|
يوميات صياد فرفور
كان دايما سيسا متعود انه يتفشخر قدام صحابة بالبندقية اللي ابوه جابهاله و مش بيراعي ظروف صحابه ممن لا يقدرون علي شراء مثل هذه البنادق و اللي معاه رمسيس و معادي و صيني و هو يتفشخر دايما بان اللي معاه صناعة الماني و محدش في المنطقة كلها جاب زيها ..و الغريب كان دايما يوري صحابه صور الصيد اللي كان بيصطاده و بالاربعين يمامة و حمامة و هم ياعيني ممكن الواحد يرجع بتلات اربع يمامات و كانوا كذا مرة يعرضوا عليه ينزل يصطاد معاهم ... لكن هو دايما بغطرسته يرفض و يرد :::لالالا انا امشي في الشارع و اصطاد كده نو نو نو بريستيجي ميسمحش (يا روح امك) .. انضم للشلة مؤخرا صياد مخربش اسمه زياد .. الشلة فتحتله قلبها جدا و كان طبعا اول الشكوي من سيسا الصياد المتغطرس اللي دايما معقدهم ..استغرب زياد جدا من سيسا و فهم صحابه ان مش دي اخلاق الصيادين اطلاقا و ان ده مش ممكن يكون صياد ابدا .. لكن الشلة اكدت انه بيصطد و بيجيب صيد وفير كمان و دايما يورينا الصور بتاعت الصيد .. طب وروني يا شباب ... يابن النصابة بس بس بس ..فهمت انا كده .. بصوا رتبولي ميعاد مع الواد ده و انا هكشفهولكوا ..و بالفعل اترع عليه و مارس عليه سيسا كل انواع العوجان و زياد مرتبله الواقعة اللي هي ;) ..ماتيجي يا شباب نروح الملاهي ..يالا بينا ..و هناك لقوا لعبة النيشان بالبنادق و اخد كل واحد دوره و كله ما شاء الله جاب كل الاهدافو كان التصفيق للركب و جه دور سيسا ..زياد قاله يالا ياعم القناص بقي ورينا الهوايل .. بص سيسا علي البنادق و قال ايه ده انا هضرب بدي ؟؟ رد عليه صاحب اللعبة قاله اه يا حبيبي و الضربة بنس جني (بنص جنيه) مسك سيسا البندقية و كأنه ماسك فار ميت بقاله 3 ايام و قال : فين الرش ؟رد صاحب اللعبة اهو يا ساحبي انت مش شايف و لا ايه؟ بص سيسا فيه و قال : ايه ده ؟ايه الرش ده ؟؟ قاله بتاع اللعبة : ده رش الفرشوطي مصري و العلبة ب بجني و ربع و كل صحابك ضربو بيه و فرقعولي البمب انجز .. قال سيسا : لا انا عاوز بروماجنوم او ماستر بوينت :p !! طبعا الواد بتاع اللعبة فتح بقه حوالي نص دقيقة ..و لحقه زياد و قاله انا عامل حسابي و جايبلك رش معايا ;) .. و طراخ مفيش طراخ مفيش طب اغير البندقية ..طراخ بره ..طراخ ماتفتح يا حيوان !!! الشلة مكانتش مصدقة اللي بيحصل ..امال صور الصيد دي كانت ايه ؟؟؟رد زياد : جايبها من مواقع الصيد من ع النت للاسف ... الولد حس بغلطته و فهمه زياد ان الصياد الحقيقي اخلاقه عالية و عمره ما يتعامل بتعالي علي صحابه و اتعلم سيسا الدرس كويس جدا ..و من يومها مبقاش سيسا و رجع لاسمه الحقيقي ( سيد ).......
|
رد: يوميات صياد فرفور
ههههههههههههههههههه جميلة جدا .. الله ينور يا باشا ..
|
رد: يوميات صياد فرفور
بس حلوة اوى ( بنس جنى ) ههههههههههههههههههه
|
رد: يوميات صياد فرفور
قصة روعة يا برنس
كلك مواعظ واللهى |
رد: يوميات صياد فرفور
هههههههههههههه
قصة جامدة تسلم ايدك |
رد: يوميات صياد فرفور
هههههههههههههه قصة جميلة والله
بنس جنى ههههههههه |
رد: يوميات صياد فرفور
شكرا على المجهووووووووووووووووود
|
رد: يوميات صياد فرفور
ههههههههههههههههههههههههه
جامدة جداااااااااا تسلم الايادي والله على القصة الروعة دي |
رد: يوميات صياد فرفور
متشكر جدا جدا ..مكنتش اعرف انها هتعجبكوا كده ..و انا كنت عاوز اطولها اكتر بس قلت اضغطها في الجزء ده بس عشان التطويل في الحاجات دي مش مستحب و لكم تحياتي
|
رد: يوميات صياد فرفور
جميلة جدا جدا والله
تسلم ايدك وفعلا التعالي والتكبر في اي شيئ وحش والتواضع جميل يعني واحد زي مثلا كدا مش بيعرف يصطاد واكيد هلاقي اخواتي في المنتدي هنا واقفين معايا ولا اية ؟؟؟؟؟ هههههههههههههههههههههههه متقلقوش برسم بس لقدام ههههههههههه |
رد: يوميات صياد فرفور
ههههههههههههههههههههههههههههه
حلوووووووووووووووووووووووووووووووووة اووووووووووووووووووووووووووووووووى |
رد: يوميات صياد فرفور
حلوه أوي .. تسلم إيدك :)
|
رد: يوميات صياد فرفور
جامدة أوى (أساحبى)
|
رد: يوميات صياد فرفور
ههههههههههههههههه جميله جدا تسلم ايدك
|
رد: يوميات صياد فرفور
اي خدمة يا رجالة و الشكر ليكم
|
رد: يوميات صياد فرفور
ومن يومها رجع لاسمه سيكا هههههههههههههههههههه
|
رد: يوميات صياد فرفور
حلوة أوي القصة دي يا (ساحبي)
|
| الساعة الآن 03:08 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir