الصيد فى مصر

الصيد فى مصر (http://www.egyhunt.net/index.php)
-   مقتنيات الاعضاء (http://www.egyhunt.net/forumdisplay.php?f=80)
-   -   الموضوع الشامل عن المنتجات المستورده .. يعنى ايه ..هاي كوبي .. فرست كوبي .. ستوك اوريجنال ؟؟؟؟ (http://www.egyhunt.net/showthread.php?t=28137)

AGM 12-05-04 08:41 AM
الموضوع الشامل عن المنتجات المستورده .. يعنى ايه ..هاي كوبي .. فرست كوبي .. ستوك اوريجنال ؟؟؟؟
 
بسم الله الرحمن الرحيم

كل الي بيشتري ساعه او نظاره او عطور وماشابه بيخش في دوامه صنعها تجار السوق المصري من المسميات الوليده على المجتمع البسيط .. وحتى مؤخرا الطبقات الراقيه

لما تيجي تشتري حاجه بيصدعوك .. اول كلمه ( بص يا باشا دي اصلى .. اصليييييييييى )

الاجابه النموذجيه :- ( خليهالك يا باشا ) ليه بقه .. لان ببساطه شديده جدا مفيش حاجه اصلى هتتباع بره توكيلها .. لان الشركه المنتجه ليها مش هتضيع مجهودها وتديه لحد يستغل علامتها التجاريه للتجاره باسمها بدون عوده نفع ليها دا غير انو في استغلال وانتهاك للربح بتاعها ..



امال هوه جابها منييييين دي زيها بالظبط ؟؟؟؟

الاجابه المنوذجيه :- من سابق تعاملي مع مستوردين خلال الفتره انه كان لهم الشعب الصيني العظيم هو كلمه السر لكل المنتجات .. ايطالى .. سوسري .. لمانى .. فرنساوى .
احب اطمن الشعب انه لمن ولن توجد اي سلعه اوروبيه داخل السوق المصري من حوالى سنتتين تقريبا .. :D لان الجمارك بقت اصعب ما يمكن في الفتره الاخيره من الدول الاوروبيه
بمعنى ان حضرك لو تاجر بتدفع حوالى 31 % من قيمه المنتج جماراك
يعني قيمه المستورد + 31 % من تمنه ...
غير كده الاستيراد بتدفع من اوروبا بتدفع تمنه بالعملات الصعبه ( الدولار - اليورو )
( يعني سعر الدولار الي معاك زاد اهو راح عليك واشتريت بيه والمكسب ليهم هما طبعا )

اما اذا الشعب الصيني العظيم ...
اولا : مبتتعاملش مع محلات بعينها .. في مصانع وورش شبيه بما يسمى عندنا بمصانع تحت السلم .. الي تطلبه تجده :D
مكتوب عليها بقه .. محفور عليها ... دا كله كلام قونطه ..
لو عايز تحفر على الميه made in Tanta هيعملهالك:D ... وبالجوده الي انت تحددها
خلق النوع ده من الصناعات عندهم مسميات اتنقلت لينا بحكم الاستيراد شبه الدائم

هذا المنتج ..

كوبي :-

المنتج متقلد بأبسط الامكانيات الممكنه
مثال : لو ساعه مثلا ماركه هتلاقيها في حدود 10 - 70 .. وعدادات مش شغاله وكده
( شعب العتبه العظيم :D ) وغالبا مايكون اسم الماركه غلط

يعني RayBan
تبقى RayDan

..... تدي نفس الشكل اهو بس مش هيا خالص ولا ليها اي علاقه

هاى كوبي :-

المنتج متقلد بامكانيات تطابق المنتج شكلا وامكانيات .. وليس مضمونا

مثال : الساعه عداداتها شغاله واسم ماركتها مكتوب بس الخامات اقل من وجوده الاصلى
قليلا .. وهتلاقيها من غير علبه الاصليه او فيها اختلاف بسيط ..من الاخر يصل لك المنتج
من غير شكله النهائي بتاع الاصلي
او
مثال : في نظارات بتبقى نازله السوق معاها جراب ومنديل والكتلوج
لكن ممعهاش علبه

فرسـت كوبي او كوبي اوريجنال :-

هو نسخه طبق الاصل متفرقهاش الهوى عن الاصليه .. ومصنوعه من نفس الخامات الاصليه .. وبنفس مواصفات ومعايير الجوده .. والكماليات
حتى انه للاسف الكثيرون من ضعفاء النفوس يبيعونها
على انها الاصل
وغالبا ما تدخل مصر عن طريق التهريب على هيئه مواد غذائيه .. ادويه اي حاجه جماركها بسيطه اوى .. او تكاد تكون معدمه
مثال : الساعه ,, جايه .. بالعلبه والمنديل والكتلوج والجراب الكيس
زي بتاعت التوكيل بالظيط الفرق الوحيد هو عدم وجود ضمان



بقي الشيء الاخير والنادر وهو

ستوك اوريجنال

دا برده زى الاصلى تماما بس متقلد في بلده وليس في الصين وده بيجي ايضا تهريب من الخارج لو تعرف حد عايش بره مثلا ..


نقطه اخره في غايه الاهميه :-
ليس كل محلات الكبييره والمولات لديها الاصلى

مثال :- من اشهر محلات النظارات في مصر ولا داعي لذكر اسم من المفترض ان لديه توكيل ماركات معينه
المحل ده كل سنه بينزل كولكشن نظارات في التخفيض
بيكون سعر النظاره قبل 1300 ج وبعد 400ج

علما بان سعرها على النت من شركتها نفسها بدون جمارك
200$
:D

فهوى بيجيب في الاول شويه ويلتزم وبعد كده بيلجا للطرق السابق ذكرها


الموضوع خاص بمنتدى الصيد في مصر ولايسمح بالنقل
وارجو التثبيت لتعم الفائده
والتقييم امانه :)

The_Guardian 12-05-04 09:56 AM
رد: الموضوع الشامل عن المنتجات المستورده .. يعنى ايه ..هاي كوبي .. فرست كوبي .. ستوك اوريجنال ؟؟؟؟
 
مجهود رائع تسلم ايدك يا معلم واحلى تقييم

لو عايز تحفر على الميه made in Tanta هيعملهالك هههههههههههههههههههههههههههه حلووه

دراغون بور 12-05-04 12:24 PM
رد: الموضوع الشامل عن المنتجات المستورده .. يعنى ايه ..هاي كوبي .. فرست كوبي .. ستوك اوريجنال ؟؟؟؟
 
موضوع أكثر من رائع ويستحق التثبيت

Ahmed Youssef 12-05-04 02:22 PM
رد: الموضوع الشامل عن المنتجات المستورده .. يعنى ايه ..هاي كوبي .. فرست كوبي .. ستوك اوريجنال ؟؟؟؟
 
موضوع رائع بجد أول مرة أعرف المعلومات دي ... تسلم ايدك :)

عمرو الصياد 12-05-04 02:25 PM
رد: الموضوع الشامل عن المنتجات المستورده .. يعنى ايه ..هاي كوبي .. فرست كوبي .. ستوك اوريجنال ؟؟؟؟
 
تسلم ايدك وشكرا لانك وضحت حاجة كتير مش فهمها بس حافظ

mido axis 12-05-04 03:16 PM
رد: الموضوع الشامل عن المنتجات المستورده .. يعنى ايه ..هاي كوبي .. فرست كوبي .. ستوك اوريجنال ؟؟؟؟
 
موضوع جاامد جدا برجاء التثبيت و تستحق التقييم

mohamed fanko 12-05-04 03:26 PM
رد: الموضوع الشامل عن المنتجات المستورده .. يعنى ايه ..هاي كوبي .. فرست كوبي .. ستوك اوريجنال ؟؟؟؟
 
وعلى فكرة بقى يقولك دى فرست كوبى او هاى كوبى وتطلع اصلا كوبى زبالة
زى مثلا الساعة الايس دى اصلا الاورجنال بتاعها ب950 جنيه
الناس بقى بتجيبها بعلبتها وضمانها وكل حاجة بس ضمانها غير سارى وزى الاصلى وضد الماية
دى بتبقى داخلة البلد ب7 ونص بالظبت بس بتوصل للتاجر على 20 جنيه
فى ناس بتبيعها ب50 جنيه وفى الى بيبعها ب250 جنيه ويقولك دى اورجنال وهيا هيا متفرقش حاجة وكلو زى بعض والى يقولى دى فرست كوبى التانية كوبى كلو زى بعضو
بس فى محلات محترمة زى مثلا فى محل عندنا قريبى جابها منو المضوربة دى ب50 جنيه والعدادات وقفت (باظت) فودهاله وبدلهاله بواحدة جديدة بس ده مش معناه انها اصلى ولا الضمان شغال ده علشان سمعة المحل والكلام ده
بس هيا اصلا داخلة ب7 ونص بالعلبة والكتالوجات والعلبة والشنطة وكل حاجة بتتباع ب50 وفى هيا هياها من غير الحاجات دى (ساعة فقط) ب20 او 25 جنيه
وكلو نفس الخامة بالظبت
خلاص يا باشا كلو دلوقتى made in china

samor 12-05-04 04:07 PM
رد: الموضوع الشامل عن المنتجات المستورده .. يعنى ايه ..هاي كوبي .. فرست كوبي .. ستوك اوريجنال ؟؟؟؟
 
