كيف تحدث الاصابات لا قدر الله
 

السلام عليكم
اولا احب اعرفكم على الموضوع وهو عبارة عن تحذير من كيفية الاصابة او اصابة احد برشاية لا قدر الله ودة هيكون عن طريق الا خوة الاعضاء ان لو فى اى حد اتعرض للموقف دة يحكية عشان الاخرين يتنبهو للخطاء اللى حدث وبالتلى يتلاشى حدوثة
انا هبداء بنفسى انا حصل معايا 3 حواث من هذا النوع الاولى كانت فى البيت ببندقية رمسيس كنا انا واخويا الكبير بنشن على غطيان كازوزة هو مرة وانا مرة وطبعا اللى كان بيضرب بيسيب البندقية ويروح يحط الغطا وفعلا روحت احط الغطا ولاقيت زى ما يكون حد ادانى بونية فى جنبى بصيت لاقيت الترنج مخروم رفعتة لاقيت نفس الخرم فى الفانلة وفى جنبى الايسر طبعا دوخت وخدونى المستشفى وقالو انها لدعتة بس مدخلتش لان الخرم اللى انا بس اللى شوفتة كان اتسد تانى وعمل زى طبقة حمرة على السطح المهم بعد فترة بدئت تئلمنى وطنشتها لحد ما الالم زاد وبقيت ما اعرفش انام على الجنب اللى هى فى واخيرا وبعد 3 سنين روحت عملت اشاعة ولا قيتها جوة وعملت عملية وطلعتها دى الاولى
التانية كانت فى صباع رجلى الكبير كنت طالع رحلة انا وواحد صحبى ببندقية صينى نمرة 2 وحنا فى وسط الاراضى طلع علينا واحد تقريبا مجنون وراح هاجم على البندقية وهى فى ايدى واخدها طبعا لو دلوقت الكلام دة كنت عميتة لاكن دة كان من حوالى 20 سنة كان عندى 17 سنة المهم البندقية معمرة وخايفين نقرب علية الا يضربنا بيها وربنا بعتلنا واحد من اصحاب الاراضى دة عاقل بقا مش مجنون راح هاجم على الراجل واخد منة البندقة و هو بيديهالى راح ضاغط على الزناد والماسورة فى اتجاة رجلى وارحت راشئة فى صباعى طبعا العضم صدها قلعت الشوز لاقيتها حرفها باين على وش الجلد روحت شا ددها بسن السكينة راحت طالعة بس روحى طلعت معاها وبرضة دوخت بعد ما شوفت الدم بس الحمد لله صحيت بسرعة
التالتة بقا كانت فى رجل واحد معدى وانا بعمر البندقية ويا دوب قفلت العتلة راحت طالعة وجاية فى قصبة رجلة ودى كانت بندقية ليون براند صينى وكان زنادها خفيف جدا وساعات كانت بتضرب من غير ما اضغط علية وكانت مشكلة كبير بس الحمد لله خلصت على خير والراجل بقا صحبى وكل شوية يفكرنى ويوريلى قصبة رجلة
يبقا هنا فى 3 اسباب للخطاء
الاول هو ان اخويا كان موجة البندقية ليا وانا بحط الهدف وصباعة جة على الزناد غصب عنة والزناد برضة كان خفيف جدا
و السبب التانى ان واحد ما يعرفش حاجة عن البنادق مسكها والنتيجة اصابة
السبب التالت انى ما كنتش موجة البندقية لمكان ما فيهوش حد ماشى وانا عارف ان الزناد خفيف وبيضرب لوحدة وطعبا فى الايام دى ما كنش فى خبرة اد كدة هو بس كان حب للصيد وبس وما فيش اى خبرة عن الصيانة والامان والحاجات دى انا حبيت احكى المواقف دى عسى ان تكون موعظة يتعلم منها كل من هو هاوى للصيد لكى يتلاشا حودثها وعلى الاخوة استكمال الموضوع بما حدث لهم والله الموفق

رد: كيف تحدث الاصابت لا قدر الله
 

رد: كيف تحدث الاصابت لا قدر الله
 

رد: كيف تحدث الاصابت لا قدر الله
 

طيب ابدأ انا كمان بس الاول الف سلامة على الاصابات :)
هو الموقف محصلش معايا ولكن حصل فى نفس العربية اللى انا راكب فيها هى لأخ معانا هنا الاستاذ ابوصالح
واللى عمل المشكلة هو صالح ابنه الصغير :)
البندقية والله مش فاكر النوع ولكن هى كانت معمرة وصالح راكب وراه على ما اتذكر وابوصالح حاطط البندقية بينه وبين الكرسى اللى جانبه لأنه سايق وكان كمان الامان معمول راح صالح شايل الامان ودايس على الزناد النتيجة الرشه دخلت فى السمانه ووصلت لغاية العضم ومع الاسف طبعاً الدكاتره قالوله مينفعش تطلع عشان متبهدلش رجلك والحمدلله ان الرش كان ماتش مش بروماجنم
وعدت على خير الحمدلله
الاصابة سببها وجود طفل والبندقية موجهه لقدمك وبعيده عن تصرفك

رد: كيف تحدث الاصابت لا قدر الله
 

موضوع رائع جدا وانا شخصيا واخد رشايه فى صباعى بنفس الطريقه

رد: كيف تحدث الاصابت لا قدر الله
 

فكره ممتازه يا استاذ فوزى وموضوع أكثر من رائع
وانا فى نظرى الصياد لازم يحافظ على سلامته وسلامه الاخرين
يا اما ما يصطادش احسن ويلعب بلى
وانا شخصيا قابلت ناس كتيره مستهتره بالسلاح وممكن تمسك
البندقيه على سبيل الهزار وتوجهها عليك وعلى وشك كمان
حتى لو هى مش متعمره المبدأ غلط مش جايز ولو نص فى الميه
تكون متعمره بالغلط ده غير اللى بيصطادوا ويتغابوا وتيجى تنصحهم
يقولك والله العظيم دى ضربت لوحدها وهى معموله امان كمان
زى اخويا كده من كذا يوم ماشى ما بينى انا وعمى وانا وعمى
سابقينه بخطوتين بالظبط وهو معاه البندقيه متعمره وهو عارف
والمفروض بيعرف يصطاد الى حد ما بنبص لقينا رشايه معديه من
مبين دماغى انا وعمى كان زمان واحد فينا مقتول مش اصابه بس
لان الرشايه طلعه مفيش شبرين من الجامو
وقال ايه دى طلعت لوحدها وبيحلف
الصيد مش بس انك تعرف تصيب اهداف لا الصيد فن واخلاق وبعدين مهاره فى الاخر ..

رد: كيف تحدث الاصابت لا قدر الله
 

الحمد لله وموضوع جميل وربنا يسترها علينا كلنا وايه الامان اللى فى البندقية ده

رد: كيف تحدث الاصابات لا قدر الله
 

موضوع فعلاً حلو ومفيد بس انت مش ملاحظ ان الصيني عامل مشترك في كل الحوادث :)

رد: كيف تحدث الاصابات لا قدر الله
 

اة انا حادثة مصرى رمسيس و2 صينى وكلة كوم واللى جات فى رجل الراجل كوم لانها كانت ببندقية ليون براند نمرة 2 وكانت قوية جدا بس للاسف النوع دة زنادها مش تمام

رد: كيف تحدث الاصابت لا قدر الله
 

اما انا يا رجاله ربنا سترها معايا اخر ستر
الموضوع ده حصل من يجى شهر تقريبآ كنت بجرب نشان البندقية الكرال بتعتى
وكنت حاطط طلقة فارغة بتاعة طبنجة وبنشن عليها على بعد 5 متر لان حجمها صغير وكنت حطتها على لوح خشب ووراها لوح خشب المهم مش هطول عليكو نشنت على الطلقة وضربة الرشاية جت جنب الطلقه بملى تقريبآ
وردة على وشى جت تحت عينى ب 2 سنتمتر بالطبط وعورتنى وربنا ستر مجتش فى عينى كانت هتبقا مصيبه
بس الحمد الله
نصيحة محدش ينشن على لوح خشب من مسافة قريبه خصوصآ لو كان الخشب زان هههههههههههههه
لان دى المشكلة
تحياتى................

رد: كيف تحدث الاصابت لا قدر الله
 

رد: كيف تحدث الاصابت لا قدر الله
 

الحمد لله ان ربنا ستر لانها فعلا كانت ممكن تعمل مشكلة كبيرة لو جات فى عينك لاقدر الله يبقا نقول الحرص عند ضبط النشان وعدم الاقتراب اكثر من الازم مع وضع خلفية مناسبة لا تسبب ارتداد الرشاية وشكرا لمشاركتك وتقبل تحياتى

رد: كيف تحدث الاصابت لا قدر الله
 

شكرا على النصيحه يا زوق

رد: كيف تحدث الاصابت لا قدر الله
 

موضوع جميل ,,,,,,,,,,,,,,,و اعلى تقيييم لحضرتك

رد: كيف تحدث الاصابت لا قدر الله
 

السلام عليكم
انا برده حصل معابا موقف زى كدا انا كنت معمر البندقيه وهى كانت صينى وحاطط بوزها على الكوتشى
الى لابسه وسبحان الله انا مش عارف انا دوست على الزناد ازاى والطلقه طلعت بس الحمد لله هى دخلت مابين صباعى الكبير والى جنبه بس خدشته جامد جداااااااااااا والحمد لله جت سليمه

رد: كيف تحدث الاصابت لا قدر الله
 

السلام عليكم ، انا حصل معايا موقفين زمان وانا فى اعدادى كنت بعمر الرمسيس بتاعت ابن عمتى اخوه الصغير داس على الزناد فلقيت البندقية قفلت على كلوه ايدى معرفش ازاى وطبعا خدت 3 غرز .

والموقف الثانى كنت بركب العربية وكنت معمر الكرال وانا بركب ايدى جت على الزناد فضربت بس الحمد لله الماسورة كانت متوجهه للسماء ومحصلش حاجة الحمد لله تانى .

انا معجب بالموضوع علشان الواحد يتعلم من تجارب الاخرين .

ملحوظة : احسن خشب يتنشن عليه الخشب الابيض الى هوه بيتصنع منه ملل السرير مبيعملش اى ارتداد ابد

Re: كيف تحدث الاصابت لا قدر الله
 

اهم حاجه في راي ان البنقديه الي الواحد يجبها كيون فهيا امان ويحط الأمان وقت التعمير لغايت لما ييجي يصوب ناحيت الهدف يقوم فاكك ا لامان

رد: كيف تحدث الاصابت لا قدر الله
 

وياترى ايه هى البنادق اللى بيبقى فيها امان؟

رد: كيف تحدث الاصابت لا قدر الله
 

رد: كيف تحدث الاصابت لا قدر الله
 

رد: كيف تحدث الاصابت لا قدر الله
 

موضوع جميل وبنتعلم منه جزاكم الله خيرا

رد: كيف تحدث الاصابت لا قدر الله
 

موضوع جميل