|
موقعة الحمام الرابعة ... والحمام بدأ يقل يا رجالة
موقعة الحمام الرابعة ... والحمام بدأ يقل يا رجالة .
مش متعودين نروح كل أسبوع لكن أولاد أخواتى لما شافوا الصور شبطوا وقالوا لازم نروح معاك نصطاد اتصلت بوليد كالعادة واتقابلنا الفجر ومعاى اثنين من أولاد أخواتى مازن و سيف انطلقنا وبدأنا صيد الساعة الخامسة والنصف تماماً كان صيد رائع والأولاد كانوا مبسوطين جداً جداً وكنت معرفهم قبلها بيوم على آداب الصيد استمتعوا واستمتعنا وكانت الحصيلة بفضل الله 22 فرد حمام و 2 فرد يمام بصراحة انا بحاول جاهداً أصطاد اليمام لأنى عارف أن هييجى يوم ومش هنلاقى غيره ولكن فعلاً اليمام ده مش طبيعى حساس قوى وبيأخذ باله ومهما ييجى فيه الرش بيطير وكأنه مصفح أو متحصن وحتى لو وقع بيطير الأول شوية مش عارف فى ايه بينى وبين اليمام مع انى بشوف ناس ما شاء الله جايبه يمام كويس فى وسط اليوم بنأخذ رست وبنرتاح لكن بجد الواحد بيتعب تعب رهيب وهو مش متعود على المشى الكتير ده بروح ضايع وهموت من النوم فى أخر الطلعة اتصورنا فى المكان الجميل ده وروحنا وقسمنا الغنائم أنا النصف ووليد النصف وأنا قسمت النصف بتاعي بينى وبين الأولاد علشان يفرحوا بالصيد اللى جابوه واصطدنا ثلاث عصافير وقلت أجربهم فى الأكل يمكن يعجبنى أبقى اجيب عصافير كتير العصافير سهلة عن اليمام الغريب أن الحمام بدأ يقل بشكل ملحوظ فى المنطقة ربنا يستر ايه رأيكم فى الصور ؟ http://img525.imageshack.us/img525/9672/68006909.jpg http://img215.imageshack.us/img215/4934/87299001.jpg وليد سعد زغلول http://img525.imageshack.us/img525/5748/84623578.jpg العبد لله http://img521.imageshack.us/img521/8236/22553418.jpg مازن عمر http://img232.imageshack.us/img232/4751/91291175.jpg سيف أسامة http://img687.imageshack.us/img687/5351/34161598.jpg |
رد: موقعة الحمام الرابعة ... والحمام بدأ يقل يا رجالة
بسم الله ما شاء الله .,. الله ينور يا رجالة :) بالهنا و الشفا
|
رد: موقعة الحمام الرابعة ... والحمام بدأ يقل يا رجالة
تمام اووووى
اقولك انا بقى الصيد بيقل ليه عشان انتو مسكتو المكان لحد ما عملتلوه اباده انتو كده جايبين اكتر من 100 فرد من هناك انصحك يا اما تسيب المكان شهر او اتنين يعلف يا اما تدور وتدرب على صيد اليمام لان المكان ده هيفضى يعنى هيفضى |
رد: موقعة الحمام الرابعة ... والحمام بدأ يقل يا رجالة
مبروك الطلعه يا باشا.
بس حضرتك لازم تبقي عارف أن الحمام لما بيقلق من مكان بيسيبه. فنصيحه غير المكان شويه و سيبه كده بتاع شهر و بعدين أرجعله تاني بدل ما هو اللي ما يرجعش تاني :) تقبل تحياتي |
رد: موقعة الحمام الرابعة ... والحمام بدأ يقل يا رجالة
بالظبط كده زى مااخواتنا قالوا طالما قل سيبه شويه وبصراحه انا بشوف ان المتعه فى صيد اليمام لانه زكى جدا وزى مابتقول اول مايشوف البندقيه بيطير وفى بعض الاحيان لازم تكون حزر جدا وتستخبى وانت بتضرب ودى المتعه الحقيقه لكن صيد الحمام مابشفش فيه اى متعه لانك لو واقف جنب حمامه وبتضربها مش هاتطير تحياتى لك وبالهنا والشفا
|
رد: موقعة الحمام الرابعة ... والحمام بدأ يقل يا رجالة
اقتباس:
|
رد: موقعة الحمام الرابعة ... والحمام بدأ يقل يا رجالة
تسلم ايدكم بالف هنا وشفا.
|
رد: موقعة الحمام الرابعة ... والحمام بدأ يقل يا رجالة
بسم الله ماشاء الله طلعة جميلة و صيد رائع
بالنسبة لقلة الحمام عشان بداء يحس بالخطر من المنطقة دى بالتوفيق |
رد: موقعة الحمام الرابعة ... والحمام بدأ يقل يا رجالة
أنا شايف أنكم لازم تتركوا المنطقة الى تذهبون اليها فترة شهرين أو ثلاثة مثلا حتى تتركوا فرصة التكاثر للحمام و لكن الصيد فى مكان واحد بعينه فترة طويله خطأ و خاصة إذا كان الحمام فيه عدده محدود و طلعة جميلة و صحبة أجمل
|
Re: موقعة الحمام الرابعة ... والحمام بدأ يقل يا رجالة
طلعة موفقة
بسم الله ما شاء الله بالتوفيق في الطلعات القادمة |
Re: موقعة الحمام الرابعة ... والحمام بدأ يقل يا رجالة
الله ينور بس نصيحة حاولو تبعدوا و تسيبو المكان ده فترة كدة عشان الحمام ميهربش
|
رد: موقعة الحمام الرابعة ... والحمام بدأ يقل يا رجالة
ماشاء اللة تسلم الايادى للقناص الكبير والقناصين الصغار
|
رد: موقعة الحمام الرابعة ... والحمام بدأ يقل يا رجالة
مشكورين على الرد يا أجمل صيادين
وفعلاً معلومة اننا نترك المكان شوية دى ما كناش نعرفها فعلاً وان شاء الله ندور على أماكن أخرى وتتوقف الى حين موقعة الحمام وسنراكم فى طلعات جديدة بأسماء جديدة |
| الساعة الآن 10:40 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir