الصيد فى مصر

الصيد فى مصر (http://www.egyhunt.net/index.php)
-   الصيد العام (http://www.egyhunt.net/forumdisplay.php?f=1)
-   -   شكر خاص لعضو انا مش عارف اسمه (http://www.egyhunt.net/showthread.php?t=2748)

rock 10-07-28 04:04 PM
شكر خاص لعضو انا مش عارف اسمه
 
السلام عليكم .... ازيكم يا مدفعجيه الصيد .
احب اوجه شكر خاص الى عضو كريم فى المنتدى ..وذلك لانه قال معلومه جميله . ولما حدث موقف مناسب حبيت اجرب اللى قاله وطلع كلامه 100*100 وهو الآتى...:
لما تلاقى يمامتين على الارض اضرب اللى رجليها فاتحه او الاصغر حجما لانها بتكون النتايه وبعد الضرب اليمامه الدكر مبيطرش حتى لو طار استنى شويه ومتجريش على المضروبه هتلاقيه نزل جنبها ودى بتبقى فرصه انك تجيب جوز يمام فى وقت اقل .... وياريت ميحصلش العكس وتضرب الدكر هتلاقى النتايه طارت وسابته .
انا يا جماعه جربت الحكايه دى النهارده وكان معايا واحد صحبى جبت انا النتايه وهو جاب الدكر بنفس الطريقه اللى قال عليها العضو الكريم ..والبنادق المستخدمه هانتر (مدفعى )440 واحمد صحبى كان شايل البام21 .. وكان اول صيدها يعنى لسه مظفرها .
سامحونى بجد لانى فعلا مش عارف اسمه ...وسامحونى برضه لو كانت المعلومه قديمه عليكم .
حضراتكم صيادين كبار ..... ربنا يفيدنا بيكم ......... تحياتى .

هشام سمير 10-07-28 04:14 PM
رد: شكر خاص لعضو انا مش عارف اسمه
 
اعرفك انا بيه يا عم ولا تزعل نفسك
الدكتور احمد مصطفى قال نفس الكلام فى موضوع اسمه اليمام طائر يعشق الحريه
وبعدين انتا صياد قدييييييييييييييييييم المفروض المعلومه دى تكون انتا اكتشفتها من زمان
تحياتى
اخوك هشام سمير

galal khalifa 10-07-28 04:16 PM
رد: شكر خاص لعضو انا مش عارف اسمه
 
والكلام دا كمان في الحمام لما تكون مجموعة مع بعض اضرب واحدة وما تروحش تجيبها ها تلاقي الباقي نزل تاني علشان يشوفها زممكن تضرب اكتر من واحدة ودا حصل معايا في مدينة بدر اكثر من مرة بس ما يمنعش انك بتحب تقول المعلومات للجميع ودا طبعا مجهود يدل علي خلقك الكريم

NewSomeBody 10-07-28 04:31 PM
رد: شكر خاص لعضو انا مش عارف اسمه
 
ههههههههههه حلوة يا استاذ جلال
No Mercy

فكرتني بمعركة حصلت فى حرب الاستنزاف فى الجيش الاسرائيلي بنفس الطريقة وكان بطلها العميد الشهيد الرفاعي اسد الصاعقة

واصطاد قيادات العدو بالتدريج بنفس الطريقة

rock 10-07-28 05:21 PM
رد: شكر خاص لعضو انا مش عارف اسمه
 
اقتباس:
المشاركة الأصلية كتبت بواسطة هشام سمير (المشاركة 21642)
اعرفك انا بيه يا عم ولا تزعل نفسك
الدكتور احمد مصطفى قال نفس الكلام فى موضوع اسمه اليمام طائر يعشق الحريه
وبعدين انتا صياد قدييييييييييييييييييم المفروض المعلومه دى تكون انتا اكتشفتها من زمان
تحياتى
اخوك هشام سمير
ازيك يا هشام ..... ايه اخبارك . بس انا مش قديم ولا حاجه .... انا بدات الهوايه 20 /4 /2010 يعنى لسه ورور هههههههه .. تحياتى .

rock 10-07-28 05:25 PM
رد: شكر خاص لعضو انا مش عارف اسمه
 
اقتباس:
المشاركة الأصلية كتبت بواسطة galal khalifa (المشاركة 21643)
والكلام دا كمان في الحمام لما تكون مجموعة مع بعض اضرب واحدة وما تروحش تجيبها ها تلاقي الباقي نزل تاني علشان يشوفها زممكن تضرب اكتر من واحدة ودا حصل معايا في مدينة بدر اكثر من مرة بس ما يمنعش انك بتحب تقول المعلومات للجميع ودا طبعا مجهود يدل علي خلقك الكريم
معلش انا كنت حاسس انها معلومه قديمه .... تحياتى .

galal khalifa 10-07-29 12:25 AM
رد: شكر خاص لعضو انا مش عارف اسمه
 
اقتباس:
المشاركة الأصلية كتبت بواسطة rock (المشاركة 21651)
معلش انا كنت حاسس انها معلومه قديمه .... تحياتى .
لية يا احمد في ناس كتيرة مش عارفة المعلومة دية ولغاية وقت قصير انا شخصيا ماكنتش عارفها ولما اتكرر الموضوع عرفتها انت راجل عسل وصياد اتوقع لة انة في فترة قصيرة وقريبة ان يكون صياد من العيار الثقيل

NewSomeBody 10-07-29 03:27 AM
رد: شكر خاص لعضو انا مش عارف اسمه
 
وانا أؤيد رأي الدكتور جلال

اول مرة اعرف المعلومة من موضوع حضرتك
ربنا يكرمك

rock 10-07-29 07:09 AM
رد: شكر خاص لعضو انا مش عارف اسمه
 
شكرا لكل من رد على هذا الموضوع ....... واكرر شكرى للدكتور العزيز / احمد مصطفى على علمه الوفير ومعلوماته الهامه ... ربنا يفيدنا بيكم .... تحياتى .


الساعة الآن 05:29 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir