صباح الفل على احلى صيادين وقناصين المنتدى

انهارده قلت اطلع طلعه خفيفه كده لانى بقالى كتير مطلعتش وكنت هتجنن خلاص
قلت اروح مكان انا عارفه فيه فراخ ميه و يمام قمرى واجرب التل بقى فى طلعه حقيقيه
المكان جميل جدا وفيه جناين برتقال وشجر توت وبجد يهدى الاعصاب أوى

المهم فضلت ورا اليمام القمرى بس للاسف مقدرش ارفع حتى البندقيه على واحده
بصراحه صيده صعب جدا جدا وناصح فوق ما تتخيلوا اكتر من الغربان حتى مجرد ما يشوفك
خلاص طار يمعلم ومش هينوبك منه الا صوته الجميل عايز فعلا واحد لابد فى المكان
ومتموه عشان ما يشفوش ..

ومش عايز اقولكم حجمه كبير اوى ازاى وصوت جنحاته لما بيطير تخبيط جامد ولا الحمام البلدى من كبره والله
المهم يئست منه وقلت اطلع اشوف الترعه عشان فراخ الميه
لقيت اتنين طالعين فى البر التانى وبياكلوا من البرسيم مكدبتش خبر وضربت واحده نزلت ساكته
والتانيه هربت و شويه لقيت كروان كبير واقف على مسافه لا تقل عن 60 متر ضربته نزل مقفول
فعلا التل دى مجرمه ..


وانا مروح بقى لقيت عيال بيعملوا سدود فى الترعه عشان السمك
ورونى فرخه كمان ضربتها وادتهالهم فرحوا بيها جداااااااااااااااااااااااااااااااااااااااااا ودعولى كمان
ده غير بقى يجى تلت غربان وانا مروح تسالى كده ع الطريق معلش طولت عليكم واسيبكم مع الصور

المشاركة الأصلية كتبت بواسطة العملاق المصرى (المشاركة 364405) جميل والله تسلم ايدك

المشاركة الأصلية كتبت بواسطة عادل عبده (المشاركة 364408) ايه يا باشا انت زعلان من الجامو ولا ايه بالتوفيق ان شاء الله وتسلم ايدك

المشاركة الأصلية كتبت بواسطة ahmed yasser (المشاركة 364824) بس فى رايك الجامو احسن ولا التل ؟؟

المشاركة الأصلية كتبت بواسطة قناص المنوفيه (المشاركة 364827) اول ما قريت سؤالك طبعا انحزت للجامو دى عشره 12 سنه بس ان جيت للحق كل واحده ليها مميزاتها وعيوبها الجامو تتفوق من حيث القوه لانها هاى بور وفى نفس الوقت التل قويه مش ضعيفه تصميمهم الاتنين تحفه ووزنهم تقريبا واحد او التل اتقل شويه التل بندقيه صوتها هادى وبحس وانا بصطاد بيها باحساس غريب جدا انها ضعيفه ولكن اكتشفت انها قاتله ومن مسافات لكن الجامو وانا بصطاد بيها مدفع بجد وع المسافات البعيده اوى ..