|
سؤال لأهل الصيد حول ذبح الطريدة؟؟
يا جماعة هيا ايه فائدة ان الواحد يدبح الحمام مثلا بعد ما يصطاده ؟؟ مع العلم انو ممكن الواحد بعد ما يضرب حمامة ممكن تنزل خلصانة وبالتالي هيكون الدم مش بيتدفق للدماغ وبالتالي مش هيكون فيه فائدة من الدبح ..دي اول حاجة ... وهل ان لو الحمامة نزلت خلصانة والواحد مدبحهاش يبقا كده لونها بيكون مزرق يعني مثلا انا امبارح بعد ما روحت عند بتاع الفراخ ونضفلي الحمام واليمام لما وديتهم البيت لاقيت ان معظم الحمام لونه مزرق او غامق شويه فقلت يمكن لأن الواحد دبح معظمو وهوا خلصان اساسا فمنزلش منو الدم او متصفاش منو الدم بالدبح وبالتالي لونه غامق ؟؟؟ ولا انا غلطان يا جماعه ؟؟ يعني هوا لازم الواحد يدبح الصيد ولا لأ ؟؟ وافرض الصيد نزل خلصان يبقا الدبح لزمتو ايه ؟؟وموضوع الدم ده حد يفيدنا فيه لحسن الواحد متشكك من الحاجات دي .... |
رد: سؤال لأهل الصيد حول ذبح الطريدة؟؟
ايه يارجالة معقولة 13مشاهدة ومحدش رد طيب انا هسخنكم شويه وهقول امال فين الناس اصحاب الخبرة حد يرد عليا هههههههههههههههههه |
رد: سؤال لأهل الصيد حول ذبح الطريدة؟؟
الاخ العزيز الذبح ليس له اى قيمه بعد موت الطائر او الحيوان
يعنى لو الطائر نزل ميت ضربة البندقيه بتكون مزكياه ام الذبح فهو للبينزل فيه الروح ام عن موضوع لون اللحم فمعظم الطيور الى بتكون عند الفررجى بتكون صغيره فى السن سواء فراخ او حمام او غيره ام الصيد فمعظم الطيور التى يتم صيدها بتكون كبيره فى السن ولذلك تجد ان اللحم غامق قليلاً بالنسبه لموضوع الدم فعليك عند الطهى ان تزيد فى مده الغلى لكل الطيور عموماً وللصيد خصوصاً لكى يجف الدم الحبوس فى اللحم ان لم يتم الذبح ارجو ان اكون قد افدتك |
رد: سؤال لأهل الصيد حول ذبح الطريدة؟؟
تسلم على الرد يا اخي هشام وفعلا انا استفدت منك |
رد: سؤال لأهل الصيد حول ذبح الطريدة؟؟
بس ياباشا اهم حاجة فى الموضوع هو انك تسمى الله اثناء ضرب اليمامة او الحمامة وبكدة هى
حلال حتى لو [color="darkred"]ماتت قبل ما تدبحا فهى بكدة بتكون حلال ياباشا وموضوع الدم دا ماتقلقش منة مفيهوش ضرر وخلى بالك ياريس الزرقان دا مش من حبس الدم دا بس من سكوت الحمامة من ارتفاع عالى واتطمها على الارض بيسبب الزرقان دا وبجد اتوكل على الله ومتخفش .. بس ماتنساش تسمى قبل اى ضربة حمامة او يمامة .. ومتنساناش فى فخدة حمامة المرة الجاية .... وشكرا جزيلا لك .... .......... وتحياتى لك ........... قناص الليل ............. |
رد: سؤال لأهل الصيد حول ذبح الطريدة؟؟
السلام عليكم .... انا يا جماعه هقول اللى باعمله بالظبط .
انا لما بضرب الطير ويقع سواء مات او ممتش بجرى عليه وادبحه ... وهذا لتصفية الدم لكى لا يتجلط داخل الطير ... والشيخ محمد حسان قال : يجب التزكيه سواء كان ميتا ام لم يمت للمحافظه على امور الشريعه ولتصفية الدم لان اكل الدم محرم .... ولو دبحت ومفيش دم نزل يبقى افصل الراس تماما .... انا والحمد لله واثق من كلامى عشان كده بنفذه وفعلا الزرقان بييجى من عدم الدبح ولو مش مصدق اضرب يمامه وادبحها على طول وشوف لونها هتلاقيه عادى جدا نفس لون الفراخ بس مع فرق العظم باين لان الفرخه مليانه لحم ..... ارجو ان اكون افدتك .... تحياتى . |
رد: سؤال لأهل الصيد حول ذبح الطريدة؟؟
اقتباس:
جزاك اللة خيراً على تلك المعلومات وعلى فتوى الشيخ محمد حسان |
رد: سؤال لأهل الصيد حول ذبح الطريدة؟؟
السلام عليكم ورحمة الله وبركاتة
طبعا عند ضرب الطائر ونزول منه الدم يكون الطائر قد حلل واذا كان الطائر صاحى بعد ضربة يزبح عادى الشى الذى يكون حرام اكله هو لو ان الطائر تم ضربة بشى ومات وحبس دمة بداخلة لكن عند ضرب الطائر ونزول منه الدم فقد تم تحليله كانه مزبوح تماما والله اعلم |
رد: سؤال لأهل الصيد حول ذبح الطريدة؟؟
طبعا انا مقدرش اتكلم بعد الاراء الجميله ديه
بس فيه معلومه اعرفها وعاوز اقولها لما الطير بيموت قلبه بيفضل شغال بعدها لمده ربع ساعه وكمان الجهاز العصبى بيفضل شغال علشان كده العلماء قالو لما ندبح اى حاجه سواء حيوان او طير لازم نقطع رقبته ونسيب الجزء اللى عند مؤخرة الرقبا( القفا يعنى) علشان يفضل فيه اتصال عصبى بين المخ والقلب فالذبيحه تخرج دمها كله بدون اى عناء طبعا ده غير ان تسميتك ع الطير وانت بتضربه او بتدبحه بيخليه يهدى ويخرج كل الدم والله تعالى اعلى واعلم |
رد: سؤال لأهل الصيد حول ذبح الطريدة؟؟
ألف ألف شكر يا رجالة على المعلومات الرائعة دي وفعلا انتو كده شلتو الشك من قلبي وربنا يبارك لكم |
رد: سؤال لأهل الصيد حول ذبح الطريدة؟؟
سيدى الفاضل تغير لون الصيد يرجع لحملك اياه داخل شنطه او غيره ليس بها مسام لمده طويله فبعض المناطق فى جسم الطائر يحصل فيها تجلط للدم وانا بنصح اخوانى انهم يضعوا صيدهم اول باول فى مكان بعيد عن الحراره الشديده لعدم فساد الصيد وده على قدر معلوماتى الفقيره بالنسبه للصيادين المحترفين اعضاء هذا المنتدى المحترم وبحيك على اختيارك للبندقيه البام تقريبا اللى معاك
|
رد: سؤال لأهل الصيد حول ذبح الطريدة؟؟
ماشاء الله على الردود .... شكرا للتفاعل الممتاز على الموضوع
|
| الساعة الآن 12:37 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir