقعة الحمام الأولى
بسم الله ماشاء الله صيد ممتاز وصيادين رائعين بحق بارك الله لكما وزادكم من رزقه وبارك لكم فى سلاحكم وكفاكم شره والى الامام دوما ان شاء الله |
رد: موقعة الحمام الأولى
اقتباس:
|
رد: موقعة الحمام الأولى
موضوع منظم و مرتب
تسلم ايديكم على الصيد الجميل طلعة موفقة و صيادين جامدين جداااااااااااااااااااااااا وبالف هنا و شفا |
رد: موقعة الحمام الأولى
اقتباس:
|
| الساعة الآن 05:15 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir