اشتريت الكرال اخيرا والحمدلله
 

السلام عليكم... انا مؤمن محمود من الاسكندرية 23 سنة

والله انا بقالي فترة متابع المنتدي الاكتر من رائع ده عشان كان هو مرجعي الاساسي لشراء بندقية رش

والحمدلله بناء علي المعلومات و اللي طلعت بيها من الموقع ولقيت بالصدفة رقم الاستاذ هشام سمير و فعلا اتصلت بيه و و روحتلو من الاسكندرية لدمنهور و اشتريت منو كرال ماجنم نمرة 2 دبشك فيبر اسود كسر الاصدار الجديد ودي اول بندقية اقتنيها ..الحمدلله رب العالمين الراجل محترم جدا و اخ ووش خير عليا..البندقية بفضل الله حاجة محترمة صوتها عالي حبتين بس كده احسن السلاح لازم يبقي ليه صوت برضو الهيبة حلوة;) بالنسبة لقوتها فهي لا يستهان بيها ابدا انهاردة اول ما روحت البيت جربتها علي كزا مادة من مسافات طويلة بداية من الخشب اللي اخترقتو الرشة بكل سهولة لحد الصفيح العادي و الصفيح المتين..بالنسبة لعيوبها ف الله اعلم انا اعتقد انو اكيد مفيش بندقية بلا عيوب و برضو اكيد حسب معاملتي للبندقية.. بالنسبة ل سعرها انا اشترتها منو ب 1300 و هي ف اسكندرية بيبدأ سعرها من 1400 لحد 2000 كل تاجر بيضرب سعر علي مزاجو..
انا مستني يا جماعة تعليقاتكو و آراءكو اللي هتفيدني كتير .. و يارب لو فيه رحلات صيد و اقدر اطلع معاكو اتعلم منكو المباديء هكون شاكر ليكو

رد: اشتريت الكرال اخيرا والحمدلله
 

رد: اشتريت الكرال اخيرا والحمدلله
 

مبروك عليك ربنا يديك خيرها ويكفيك شرها

رد: اشتريت الكرال اخيرا والحمدلله
 

مبروك العملاق التركي

بس فيه ناس قالت لازم تغير السوسته بواحدة جامو

تحياتي

رد: اشتريت الكرال اخيرا والحمدلله
 

مداها كام متر ياباشا المدى الفعلى يعنى على ارض الواقع واية اخبار الدقة فى النيشنكان الخلفى بتاعها بتحرك عند الضرب ولا من عدمه

رد: اشتريت الكرال اخيرا والحمدلله
 

الف مليون مبروك علي البندقيه ربنا يعطيك خيرها و يكفيك شرها

برجاء الرجوع لهذا الموضوع للإستفسارات عن الكرال

http://www.egypthunt.net/showthread.php?t=27217

تقبل تحياتي

رد: اشتريت الكرال اخيرا والحمدلله
 

اولا مبارك عليك البندقية ، وأوصيك بألا تستعملها إلا فى الخير ، وفيما يرضى الله عز وجل

ثانيا طالما من عند هشام سمير أبشرك أنك لن تحتاج لتغيير السوستة (ولو على الأقل مؤقتا) ولا الجلبة.

ثالثا : لازم تتوقف عن الضرب بيها فورا .. وتفكها وتنظفها كويس من الداخل من الرايش بسبرتوا احمر ، وتشحمها كويس بشحم كويس (وخلى بالك مش بكثرة الشحم ، يعنى تخلى الشحم خفيق)

رابعا: قبل ما تقفل البندقية تاخد القاعدة الفبر (المدرجة) اللى هتلاقيها فى النابض ، وتنزل عند الخراط تخليه يعملهالك (تيفلون) او مادة قوية زى الحديد مثلا ، وتركبها بدل الفيبر القديمة ، ودى اهم نقطة.

خامسا: استعمل معاها رش كويس عشان متزهقش منها ( الديابلوا مثلا) حاجة متوسطة وكويس جدا وظبط معايا


غير كدة مبارك عليك

Re: اشتريت الكرال اخيرا والحمدلله
 

موفق ان شاء الله ومبروك عليك والكرال بندقيه محترمه لايستهان بها

رد: اشتريت الكرال اخيرا والحمدلله
 

مبارك عليك اسئل الله العظيم ان يبارك لك فيها ويكفيك شرها
ويطعمك منها خير الطعام

رد: اشتريت الكرال اخيرا والحمدلله
 

الف مبروك ربنا يبارك لك فيها

رد: اشتريت الكرال اخيرا والحمدلله
 

الله يبارك فيكو يا اساتذتي ..والله يا استاذ مصطفي انا استفسرت عن موضوع تغيير السوستة و كذا مصدر اكدوا لي ان الاصدار الجديد مش محتاج سوستة زي الاصدار القديم و علي رأي الاستاذ محمد ناصر ولو على الأقل مؤقتا
بالنسبة للقناص ماتركس يا باشا الناشنكاه مظبوط مش بيتحرك ثابت.. بالنسبة المدي انا عملت حاجة ربنا يسامحني عليها بس مكنتش اتوقع انها هتحصل ببندقية رش..انا وقفت ف الدور لاول ف بيتنا و ضربت علي شباك الوميتال ف الدور التامن ف شارع ورا اللي ورانا يعني مسافة مش قريبة ابدا و اقسملك بالله سمعت صوت الطلقة و هي بترشق والله ساعتها فرحت و حسيت بالذنب ف نفس الوقت.. استاذنا الكبير محمد ناصر انا مش هعرف غير اشحمها كده من بره لكن بالنسبة اني افك البندقية خايف بصراحة حاجة تتفرط او تطير منها و كده تبقي بالسلامة و لا ايه رأي حضرتك؟ يعني سهل موضوع فك البندقية لواحد ميعرفش عن البندقية غير اسمها بس؟

رد: اشتريت الكرال اخيرا والحمدلله
 

استاذ عرابي انا دخلت علي الرابط اللي فيه الشرح الوافي ..بس برضو سؤال غبي حبتين استحملني...الكلام ده برضو ينطبق علي الاصدار الجديد؟ يعني كل العيوب دي ف الاصدار الجديد؟؟ والله انا صعبان عليا اوي افكها

رد: اشتريت الكرال اخيرا والحمدلله
 

الموضوع مش استذة ولا حاجة ، انا مجرب بس وبنقلك تجربتى
ولو مش هتعرف تفك البندقية يبقى تبطل ضرب بيها فورا وتنزل عند حد متخصص او صديق لك تفكوها مع بعض ، والموضوع سهل مش محتاج حاجة
لكن تغيير القاعدة مهم جدا جدا جدا فوق ما تتخيل ، لأن غالبا غالبا زمانها اتشرخت دلوقتى على الأقل لأن سوستة البندقية ناشفة جدا وقوية جدا عليها
ولو اتكسرت هتعملك مشاكل كتير

رد: اشتريت الكرال اخيرا والحمدلله
 

رد: اشتريت الكرال اخيرا والحمدلله
 

استاذ وليد سعد..الله يبارك في حضرتك و يديك الصحة و العافية...

رد: اشتريت الكرال اخيرا والحمدلله
 

ماشاء الله قوية جدا

شوف زمان احنا كنا بنقيس قوة البندقية و هو تجيب رشاية كويسة محملة و تجيب شاكوش تقيل مرزبة مثلا و تضعها على الارض و تحط فوة الماسورة على راس المرزبة بحيث الماسورة تكون مرفوعة 2 سم و تحاوط على الماسورة و راس المرزبة برجلك كويس " تعمل برجليك دائرة" و تضرب و النتيجة هاتلاقي الرشاية حتت تقون تبص على نن الرشاية هاتلاقية صغير جدا و بدون إطار حواليه و بكدة تتأكد إن السوسته قوية ام لو لقيت النن له إطار او اكثر تبقى السوستة او الجلبة فيهم شيء
تحياتي

رد: اشتريت الكرال اخيرا والحمدلله
 

أستاذ مصطفي عامر انا هجرب الطريقة دي بس لو الرشاية ردت ف عيني تاني و جرالي حاجة ابقي خد الكرال ليك تذكار مني ههههههههههههههههه...هجربها و اقولك متشكر عالطريقة

رد: اشتريت الكرال اخيرا والحمدلله
 

الف مبروك ياباشا

رد: اشتريت الكرال اخيرا والحمدلله
 

الله يبارك ف سعادتك يا بيه... :)

رد: اشتريت الكرال اخيرا والحمدلله
 

الف مبروك بندقية جميلة وربنا يديك خيرها ويكفيك شرها
وبالنسبة لهشام سمير انا ماعاملتش فى حياتى حد زيه بالامانة والاخلاص ده
والبندقية جايبها منه بقالها شهر الكرال الرماية وبسم الله مشاء الله مدفع
بس خلى الاستاذ محمود شلبى يحطلك لمسته السحرية عليها

رد: اشتريت الكرال اخيرا والحمدلله
 

كابتن محمود دياب ...الله يبارك ف سعادتك و بالنسبة لموضوع اللمسة السحرية انا من اسكندرية و مش عارف مين يقدر يعمل اللمسة دي هنا ...برضو هدور لحد ما اوصللو ابن الذين ده...تحياتي يا كابتن

رد: اشتريت الكرال اخيرا والحمدلله
 

حبيب قلبى مبارك عليك مره اخره
بص على الروابط ديه بالترتيب
واقرأ المواضيع للاخر وهتدعيلى بس متزهقش وقرأئها للاخر ولو عوزت اى حاجه انت تحت امرك


http://www.egypthunt.net/showthread.php?t=4437


http://www.egypthunt.net/showthread.php?t=22347

http://www.egypthunt.net/showthread.php?t=27749

رد: اشتريت الكرال اخيرا والحمدلله
 

بالنسبة لمسمارين الدبشك اللى بيتحلوا كل فترة ممكن تفادى الموضوع دة بحل المسامير ووضع جلدة حنفية فى المسمار وتقص الزيادة اللى خارج المسمار وتركبهم وان شاء الله مش هيتحلوا تانى

رد: اشتريت الكرال اخيرا والحمدلله
 

استاذ saheremara شكرا عالنصيحة الغالية :)

رد: اشتريت الكرال اخيرا والحمدلله
 

استاذ عادل انا هقراهم كلهم و ربنا الموفقو الله يبارك ف سعادتك و يخليك ليا يارب :)