بجد موضوع مهم جدا ويستحق التثبيت
سؤال محرج النظارات اللى انت بتبيعها اى نوع بقى من السابق ذكره ؟؟

waleedadel 12-05-04 04:13 PM
رد: الموضوع الشامل عن المنتجات المستورده .. يعنى ايه ..هاي كوبي .. فرست كوبي .. ستوك اوريجنال ؟؟؟؟
 
موضوع فااااااااااااااااااجر تسلم ايدك والله كان نفسى افهم ستوك اوريجنال دى من زمان

7imdan 12-05-04 07:24 PM
رد: الموضوع الشامل عن المنتجات المستورده .. يعنى ايه ..هاي كوبي .. فرست كوبي .. ستوك اوريجنال ؟؟؟؟
 
موضوع جميل بالتوفيق وشكرا للامانه فى الشرح

koky33 12-05-05 01:18 PM
رد: الموضوع الشامل عن المنتجات المستورده .. يعنى ايه ..هاي كوبي .. فرست كوبي .. ستوك اوريجنال ؟؟؟؟
 
شكرا على الموضوع الرائع دا ودا يدل على حرصك على افاده المنتدى
بارك الله فيك

AGM 12-05-05 08:54 PM
رد: الموضوع الشامل عن المنتجات المستورده .. يعنى ايه ..هاي كوبي .. فرست كوبي .. ستوك اوريجنال ؟؟؟؟
 
اقتباس:
المشاركة الأصلية كتبت بواسطة esam abdo (المشاركة 361205)
مجهود رائع تسلم ايدك يا معلم واحلى تقييم

لو عايز تحفر على الميه made in tanta هيعملهالك هههههههههههههههههههههههههههه حلووه
يا سلام يا باشا ... والله دا من حبي في طنطا واهل طنطا
طنطا ..طنطا..طنطا ..طنطا احلى سلام لطنطا اول وتانى وتالت
اقتباس:
المشاركة الأصلية كتبت بواسطة ahmed youssef (المشاركة 361259)
موضوع رائع بجد أول مرة أعرف المعلومات دي ... تسلم ايدك :)
تحت امرك في اي استفسار ولاشكر على واجب
اقتباس:
المشاركة الأصلية كتبت بواسطة دراغون بور (المشاركة 361222)
موضوع أكثر من رائع ويستحق التثبيت
والاروع والاجمل مرورك العطر
تحيــاتى ليك..
اقتباس:
المشاركة الأصلية كتبت بواسطة عمرو صيد صغير (المشاركة 361262)
تسلم ايدك وشكرا لانك وضحت حاجة كتير مش فهمها بس حافظ
ربنا يخليك يا باشا
اقتباس:
المشاركة الأصلية كتبت بواسطة mido axis (المشاركة 361308)
موضوع جاامد جدا برجاء التثبيت و تستحق التقييم
تسلم ردك الجميل يا باشا
اقتباس:
المشاركة الأصلية كتبت بواسطة mohamed fanko (المشاركة 361318)
وعلى فكرة بقى يقولك دى فرست كوبى او هاى كوبى وتطلع اصلا كوبى زبالة
زى مثلا الساعة الايس دى اصلا الاورجنال بتاعها ب950 جنيه
الناس بقى بتجيبها بعلبتها وضمانها وكل حاجة بس ضمانها غير سارى وزى الاصلى وضد الماية
دى بتبقى داخلة البلد ب7 ونص بالظبت بس بتوصل للتاجر على 20 جنيه
فى ناس بتبيعها ب50 جنيه وفى الى بيبعها ب250 جنيه ويقولك دى اورجنال وهيا هيا متفرقش حاجة وكلو زى بعض والى يقولى دى فرست كوبى التانية كوبى كلو زى بعضو
بس فى محلات محترمة زى مثلا فى محل عندنا قريبى جابها منو المضوربة دى ب50 جنيه والعدادات وقفت (باظت) فودهاله وبدلهاله بواحدة جديدة بس ده مش معناه انها اصلى ولا الضمان شغال ده علشان سمعة المحل والكلام ده
بس هيا اصلا داخلة ب7 ونص بالعلبة والكتالوجات والعلبة والشنطة وكل حاجة بتتباع ب50 وفى هيا هياها من غير الحاجات دى (ساعة فقط) ب20 او 25 جنيه
وكلو نفس الخامة بالظبت
خلاص يا باشا كلو دلوقتى made in china
اهم حاجه في البييع وده الي يعمل بركه في الرزق الامـــــــانـــــــــه
بس مش هقول تانى:)
وشكرا على اضافتك



واخيرا شكرا للساده طاقم الاداراه على التثبيت

AGM 12-05-06 05:25 AM
رد: الموضوع الشامل عن المنتجات المستورده .. يعنى ايه ..هاي كوبي .. فرست كوبي .. ستوك اوريجنال ؟؟؟؟
 
اقتباس:
المشاركة الأصلية كتبت بواسطة samor (المشاركة 361346)
بجد موضوع مهم جدا ويستحق التثبيت
سؤال محرج النظارات اللى انت بتبيعها اى نوع بقى من السابق ذكره ؟؟
ولا محرج ولا حاجه.... اغلبهم فرست كوبي
ايه بقه وجه الاحراج

أحمد الغندقلي 12-05-07 02:29 AM
رد: الموضوع الشامل عن المنتجات المستورده .. يعنى ايه ..هاي كوبي .. فرست كوبي .. ستوك اوريجنال ؟؟؟؟
 
بجد موضوع رائع فعلاً ,,,, شكراً على مجهوداتك

تحياتي

احمد زكى 12-07-02 10:55 AM
رد: الموضوع الشامل عن المنتجات المستورده .. يعنى ايه ..هاي كوبي .. فرست كوبي .. ستوك اوريجنال ؟؟؟؟
 
مجهود رائع تسلم ايدك يا معلم

gogan2005 12-07-02 02:17 PM
رد: الموضوع الشامل عن المنتجات المستورده .. يعنى ايه ..هاي كوبي .. فرست كوبي .. ستوك اوريجنال ؟؟؟؟
 
جزاكم الله خيرا
موضوع مفيد ومعلومات تستحق الإشادة والتقييم الممتاز
تقبل مروري

goda 12-07-05 01:50 PM
رد: الموضوع الشامل عن المنتجات المستورده .. يعنى ايه ..هاي كوبي .. فرست كوبي .. ستوك اوريجنال ؟؟؟؟
 
صح محق سيادتك في كلامك انا عليش في اوروبا واشتريت لاولاد اخواتي تشيرتات بوما التيشرت في التخفيض كان 45 يورو يعنى بالمصري مابين 450 و500 جنيه قالولي دي هنا بتتباع ب 250 جنيه قلت اشوفها لقيتها تقليد مفيهاش شهادة منشاء من المصنع زي الفنله اللي انا جايبها فيها شهادة منشاء وشهادة ضمان وطريقة استعمال وتحذير للتقليد كل دي معالق معلقه في التيشرت من الداخل وياريت الناس تفهم الحاجات دي . وشكرا للمعلومات.

unknown 12-07-08 01:42 PM
رد: الموضوع الشامل عن المنتجات المستورده .. يعنى ايه ..هاي كوبي .. فرست كوبي .. ستوك اوريجنال ؟؟؟؟
 
موضوع متميز ولكن عندى تعليق بسيط نظرا لاحتكاكى الكبير بهذا المجال قديما
الستوك اوريجنال ليست بضاعة مقلدة فى بلادها ولكنها بضاعة اصلية ولكن بها عيوب تمنع بيعها فى التوكيلات فتباع بكميات على بعضها لبعض التجار ويطلق علها كلمة ستوك وخصوصا فى الملابس.

unknown 12-07-08 01:43 PM
رد: الموضوع الشامل عن المنتجات المستورده .. يعنى ايه ..هاي كوبي .. فرست كوبي .. ستوك اوريجنال ؟؟؟؟
 
اه وسنيت اقولك برضة ان النظارات اللى حضرتك بتبيعها غالية جدا وممكن تدخل موقع الديفيدى وتشوف الاسعار هناك عاملة ازاى.

Shiko 12-07-30 04:07 PM
رد: الموضوع الشامل عن المنتجات المستورده .. يعنى ايه ..هاي كوبي .. فرست كوبي .. ستوك اوريجنال ؟؟؟؟
 
موضوع جميل و معلومات مفيده و شكراً

magdyfer3on 12-07-30 05:10 PM
رد: الموضوع الشامل عن المنتجات المستورده .. يعنى ايه ..هاي كوبي .. فرست كوبي .. ستوك اوريجنال ؟؟؟؟
 
المشكلة ان احنا ساعات بنبقى عارفين المعلومات دي وعارفين ان التاجر بيشتغلنا وممكن نجيب لسلعة لأن شكلها عجبنا وخداع ممكن يخدع كل اللي يشوفها وكله بيشتغل كله


الساعة الآن 01:02 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir