|
الكرال بعد اجراء التعديلات الازمه.
5 مرفق
اخواتى فى المنتدى تحياتى ليكم جميعاّ وكل سنه وانتم طيبين اضافه الى اخواتى الرواد فى المنتدى الى نورونا وخلونا نتعرف على البندقيه الكرال تحياتى ليهم جميعاّ وانشاء الله نتعلم منهم اكتر واكتر... حبيت اعرفكم على التجربه الشخصيه مع الكرال اولا انا اشتريت البندقيه من 3 شهور تقريباّ بعد اكتر من 10سنين توقف عن الصيد هيا خشب كبير من السجلابى ب 1450 واول مشتريتها وقبل اى طلعه تم عمل تشحيم وتنظيف للبندقيه وطبعاّ تغير قاعده السوسته الفبر بوحده معدن عند النجم محمود شلبى وقالى السوسته بتاعتها زى الفل مفيهاش المشاكل التقليديه بتاعت الكرال والجلبه وجلبت بيت الرش مفيش احلى من كده . اتكلت على الله وابتديت اجرب البندقيه على مسافات اكبر من 10متر القوه كانت جباره بس النشان حدث ولا حرج كل شويه بحاله لحد مزهقت منها وقرفت بصراحه وانا هعمل ايه بالقوه من غير الدقه المهم طلعت بيها كذا طلعه وكنت الحصيله معقوله والحمد لله بس فى بدايه الطلعات بعد كده ترييش والذى منه وده مش من النشان على شان انا مثبته كويس جداّ الهم اكثر من زميل فى المنتدى ربنا يباركلهم نصحونى اغير السوسته انا شخصياّ مكنتش مقتنع ومال السوسته السوسته قويه مالها ومال النشان كنت ساذج طبعاّ وبعد تفكير قلت لما اجرب وماله وبعدين لقيت عرض على سوست جامو الاصليه فى احد المنتديات الصديقه من شخصيه محترمه اشتريته على طول ولسه مركبها من اسبوع واحد عند محمود شلبى الى كان صعبان عليه يغير السوسته الاصليه لانها زى ماهيا زى الفل مرفق صوره ليها فى الاسفل وياخساره مصورتش السوسته الجامو قبل التركيب المهم ابتديت اجرب البندقيه بعد تركيب السوسته الجامو وعينك متشوف الا النور بعدم احتساب اول 3 رشات فى كل تجربه وده طبيعى دقه عليا جداّ وقوه تدميريه ملهاش حل مرفق صور غطاء حاجه حاجه ساقعه من مسافه 12 متر تم تجربه البندقيه ثلاثه ايام على فترات مختلفه معلش برضه ال اتلسع من الشربه ينفخ فى الزبادى ههههه مرفق صور بالاسفل لغطاء الحاجه الساقعه دهنه ازرق مضروب 5 رشات و صوره لكاتم البندقيه للاخوه الى بيسألو على شكل الاصدار الجديد وصوره للبندقيه ال بقت عزيزه عليه وصوره للسوسته الاصليه وباين من الصوره انها زى ماهيا وصوره للوح النشان الخشب وهو جزء من لوح سرير من النوع السميك من عند اى نجار تم تدميره تماما بحوالى 30 رشه وغداّ باذن الله التجربه العمليه و هتبقى طلعه شم النسيم انشاء الله ادعولى برجاء الى عاجبه الموضوع التقييم والى مش عاجبه برضه التقييم هههههه وكل سنه وانتم طيبين مره تانيه.
|
رد: الكرال بعد اجراء التعديلات الازمه.
شكرا على الموضوع
يعنى تغيير السوسته فقط بواحده اخرى اصليه ممكن يحل مشكله التجميع |
رد: الكرال بعد اجراء التعديلات الازمه.
ربنا يباركلك فيها , ودى نصيحة لزملاء كتير فى المنتدى ان سوستة الكرال لازم تتغير على الرغم من ان السوستة الأصلية سليمة و مافهاش حاجة و زى الفل .... لكن النتيجة العملية مختلفة شـــكراً يا أستاذ أيمن على مجهودك فى التجربة العملية و عرضها على الزملاء لإفادتهم |
رد: الكرال بعد اجراء التعديلات الازمه.
اقتباس:
|
رد: الكرال بعد اجراء التعديلات الازمه.
شغل عالى هتشجعنى اغير السستة انا كمان معايا كرال
|
رد: الكرال بعد اجراء التعديلات الازمه.
أنا كمان معايا كرال و مازالت السوسته الأصلية و لكن للأسف لا أستطيع ان احكم عليها لأنى لم اخرج بها و لا طلعة حتى الآن مع انى أشترتها من شهر تقريبا و التجربة اللى بقوم بها داخل الشقة و ده طبعا ليس مقياس لآن اكبر مسافة كانت 10 متر
|
رد: الكرال بعد اجراء التعديلات الازمه.
السلام عليكم ورحمة الله وبركاته،
أخي العزيز أنا كنت أملك بندقيه كرال قبل ما ربنا يفتحها عليه و أجيب ديانا ٥٢ فهقولك علي أسرار معالجة عيوب الكرال و تعملها و تدعيلي: ١- تغيير السوسته بتاعتها لأن حتي لو مش باين فيها عيب السوسته بيكون فيها إنحناء بسيط و كذلك المسافات بين الحلقات غير منظمه فبتخلي البندقيه تشكل. يعني رشه فوق ورشه تحت و حبه يمين و حبه شمال علشان متزعلش حد :) منها. ٢- الجلبه بتاعتها تغيرها بحاجه نظيفه لأن اللي فيها ساعات بيكون فيها شروخ أو فلق خفيف أوي مش باين. ٣- تغير قاعدة الدليل الفيبر بواحده معدن لأن الفيبر بتتكسر و بعدين تقوم محشوره في مجموعة الزناد و السوسته بتضغط علي مجموعة الزناد فتقوم المجموعة تبوظ و تتعور في مبلغ محترم وده إن لاقيتها. ٤-النشنكان الخلفي لأنهم عملين المسمار اللي ماسكه تحت الغطاء بتاعه علي الطرف فمع الضرب بيتحرك. و لذلك بيتعمل مسمار تاني في المنتصف و أنسي بقي ثبات السنين يا باشا. ٥- بتتعمل قرصه خفيفه علي مجموعة الزناد علشان المشكله اللي بتظهر ساعات وهي إن البندقيه مبتقبلش التعمير. و للأسف في ناس مش بتبقي عارفه المشكله دي ولا حلها فيقولك البندقيه باظت معلش يا بيه نصيبك مع عن حل المشكله تافه أخر حاجه :) ٦- قبل كل طلعه أكد علي ربط مسامير البندقيه اللي في الجنب لأنهم بيفكوا مع الضرب فربطهم قبل كل طلعه علشان متبقاش مزبط كل حاجه و تلاقي البندقيه بتشكل منك. أعمل الحاجات دي وأقسم لك أن البندقيه هتبقي وحش معاك. يا رب أكون أفدتك و أفدت أي حد معاه كرال. و اللي عايز أي إستفسار أخر أنا تحت أمره. وتقبل مروري :) |
رد: الكرال بعد اجراء التعديلات الازمه.
معلش حاجه كمان نسيت أقولها لما تيجي تظبط نشانك أفضل مسافه من ٢٠ ال ٢٥ متر. إنما ال ١٠ او ١٢ متر دول ميئكلوش عيش :). سلام يا كبير :)
|
رد: الكرال بعد اجراء التعديلات الازمه.
اقتباس:
بس اخوك بفضل الله كان معايا ديانا اير كينج ببيعها علشان اضبط الكرال هههههههه |
رد: الكرال بعد اجراء التعديلات الازمه.
الله ينور ياعم عرابى برنس اخر حاجه ومتميز
شرح وافى من انسان فاهم بالتوفيق ان شاء الله دائما |
رد: الكرال بعد اجراء التعديلات الازمه.
اقتباس:
|
رد: الكرال بعد اجراء التعديلات الازمه.
اقتباس:
|
رد: الكرال بعد اجراء التعديلات الازمه.
اقتباس:
بيقولك القديمه تحلى ولو كانت ..................... نهارك جميل يا حبيبى |
رد: الكرال بعد اجراء التعديلات الازمه.
اقتباس:
|
رد: الكرال بعد اجراء التعديلات الازمه.
اقتباس:
|
رد: الكرال بعد اجراء التعديلات الازمه.
اقتباس:
و أخيرا عايز أعرف محل محمود شلبى اللى فى مارى جرجس من ناحية جامع عمرو والمتحف القبطى ولا من الناحية الثانية لمحطة المترو وشكرا |
رد: الكرال بعد اجراء التعديلات الازمه.
اقتباس:
المعلومه دي مش صح. لأن القاعده دي معموله علشان تمنع السوسته أثناء إرتدادها بقوه عند الضرب من الخبط في مجموعه الزناد و تمنعه من الضغط علي مجموعة الزناد عند التعمير. يعني ملهاش دعوه بأي حاجه تانيه. هما الأتراك صيع شويه :) عملوها فيبر علشان تكسر و تبوظ حاجات تانيه و بالتالي يبقي فيه طلب علي قطع غيار بعد كده يعني من الأخر شغل سوق و تجاره. المهم متضربش بالبندقيه كتير الا لما تعمل الحاجات دي. و تقبل مروري و أي إستفسار أنا تحت أمرك |
رد: الكرال بعد اجراء التعديلات الازمه.
شكرا يا باشا على سرعة الرد و ربنا يجازيك خير
|
رد: الكرال بعد اجراء التعديلات الازمه.
اقتباس:
أستاذ حسن عرابى مظبّط الموضوع ومش سايبلنا حاجة نقولها بالنسبة لموضوع قاعدة السوستة , أنا هاقولك تجربة عملية علشان تطمئن , أنا مغيّر قاعدة السوستة فى البندقية الرويال بتاعتى , هى كانت فيبر زى الكرال كدة بس طبعا خامة احسن و كانت سليمة بس محمود شلبى نصحنى اغيّرها بالمعدن , غيّرتها و البندقية مظبوطة زى الفل ماشاء الله و احسن من الأول كمان ودخلت بالبندقية مسابقة رماية كان أحد أصدقائنا عاملها عنده فى الفيللا بتاعته , والحمد لله كسبت المركز الأول على عشرة من أفضل الصيّادين , ومنهم اللى كان داخل المسابقة ببندقية pcp , ولكن الحمد لله الرويال شرّفتنى. بالنسبة لمحل محمود شلبى , هو ناحية الكورنيش |
رد: الكرال بعد اجراء التعديلات الازمه.
اقتباس:
|
رد: الكرال بعد اجراء التعديلات الازمه.
اقتباس:
|
رد: الكرال بعد اجراء التعديلات الازمه.
شكرا لالاستاذ ايمن صاحب الموضوع و شكرا ل الاستاذ عرابى و الدكتور محمد (ماشاء الله لا قوه الا بالله الف مبروك على المركز الاول يا دكتور ) ......وسوف يتم عمل التعديلات المطلوبه حالا ان شاء الله ...... و جزاكم الله عنا خيرا |
رد: الكرال بعد اجراء التعديلات الازمه.
اقتباس:
|
رد: الكرال بعد اجراء التعديلات الازمه.
اقتباس:
|
رد: الكرال بعد اجراء التعديلات الازمه.
اقتباس:
|
رد: الكرال بعد اجراء التعديلات الازمه.
اقتباس:
|
رد: الكرال بعد اجراء التعديلات الازمه.
اقتباس:
|
رد: الكرال بعد اجراء التعديلات الازمه.
اقتباس:
|
رد: الكرال بعد اجراء التعديلات الازمه.
اقتباس:
|
رد: الكرال بعد اجراء التعديلات الازمه.
اقتباس:
|
رد: الكرال بعد اجراء التعديلات الازمه.
اقتباس:
|
رد: الكرال بعد اجراء التعديلات الازمه.
مشكور يباشا علي النصائح الحلوه ديه وانشاء الله اعملها في اقرب فرصه
|
رد: الكرال بعد اجراء التعديلات الازمه.
عرابي باشا الله ينور علي المعلومات بس في سؤالين لة تسمح .. بالنسبة لتثبيت النيشان الخلفي و القرصة علي الزناد ..برجاء الايضاح بالتفصيل المتمادي في الملل ...و لك تحياتي و معلش بتقل عليك
|
رد: الكرال بعد اجراء التعديلات الازمه.
الله ينور عليك يا أبو جاسر وألف مبروك على السوستة الجديدة وبالصيد الوفير وتقبل تحياتي ودمت في أمان الله تعالى
|
رد: الكرال بعد اجراء التعديلات الازمه.
اقتباس:
|
رد: الكرال بعد اجراء التعديلات الازمه.
اقتباس:
تقبل تحياتي |
رد: الكرال بعد اجراء التعديلات الازمه.
اقتباس:
أولا : شكرا جزيلا و موضوع ماتع و شكر موصول لكل أعضاء المنتدي الرائع الذين شاركوا في هذا الموضوع .... فعلا الرماية رياضة النبلاء . ثانيا : نفس سؤال اخي محمد حافظ باشا ... برجاء الوصف التفصلي . ثالثا : المدي الفعال كم متر بعد كل هذه التعديلات .... ؟ وهل تصلح لصيد " قنفذ " من مسافة 50 الي 60 متر ؟؟؟؟ رابعا : هل تصلح لصيد غراب علي نفس المسافة ايضا ؟؟؟؟ خامسا : كم تكلفت هذه التعديلات ؟؟؟ وكذلك الوقت ؟؟؟ شكرا لكم و تقبلوا كثير أسفي لوقتكم . |
رد: الكرال بعد اجراء التعديلات الازمه.
اقتباس:
مش مهم حضرتك بتضرب بأي بندقيه و لا العبره بالمسافه ولا بنوع الكائن المهم هو بتضرب الصيد فين بمعني أخر لو بتضرب في مقتل زي مكان القلب، الرقبه أو أسفل الأذن بأذن الله تموت تعلب مش قنفد :) أما بخصوص التكلفه بتتكلم في حوالي 100 الي 120 جنيه سوسته 30 الي 40 قاعده وحوالي 30 ال 40 مصنعيه يعني بنكلم في تكلفه من 130 الي 160 و الكلام ده ما يخدش أكثر من نص ساعه. تقبل تحياتي |
Re: الكرال بعد اجراء التعديلات الازمه.
شكرا علي المعلومات القيمه
|
رد: الكرال بعد اجراء التعديلات الازمه.
اقتباس:
|
رد: الكرال بعد اجراء التعديلات الازمه.
اقتباس:
أما موضوع العمر الإفتراضي فده نسبي شويه بأنه بيعتمد علي طريقة إستعمالك البندقيه. تقبل تحياتي |
رد: الكرال بعد اجراء التعديلات الازمه.
بكام الديانا ارجو الإرسال علي الخاص
|
رد: الكرال بعد اجراء التعديلات الازمه.
مبارك عليك التعديلات الجميلة
وربنا يديك خيرها ويكفيك شرها |
رد: الكرال بعد اجراء التعديلات الازمه.
اقتباس:
الديانا 52 في حدود 5،700 الي 6,000 الديانا 52/48 في حدود 5،300 الي 5،500 الديانا 34 ب 4,000 الديانا 54 في حدود 6,000 الي 6،300 الديانا 56 ب 9،500 تقبل تحياتي |
رد: الكرال بعد اجراء التعديلات الازمه.
اقتباس:
عرابي باشا الأسعار دي عندمين ؟؟؟ لأني اعتقد انها أغلى من كدا بكتير ؟؟؟ |
رد: الكرال بعد اجراء التعديلات الازمه.
ياراجل ال54 ب8250 الا اذا كانت نمرة 1
|
رد: الكرال بعد اجراء التعديلات الازمه.
اقتباس:
تحياتي |
رد: الكرال بعد اجراء التعديلات الازمه.
اقتباس:
وتقبل تحياتي |
| الساعة الآن 02:00 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir