|
حاجه غريبه فعلا ( أرجوا الدخول )
اولا : أزيكم يا احسن اعضاء فى الدنيا ثانيا : فى موضوع حبيت انشره عندنا هنا لعل كل شخص مننا تتضح له الصوره ... هيا حاجه غريبه جدااااااا ** طبعا اغلبنا فاكر انه لما يكون مرخص طبنجه حيه ولقدر الله حد يدخل عليه ويهجم عليه فى شقته مثلا او فى اى مكان تانى .. والشخص المرخص يدافع عن نفسه ويصيب الشخص اللى بيتهجم عليه ده ( البلطجى أو الحرامى مثلا او قاطع الطريق ) ..... انه كده تمام وزيى الفل والطبنجه مترخصه ومش هيتحبس ولا أى حاجه خالص من دى هتحصله ... دا اللى كلنا نعرفه ومعتقدينه والحمد لله مصر كلها دلوقتى بترخص طبنجات ومسدسدات عشان كل شخص يدافع بيها عن اهله وعن نفسه ضد اى اعتداء من اى شخص ( بلطجى - حرامى - قاطع طريق ) ..... دا كله كلام جميل . لما احكي لكم دلوقتى قصه حصلت لشخص قريب جدا منى ... تعب جدا عقبال ماجاب تصريح واشترى طبنجه حيه واصر انها تكون على رخصه منعا للمشاكل .... وكمان عشان هوا ساكن فى حته ما يعلم بيها غير ربنا ... طبعا هوا من شدة خوفه وقلقه بينام وبيسيب الطبنجه تحت المخده او جمبه على السرير .. عشان هوا اتسرق اكتر من مره وشاف الويل ... المهم : كان نايم فى يوم وصحى على خروشه وخبط بره فى الصاله بتاعت شقته ... قام واخد الطبنجه وخرج يتسحب وقام يشوف مين اللى بره فوجئ بأتنين مكتفين ابنه الصغير ومكممين بقه وبيقلبوا فى الشقه وبيسرقوها حته حته ( تليفزيون شغال .... كاسيت ... تلاجه .... وبيحولوا واحده واحده وطبعا بص لقا ابنه غرقان دم وطبعا كانوا مخلصين عليه ( ليه الله اعلم ) ... ربنا ينتقم منهم ... المهم : طبعا متمالكش اعصابه وضرب كل واحد فيهم لحد ما فرفرهم فى مكانهم .... وراح يشوف ابنه ومكانش مصدق طبعا بلى حصله .... ( هوا عايش هوا وابنه عمره 12 سنه ) لوحدهم فى الشقه لانه منفصل عن زوجته من فتره ... المهم اتلمت الناس وشافو اللى حلص وجت الشرطه المحترمه بتاعتنا .... وشالو الجثث واخدوه معاهم .... ازاى وامتى وايه اللى حصل واستجوابات . حكالهم اللى شافه واللى عملوه فى ابنه واللى كانوا بيسرقوه وانه مرخص الطبنجه ووراهم الرخصه وان كله فى السليم ..... طبعا ربنا يكون فى عونه ويصبره .... طبعا كلنا عارفين ان طبنجه مرخصه لما اقتل بيها لص محدش يكلمنى ولما يكون اللص ده فى محل اقامتى او فى مكان ملكى يبقا من غير نقاض ولا كلام ليا حق ادافع عن ممتلكاتى ومكانى لانه هوا المعتدى عليا فى مكانى .... تمام كده .... طبعا ..... عادى جدا دلوقتى طبنجه مرخصه زيى طبنجه مش مرخصه ..... تقتل واحد مجرم تتحبس تتقتل من واحد مجرم تتحبس برضوا ..... ولا الرخصه هتفيد بحاجه ولا دفاعك عن نفسك هيفيد بحاجه هتلبس يعنى هتلبس .... طبعا اكمل لكم الحكايه ... صديقى ده اتحبس وخد حكم ب 10 سنين سجن واجب النفاذ .... مع ان وضعه قانونى لأنه مرخص .. وكمان هوا المعتدى عليه فى ضقته ... طبعا ياريت كلنا ندعيله ربنا يفك كربه ... وناخد بالنا ان الرخصه دى اخرها عشان تمشى بالطبنجه فى الشارع وبرضوا هيترخم عليك ... ولو قتلت واحد مجرم وكنت بتدافع عن نفسك او اهلك .. عادى جدا مرخصه زيى مش مرخصه ... ياريت حضراتكم تقولولى ايه رايكم .... عشان فعلا فى ناس كتير فاهمه الرخصه غلط ... فعلا اقسم بالله طبنجه مرخصه ... زيى طبنجه مش مرخصه .. وحسبى الله ونعم الوكيل فى كل ظالم |
رد: حاجه غريبه فعلا ( أرجوا الدخول )
حسبي الله ونعم الوكيل
وربنا الواحد احتار يعمل ايه في البلد دي طب سؤال يعني صاحبك كان مرخص الطبنجة والمعتدي في محل اقامته وخد عشر سنين طب لو كان سلاح شمال ؟؟ كان خد اعدام ؟؟؟ حسبي الله ونعم الوكيل |
Re: حاجه غريبه فعلا ( أرجوا الدخول )
حسبي الله وهو نعم الوكيل
حسبي الله وهو نعم الوكيل حسبي الله وهو نعم الوكيل ليييييييييييييييييييييييييييية كدا !! يعني سرقوا شقتة وشاف ابنة غرقان في دمة ومطلوب يعمل اية ؟؟ يتماسك ؟؟ دا لو معاة اي حاجة شمال او غير قانونية كان لازم يضربهم امال الترخيص معمول لية غير للدفاع عن النفس امام القانون دون اي مشاكل طيب ياريت يا فندم بالله عليك تبقي تبلغنا هو عمل اية او وصل لاية وهل ابنة ممكن يتم شفاءة ولا توفاة الله وهل صاحبك دا مش ممكن يقوم محامي او اي حاجة لان 10 سنين بجد ظلم وحرام يضيع 10 سنين من عمر الواحد ياريت تبلغنا الجديد من فضلك ربنا معاة يااااااااااااااااااااااااااااارب ويوقفلة ولاد الحلال ويسهلها معاة امين يارب :( |
رد: حاجه غريبه فعلا ( أرجوا الدخول )
اقتباس:
هقول ايه غير حسبى الله ونعم الوكيل |
رد: Re: حاجه غريبه فعلا ( أرجوا الدخول )
اقتباس:
الولد اتوفى نتيجة قطع فى الشريان الثباتى .... والجروح الغائره نتيجة الطعنات .... فحصله نزيف وتوفى نتيجه النزيف ده قوم محامى والله وكبير جدا ومشهور ... بس تعمل ايه فى النظام العقيم والفكر المتدنى ... بس خلاص الحكم صدر ومفيش طعن عليه لأن المحام قدم بلاغ بالطعن واترفض نسألم الدعاء |
رد: حاجه غريبه فعلا ( أرجوا الدخول )
لا حول ولا قوة الا بالله
ولاتحسبن الله غافلا عما يعمل الظالمون |
رد: حاجه غريبه فعلا ( أرجوا الدخول )
في بيته وبيقلتوا ابنه ومطلوب منه يقول للحراميه موتوني انا كمان والله البلد دي بقت تزهق !!!!!!
والقاضي المحترم اللي اصدر الحكم شايف ان هو ده القصاص ولا هو بيطبق القانون على مزاجه ؟؟؟؟؟ القانون واضح وصريح في حالة الدفاع عن النفس ( مشرووووووووووووع ) لكن سنظل نعاني من غباء واستهتار القضاء المصري الذي اهان كرامتنا ومازال يهيننا |
رد: حاجه غريبه فعلا ( أرجوا الدخول )
بلد وحكومه متخلفه
انا لو مكانه كنت هتصرف نفس التصرف واللى يحصل يحصل هو معلهوش اى لوم وربنا يفك سجنه وكربه |
رد: حاجه غريبه فعلا ( أرجوا الدخول )
حسبى الله ونعم الوكيل فى الحكومة المتخلفة
وربنا يوقفله ولاد الحلال ويطلعه بالسلامة يارب يعنى ارخص طبنجة وناس داخلين بيتى ويقتلو ابنى واسيبهم ؟؟؟ دى حكومة متخلفة وقوانين غلط فى غلط وربنا الواحد كره البلد دى |
رد: حاجه غريبه فعلا ( أرجوا الدخول )
اشكك فى القصة لأن تقاصيلها المأسوية غير منطقية بالمرة ؟؟ برجاء من المحامين الى معانا الدخول والإدلاء بدلوهم من ناحية هذا الحكم الذى يبدوا لأول وهلة فاسدا ومبررات رفض الطعن .. وبالنسبة للراجل الضحية أكيد مفيش مصيبة أكبر مالى حصل لإبنة حسبنا الله ونعم الوكيل والله لو اعرف طريقة أزورة
|
رد: حاجه غريبه فعلا ( أرجوا الدخول )
القصه فعلاً مأسزيه وتبدوا عريبه بعض الشىء وخصوصاً صدور الحكم
اكيد فيه تفاصيل اكبر من كدا ... ممكن يكون فيه مشاكل بينهم وبينه .. او سابق معرفه ..اصل استحاله الحكم دا يتاخد فى قضية دفاع عن النفس .. بس فى كلا الاحيان القانون بتعنا قانون عقيم والمنظومه القانونيه كلها متهالكه ..ربنا يكرمنا بتحكيم شرعه طيب اقول لحضرتك على حاجه لو زوج دخل على زوجته فى وضع زنا فى بيت الزانى والزوج تهجم على الزانى والزانى فى حالة الدفاع عن النفس قتل الزوج .. ممكن يأخد برآه طيب هل الزوجه الزانيه والزانى يعاقبا فى قضية زنا بعد اعترافهم لا ماتخدش ولا يوم حبس لان لايوجد من يحرك دعوى قضائيه ضدها هو دا القانون بتعنا |
رد: حاجه غريبه فعلا ( أرجوا الدخول )
الموضوع ده غير صحيح من الأساس , فقد سألت أحد أصدقائى الذى يعمل فى مجال القضاء و أفاد بأن هذا الكلام لا يمكن أن يحدث بهذه الصورة التى يحكيها الموضوع لأن وجود شخص غريب داخل المنزل بالليل يعتبر "ظرف مشـــدد" يبيح لصاحب المنزل استخدام أى وسيلة متاحة للدفاع عن نفسه مهما كانت الطريقة و مهما كانت النتائج و حتى لو كان الشخص الغريب غير مســلح , لأن مجرد وجوده فى هذا المكان و فى هذا التوقيت لا يمكن إطلاقاً تفسيره بحسن نية ... كما أن الرواية فيها شىء من الغرابة , ازاى صاحب المنزل وجد شخصين فقط مكتّفين ابنه وفى نفس الوقت بيسرقوا كل حاجة فى البيت بما فيها الأشياء الثقيلة التى تحتاج لأكثر من شخصين لحملها فى الظروف الطبيعية ؟ !!! مش كل حاجة نقرأها نصدقها |
رد: حاجه غريبه فعلا ( أرجوا الدخول )
اقتباس:
|
رد: حاجه غريبه فعلا ( أرجوا الدخول )
والمحكمة حكمت عليه بعشر سنين !! 10 سنين ؟
دا القاضي جاب القانون دا منين ؟ وبعدين هوه طلع الترخيص بعد الثورة كما يفهم من المشاركة وبعدين بعد ما طلع الترخيص حصلت المشكلة دي يعني المشكلة دي مثلا حصلت بعد 6 أشهر من الثورة يعني المحكمة حكمت عليه في قضية قتل بالرصاص في أقل من سنة مشششششششششششش ممممممكنننننننننننننننننن |
رد: حاجه غريبه فعلا ( أرجوا الدخول )
الكلام ده بجد ولا اه اه ياجماعه مش كل حاجه نصدقها من مخلص على واحد واصبت التانى وفى الشارع ومخدش فيه حاجه ازاى يعنى
|
| الساعة الآن 09:03 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir