متى أستطيع أن أصطحب أبنى معى أثناء الصيد
 

عايز أعرف متى يمكننى ان اصطحب ابنى معى اثناء قيامى بالصيد وخاصة انى سأقوم بذبح الطيور بعد سقوطها علما بأن ابنى عنده أربع سنوات وكان شاف ارنب اثناء ذبحه منذ فترة و أصيب بحالة هلع شديدة و أخذ فى الصراخ وانا عايزه يطلع معى طلعة صيد فبماذا تنصحونى وشكرا لكل الاعضاء

رد: متى أستطيع أن أصطحب أبنى معى أثناء الصيد
 

رد: متى أستطيع أن أصطحب أبنى معى أثناء الصيد
 

السلام عليكم و رحمه الله و بركاته ... انا عندى نفس الموقف ... ولكن انا ابنى عنده 5

http://img4.imageshack.us/img4/7007/p1100056h.jpg

اخذته معى و جبتله مسدس رش ضعيف بدبشك طليانى كان معروض بالمنتدى و خليته بنشن على علب و و رق كل فتره وكان عايزنى اوقع اى طير ( يا با با اصتاد يما مه ..يا با با ياله ....اصتاد يا بابا ) وفكرت فى موضوع الذبح لقيت لسه شويه يمكن لما يتعلم رمايه 100 100 عند سن 6 مثلا اخليه يصطاد هو ويدبح لنفسه مره واحده على طول ... بس انا بخليه يشوف الرزق الربنا رزقه ويمسكه و يحبه ويعرف ان هى لازم تذكى(تذبح )بسرعه بعد التسميه و التكبير و هى هتبقى مبسوطه علشان احنا هنكولها و تعملنا عضلات وهتفضل معانا ديما علشان ربنا خلقعا علشان كده .... وربنا يبارك فيك وفيه انزل يا باشا بالولد رحلات رمايه وتنشين و تمشيه و برده الرأى و الطريقه بتاعه الاخ المحترم سرسور بها منطق جميل واعتقد انها طريقه ممتازه ... ولكن مع الوضع فى الاعتبار المناظر المناسبه حسب ادراك الطفل حتى لا يصاب بعد الف شر بصدمه تظل معه العمر كله خدها بالتدريج و ربنا معاك (علموا اولادكم السباحه و الرمايه وركوب الخيل ) ... تحياتى

رد: متى أستطيع أن أصطحب أبنى معى أثناء الصيد
 

رد: متى أستطيع أن أصطحب أبنى معى أثناء الصيد
 

انا ابن اخويا بيطلع معايا وهو5 سنين وعادى بس وكان كويس جداً لغاية ما فى يوم من الايام راح يجيب يمامه كانت لسه صاحيه فضلت ماشيه وهو وراها ماشيه وهو رواها وهوب :) لقى كلب شكله غريب فى وشه ومن يوميها وهو كاره اليمام والبندقيه والكلاب وكرهنى انا شخصياً

رد: متى أستطيع أن أصطحب أبنى معى أثناء الصيد
 

كلام جميل من السادة الزملاء وموضوع ممتاز لان اول طلعات الصيد دايما بتكون شخصية الطفل بس هو لو ما بيحبش الصيد بلاش تجبرة علية واطمن حضرتك ان عريزة الصيد بتكون فى الجينات انا اخدتها من والدى وابنى بيحب الصيد بردة بس نظرى لحد دلوقتى ما شافش حاجة بتندبح لسة_الموضوع خطير لانة ممكن يخلى الطفل غير متزن نفسيا لما يشوف الطير بيندبح لازم يكون بالتدريج زى الاخوة ما تفضلوا وقالو ويا ريت يشوف فيديوهات فيها دبح زى خروف العيد نظرى كدا بس لو خاف او ما حبش _ما تغصبش علية لان موش كل البشر زى بعضهم فية ناس بتكون حساسة جدا ومرهفة المشاعر ودة موش عيب والا حاجة

رد: متى أستطيع أن أصطحب أبنى معى أثناء الصيد
 

ربنا يباركلنا فى الجيل الصاعد انا عندى نفس الحوار دة بس لسة بخليهم يتفرجو الأول ... وبعدين كدا ازعل منك يازيزو علم الواد المسكة الصح للسلاح علشان يطلع زى ابوة هههه

رد: متى أستطيع أن أصطحب أبنى معى أثناء الصيد
 

شكرا يا باشا وكلامك سليم لكى يعتاد عملية الذبح بالتدريج

رد: متى أستطيع أن أصطحب أبنى معى أثناء الصيد
 

لسلام عليكم و رحمه الله و بركاته ... انا عندى نفس الموقف ... ولكن انا ابنى عنده 5

اخذته معى و جبتله مسدس رش ضعيف بدبشك طليانى كان معروض بالمنتدى و خليته بنشن على علب و و رق كل فتره وكان عايزنى اوقع اى طير ( يا با با اصتاد يما مه ..يا با با ياله ....اصتاد يا بابا ) وفكرت فى موضوع الذبح لقيت لسه شويه يمكن لما يتعلم رمايه 100 100 عند سن 6 مثلا اخليه يصطاد هو ويدبح لنفسه مره واحده على طول ... بس انا بخليه يشوف الرزق الربنا رزقه ويمسكه و يحبه ويعرف ان هى لازم تذكى(تذبح )بسرعه بعد التسميه و التكبير و هى هتبقى مبسوطه علشان احنا هنكولها و تعملنا عضلات وهتفضل معانا ديما علشان ربنا خلقعا علشان كده .... وربنا يبارك فيك وفيه انزل يا باشا بالولد رحلات رمايه وتنشين و تمشيه و برده الرأى و الطريقه بتاعه الاخ المحترم سرسور بها منطق جميل واعتقد انها طريقه ممتازه ... ولكن مع الوضع فى الاعتبار المناظر المناسبه حسب ادراك الطفل حتى لا يصاب بعد الف شر بصدمه تظل معه العمر كله خدها بالتدريج و ربنا معاك (علموا اولادكم السباحه و الرمايه وركوب الخيل ) ...


تحياتى أستاذ / زيدان مصر أنا فكرت فعلا فى الكلام بتاع حضرتك و شكرا للمرور

رد: متى أستطيع أن أصطحب أبنى معى أثناء الصيد
 

فكرة جيده فعلا حتى ساعتها ممكن الطفلين يتلهوا مع بعض و تمر عملية الذبح منغير مايركزوا فيها جامد و بعد كده يتعودوا على الموضوع ده

رد: متى أستطيع أن أصطحب أبنى معى أثناء الصيد
 

مش مهم يكره الكلاب و لا اليمام المهم ما يكرهكش انت و يا ترى فاكرنى و لا نسيتنى يا عم هشام

رد: متى أستطيع أن أصطحب أبنى معى أثناء الصيد
 

هى دى المشكلة إنى خايف الموضوع يجى بنتيجة عكسية يعنى أطلعه معايا علشان يتبسط أروح مسبب له عقده نفسية و أكون بكده بوظت الدنيا