عايزين كتالوجات
 

يا ريت اصحاب محلات بيع الاسلحة يعرفونا ايه الحاجات اللي عندهم و كل واحد يحط شوية صور لبضايعه و مواصفاتها و اسعارها مع تعديل الاسعار اذا اتغيرت يعني يوفر على اعضاء المنتدى كله تعب التدوير بين المحلات على الشيء اللي العضو عايزه ، فاللي عايز حاجة بدل المشورة و اللف و الدوران يقدر يعرف اللي هو عايزه موجود فين و يبقى رايح و هو على نور و فاهم بدل ما يتكلف مشوار لمحل معين و بعدين يقف يتفرج على الفاترينة شوية علشان يدور على اللي عايزه و بعدين يبتدي يدخل يسأل هو موجود ولا لأ و تمنه كام و فيه انواع ايه تانية زيه و شغلانه طويلة ....لكن كده هايعرف هو عايز ايه بالظبط و يختار و يروح عارف سكته.
و اللي خلاني فكرت في حاجة زي كده اني دبيت مشوار لمحل ابو ضيف (بوندي) اللي في شارع شبرا و اتصدمت صدمة السنين لاني لقيت الفترينة فاضية و مافيهاش غير كام جراب و حتى دول ماعرفتش اشوف شكلهم لانهم كانوا في اكياسهم و مش باين منهم حاجة ، و انا كنت رايح اسال على الفيكتورينوكس السويسري موجود عندهم ولا مش موجود و بصراحة من منظر الفاترينة حصلي احباط و مشيت من غير ما ادخل اسال....حسيت ان المحل مافيهوش اي بضاعة:(:o:o

رد: عايزين كتالوجات
 

والله هي فكرة تحفة ياريت التثبيت. :). ممكن كل صاحب محل يعمل pdf بكل اللي عندة بسعرة, مواصفاتة, أنواعة, ألخ... بعد كدة يتحط علي المنتدى للتحميل.

رد: عايزين كتالوجات
 

حتى لو من غير pdf بس يعني حتى يعملها ببساطة في موضوع باسم المحل ولو حتى يصور الحاجات اللي عنده بالموبايل بس الناس تعرف الحاجة الموجودة ايه و سعرها و يروحوا عارفين سكتهم و فاهمين

رد: عايزين كتالوجات
 

رد: عايزين كتالوجات
 

شكرا جدا يا أستاذ أحمد على الصورة العبقرية ديه.. :)

رد: عايزين كتالوجات
 

رد: عايزين كتالوجات
 

http://www.egypthunt.net/showthread....022#post343022
باشا الموضوع ده في كتالوجات مسدسات الايكول الشهيره و فيديوهات الفك و التركيب بس الاسعار :(

رد: عايزين كتالوجات
 

انا مش قصدي كتالوج مواصفات للمسدسات و خلافة دي حاجات ممكن الواحد يجيبها من موقع الشركة المنتجة لكن الكتالوج يكون للمحل نفسه بيبيع ايه و بكام و ايه الفروع اللي فيها و ايه الفروع اللي مافيهاش لو ليه كذا فرع