عايز أشتري بندقية لكن عايز اتأكد الأول من مضوع مهم
 

السلام عليكم

انا قررت اني اشتري بندقية صيد أفضل من مسدس صوت - أهي أفضل للهواية برده :)
المهم انا و انا بقرأ مواضيع قديمة هنا في المنتدي, لقيت حد كان تقريباً كاتب ان الحكومة أو قانون السلاح احتمال يتغير و يتمنع اسلحة الرش و الصيد... فهل حد عنده معلومة بالموضوع ده و لا هو كلام و بس و مفيش حاجة زي دي ممكن تحصل ؟ أصل احنا المفروض نتقدم مش نرجع لورا يعني !

2- المهم بقي, لو مش حيتمنع.. ايه افضل بندقية أجيبها في حدود 1500 ؟ انا أفضل انها تكون حاجة جديدة :)

Re: عايز أشتري بندقية لكن عايز اتأكد الأول من مضوع مهم
 

مافيش جديد في موضوع القوانين كله كلام و1500 تجبلك كرال ماجنم نمره 2 تركي دبشك فايبر اسود او بني او خشب او رمايه تابع المواضيع الي في المنتدي عن البندقيه اللذيذه دي

رد: عايز أشتري بندقية لكن عايز اتأكد الأول من مضوع مهم
 

تمام يا استاذ حاتم,,, انا كان هيحصلي حاجة لو موضوع القانون ده كان بجد :)
انا اسمع عن الكرال,, بس الصراحة مكنتش عارف اذا هي كيسة ولا لأ... بس علي كلام حضرتك,, انا حشوفها ان شاء الله

Re: عايز أشتري بندقية لكن عايز اتأكد الأول من مضوع مهم
 

تابع مواضيع الكرال وكلم الناس الخبيره هنا كتير اوي وخصوصا مع الكرال وانا معايا كرال بصراحه كأني اشتريت حاجه هاي بور بعد التعديلات الي عملتها من تغير جلبه وقاعده وسوسته

رد: عايز أشتري بندقية لكن عايز اتأكد الأول من مضوع مهم
 

بجد متشكر جداً و اتشرفت اني اتكلمت معاك

Re: عايز أشتري بندقية لكن عايز اتأكد الأول من مضوع مهم
 

ولا يهمك كلنا اخوات انا اسعد

رد: عايز أشتري بندقية لكن عايز اتأكد الأول من مضوع مهم
 

رد: عايز أشتري بندقية لكن عايز اتأكد الأول من مضوع مهم
 

انا معايا كرال وماشاء الله تمام

رد: عايز أشتري بندقية لكن عايز اتأكد الأول من مضوع مهم
 

طيب بخصوص البنادق الجامو و النوريكا... اسمع ان في حاجات اسعارها حلوة..

انا شايف في المنتدي في حاجات كثير بس محدش جايب سيرة الجديد... كله بيتكلم عن المستعمل
و انا من المعادي فبيبقي صعب انزل ألف علي كل المحلات خصوصاً ان كل واحد في حتة :)

رد: عايز أشتري بندقية لكن عايز اتأكد الأول من مضوع مهم
 

بص يامؤمن من الآخر مالكش دعوة بالمحلات خالص لأن معظمهم نصابين نصب السنين ... لو عايز أي حاجة خليك مع التجار بتوع المنتدى هيجيبولك أحسن حاجة وبأسعار من الآخر لأن المحلات بتزود على الأقل مثلاً 200 300 جنيه على السعر الأصلي ... وأنصحك بالكرال الخشب

جارك في حدائق المعادي

رد: عايز أشتري بندقية لكن عايز اتأكد الأول من مضوع مهم
 

معاك حق يا عبد الرحمن.. انا كلمت كذا محل و أقلهم مزود 150 جنيه عن السعر هنا

عموماً انا نويت ان شاء الله خلاص أجيب الكرال انهاردة أو بكرة بالكثير ان شاء الله

و شكراً علي مساعدة الكل بجد... من غيركم انا كنت هتسوح :)

رد: عايز أشتري بندقية لكن عايز اتأكد الأول من مضوع مهم
 

مدام انت في المعادي يبقي اقرب واحد ليك هو محمود شلبي مع حفظ الالقاب وهو محل بتاعو في محطة مترو
مارجرجس بعد ماتخرج من المحطة ب50 متر بالظبط ودااا رقم تليفون 01002075115

رد: عايز أشتري بندقية لكن عايز اتأكد الأول من مضوع مهم
 

اسنادا الي رئي الاستاذ جمال القنصل
رأيي الشخصي أن أحسن بندقية تتدرب عليها وتحببك في الرماية والصيد هي النوريكا سبورت عيار 5,5 ( نمرة 2 ) صناعة أسباني حجمها وطولها ومسكتها متوازنة وخامتها وتقفيلها ممتاز طبعا خفيفة الوزن وحديثة نيشاناتها فوسفورية سريعة التجميع ودقيقة وسرعتها متوسطة 160 م/ث مناسبة جدا لمبتدئ وحتى للصياد المحترف...لكن سعرها جديد في حدود 1400-1500 جنيه...تمنياتي لك بالتوفيق...مع خالص تحياتي...

رد: عايز أشتري بندقية لكن عايز اتأكد الأول من مضوع مهم
 

بالتوفيق فى الشراء

رد: عايز أشتري بندقية لكن عايز اتأكد الأول من مضوع مهم
 

شوف البندقيه دى
http://www.egypthunt.net/showthread.php?t=28334

رد: عايز أشتري بندقية لكن عايز اتأكد الأول من مضوع مهم
 

مفيش بالسعر ده غير الكرال
بسم الله ماشاء الله تحفة وافضل انك تجيبها جديدة مش مستعملة

رد: عايز أشتري بندقية لكن عايز اتأكد الأول من مضوع مهم
 

انا خلاص الحمد لله اشتريت الكرال فيبر اسود امبارح بليل و بكره بأذن الله حجيب منظار من عضو هنا في المنتدي

و يا رب نخلص من موضوع قانون منع اسلحة ضغط الهواء دي لأنه قالبلي تفكيري

رد: عايز أشتري بندقية لكن عايز اتأكد الأول من مضوع مهم
 

جبتها منين وكان سعرها كااااام وعمات الصيانة بتاعتها ولا لسة معملتش الصيانة بتعتها

رد: عايز أشتري بندقية لكن عايز اتأكد الأول من مضوع مهم
 

لا يا حبب مفيش الكلام ده باذن الله