الصيد فى مصر

الصيد فى مصر (http://www.egyhunt.net/index.php)
-   الصيد بالصقور (http://www.egyhunt.net/forumdisplay.php?f=8)
-   -   سوال لاهل الخبرة من الصقارين (http://www.egyhunt.net/showthread.php?t=2819)

محمد ابو غازى 10-08-04 02:13 AM
سوال لاهل الخبرة من الصقارين
 
السلام عليكم

اخوانى حبيت اطرح عليكم سوال

هوة الشرياص او الشبوط يصلح للتدريب

ويمكن اصطاد بية ويرجع تانى

golden eagle 10-08-04 11:55 PM
رد: سوال لاهل الخبرة من الصقارين
 
ممكن على فكره عادى جدا بس الفكره هاتبقى فى حجم الطريده نفسها يعنى هايبقى معظم الى هاتصطاده يمام وكبيرك قوى لو هو جامد حبتين ممكن حمام وعلى فكره لو انت شفت حد اشترى واحد وطار منه ديه مش قاعده اساسيه بمعنى انه بيتعود عليك حسب المعامله فى ناس كتير بتبقى جايبه انواع جامده جدا وأول ما يطلع بيه يطير منه ومايرجعش
وتقبل مرورى

خط الصعيد 10-08-05 12:03 AM
رد: سوال لاهل الخبرة من الصقارين
 
على فكرة الطائر دة شرس جدا انا اصتدتة قبل كدة و بهدلنى من كتر الخربشة و العض و مخالبة و منقارة حاديين فوق مما تتخيل و ليا واحد صاحبى كان مربى و احد و عندنا بنسمية سقاو المهم هو قعد معاة فترة كبيرة و اتعود على اكل الطيور لغاية لم خرب بيت الراجل ولم منع عنة الاكل سابة ومشى و بعد فترة لقاة رجع تانى و بيطير حوالين المكان الى كان فية

محمد ابو غازى 10-08-05 06:49 PM
رد: سوال لاهل الخبرة من الصقارين
 
شكرا اخوانى لانكم افاتونى

اصل انا عندى اتنين وخايف ادربهم واتعب فيهو وفالاخر يطلع كل دة على فاشوش

ويا ريت تقولولى هوة لما بيكبر خالص حجمة بيكون اد اية وازاى ادربة

golden eagle 10-08-05 11:13 PM
رد: سوال لاهل الخبرة من الصقارين
 
http://www.youtube.com/watch?v=YqaKw0Pqnrkبص يا معلم هو الطائر ده فعلا عنده عاده سيئه حبتين فى موضوع الهروب ده يعنى كان فى واحد صاحبى جايب واحد وحاطه فى اوضه وسايب الشباك مفتوح وعلى الرغم من ان الطير اتعود عليه وكان بيجى على ايده الا انه كان تقريبا بينخل الحبل اللى كان مربوط بيه لغاية لما قطعوه وبعدين طار بس لو انت عايز تجرب فى واحد من اللى عندك وتشوف ان شاء الله تعبك مش هايروح على الفاضى باختصار شديد جدا خطوات التدريب
1-تجوعه شويه وتبدأ تخليه ياكل من على ايدك لو انت مش جايبله برقع بس لازم فى كل الحالات تكون رابطه من رجله بحاجه جامده عشان مايفكش تمام بعد كده تبدأ وقت الاكل تندهله بأسم معين او صفاره معينه حاجه كده زى ما الراجل ده بيعمل بس كل مره تطول المسافه شويه
2-تبدأ تطبق نفس الخطوه بس مش فى البيت فى مكان مفتوح لغاية لما تحس انه خد عليك جدا فاتسيب جزء من الحبل فى رجله وتفصل بقية الحبل بحيث انه يفتكر انه لسه مربوط وهكذا
3-الخطوه الاهم والاخطر انك تبدأ تطلقه من غير ما يكون مربوط يعنى يدوبك تلف حاجه على رجله بس وتسيبه يطير شويه وبعدين تحرك الاكل فى ايدك عشان ينزل ياكل زى ما هو متعود لغاية لما ياخد عليك وتبدأ تطيره ويرجعلك تانى وربنا يكرمك فيه
بس انا عايز انبهك لنقطه صغيره لما هاتطيره من غير حبل انت ونصيبك يعنى ممكن يرجع وممكن يخلع انت بس ظبطو وان شاء الله هاتبقى تمام لأن النقطه ديه بترجع للصقر نفسه واخد عليك أو عايز يغدر بيك وربنا هايكرمك ان شاء الله وتعبك مش هايروح على الفاضى
اتمنى انى اكون افدتك وشكرا تقبل مرورى

golden eagle 10-08-05 11:14 PM
رد: سوال لاهل الخبرة من الصقارين
 
ده اللينك بتاع الفيديو بتاع الراجل الى قولتلك عليه فوق

محمد ابو غازى 10-08-06 12:05 AM
رد: سوال لاهل الخبرة من الصقارين
 
الف شكر اخوى

شكرا لك على المساعدة


الساعة الآن 01:58 AM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir