الصيد فى مصر

الصيد فى مصر (http://www.egyhunt.net/index.php)
-   بنادق ضغط الهواء ومتعلقاتها (http://www.egyhunt.net/forumdisplay.php?f=51)
-   -   أفيدوني أفادكم الله (http://www.egyhunt.net/showthread.php?t=2728)

elwyamin 10-07-26 12:56 AM
أفيدوني أفادكم الله
 
أنا عضو حديث وأحب الصيد جداً وأريد شراء سلاح قوي وأصيل ذو منظار جيد , وسمعت عن نوعين من الأسلحة وهما التل المجري والنوع الأسباني مش متذكر اسم الماركة . هل هذين النوعين جيدين أم أن هناك أنواع أفضل وأقوى ؟؟ أرجو الإفادة والمساعدة

rock 10-07-26 02:17 AM
رد: أفيدوني أفادكم الله
 
السلام عليكم .... اخى العزيز .
مرحبا بك كعضو من اعضاء المنتدى وانشاء الله تكون مبسوط معانا .
التل المجرى بنادق قديمه ونادرا لما بتلاقى بندقيه بحالتها الا مع الصيادين القدام بس هى بنادق قويه وملهاش حل ولو ربنا كرمك بوحده امسك فيها بايدك وسنانك .الانواع اللى موجوده كما قال أ/ جلال فى موضوع سابق الصينى ( بام _بايونيير ......) من 700 الى 1800ج والاسبانى وهو الاكثر انتشارا بين الصيادين لسعره المناسب وخاماته الجيده ( جامو _ نوركا )من 1205 _3750 ج والالمانىوالانجليزى وهما النوعان الذهبيان للصيد ومشهورين بقوتهم ودقتهم العاليه ولا اقلل من شأن باقى الانواع والنوعين دول غاليين لان صناعتهم دقيقه جدا (ديانا الالمانى _فايرخ المانى ( نادره فى مصر ) بى اس ايه انجليزى _ ويبلى باترويت انجليزى ) اسعار الالمانى من 3200 الى 7500 ج بس الانجليزى انا معرفش اسعاره ...بس ممكن اساتذتنا الصيادين يفيدونا ( اصلى زيك لسه جديد ).اما عن المنظار فهو ممنوع بس ممكن تشترى منظار صغير وتصطاد بيه بس الثبات كله والحرفنه فى النيشان من غير منظار لان زى ماقللى أ/ طلعت بخيت لو انت ايدك مش حلوه فى النيشان العادى مش هتجيب حاجه بالمنظار .انا عندى منظار ومبستعملوش لسببين 1ـ انا مش عارف اظبطه . 2ـبحب النيشان العادى جدا لانى متعود عليه من صغرى . ارجو ان اكون افدت حضرتك ..........؟ تحياتى

galal khalifa 10-07-26 09:38 AM
رد: أفيدوني أفادكم الله
 
اقتباس:
المشاركة الأصلية كتبت بواسطة rock (المشاركة 21419)
السلام عليكم .... اخى العزيز .
مرحبا بك كعضو من اعضاء المنتدى وانشاء الله تكون مبسوط معانا .
التل المجرى بنادق قديمه ونادرا لما بتلاقى بندقيه بحالتها الا مع الصيادين القدام بس هى بنادق قويه وملهاش حل ولو ربنا كرمك بوحده امسك فيها بايدك وسنانك .الانواع اللى موجوده كما قال أ/ جلال فى موضوع سابق الصينى ( بام _بايونيير ......) من 700 الى 1800ج والاسبانى وهو الاكثر انتشارا بين الصيادين لسعره المناسب وخاماته الجيده ( جامو _ نوركا )من 1205 _3750 ج والالمانىوالانجليزى وهما النوعان الذهبيان للصيد ومشهورين بقوتهم ودقتهم العاليه ولا اقلل من شأن باقى الانواع والنوعين دول غاليين لان صناعتهم دقيقه جدا (ديانا الالمانى _فايرخ المانى ( نادره فى مصر ) بى اس ايه انجليزى _ ويبلى باترويت انجليزى ) اسعار الالمانى من 3200 الى 7500 ج بس الانجليزى انا معرفش اسعاره ...بس ممكن اساتذتنا الصيادين يفيدونا ( اصلى زيك لسه جديد ).اما عن المنظار فهو ممنوع بس ممكن تشترى منظار صغير وتصطاد بيه بس الثبات كله والحرفنه فى النيشان من غير منظار لان زى ماقللى أ/ طلعت بخيت لو انت ايدك مش حلوه فى النيشان العادى مش هتجيب حاجه بالمنظار .انا عندى منظار ومبستعملوش لسببين 1ـ انا مش عارف اظبطه . 2ـبحب النيشان العادى جدا لانى متعود عليه من صغرى . ارجو ان اكون افدت حضرتك ..........؟ تحياتى
ما اقدرش ازود ولا معلومة علي احمد لانة قال كل المعلومات

mimic 10-07-26 02:06 PM
رد: أفيدوني أفادكم الله
 
بص يا باشا فيه نوع محترم اوي والله ووصاني بيه اأستاذ جلال هوا صيني واسم البندقية بام 21 بس بيقولو زي الديانا 52 بالظبط وقوية جدا جدا انالما جيت اشتريها بصيت على الديانا وملقتش فيه فرق بينهم نس كل شيئ وكمان هيا مخدومة من ناحية الخامات على فكرة انا كنت بنشن على عصاية مقشة من مسافة 15 متر تقريبا واول رشة شرخت العصاية وتاني رشة فلقتها والله ده اللي حصل بالظبط وده بينلي انها قوية شوفها واسأل عليها ولو عايزها معلش هندبس الأستاذ جلال ههههههههههه كلمو هيبعتك لمحل في العتبة وهعملو معاك الصح كلو اول لما يعرفو انك من طرفو وابقا ادعيلي لما تجبها وقولي {أيك فيها ايه ؟

مصطفى قناص الليل 10-07-27 10:20 AM
رد: أفيدوني أفادكم الله
 
بجد الله ينور يا كبار وتسلمو جميعا ... وتحياتى لكم .........

super 10-07-27 11:05 PM
رد: أفيدوني أفادكم الله
 
السلام عليكم
اخي العزيز بالنسبه للبندقية التل المجري بندقية قديمة لكنها جيدة لا تضعف سوستتها بسرعة
لوجود سوستة اضا فية بداخل السوستة الاصلية
بها بعض العيوب منها عدم اتزان المعدن مع الدبشك الخشب نظام كبس الهواء قديم [جلد زفر]
محتاج للتزيت باستمرار
انصحك بالبنا دق الاسباني بس تكون مشوار البستم والماسوره طويل مثل النوريكا الجيت
اما بالنسبة للمنظار لا انصح به حاليا لان ظبته حيكون صعب عليك وعدم توفره بالاسواق
والله الموفق / اخوك محمد شاكر من بورسعيد


الساعة الآن 08:18 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir