|
الاكتفاء الزاتي
السلام عليكم ورحمة الله وبركاته الساده الزملاء معظم قطع الغيار الي عايزنها بنجبها من الخارج مع اننا في مصر نملك خبرات عظيمه في فن الابداع في مجال الاسلاحه انا عايز من كل الاعضا الي عنده ابداع في اي قطعه في البندقيه يوضح تجربته للاكتفاء الزاتي ومعلش ده طلب خاص لو حد عنده اي فكره عن تصنيع رش نمره 2 ونمره 1 يقول لانني عايز اعمل المشروع ده وشكراااااا
|
رد: الاكتفاء الزاتي
:(ارجوكم ساعدوني
|
رد: الاكتفاء الزاتي
هي دي يا باشا الروح اللي احنا عايزينها علشان نتقدم مصر طول عمرها كانت بلد السلاح :)
موفق ان شاء الله و انا اول واحد معاك http://www.egypthunt.net/showthread.php?t=25873 |
رد: الاكتفاء الزاتي
انا رأي ان احنا ممكن كخطوه اولي نفك الدبش مثلا بتاع البندقيه و نعمل زيه عند اي نجار و كمان حتكون تكلفته صغيره لو حناخد كميه
|
رد: الاكتفاء الزاتي
و ممكن بعض القطع التانيه نفكها و نعملها عند حداد بنفس الطريقه بردو .... بس في اجزاء صعب جدا عملها مثل الشخشنات اللي في الماسوره و اعتقد السوسته بردو ..... و ياريت اي حد يتفاعل معانا :)
|
رد: الاكتفاء الزاتي
اقتباس:
|
رد: الاكتفاء الزاتي
اخى نحن نصنع قطع غيار كثير
من اهمها سوست البنادق بانواعها و الجلب و بعض انواع الناشنكانات و جميع قطع غيار البريتا و اشياء اخرى كثير بالتوفيق و جزاكم الله خيرًا |
رد: الاكتفاء الزاتي
و انا بعرض مساعدة منى للسادة الاعضاء
لو حد عندة جزء او قطعة حديد عايز يعملها انا ممكن اعملهالةو باسعار كويسة جدا ولو عايز يوديها هو عند خراط بس مش عارف يفهمة يقولى برضة و انا اعملة رسم هندسى ليها على الاتوكاد و دة مجانا لاعضاء المنتدى بس اتمنى فعلا ان الفكرة تتنفذ و انى اقدر اساهم فيها و لو بحاجة بسيطة تحياتى |
رد: الاكتفاء الزاتي
انا صنعت الوصله اللى فى الديانا 46 وكان معايا واحد صحابى اللى هيه مابين الساعد والعتله وصنعت ساعد التل المجر ى العتله وعملت سوسته لف على ايدى للبليه نتاعت عتلة التل المجرى بعمل جلب جلد زفر على ايدى وحاجات كتيرة يطول شرحها لانى بصطاد من زمان
|
رد: الاكتفاء الزاتي
الله عليكوا يا رجال مصر ...ايوة كده :)
|
رد: الاكتفاء الزاتي
هو ده الكلام ... احنا اصل السلاح :)
|
رد: الاكتفاء الزاتي
اشكر كل من شارك ولو بكلمه في هذا الموضوع..................................
1 ـ بالنسبه للخشبه عايزين نحدد نوع الخشب الي ينفع علشان ما نبوظش حاجه 2 ـ ام المسورة ممكن تكون زي مواسير الغاز ده طبعا مجرد رأي 3 ـ السوسته بصراحه لا اعلم عنها اي حاجه هههههههههههههههه 4 ـ المشكله بالنسبه لي الرش نمره واحد او اتنين لو حد عنده معلومات عنه اي تفصيله او مكبس لعمل هذا الرش اكون شاكر 5 ـ عايزن كل واحد يركز في حاجه اولا علشان يتقنها والتانيه علشان يعرف كل امكانيتها وبعدين يعلمنا بيها فا انا عايز اختار الخشبه والرش واسمحولي موضوع الرش مهم جدا بالنسبة لي لو حد عنده اي معلومه ان في الانتظار طبعا سمحوني علشان اخترت اسهل حاجه ( الخشبه ) واضعب حاجه من وجهت نظري ( الرش ) |
رد: الاكتفاء الزاتي
هو انت يا غالى ممكن تجرب تعمل قراطيس من صفائح التونة مثلا وتعمل ع جنابها خطوط بالمنشار ممكن حتى خطين كفايا عشان يمشى مع الششخانات وطبعا تخلى فتحه القرطاس ده اكبر شوية من فتحه البندقية عشان ميقعش
ومتنساش تجربها ع بندقية قديمه عشان ممكن يتحشر ف المسوره وشكرا يا زوق :) |
رد: الاكتفاء الزاتي
اقتباس:
وشكرا |
رد: الاكتفاء الزاتي
اقتباس:
|
رد: الاكتفاء الزاتي
ان شاء الله قريبا تصنيع جزرة الجامو رويال بس لما تكمل هعرضها على حضراتكم بس ادعو معايا ربنا يهديلى الخراط
|
رد: الاكتفاء الزاتي
انا اسف انى كتبت بإختصار
بس انا قصدى اننا ممكن نعمل رش بنفسنا بأننا نجيب غطاء علبة التونة العادية بعد ما نفتحها بمفتاح التونة هيكون عندنا دائرة من الصفيح وحادة جدا من الأطراف اوك؟ طيب دلوقتى هنجيب مقص ونقص حتت صغيرة من الدائرة دى على شكل مربع وفى حجم عقلة الأصبع مثلا صباع (الإبهام) وبعدين نجيب البنسه او الذردية و الكماشه وبحذر نحاول نلف القطع دى ع شكل قراطير صغيرة يعنى كل حته مربعه نتنيها بالذردية والكماشه لغاية مانخلى شكلها قرطاس وبعدين نحط واحده منهم فى البندقية ونقص الزيادة عموما ههههههههه هى مش هتنفع وهتكون ضعيفه انا بس حبيت افسر اكتر اول مشاركة فوق بالتوفيق |
رد: الاكتفاء الزاتي
فكره بسيطه وجميله ومشكو علي التوضيح بس انا عايز مكبس او ماكينه
|
رد: الاكتفاء الزاتي
بالنسبة للدبشك يكون من خشب الزان و يمكن للأيمجى تصنيعه و يوجد ورش لذلك
مسألة علبة التونة خطيرة على الششخنات لان الرش يصنع من الرصاص لانه اضعف من خامة الماسورة فلا تتآكل و يوجد عندنا اكثر من نوع للرش المصرى مارس مان و الرماية و اوسكار و انواع كثيرة بالتوفيق و جزاكم الله خيرًا |
رد: الاكتفاء الزاتي
السلام عليكم ورحمة الله وبركاته يا جماعه بالنسبه لتصنيع قطع الغيار ففيه اشياء بسيطه ممكن تتعمل مع وجود الادوات اللي بمقدرتنا نجيبها وعلى سبيل المثال زي ما بعض الاخوه قالو السست والدبشك وكمان الجلد الداخليه اما من ناحيه تانيه فيه اشياء استحاله طبعا نعرف نعملها ( انا طبعا بتكلم عننا كأفراد اما من ناحيه مصر كبلد فحنا نقدر نعمل كل شي بفضل الله ) انما موضوع الششخانات فده لازم له اجهزه متطوره سواء اجهزه ميكانيكيه او اليكترونيه واسف على الاطاله
|
رد: الاكتفاء الزاتي
يا جماعه السلم بيبتدي من اوله
اول حاجه التصميم ثاني حاجه الخامه ثالث حاجه الخراط او النجار رابع حاجه تعرضه هنا و تقول التجربه |
| الساعة الآن 03:05 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir