سرااااااااااااااااااااب العنز
 

السلام عليكم

إمبيرح 21 / 5 حوالى الساعة 9 صباحا كنت واقف على السطح عندنا و شفت مجموعة من العنز ( اللقلق الأبيض ) و لقيتهم بيلفو حوالى المصرف الى بصطاد منه ما كدبتش خبر و رحت جرى واخد البندقية و الموتوسيكل و رايح أصطاد لكن قبل ما أمشى قلت أخد الهلب بتاعى عشان على الأقل أضمن السمك ما أرجعش خالى الوفاض و ما شاء لقيت سرب فيه أكتر من 100 واحدة طايرة و بيلفو فى الهوا فضلت ماشى وراهم يجى ساعة فردين جناحتهم بس مش بيرفرفوا و مجرد تميل جسمها بس ألاقيهم يبعدوا عنى يجى 2 و لا 3 كيلوا و أنا أجرى و راهم بالموتوسيكل لحد ما زهقت أنا و الموتوسيكل و قلت من فات قديمه تاه و العنز ليه ناسه و رجعت للسمك و الحمد لله ربنا عوض عليا فى السمك و كمان حبتين طير بنسميهم عندنا لباد و دول طعمهم بالضبط زى فراخ المية دا غير غراب لقيته نايم فى العش ضربته مات فى العش حتى ما وقعش و سبحان الله ربنا رزقنى بعنزة طايرة لوحدها بعد السرب و على إرتفاع منخفض سبت السمك و أعدت أجرى وراها يجى ساعة لحد ما الشمس لحستنى و قلت لنفسى دا سراب العنز إقنع بالسمك و روح و روحت بس عينى كانت حتطلع عليها و يلا بارك الله فيما رزق أهو السمك حلو برده
و على رأى المثل العنز حصرم و السمك مستوى

و أسيبكم مع صور السمك الجميلة

http://img525.imageshack.us/img525/2637/dscf2501d.jpg

http://img401.imageshack.us/img401/6049/dscf2500g.jpg

http://img707.imageshack.us/img707/4066/dscf2499j.jpg

رد: سرااااااااااااااااااااب العنز
 

رد: سرااااااااااااااااااااب العنز
 

ماشاء الله ولا قوه الا بالله
تسلم ايدك يا باشا واحلى تقييم

رد: سرااااااااااااااااااااب العنز
 

رد: سرااااااااااااااااااااب العنز
 

رد: سرااااااااااااااااااااب العنز
 

هههههههههه_سمك فىى اليد احسن من عنز فى السما_اكيد فعلا_طريقة طيران العنز (اللقلق) بيطير على تيارات الهواء الساخن ويفرد جناحة فقط حتى لايبزل مجهود كبير لضخامة جسمة وبيكون فى شكل دواير ويصعد لطبقات الهواء العاليه_بس اعتقد انه ما بيتاكلش لان معظم اكلة ديدان وفئران وحشرات _السمك احسن يا عم بالهنا والشفا

رد: سرااااااااااااااااااااب العنز
 

ماشاء الله ربنا يزيدك

رد: سرااااااااااااااااااااب العنز
 

شكرا للجميع على الكلام الطيب و هوا فعلا أنا عارف إن فيه كلام على أكله لآنى قرأت عنه فى ويكوبيديا بس بصراحة كان نفسى أصيد وحدة حتى لو مش حكلها كنت حديها لناس حتكلها هيا و الفران الى وكلاها بس أبقى صدتها

رد: سرااااااااااااااااااااب العنز
 

احلا تقيم ليك يابو صفيه دايما كده تغيب وترجع بطلعه جميله وبعدين يا راجل حد يسيب شويه السمك الى زى الفل دول ويجرى ورا طائر بياكل حشرات وفئران احسن بردوا انك ماصطدتوش وسلامى ليك

رد: سرااااااااااااااااااااب العنز
 

بسم الله ما شاء الله وبألف هنا وشفا

رد: سرااااااااااااااااااااب العنز
 

انا عايز اجي اصطاد سمك معاك

رد: سرااااااااااااااااااااب العنز
 

تسلم الايادى

رد: سرااااااااااااااااااااب العنز
 

تشرفنا يا باشا حدد اليوم الى يناسبك بس المهم يكون شمس و مفيش هوا و ربك يرزق