الصيد فى مصر

الصيد فى مصر (http://www.egyhunt.net/index.php)
-   الورشة (http://www.egyhunt.net/forumdisplay.php?f=63)
-   -   سؤال لخبراء الكرال (http://www.egyhunt.net/showthread.php?t=27471)

القبطان المصرى 77 12-04-20 07:33 PM
سؤال لخبراء الكرال
 
5 مرفق
السلام عليكم ورحمة الله وبركاته
اشتريت النهارده كرال ماجنوم فايبر بلاك زيرو بــ 1650 جنيه
طبعا نمره 2
سرعتها 240
cal.5.5mm..s..44209
made in turkey
وبصراحه ضربت بيها حوالى عشر رشات مبدأيا كده قويه جدا ودقيقه
لكن كنت سمعت قبل كده انها لازم تتغيرلها سوسته جامو وجلبه عشان تبقى تمام
وبرده كنت سمعت انها بتحتاج تتفك وتتنضف وتتشحم من اول وجديد حتى ولو كانت لسه جايه زيرو بكرتونتها
ارجو النصيحه من خبرائنا الكرام
وياترى الرقم ده ليه معنى ولا هو عباره عن كود لا اكثر 44209

aymank2 12-04-20 08:03 PM
رد: سؤال لخبراء الكرال
 
الف مبروك يا باشا على البندقيه اهم حاجه فى الموضوع تغير القاعده الفبر بواحده معدن وتنظيف البندقيه وتشحيمها وبالمره تبص على الجلبه لو هيا كويسه يبقى مفيش مشكله وديه كانت اول نصيحه اخدتها من مالك الكرال أ. عادل عبده ربنا يكرمه . يريت متضربش بيها لحد متعمل ده خاصه موضوع القاعده الفبر انا شفت عند أ.محمود شلبى بندقيه لسه زيرو مجموعه الزناد كلها با ظت بسب الموضوع ده.

أحمد عطاالله إبراهيم 12-04-20 08:14 PM
رد: سؤال لخبراء الكرال
 
مبروك على البندقية الجديدة يا باشا .. واهم حاجة دلوقتى تغير القاعدة الفيبر بواحدة معدن ولازم البندقية تتزيت وتتشحم ومن رايى غير السوسته كمان بالمرة .. وبالنسبة للكود هذا سيريال البندقية لان كل بندقية بيكون ليها سيريال نمبر ..

تحياتى ..

أحمد عطاالله إبراهيم 12-04-20 08:17 PM
رد: سؤال لخبراء الكرال
 
معلش نسيت .. يا ريت تحاول ما تضربش بالبندقية دلوقتى خالص لحد ما تزيتها وتشحمها لان زيت المصنع فيها بيكون قليل جدا جدا يكاد يكون معدوم ...

تحياتى ومبروك على البندقية الجديدة ..

القبطان المصرى 77 12-04-20 08:22 PM
رد: سؤال لخبراء الكرال
 
اقتباس:
المشاركة الأصلية كتبت بواسطة aymank2 (المشاركة 352525)
الف مبروك يا باشا على البندقيه اهم حاجه فى الموضوع تغير القاعده الفبر بواحده معدن وتنظيف البندقيه وتشحيمها وبالمره تبص على الجلبه لو هيا كويسه يبقى مفيش مشكله وديه كانت اول نصيحه اخدتها من مالك الكرال أ. عادل عبده ربنا يكرمه . يريت متضربش بيها لحد متعمل ده خاصه موضوع القاعده الفبر انا شفت عند أ.محمود شلبى بندقيه لسه زيرو مجموعه الزناد كلها با ظت بسب الموضوع ده.
الله يبارك فيك استاذى العزيز ايمن بك
وانا متشكر جدا على النصيحه الغاليه دى
بس سؤال بسيط
هو حضرتك تقصد بالقاعده دى اللى هى الفيدر اللى بيدخل فى السوسته ولا انا فهمت غلط؟
ولو كان انا فههمت صح ياترى الخامه اللى هاعمل منها القاعده دى حديد عادى ولا معدن صلب او المونيوم مثلا
وشاكر جدا لحضرتك

القبطان المصرى 77 12-04-20 08:24 PM
رد: سؤال لخبراء الكرال
 
اقتباس:
المشاركة الأصلية كتبت بواسطة أحمد عطاالله إبراهيم (المشاركة 352538)
مبروك على البندقية الجديدة يا باشا .. واهم حاجة دلوقتى تغير القاعدة الفيبر بواحدة معدن ولازم البندقية تتزيت وتتشحم ومن رايى غير السوسته كمان بالمرة .. وبالنسبة للكود هذا سيريال البندقية لان كل بندقية بيكون ليها سيريال نمبر ..

تحياتى ..
جزاااااااااك الله كل خير استاذ احمد
ومتشكر جدا على التنبيه المفيد ده
وان شاء الله مش هاضرب بيها تانى لغاية ماظبطها واغيرلها سوسته وجلبه وقاعده
مش حضرتك برده تقصد بالقاعده ( الفيدر الخلفى للسوسته ) ؟؟

أحمد عطاالله إبراهيم 12-04-20 08:27 PM
رد: سؤال لخبراء الكرال
 
العفو يا باشا ..
بالظبط .. هوا ده وده احنا بنغيره عند الاستاذ محمود شلبى .. بس على ما اعتقد ان حضرتك من الاسكندرية ف هيكون صعب تروحله لانه من القاهرة طبعا ..

aymank2 12-04-20 08:37 PM
رد: سؤال لخبراء الكرال
 
اقتباس:
المشاركة الأصلية كتبت بواسطة القبطان المصرى22 (المشاركة 352543)
الله يبارك فيك استاذى العزيز ايمن بك
وانا متشكر جدا على النصيحه الغاليه دى
بس سؤال بسيط
هو حضرتك تقصد بالقاعده دى اللى هى الفيدر اللى بيدخل فى السوسته ولا انا فهمت غلط؟
ولو كان انا فههمت صح ياترى الخامه اللى هاعمل منها القاعده دى حديد عادى ولا معدن صلب او المونيوم مثلا
وشاكر جدا لحضرتك
ياباشا لاشكر على واجب احنا اخوات كان نفسى افيدك فى نوعيه المعدن والمقاسات بس انا لاقيتها
جاهزه عند ا.محمودشلبى هو عامل كام واحده عند الخراط بس المشكله ان حضرتك من الاسكندريه ممكن ا.عادل عبده او اى حد من الاخوة الاعضاء الى عملها بنفسه يفيدك فى الموضوع ده.

ramy11 12-04-20 08:47 PM
رد: سؤال لخبراء الكرال
 
الف مبروك على البندقيه

القبطان المصرى 77 12-04-20 09:10 PM
رد: سؤال لخبراء الكرال
 
اقتباس:
المشاركة الأصلية كتبت بواسطة tarekvb (المشاركة 352564)
حضرتك اشترتها منين ؟؟
فتح الله اسكندريه ياباشا

sema_alatool 12-04-21 12:51 PM
رد: سؤال لخبراء الكرال
 
ألف مبروك ياريس. كان ليا استفسار هو ده سعرها بالسكوب ولا من غيره؟

القبطان المصرى 77 12-04-21 06:59 PM
رد: سؤال لخبراء الكرال
 
اقتباس:
المشاركة الأصلية كتبت بواسطة sema_alatool (المشاركة 352885)
ألف مبروك ياريس. كان ليا استفسار هو ده سعرها بالسكوب ولا من غيره؟
الله يبارك فيك يابرنس
لاطبعا من غير الاسكوب
هى ممكن تكون غاليه شويه بس بصراحه لما فكيتها وشفتها من جوه استريحت

Orabi 12-04-22 03:50 AM
رد: سؤال لخبراء الكرال
 
أرجو من سيادتك مشاهدة هذا الموضوع إن شاء الله هتلاقي فيه اللي إنت عايزه

http://www.egypthunt.net/showthread.php?t=27217

تقبل تحياتي

القبطان المصرى 77 12-04-24 11:39 AM
رد: سؤال لخبراء الكرال
 
اقتباس:
المشاركة الأصلية كتبت بواسطة orabi (المشاركة 353380)
أرجو من سيادتك مشاهدة هذا الموضوع إن شاء الله هتلاقي فيه اللي إنت عايزه

http://www.egypthunt.net/showthread.php?t=27217

تقبل تحياتي
اشكر حضرتك جدا استاذ عرابى على تعبك والايفاده الجميله

Orabi 12-04-24 11:49 AM
رد: سؤال لخبراء الكرال
 
اقتباس:
المشاركة الأصلية كتبت بواسطة القبطان المصرى22 (المشاركة 354756)
اشكر حضرتك جدا استاذ عرابى على تعبك والايفاده الجميله
تحت أمرك يا فندم


الساعة الآن 05:56 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir