|
حكومه غبيه وقانون متخلف احزروا يا صيادين
يا حسرتاااااااااااه على مصر وعلى الثوره وعلى الثوار
ماشى بعربيتى عاااااااااادى خالص دخلت على كمين شبرا العلوى الظابط : الرخص والبطايق انا : اتفضل يا فندم الظابط : انزل من العربيه .. الظابط ل امناء الشرطه فتشو العربيه الامين طلع مسدس رش جامو بى تى 90 وعلبة رش وتيلسكوب الظابط : ايه ده انا : دا يا فندم مسدس رش وبستخدمه فى الرمايه لانى بمارس هواية الصيد وبلعب رمايه الظابط خد المسدس ودخل جو والامين واقف معايا وكل شويه يلمحلى عايز فلوس علشان وهو هيخلصلى الموضوع انا عملت فيها مش فاهم :rolleyes:لانى رافض انه يستغلنى ومخنوق من الحور كله اصلاً الظابط : دخلو الحجز وخد منه التيلفون انا: يا باشا حجز ايه دا مسدس رش جربه حضرتك بنفسك وعلى سبيل الهزار قلتله حتى جربه على ايدى مردش عليا.. ووجه كلامه للعسكرى دخله الحجز قولتلك وخد منه التيلفون انا : طيب حضرتك هتاخد التيلفون ليه ... العسكرى غمزلى بعينه كدا .. فأنا سكت الباشا حرز المسدس وبعتنى قسم الساحل وهناك دخلت للمأمور يا باشا يهديك يرضيك قالى مقدرش اسيبك كل اللى انا اقدر اعملهولك انى مدخلكش الحجز وقالى لـ امين الشرطه خليه قاعد معاكم فى النبطشيه طبعاً ان ندمت انى معطيتش لـ امين الشرطه 50 جنيه ومفيش داعى للحوار دا كله :( دخلونى معاهم مكان اللى بيكتو المحاضر وكدا .. بعد شويه لقيت واحد جاى يقولى ممكن البطاقه قولتله اتفضل خد منها بينات وسألنى اسم ولدتك : قولته ايه اللى حضرتك بتكتبه دا قالى استماررت تسجيل :eek: انا : تسجيل ايه .. رد عليه تسجيل متهم .. قولتو يعنى ايه قالى يعنى كل ما بطاقتك تدخل على الكومبيوتر يبين انه سبق اتهامك فى كذا .....الاستماره دى بقا فيها لون الشعر والبشره والطول واسم الشهره :o فانا رجعت للراجل اللى كنت قاعد معاه قولتله ايه الكلام دا قالى لازم قولته طيب والحل قالى ممكن نقطعه قلتلو ياريت عملى بأيده وشاور بصبعها الاتنين قولتلو 20 جنيه قالى 200:D قولتلو ماشى موافق المهم خدو ال200 جنيه وقطعو الورقه المصيبه انهم عملو ورقه غيرها :) فضلت قاعد معاهم لغاية الصبح الصبح بقا خدونى لنيابة الجلاء اتعرضت على النيابه وقلت بس النيابه هتخدلى حقى دخلت لوكيل النيابه السلام عليكم .. مردش :) ومبصليش اصلاً ها هتقولى انى الحاجه دى بتاعتك ولا مش بتاعتك .. انا : ايو يا فندم بتاعتى وبتستخدمها فى ايه .. قولتلى فى الصيد والرمايه وفضل يلعب فى الموبايل بتاعه والراجل اللى جمبه يكتب وهو يلعب والتانى يكت يجى نص ساعه وانا واقف لقيته بيقولى امضى قولتله امضى على ايه ساعتك قالى امضى على التحقيق قولتلو تحقيق مع مين هو انا قولت حاجه قالى متقلقش امضى بس مش دا بتاع عصافير وكدا قولتو اه قالى طب امضى قولتلو طيب يا باشا اشوف انا هامضى على ايه لقيه اتعص وقالى قولتك امضى عليا الحرم من دينى لو عيزين نحبسوكم وانتو فى بيتوكم هنحبسكم انتو فاكرين ايه بكره كل حاجه ترجع لو ضعها الطبيعى وفاضل يتكلم انا حسيت بكمية غل فى كلامه على الشعب تكفى دوله ... مضيت علشان ميفكرش يضرنى لقيت الباشا وكيل النيابه بقا معالى الباشا عامل ايه اخلى سبيلى بكفاله 1000 جنيه بعت الحرز للادله الجنائيه طلب بصحيفة سوابقى الجنائيه لا وايه حجز العربيه ... نفسى اعرف حجز العربيه ليه قولتلو طيب العربيه يا باشا قالى قدم طلب وتالى خدها رجعت 160 كيلو للبحيره وجيت تانى يوم الحاجب قالى وكيل النيابه مجاش قولتلهم يا جماعه ان جااى من سفر بعيد طيب سبونى ادخل لمدير النيابه منعونى وقالو انتا عايز تحبسنا فضلت مستنى ومصدقت انهم اختفوا وقمت جرى على المكتب والحمد لله عرفت ادخل لمدير النيابه قالتلو يا باشا الوضع كذا كذا قالى تعالى بكره يا باشا انا جاى من سفر قالى وانا اعملك ايه قلت امرى لله ورجعت وجيت تانى يوم وكتبت طلب وكل ما احاول ادخله لوكيل النيابه الحجاب يمنعونى لغاية الساعه ما عدت الوحده ظهراً قالولى الساعه عدت 1 ومفيش تقديم طلبات اتصدمت والحمد لله تذكرت ان رجل رجل قمه من قمم الاحترام والتبجيل وهو سيادة المستشار حربى وهو عضو معنا فى المنتدى كلمته وقلتله اللى حصل فكلم حد يعرفه والحمد لله سمحولى انى اقدم الطلب لوكيل النيابه وا بقوله شكراً فعلاً يا سيادة المستشار الحمد لله العربيه معايا دلوقتى الموضوع دا حصل يوم الاربعاء الساعه 6 مساءً روحت بيتى يوم الخميس الساعه 3 فجراً من غير عربيتى ايه رأيكم يا جماعه فى الحاصل دا وايه رأيكم فى نيابتنا الموقره انا عملت الموضوع دا علشان تأخدو بالكم وانتم بتصطادو او وانتم ماشيين وتعرفو ان عقليات الناس دى بالمستوى دا مش هقدر اقول غير حسبى الله ونعم الوكيل |
رد: حكومه غبيه وقانون متخلف احزروا يا صيادين
متزعلش يا هشام ربنا يعوض عليك و الظلم ظُلمات يوم القيامه و حسبي الله و نعم الوكيل
|
رد: حكومه غبيه وقانون متخلف احزروا يا صيادين
الحمد لله ان حضرتك رجعت بالسلامة وبعدين هما سايبين البلطجية وجايين عليك
|
رد: حكومه غبيه وقانون متخلف احزروا يا صيادين
واللهى يا اتش انا زى ما قولتلك اول امبارح دول عالم ولاد كلب ............ انتا عارف الباقى
و الحمد لله انك خرجت من الموضوع بخير و موضوع الصحيفة الجنائية دى ماتخفش منة يا باشا حمد الله على السلامة يا هشام بك |
رد: حكومه غبيه وقانون متخلف احزروا يا صيادين
معلش يا استاذ هشام الحمد لله علي سلامتك مع ان قسم الساحل دة كويس بس مش عارف كانو عملين لية كدة الحمد لله
|
رد: حكومه غبيه وقانون متخلف احزروا يا صيادين
الف حمدلله على السلامه الحمد لله كلها بسيطه صحيح انا زعلان منك ومش طايق اشوفك وانت امبارح طلعت البلاء على جتتى وجبتلى سكته قلبيه الخ الخ الخ الخ انما انا مسمحك هههههههههههههههههههههههههههههههههههه
|
رد: حكومه غبيه وقانون متخلف احزروا يا صيادين
اقتباس:
وزى ما قلت يا عرابى باشا الظلم ظلمات |
رد: حكومه غبيه وقانون متخلف احزروا يا صيادين
المهم حمد الله على السلامه يا هشام بيه المهم متسيبش الموضوع وخلى محامى جامد ورا الموضوع او مشيها وساطه لان الموضوع ممكن يكبر وتبص تلاقى نفسك جاى فى اى حاجه ملهاش لزمه الله يخليك خد بالك وربنا يسترها علينا
|
رد: حكومه غبيه وقانون متخلف احزروا يا صيادين
معلش يا استاذ هشام .. والحمد لله انك خرجت من الموضوع .. وحمد لله على السلامة يا باشا ..
وربنا يعوض عليك فى اللى راح .. تحياتى .. |
رد: حكومه غبيه وقانون متخلف احزروا يا صيادين
اقتباس:
|
رد: حكومه غبيه وقانون متخلف احزروا يا صيادين
اقتباس:
|
رد: حكومه غبيه وقانون متخلف احزروا يا صيادين
اقتباس:
بس حسبنا الله ونعم الوكيل |
رد: حكومه غبيه وقانون متخلف احزروا يا صيادين
حلاوتك يامصر واحنا بندافع عن الشرطه والسلطه التنفيذيه !!!!!!!!! والله احنا اللي غلطانيييين
|
رد: حكومه غبيه وقانون متخلف احزروا يا صيادين
اقتباس:
ما انا كان نفسى حد يشاركنى نفس شعورى نورت محمد بك |
رد: حكومه غبيه وقانون متخلف احزروا يا صيادين
اقتباس:
شادى باشا عامل ايه ان شاء الله هوكل محامى بس انا معرفش محامين فى القاهره عمتاً الله المستعان |
رد: حكومه غبيه وقانون متخلف احزروا يا صيادين
اقتباس:
و ربنا يقدم الى فية الخير |
رد: حكومه غبيه وقانون متخلف احزروا يا صيادين
اقتباس:
|
رد: حكومه غبيه وقانون متخلف احزروا يا صيادين
اقتباس:
|
رد: حكومه غبيه وقانون متخلف احزروا يا صيادين
والله حاجه تكسف يا هشام لما التخلف يوصل بيهم انهم ميعرفوش يفرقو بين الرش والحي
كل الحصل ده علشان مسدس رش امال لو بندقيه pcp كانو عملو ايه عمتا حمدلله علي السلامه |
رد: حكومه غبيه وقانون متخلف احزروا يا صيادين
اقتباس:
ربنا معاك يا أ/ هشام .. تحياتى .. |
رد: حكومه غبيه وقانون متخلف احزروا يا صيادين
اقتباس:
وبجد على راى حضرتك حاجة تكسف .. |
رد: حكومه غبيه وقانون متخلف احزروا يا صيادين
لا والمشكله الأكبر وكلاء النيابه البلهاء اللي مش فاهمين قانون مش عمليه يقدر يفرق بين مسدس حي أو مسدس رش وكمية الغطرسه اللي فيهم
|
Re: حكومه غبيه وقانون متخلف احزروا يا صيادين
الف حمد لله علي السلامه ومش هاقول غير حسبي الله ونعم الوكيل
|
رد: حكومه غبيه وقانون متخلف احزروا يا صيادين
ما تقلقش يا استاذ هشام.واضح انهم مش لافين شغل فبيلوشو كل ده كلام فاضي و اخرته الحفظ. مش نتشطر علي البلطجية الاول. عجبي.المهم سلامتك
|
رد: حكومه غبيه وقانون متخلف احزروا يا صيادين
اقتباس:
ويديهم على قد ضميرهم |
رد: حكومه غبيه وقانون متخلف احزروا يا صيادين
اقتباس:
|
رد: حكومه غبيه وقانون متخلف احزروا يا صيادين
اقتباس:
|
رد: حكومه غبيه وقانون متخلف احزروا يا صيادين
عيب عليك يا اتش انتا عارف انها مش عزومة وخلاص
زى ما استنيتك و رفعت كدة هههههههههههه |
رد: حكومه غبيه وقانون متخلف احزروا يا صيادين
احمد ربك يا هشام وانشاء الله فرج ربنا قريب
|
رد: حكومه غبيه وقانون متخلف احزروا يا صيادين
معلش يا استاذ هشام الحمد لله علي سلامتك و حسبي الله و نعم الوكيل |
رد: حكومه غبيه وقانون متخلف احزروا يا صيادين
اقتباس:
|
رد: حكومه غبيه وقانون متخلف احزروا يا صيادين
اقتباس:
|
رد: حكومه غبيه وقانون متخلف احزروا يا صيادين
اقتباس:
|
رد: حكومه غبيه وقانون متخلف احزروا يا صيادين
نرجع ونقول لو نيلك يا مصر صلصة ميكفيش الكوسة اللى فيكى
ان شاء الله الموضوع يخلص على خير |
رد: حكومه غبيه وقانون متخلف احزروا يا صيادين
حمد الله على السلام يا اتش وبعدين انا قلتلك خاطب الناس على قدر عقولهم يا هشام يعنى لازم يكون معاك فواتير وكده لو معاك فاتورة او سجل تجارى او ترخيص لمحل على اساس البيع والشراء والتداول للحاجات دى كنت حطيته فى عنيهم يا راجل لما كنت لقيت كده كنت خلص موضوعك وارمى قرشين لامين الشرطة وانهى موضوعك والضرورات تبيح المحظورات بدل البهدلة دى وبعد كده كنت عملت اى اجراء قانونى ضدهم كنت صوره وهو وبياخد الفلوس ولبسهم قضية فى تفتيش الداخلية وكنت انت الباشا ساعتها ده انت رجل قانون يعنى عموما ربنا ستر ومعلش الف سلامة ولا يهمك وارمى من ورا ظهرك
|
رد: Re: حكومه غبيه وقانون متخلف احزروا يا صيادين
اقتباس:
|
رد: حكومه غبيه وقانون متخلف احزروا يا صيادين
خلاص الشرطة نضفت البلد من المجرمين والبلطجية ومخلتش فرد خرطوش مع اى عيل عربجى !!!!!!! وهتبتدى بقه تقبض على المواطنين الظابط دة وامثاله يستاهلوا الحرق
|
رد: حكومه غبيه وقانون متخلف احزروا يا صيادين
السادة الاحباء زملا المنتدى: موضوع هشام بحيية على أمانتة فى عرض الموقف برغم انة ممكن يضر بالتجار عموما..معلش يا هشام برغم انى مكنتش صديق لك لكن الموقف دة ضايقنى وغاظنى فحبيت اعلق علية : العالم التعبانة دى زى ماهيا لا نفعت فيها ثورة ولا غيرة ولا هتنفع الا لو اجهزتهم نضفت من جوة وذلك لم يحدث للآن ولا اعرف لماذا لم يتطهر جهاز الشرطة ويحارب الظباط الملتحين ويحيل الظباط الاحرار المعبرين عن رأيهم الى التفتيش لمجرد توجية بعض النقد المهذب لسياسات الداخلية .. إن فلسفة الشرطة تتلخص فى كسر رجالها ليكسروا المجتمع فميبقاش حد احسن من حد..كذلك القضاء لم يتطهر من رجس أعوان النظام البائد ورجس الأحكام الظالمة التى لا يعقلها بشر .. هل سمعتم عن الاستاذ الجامعى الذى صدر ضدة حكم غيابى بالسجن ثلاثة أشهر بتهمة كيدية مضحكة: ضرب معزة للجيران؟ تهمة استأنف فيها ودفع والدة آلاف الجنيهات حتى لا يدخل ابنة القفص اثناء الإستئناف؟ولا أشك ان وكيل النيابة الواطى دة كان ضابط ابن امة وخاف من الواوا فى الشرطة وحول نيابة فهو من نفس الفصيلة العرة..انى سمعت بالكثير من حفلات الزفاف لوكلاء النيابة يجاملون فيها بعضهم بإطلاق خزن كاملة من طبنجاتهم على سبيل التحية للعروسين مع ان ذلك مخالف للقانون ولكنهم فوق القانون.. اعتادو فى نظام مبارك العفن ألا يطبق عليهم أى قانون فكيف يجرؤ ضابط ولا عسكرى ويلقط رقم الباشا الى معلق البادج لو كسر الإشارة أو ركن فى الممنوع؟انهم اعتادو على حصانة ما أنزل الله بها من سلطان واعتبروها حق مكتسب بعدما أخدهم النظام الوسخ على حجرة ليسهلوا له تزوير الانتخابات وليتجاوزا عن تجوزات النظام بحق المعارضين الشرفاء ,وكانوا مباركين لتعذيب الشباب الملتزم والملتحى مثل سيد بلال أو البشر تحت الاستجواب والتلفيق قبل العرض عالنيابة ويقولون لبعضهم ضاحكين : أدعوا لأخيكم فإنة الآن ينفخ.. وكانوا يتلقون ادوات التعذيب من صواعق لأميريكان ستيك وغيرها هدايا لهم وللمدام والأولاد من ضباط امن الدولة عشان يطرمخوا على جرايمهم الوحشية ولأنهم قوم ضعاف الشخصية لا يعرفون مهارات صناعة المستقبل الناجح وتربوا على حب ألأنا واحتقار ابناء الوطن ووضع حقوق المواطنة والإنسانية تحت الجزمة .. ارتموا فى تلك الوظيفة بالتوريث الذى صار ايضا حقا مكتسبا يقاتل أغلبهم من اجلة .. وفى النهاية مفيش ظالم هيفلت بجريمتة لأن عدالة الله لا تترك شاردة ولا واردة والتجاوز فى حقوق العباد لا يغفرة الله إلا بالقصاص أو العفو وبالتأكيد انت لن تعفوا ولن تقتص فموعدك معهم لأجل قريب المهم انك تكون قريب من الله ومتكونش عامل ذنب يخلى ربنا يسلط الأشكال دى عليك.................................وبرجاء يعلم زملاء المنتدى انى لأ أعمم هذا الرأى على الجميع والناس المحترمة على راسنا من فوق.. ويشهد الله انى بصفة شخصية لم يمسسنى من هؤلاء اى سوء ولكننا خرجنا جميعا يوم 28 يناير المظلوم والذى ينتصر للمظلوم خرجنا أملا فى بلد أفضل وشعب أرقى بة أمهات انضف تربى ولادها على عزة النفس والخوف من رب العالمين الذى لا يضيع عندة حق أحد وتربى اولادها ايضا على الأمانة والأخلاق.. وتربيهم على الثقة بالله وليعلم الجميع اننا بنينا بناءين جليلين هما مجلسى الشعب والشورى فيهما من بشر لايأنفون من مقابلة اصحاب المشاكل المظلومين و الوقوف جوارهم بلا مقابل ولا مصلحة وهم بحق ظهر من لا ظهر لة فيا ليت قومى يعلمون ولنعمة الله يحفظون
|
رد: حكومه غبيه وقانون متخلف احزروا يا صيادين
اقتباس:
ربنا يبركلك يا احمد بك |
رد: حكومه غبيه وقانون متخلف احزروا يا صيادين
اقتباس:
|
رد: حكومه غبيه وقانون متخلف احزروا يا صيادين
ايه يا اتش المحبين دول كلهم ؟ انت على فكرة ولدتك دعيالك وبمناسة اللى حصلك ده انا ادعوا المسئولين عن المنتدى انهم يخصصوا مكان للنصائح القانونية باعتبار ان اكثر رواد الموقع من حاملى الاسلحة مما قد يعرضهم للمساءلة القانونية اخوك00000 الباشا
|
رد: حكومه غبيه وقانون متخلف احزروا يا صيادين
لا حول ولا قوة الا بالله وربنا ينتقم من كل من ظلم وتجبر
ويا اخي العزيز لا تتنازل عن مبادئك مهما كانت الظروف واحتسب ذلك عند الله وربنا ينتقم ممن ظلمك |
رد: حكومه غبيه وقانون متخلف احزروا يا صيادين
ولاد الحرام كتييييييييييييييير اوى
|
رد: حكومه غبيه وقانون متخلف احزروا يا صيادين
حسبي الله وهو نعم الوكيل
حسبي الله وهو نعم الوكيل حسبي الله وهو نعم الوكيل في كل ظالم والله الي بيحصل دا حرام يعني الواحد لو بيفكر انو يمارس اي هواية او ما شبة ذلك يروح في دهية وياسلام لو حد ضعيف مورهوش دهر يحمية هيروح في 60 دهية لية كدا ياشرطة مصر لية بتعملوا اية اتعدلوا شوية وراعو ربنا كفياكو ظلم في البشر اعملوا ان الله موجود وقادر علي كل شيئ حمدلة علي سلامتك استاذ هشام ومتنساش الموضوع دا واتصرف فية في اسرع وقت وربنا يسترها يارب |
رد: حكومه غبيه وقانون متخلف احزروا يا صيادين
الله يكون فى عونك .. اكيد كان يوم صعب
|
رد: حكومه غبيه وقانون متخلف احزروا يا صيادين
الحمد لله على سلامتك يا هشام بس انتا غلطان انك مظبطش امورك مع امين الشرطة من اولها البلد دى عمرها ما هتتعدل لان فيه اجيال اتربت على اكل الحرام
|
رد: حكومه غبيه وقانون متخلف احزروا يا صيادين
معلش يا هشام برده تفاًًًًًلو خيرا تجدوه وحمد الله علي السلامه وشكرا لتحذير الاعضا ًًوتحياتي
|
رد: حكومه غبيه وقانون متخلف احزروا يا صيادين
الف حمدالله علي السلامه يا باشا ... بس كان من الاول دفعت اللي قالولك عليه و ريحت نفسك احسن من كل ده و اعتقد ان دي مش رشوه ده مجرد حمايه لنفسك من ظلمهم او كنت كلمت اي ظابط كبير تعرفه كان باتصال حيظبطهوملك .... حمدالله علي السلامه
|
رد: حكومه غبيه وقانون متخلف احزروا يا صيادين
الحمد لله انها جات علي قد كدااااا انت اتوقفت في الكمين الي في منزل الكوبري ولا الي علي الكورنيش انا حصلت انهم وقفوني بالموتسيكل قبل كداااا بس قبل الثورة بصراحة ومكنش معايا رخصة قيادة بس اتصلت بظابط معرفة اتكلم معاهم شوية وراحو مديني رخصة الموتسيكل ومشية علي طوول وكان في رمضان والهي وكانو عيزين يخدو مني فلووس بس انا عملت نفسي مش فاهم واتصلت بالمعرفة وخلص الموضوع .....
|
رد: حكومه غبيه وقانون متخلف احزروا يا صيادين
الحمد لله على كل شىء , وندعوا الله أن يخلصنا من هذه الأجيال الفاسدة التى تربَّت فى أحضان النظام البائد , وحسبنا الله ونعم الوكيل |
رد: حكومه غبيه وقانون متخلف احزروا يا صيادين
الحمد لله على سلامتك ا/ هشام
وماتزعلش نفسك وربنا يعديها على خير ويريحنا من الضباط الفاسدين وخطا حضرتك انك اديتهم فلوس لان الورقه اللى كتبوها لازم تتكتب بدام دخلت قسم الشرطه وحته انهم قطعوها دى مش ممكن ودا عن تجربه لانهم عملولى قضيه بالتلسكوب ونفس الكلام كان معى وربنا يعديها على خير ان شاء الله |
رد: حكومه غبيه وقانون متخلف احزروا يا صيادين
كل ده حصل الله يكون فعونك والف حمدلله على السلامه
ولابد من يوم معلوم تترد فيه المظالم ابيض على كل مظلوم واسود على كل ظالم |
رد: حكومه غبيه وقانون متخلف احزروا يا صيادين
اقتباس:
اقتباس:
اقتباس:
اقتباس:
عمتاً الله المستعان |
رد: حكومه غبيه وقانون متخلف احزروا يا صيادين
اقتباس:
وفعلاً انا غلطان انى معطيتوش اللى هو عايزه من الاول |
رد: حكومه غبيه وقانون متخلف احزروا يا صيادين
اقتباس:
ربنا يبارك فى معاليك و100000000 مليووون شكر على اهتمام سيدتك ووقفتك معايا وانا بنادى مع حضرتك فعلاً بنفس القسم |
رد: حكومه غبيه وقانون متخلف احزروا يا صيادين
والله يا جماعه ان بفوض امرى لربنا هو حسبنا ونعم الوكيل وربنا يجازى كل واحد بعمله
شرفنى مروركم ومشاعركم وربنا ينجينا وينجيكم من كل شر |
رد: حكومه غبيه وقانون متخلف احزروا يا صيادين
الله أكبر
الزملاء الاعزاء فى منتدى الصيد تحيه منى لكم جميعا أولا :- معلش يا هشام على اللى حصلك و تذكر قوله النبى أن أمر المؤمن كله خير إن اصابته سراء فشكر كان خير له و إن اصابته ضراء فصبر كان خير له ثانيا :- شكرا معالى المستشار على التعاون ثالثا :- الموضوع : هو الموضوع بأختصار أن الضابط اختلق حاله تلبس يعنى أكيد قال فى المحضر أنه شاف المسدس على التابلوه أو فى المقعد الخلفى أثناء مرور السياره فى الكمين .... [b]و أشتبه فيه [/b و هى دى الكلمه اللى لازم نأكد عليها أشتبه فيه و بعد كده بعتك للنيابه و معاك الحرز و النيابه مش جهه أختصاص علشان تفصل فى موضوع الأشتباه و على فكره الضابط للأسف صح !!!!!!!! و على فكره و كيل النيابه صح !!!!!! و ده وفقا للقانون العقيم يعنى المسدس هيروح للأدله الجنائيه و هيجى التقرير يقول أنه رش !!! و هيتحفظ المحضر بأن لا وجهه لإقامه الدعوى الجنائيه و كان المفروض الضابط يتعامل بروح القانون - و لكن حسبى الله و نعم الوكيل - و كان مفروض و كيل النيابه يتعامل بروح القانون و على فكره أنا عندى حل قانونى للموضوع هطرحه فى المنتدى على الزملاء أنا بجهزله بقالى أكتر من شهر و لازم كلنا نتكاتف فيه رابعا :- بالنسبه لحجز العربيه هو تصرف سليم لانها استخدمت فى جريمه - حسبنا الله و نعم الوكيل - خامسا :- هيكون موضوع مستقل و إن شاء الله هيكون قنبله فى عالم القانون و الله الموفق ....، محمود القاضى أبو رضوى |
رد: حكومه غبيه وقانون متخلف احزروا يا صيادين
اقتباس:
و خلى بالك ممكن النيابه تأمر بإعدام الحرز فيجب علينا متابعه القضيه لأمرين 1- استرداد الحرز 2- أسترداد مبلغ الكفاله شكرا |
رد: حكومه غبيه وقانون متخلف احزروا يا صيادين
اقتباس:
|
رد: حكومه غبيه وقانون متخلف احزروا يا صيادين
اقتباس:
و تسلم و الحل قريب جدا مش هطول عليكم بس يارب التجربه نتكاتف فيها علشان ناخد حقوقنا |
رد: حكومه غبيه وقانون متخلف احزروا يا صيادين
اقتباس:
اقتباس:
اقتباس:
|
رد: حكومه غبيه وقانون متخلف احزروا يا صيادين
اقتباس:
انا ممنون جداً لعرض حضرتك بس عايز استفسر عن وضع التيلسكوب القانونى وياريت لو رقم تيلفون حضرتك |
رد: حكومه غبيه وقانون متخلف احزروا يا صيادين
اهم حاجة انك خرجت بالسلامة و اي حق لك ان شاء الله تأخذه و ما فيش رجعة مرة تانية لعهد الظلم |
رد: حكومه غبيه وقانون متخلف احزروا يا صيادين
اه ةةة ةة يا ولاد لسه زى ما هما والعن
|
رد: حكومه غبيه وقانون متخلف احزروا يا صيادين
السادة الزملاء
اولا الف سلامة لك استاذ هشام على اللى حصل ثانيا لابد من توكيل محامى وعمل محضر فى الضابط للتعنت فى استخدام السلطة وتقديم شكوى فى وزارة الداخلية ضد الضابط وكذلك فى وزارة العدل ضد وكيل النيابة عذرا استاذ هشام لكن انت سمحت لهم بالتمادى فى التعسف ضدك اولا لا يجوز تفتيش اليسارة بدون اذنك واى مضبوطات وجدت غير قانونية لفسد الاجراءات ثانيا تم الغاء قانون الطوارء لذا كان من حقك فور دخولك قسم الشرطة اجراء مكالمة تليفونية والاتصال بمحامى للحضور الى القسم معك واذا رفض الضابط اطلب مقابلة المامور او مساعد المامور او رئيس البحث الجنائى وطالب بحقك ثالثا انت مضيت على التحقيق بدون التحقق فيما كتبة وكيل النيابة وهذا خطا قاتل اى حاجة كتبها انت موافق عليها ومعترف بيها وفى الشكوى بوزارة العدل قول انة تمت اكراهك على الامضاء فى المحضر من قبل وكيل النيابة كان لابد من قرائة المحضر كلة قبل الامضاء وزى ما قولت لك فى اول المشاركة لابد من توكيل محام وتقديم البلاغات فى حق الضابط ووكيل النيابة فى اسرع وقت ممكن حتى تستطيع التحكم فى الامور مرة اخرى المشكلة مش فى المسدس المشكلة فى السكوب لانة من ضمن الجدول (جدول الاسلحة النارية) رجاء حار وكل محامى ولا تتهاون فى حقك والله المستعان من قبل ومن بعد |
رد: حكومه غبيه وقانون متخلف احزروا يا صيادين
ألف حمد لله علي سلامتك,,
بس انا ليا سؤال هو إحنا لو لينا فعلا رابطه مشهره ومسجله كان إللي حصل ده كان حصل. |
رد: حكومه غبيه وقانون متخلف احزروا يا صيادين
{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}
حمدا لله على سلامتك يا هشام باشا,,, حفظك الله من كل مكروه |
رد: حكومه غبيه وقانون متخلف احزروا يا صيادين
الأخ العزيز هشام بعد التحية.
قدر الله وماشاء فعل. واحمد ربنا على كل شئ. الحمد لله أنها جت على قد كده وحضرتك شوفت اللى حصل عندنا الاسبوع اللى فات عندنا فى اسكندرية لشخص عزيز عليا وعليك. أعتقد المشكلة كلها حتبقى فى التليسكوب خاصة انه مش متركب على بندقية رش وماأعتقدش انه ممكن يركب على مسدس الرش علشان المحامى بتاعك كان ممكن يقول ان التليسكوب بتاع المسدس. مسدس الرش مش حيبقى فيه اى مسائلة لكن لازم المحامى بتاعك يركز فى عملية التليسكوب لأنى أعتقد أن المشكلة كلها حتبقى متعلقة بالتليسكوب. وربنا يعديها على خير يارب. |
رد: حكومه غبيه وقانون متخلف احزروا يا صيادين
ياعم البلد زي ماهى ماتغيرتش والشرطه زي ماهى متغيريتش
السواق دفع رشوة 20 جنين فى كمين شرطة الحمام علشان ايصال سحب الرخصه منتي وكان عاوز يسحب رخصة العربيه |
رد: حكومه غبيه وقانون متخلف احزروا يا صيادين
اقتباس:
البنى أدم اللى أخد الرشوة دى لازم يتحاسب دى مافيهاش كلام. لكن عايز أسأل حضرتك هى رخصة السواق كانت مسحوبة ليه؟ أكيد عمل مخالفة ما وأتسحبت رخصته. بعد كده نفس السواق بيسافر او سايق السيارة وايصال سحب الرخصة منتهى. هل ده فعل صح؟ لو العربية دى فرضا عربية أجرة وفيها 14 راكب وسألت ال14 راكب ندفع 20 جنيه رشوة علشان توصلوا مشواركوا ولا العربية تتحجز وكل واحد لازم يشوف مواصلة أخرى حتى يصل الى مشواره تفتكر الرد حيكون ايه من ال14 راكب؟ سيدى الفاضل تغيير سلوك شعب لن يكون بثورة. يجب على كل فرد فى المجتمع يبتدى فى اصلاح نفسه قبل ان يلوم على الغير. والشئ اللى انا متأكد منه لتغيير سلوك أكتسب فى 60 سنة لن يحدث فى يوم وليلة ولا فى سنة و3 شهور ولا فى 5 سنين. كان فى أمثلة الواحد كان بيسمعها زمان وهو صغير وكان مش مقدر هذه الامثال من الناس اللى أكبر منه حتى وصل لسن معين وأبتدى يفهم معنى هذه الامثال زى مثلا المثل اللى بيقول ( أمشى فى طريقك عدل يحتار عدوك فيك). أسف على الاطالة لكن والله الواحد نفسه يشوف البلد دى أحسن بلاد العالم لكن ده مش هيحصل الا لما نكون احنا نفسينا احسن شعب فى العالم. خالص تحياتى. |
رد: حكومه غبيه وقانون متخلف احزروا يا صيادين
السلام عليكم ورحمة الله وبركاته
والله العظيم بصراحه انا دمى اتحرق وحاسس ان ضغطى اترفع بعد ما قريت الموضوع ده يا هشام باشا اولا متسمحش لأى بنى ادم خلقه ربنا يفتشك ولا يفتش عربيتك بدون اذن نيابه لأن ده ممنوع وده خطأ فادح لأنه يخالف الاجراءات الجنائيه المتبعه واقل محامى لسه متخرج من حقوق يطلعك منها بسهوله جدا ومش من حقه ياخد موبايلك لأنه من حقك تتصل بحد من قرايبك او بالمحامى بتاعك ولك حق الصمت فالقسم وتقوله انا مش حتكلم الى لما ياجى المحامى بتاعى والرشوه دى فى حد ذاتها لو عرفت تثبتها عليه حتوديه ورا الشمس بس طبعا ما تكونش دفعتها يكفى فقط طلب الرشوه من جهته ثانيا اى حد يحصل معاه حاجه زى دى لو مش معاك واسطه الاحسن والافضل تتصل بمحامى تعرفه او تكلم اى حد معرفتك يجيبلك محامى عشان المحاميين بس الى زى حالاتى هما الى يعرفوا يتعاملوا مع البشريه دى والاشكال دى عشان الظابط والامناء ميتسلوش عليك وتفهم الظابط انك فاهم قانون ومش من حقه يفتشك بدون اذن نيابه ودى بيتعمل بيها قضيه للظابط بتهمة التعسف فى استعمال الحق والتفتيش والقبض بدون وجه حق وقوله حبلغ مفتش المباحث ونقابة المحاميين وحقوق الانسان ولو وكيل النيابه قليل الادب قوله حبلغ مدير النيابه والمحامى العام لحد ما اوصلها للنائب العام طبعا بالفاكسات واى حد عنده جهاز فاكس بيكون معاه عناوين اى فاكس فالدنيا من العسكرى لمكتب رئيس الجمهوريه ومتخافش من الظابط لأنه ده ما هو الا موظف ادارى مدنى القانون الى بيحكمه وبيحكمك واى تجاوز منه حياجى فوق دماغه وخلاااااص يا شباب كله يعرف حقه من هنا ورايح بلاش خوف عصر الخوف انتهى خلاص وكل واحد ليه حق ياخده ولو حيموت عشان يوصله لازم يوصله السلبيه هي الى خلت الاشكال دى تنمو بالطريقه البشعه دى كرامة المواطن فوق كل اعتبار ومحدش يسيب حقه لازم نفوق وناخد بالنا اتظلمنا كتييير ومش حنرجع للعصر الى كنا فيه تانى ابدا ابدا ابدا ابدا ولو على جثثنا والتحرير موجووووووووووووووووووووووود تحيا مصر وحسبنا الله ونعم الوكيل اخوكم وليد |
رد: حكومه غبيه وقانون متخلف احزروا يا صيادين
اقتباس:
|
رد: حكومه غبيه وقانون متخلف احزروا يا صيادين
اقتراح بعمل جروب للأعضاء الفاعلين بمعنى لو اى حد فالمنتدى وقع فى مشكلة زى دى الأعضاء الفاعلين ياخدو منهم كام واحد ويعملو مجموعة تساعد العضو فى مشكلتة .. يعنى صاحب المشكلة دى مثلا اكيد كان محتاج حد يقف جنبة ويسأل علية يجيبلة فطار ويوصلة بالعربية وممكن يساعد فى الكفالة..على ان يرد العضو ذوالمشكلة ما تم دفعة فور وصولة للمنزل.. وفى ناس منا مبتحبش تزعج قرايبها فى المواقف دى لأن هم غالبا مش فاهمين هوايتنا وممكن يسألو وانت اية الى خلاك تحط طبنجة رش فعربيتك؟ وعلى كل مجموعة يكون فى قائد الى غالبا بيكون محامى او ضابط او هيئة قضائية أو اى شخصية ذات حيثية اجتماعية من الأعضاء المحترمين أصدقاء المنتدى ويكون المقابلة فى الاجتماع السنوى او اجتماع الرابطة الاستثنائى وياريت يتم تقسيم المجموعات بصورة جغرافية كأبناء محافظة الزقازيق أو الجيزة أو اسكندرية .. يحيث تكون كل مجموعة على قلب رجل واحد لا يدخر جهدا لمؤازرة زميلة.. وارجو من المهتمين المضى قدما فى اشهار الرابطة بلوائحها وقوانينها التى اهمها لا ضرر ولا ضرار والعضو المسؤل عن اتلاف شيء ملتزم بالتعويض لمالكة والعضو الذى يستخدم سلاحة للترويع او الاعتداء عالممتلكات العامة او اتلاف ممتلكات الغير ويثبت ذلك يتم فصلة من الرابطة لمخالفتة القوانين واللوائح تلك الرابطة التى من الممكن ان تكن نواة لنقابة للصيادين أو تنظم رحلات صيد للعرب فى مصر مما يصب فى التنمية السياحية ومسابقة سنوية أو رمضانية للرماية بها رسم اشتراك يدفعة الأعضاء وكأس للرابطة وميداليات .. للفائزين مع تأجير النادى.. أو تنظيم رحلات صيد للمصريين فى الغردقة او راس سدر او بلطيم مثلا ومسابقة اكبر سمكه تصطاد بالسنارة.. أو رحلات صيد برى فى الدول العربية كالسودان مثلا فنرجو من السادة القانونيين المساعدة على شرح الخطوات الضرورية لإشهار الرابطة والمساحات التى يمكن التحرك فيها والكيانات الأكبر التى يمكن الاندماج تحتها كأمانات الشباب بالأحزاب مثلا أو اللجنة الأوليمبية ..والمصاريف المتوقعة من الاعضاء بعد أخذ الموافقة وحصر العدد دا غير اجر متفق علية للساعين فى الاجراءات والمنظمين للفاعليات ولكم التحية
|
رد: حكومه غبيه وقانون متخلف احزروا يا صيادين
هيا دى الشرطة مش ههتغير ابدا ستين فى المية منهم حرامية
|
Re: حكومه غبيه وقانون متخلف احزروا يا صيادين
أولاً حمدالله على سلامتك يا استاذ هشام والحمد لله انها جت على قد كده وربنا يسترها معاك ومعانا كلنا
وفعلاً كل الكلام القانوني اللي الأخوه الاعضاء قالوه كله صحيح ميه في الميه بس للأسف بقى البلد دي مش ماشيه بالقانون يعني من الأخر القانون حاجه والتنفيذ حاجه تانيه خااااااااااااااااااااااااااااااااااالص يعني لوكنت دفعت 50 جنيه لأمين الشرطه وانت في اللجنه كان دخل جابلك الحاجه من الظابط واديهالك ومشيت باشا وللأسف هو ده حال البلد |
رد: حكومه غبيه وقانون متخلف احزروا يا صيادين
اولا حمد الله على السلامة يا استاز هشام
ثانيا_كلام الاستاذ محمود القاضى سليم مليون المية لان دة القانون فى مصر والظابط ليس خبير فى الاسلحة حسب القانون _لما ظابط بيعمل قضية مخدرات بانجو مثلا بيكتب فى المحضلر (عثر مع المتهم على نبات عشبى جاف يشبة نبات البانجو المخدر) يشبة لانة لو جزم انة بانجو القضية تاخد براءة ولو المضبوط طن _لانة ليس خبير فنى كذلك قضايا السلاح_ومع العلم ان الضابط عارف انة مسدس رش ولا يجوز لة تفتيش السيارة الا فى حالة تلبس وزى ما الا ستاذ محمود شرح ان الضابط خلق هذة الحالة_هو دة حال القضاء والشرطة والقانون المصرى قانون صلب عقيم يجعلك تحت رحمة الضابط او وكيل النيابة لا تحت رحمة القانون _ لو وكيل النيابة كان بصتاد او هاوى كان اخلى سبيلك بكفالة 50 جنية وصرح بتسليمك السيارة فورا ولكن كما ذكمرت يا اتش انه كان بيلعب جايمس على الموبايل ولو تحريت عن الباشا هاتلاقية كان ظابط شرطة اساسا_المشكلة كلها فى السكوب اللى انضبط ربنا يسترها والاحسن يا عم هشام انك كنت انكرت ان المسدس والسكوب بتوعك وكنت قولت انك ما تعرفش عنهم حاجة_نصيحة _خلى محام يتولى الموضوع عشان يعمل تظلم للمحامى العام بعد ورود تقرير الادلة الجنائية ويطالب بحفظ المحضر عشان ما يدخولش جلسة_ قدر الله وما شاء فعل |
رد: حكومه غبيه وقانون متخلف احزروا يا صيادين
منضم تماما لكلام الزميل ليدوس_ يا اخواننا ما حدش يفتشك الا بازن نيابة ولو قلت للظابط كدا حتى ولو تهويش هاقول الراجل دة فاهم قانون وها يقرفنى وما حدش يقول حاجة الا لما يتصل بمحامى والا تقول بتاعتى والا موش بتاعتى
|
رد: حكومه غبيه وقانون متخلف احزروا يا صيادين
يا ريت يتعمل قسم للاستشارات القانونية الخاصة بالسلاح وحيازتة فى المنتدى عشان نقدر انا وزملائى القانونيين فى المنتدى نجاوب على اى استفسار للسادة الزملاء........وياريت اللى بيحب القراءة يقرا شوية فى قانون الاجراءات الجنائية ودة يفيد كل واحد موش المحامين بس_ اذن النيابة _ اجراءات القبض والتفتيش_سلطات الظابط_سلطات وكيل النيابة_المدد القانونية_كلام عام وسهل والكل يستفاد منة
|
Re: حكومه غبيه وقانون متخلف احزروا يا صيادين
والله يا استاذ ابو مروان الناس كلها بتنادي بالحكايه دي من زمان وبنطلب من الاداره عمل قسم للاستشارات القانونيه الخاصه بالسلاح بس يظهر كده ان الاداره منفضالنا
|
رد: حكومه غبيه وقانون متخلف احزروا يا صيادين
يا ريت الادارة تستجيب ونساعد بعض عشان الكل يعرف اللى لية واللى علية
|
Re: حكومه غبيه وقانون متخلف احزروا يا صيادين
ياريت والله يا استاذنا احنا بنتمنى حاجه زي دي عشان انا لسه مادرستش اجراءات جنائيه
انا لسه في اولى حقوق |
رد: حكومه غبيه وقانون متخلف احزروا يا صيادين
قولت كدة والله فى اكتر من موضوع لازم نبقى ايد واحدة
|
رد: حكومه غبيه وقانون متخلف احزروا يا صيادين
الحمد الله على قد كدة وقدر الله مشاء فعل وربنا يستر على الايام الجسة محدش عارف ممكن يحصل اكتر من كدة اية وترجع ريما لعدتها القديمة
|
رد: حكومه غبيه وقانون متخلف احزروا يا صيادين
ولله ما عارف اقلك ايه انا بقراء كلمك وبضحك من الغيظ ولله العظيم انا كل يوم بستحكر الشرطه والنيابه وكل الناس الىبتعذب الناس ليه مش عارف ليه بتعملو كدا ليه بتخلونا نكره بعض كل يوم نكرهكم اكتر ليه مش لقى رض
وارجع واقول الى حصل فيهم قمه العدل الناس دى يامه ظلمه ناس كتير |
رد: حكومه غبيه وقانون متخلف احزروا يا صيادين
حمد لله علي السلامه
بس هما حرزولك ايه في المحضر ؟! مسدس رش ؟!! |
رد: حكومه غبيه وقانون متخلف احزروا يا صيادين
شوووووووووووووووووووووووووووووووووووف أقدر أعمل أية و أنا معاااااااااااااك ...
|
| الساعة الآن 06:50 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir