الصيد فى مصر - أصنع نشكانات الفيبر أوبتيكس بنفسك

الصيد فى مصر (http://www.egyhunt.net/index.php)

- بنادق ضغط الهواء ومتعلقاتها (http://www.egyhunt.net/forumdisplay.php?f=51)

- - أصنع نشكانات الفيبر أوبتيكس بنفسك (http://www.egyhunt.net/showthread.php?t=27816)

أصنع نشكانات الفيبر أوبتيكس بنفسك

السلام عليكم يا أعضاء المنتدى المحترامين
النهارده كنت بفكر في تعديلات أعملها في المسدس الجامو p23 بتاعي فكرت أزاي أحسن القوه و الدقه فبدءت بالدقة
النشكانات الأكثر أنتشارا اليومين دول هي الفيبر أوبتيكس ففكرت كدا و دورت على النت لقيت أن خيط الصناره ينفع زي الفيبر بالضبط
دورت في عدة الصيد و لقيت خيط فسفوري فألت بس هوا ده

لاما شوفت الصور بتاعت النشكانات الفيبر أوبتيكس لأيت أن ليها أطرف عريضه زي راس المسمار

http://www.1911store.com/ProductImages/40-054L.gif
ممكن بالنار تسيح الطرف فيكون زي ال صوره بس خلي الخيط بعيد عن النار قدر المستطاع و لازم يكون تحت بعيد عن الجزء الأصفر علشان لونه مايسودش لو أتحرق أو أسود أقطعه و حاول تاني

لاما خلصت مسكت الفيبر و لقيت أنو فعلا لامع جدا المهم حاولت أعمل النشكانات الخلفيه بس بالتجربه لقيت أن الخط بالعرض أفضل من نقطتين طبعا ثبت الفيبر أوبتيكس (خيط الصناره المعدل) بأيبوكسي شفاف أه و مش مهم أوي لو الفيبر أوبتيكس مش في نص النشكانات بالضبط لأن ده ممكن مرعاته عند ضبط النشنكان الخلفي
الصوره بتوضح علبه رش رديء جدا أنا بديله رشة WD40 بتخلي الرشه تمشي أسهل و أسرع في ماسورة المسدس الورقه مرسوم عليها طريقه ضبط النشكانات أنا ضبط النشكان الخلفي عشان الطلقه تجي مكان الX

المسدس بعد الأنتهاء من الضبط

بس يا ترى فرقت حاجا؟ الصوره بتبين مكان وقوف عصفور المسافه في تقديري 37-40 متر بزاوية أرتفاع حوالي 20 درجه طبعا أصبه عصفور بمسدس زباله زي الجامو p23 شبه مستحيله خصوصا أني حاولت كتير و فشلت
المهم قلت أجرب صوبت على العصفور و عملت حساب للمسافه و الزاويه و طراخ العصفور سقط من الدور السادس بس طبعا ماعرفتش أجيبه
أنا ناوي أنشاء الله أني أخليه يضرب أقوى شويه بس الموضوع محتاج زياره للخراط
أرجو أني أكون أفدت أي حد و لو مبتدئ زي