|
الشرح الكامل لقنص الاسماك بالبندقيه
بسم الله الرحمن الرحيم
السلام عليكم ورحمة الله وبركاته بعد الكثير من الاستفسارات من الكثير من الاعضاء بعد الكثير من الاستغرابات بعد الكثير من الانتظار وبعد التحيه كنت وعدت اخواتى واحبابى اللى كانو بيستفسرو عن طريقة صيد السمك بالبندقيه انى اعمل موضوع اشرح فيه كل حاجه واليكم الشرح المفصل عن طريقة قنص الاسماك بالبندقيه وبصراحه اللى هايجرب الحكاية دى هايحس بمتعه كبييييييييييره اوى اكتر من متعة صيد السمك بالسناره والسبب انك مش هاتحس بالملل ابدا زى مابيحس بيه صياد السناره:o لأنك مش هاتقعد فى مكان واحد اكتر من عشر دقايق انك ان شاء الله مفيش طلعه هاترجع فيها مكسور الجناح لكن الصيد بالسناره ممكن تطلع يوم بطوله وترجع اخر اليوم بسمكه او اتنين وممكن ترجع فااااااضى خالص:mad: هو الموضوع طبعا اولا واخيرا رزق من عند ربنا لكن برده انت لازم تعمل اللى عليك المهم دلوقت انت حطيت الموضوع فى دماغك وعاوز تطلع تجرب هاتقوللى ايه المطلوب ياعم الحاج عشان الرحله دى هاقولك بص ياسيدى المعدات المطلوبه اولا بوصه صيد بحر انجليزى اسمها (نتش)او لطش ودى طولها خمسه متر ولو لقيت 7 متر يكون احسن http://www2.0zz0.com/2012/05/24/17/839809551.jpg وهى بنظام العقل بتدخل فى بعضها ولما بتلمها بيكون طولها 1 متر فقط ولما بتفردها بيكون طولها خمسه متر ودى بتكون قويه وناشفه عشان تقدر ترفع بيها السمكه لو كبيره http://www2.0zz0.com/2012/05/24/17/438672196.jpg وتجيب حوالى 1 متر سلك صلب ويكون قطره مثلا فى نفس قطر سلك الشاحن بتاع الموبايل او اتخن قليلا وتعملها طوق صغنن كده وتجيب حتة شبك من اى محل ادوات صيد وتركبها على الطوق اللى عملته وتخليها زى حلقة كورة السله كده لكن هاتقفلها من تحت طبعا وتخليها بالشكل ده http://www2.0zz0.com/2012/05/24/17/626376915.jpg وبعدين تركبها على البوصه بالشكل ده http://www2.0zz0.com/2012/05/24/17/928637258.jpg ثانيا وعاء مربع بحجم مثلا 20 فى 30 سنتى عشان تحط فيه السمك وتحط فيه شوية تلج وانت طالع عشان السمك مش يبوظ من الحر انا باخد حاجه زى كده معايا http://www2.0zz0.com/2012/05/24/17/927536097.jpg ومتنساش تاخد معاك زجاجة مياه ليك انت عشان هاتخرج فى عز الحر وهاتعطش كتير اوى وهاترجع تدعى عليا ههههههههههههههه ولو هاتروح مكان بعيد شويه ممكن تاخد معاك اكل كمان http://www2.0zz0.com/2012/05/24/17/968475103.jpg وتاخد معاك سكينه حاميه لزوم الدبح عشان ممكن يقابلك فراخ ميه وانت بتصطاد ومايمنعش برده انك وانت ماشى ممكن تلاقى يمامه ولا حاجه يعنى السكينه مهمه برده معاك http://www2.0zz0.com/2012/05/24/17/651453299.jpg طيب كده تمام فاضل ايه تانى بقى عشان نخرج نصطاد ياواد فاضل ايه ياواد:confused: اه فاضل البندقيه طبعا امال يعنى هانصطاد بالطوب هههههههههههه http://www2.0zz0.com/2012/05/24/17/976950661.jpg وفيه شىء مهم جدا جدااااااااا لازم تعمله قبل الخروج للمشوار وهو انك لازم تظبط الناشنكاهات على الضرب لأسفل يعنى مثلا تقف فى بلكونه فى الدول الاول وتحط زلطه فى الشارع تحت او اى هدف وتظبط عليه البندقيه قبل الخروج لأن الضرب لأسفل مختلف جدا فى منحنى الرمايه عن الضرب الافقى الرش المفضل وااااااااادى كمان الرش وعلى فكره الافضل فى صيد السمك اى رش ماجنوم مدبب او ديابلو هاتقوللى ليه مدبب هاقولك عشان الرشه لما بترتطم بالماء بيتيغير مسارها قليلا بفعل الارتطام بسطح الماء وكلما قل حجم بوز الرشه بيكون مساحة الارتطام اقل يعنى بالعربى الرش المدبب افضل وانت وراحتك برده http://www2.0zz0.com/2012/05/24/17/498481617.jpg نيجى بقى على شىء مهم جدا فى العمليه دى هما حاجتين بصراحه الاولى انت هاتلبس ايه وانت رايح الافضل طبعا انك تلبس ملابس قاتمه اللون وغير مميزه يعنى بلاش الالوان الزاهيه خليك مثلا فى الرمادى او البيج او الاخضر او المشجر ويستحسن انك تلبس طاقم كله لون واحد لو امكن ليه بقى لأن السمك حريص جدا وبمجرد ماهيشوفك ويلاحظ وجودك كل سنه وانت طيب مش هاتشوفه تانى فى نفس المكان وبالذااااااااااات السمكه الكبيره لأنها ازكى http://www2.0zz0.com/2012/05/24/17/223625604.jpg الحاجه التانيه هى ظاهرة انكسار الماء بمعنى ادق انك مثلا بتشوف سمكه تحت الميه على عمق مثلا 20 سنتى وبتنشن وتضرب عليها وتتفاجئ ان الرشه مجتش فيها وهذا هو مايسمى بظاهرة انكسار الماء وهو انك بتشوف اى حاجه تحت الميه اعلى قليلا من مكانها الحقيقى وان اللى انت ضربت عليها دى كانت صوره وهميه للسمكه ولكن الصوره الحقيقيه للسمكه بتكون تحت الصوره اللى انت شايفها بمقدار تقريبا 6 سنتى لو العمق 20 ولو العمق 10 بتضرب اسفل صورتها بمقدار 4 سنتى ولو العمق 5 بتضرب اسفل 2 ولو العمق خمسه سنتى فما اقل ودى افضل وضعيه للسمكه لقنصها بتنشن وتضرب عادى بالطريقه المعتاده اسفل منتصف الهدف الايام المفضله لصيد السمكالايام المفضله لصيد السمك ايام الحر الشديييييييييد اوى ومايكونش فيه ولااااا فتفوتة هوا وفى الايام دى الاكسوجين بيكون قليل جدا فى الاعماق وده بيجبر السمك انه يخرج على وش الميه وبالذات قريب من الشواطئ وفى المياه الضحله اماكن الصيد بالبندقيه مكان يكون الميه فيه رايقه وتكون الميه واقفه مش بتجرى ودايما بتكون الاسماك واقفه قريب من البر بسبب الحر زى ماقلنا وفى اماكن ضحله الميه فيها قليله وغير مكانك كل 10 دقايق تمشى شويه وتختار مكان جديد لان بعد كام رشه السمك بيخاف يجى فى نفس المكان تانى غير بعد ساعه مثلا ولا حاجه مواعيد الصيد المفضله والمواعيد المفضله بتكون من 10 صباحا الى 3 عصرا وكمان بلاش وانت داخل على الميه تدخل بحركات سريعه الافضل انك تتسحب واحده واحده وتبص كويس على اطراف الميه جنب البر لأن ده افضل مكان للاسماك فى الحر اثناء القيلوله وتختار مكان يكون فيه بينك وبين الميه شوية بوص مثلا على البر وتستخبى وراهم والسمكه اللى تظهر فوق الميه تقوم ضاربها وبسرعه تجيبها بالملقاف وسعات كتير فيه حجات هاتضربها وتغطس منك وماتعرفش تجيبها عادى شوف غيرها الاماكن القاتله فى جسم السمكه هى الرأس بتتقفل مكانها او فى منتصف الظهر من اعلى ودى بتشلها تماما ومش بتتحرك من مكانها تقوم لاحقها انت بالملقاف لكن لو ضربتها فى بطنها او فى التلت الاخرانى من جسمها بتاخد الطلقه وتجرى فى الميه وتهرب بعيد عنك وعلى فكره مش شرط يعنى كل رشايه بسمكه ممكن تضرب تلات اربع رشات على ماتجيب سمكه بسبب حجات كتير زى مثلا ظاهرة انكسار الماء عمق الميه لو كبير بيحول مسار الرشه وممكن السمكه تاخد طلقه وتجرى بيها وممكن السمكه تغطس منك فى مكان عميق وماتعرفش تجيبها كل ده عادى ماتزعلش نفسك سيبها وشوف غيرها انا عارف انك هاتتعب لكن معلش الموضوع يستاهل وعلى فكره انا لسه مجرب الموضوع من فتره صغيره مش من زمان يعنى لكن عجبنى ودى عينه من بعض المرات اللى خرجت فيها للصيد بالبندقيه مره اربعه كيلو http://www12.0zz0.com/2012/05/24/18/360189381.jpg ومره اتنين كيلو http://www12.0zz0.com/2012/05/24/18/952347249.jpg ومره 2 كيلو http://www12.0zz0.com/2012/05/24/18/338675640.jpg ومره اتنين ونص http://www12.0zz0.com/2012/05/24/18/655361170.jpg ومره كيلو ونص http://www12.0zz0.com/2012/05/24/18/559487040.jpg ومره كيلو تقريبا http://www12.0zz0.com/2012/05/24/18/386274615.jpg وان شاء الله ربنا هايكرمك وتجيب احلى سمك وعلى فكره انا اول مره خرجت فيها للصيد بالطريقه دى مجبتش حاجه خالص لانى مكنتش فاهم الموضوع كويس لكن بعد كده لما فهمت بقيت باستمتع بالقنص والله وفى مره من المرات رحت مكان لقيت هناك اتنين صيادين بالسناره قاعدين وكانت الساعه تقريبا 2 ظهرا ووقفت بعيد عنهم بمسافه وقعدت اصطاد بالبندقيه وهما بيتفرجو عليا وبعد حوالى ساعتين كنت جبت حووالى 4 كيلو سمك بلطى وجالى واحد منهم وانا باصطاد وهو مستغرب وقاللى .......... مساء الخير يا استاذ:eek: حضرتك عارف احنا قاعدين هنا من امتى ؟ من بعد الفجر تقريبا وكل واحد فينا يادوب جايب نص كيلو وانت ماشاء الله عليك جايب الكميه دى فى اقل من ساعتين حرام عليك سبلنا شويه وروح بقى كان بيهزر طبعا ههههههههههههههه:D اتمنى ان الكل يستفيد من الموضوع واى استفسار تانى انا فى الخدمه وعاوز دعوات بقى على قد ماتقدرو واللى مش هايدعى هو حر مش هايجيب سمك خااااااالص ههههههههههههههه ربنا يكرمنا جميعا يارب من مواضيعى بالذمه ده اسمه كلا يارجالهhttp://www.egypthunt.net/showthread.php?t=30091 مذبحة الجمعه بالكرال http://www.egypthunt.net/showthread.php?t=28543 رساله الى كارهى الكرال http://www.egypthunt.net/showthread.php?t=29417 كنا هانروح فى شربة ميه http://www.egypthunt.net/showthread.php?t=30036 الشرح الكامل لقنص الاسماك بالبندقيه http://www.egypthunt.net/showthread.php?t=29067 طلعة النهاره اهداء للرئيس المصرى القادم http://www.egypthunt.net/showthread.php?t=30185 طلعة ساعه متنوعه http://www.egypthunt.net/showthread.php?t=28988 طلعة ساعتين الصبح قبل الشغل http://www.egypthunt.net/showthread.php?t=29990 الموضوع الشامل عن صيد اليمام ودجاج الماء ليلا http://www.egypthunt.net/showthread.php?t=29886 نص ساعه صيد والقطه الشقيه http://www.egypthunt.net/showthread.php?t=29646 شرح متكامل عن تمويه البنادق تجربه على الكرال والبى اس ايه http://www.egypthunt.net/showthread.php?t=28907 تمويه الbsa بتاعتى وارجو التقييم http://www.egypthunt.net/showthread.php?t=28570 |
رد: الشرح الكامل لقنص الاسماك بالبندقيه
موضوع رائع و شرح ممتاز تسلم الأيادي
|
رد: الشرح الكامل لقنص الاسماك بالبندقيه
اشكر حضرتك ياباشا على زوقك
|
رد: الشرح الكامل لقنص الاسماك بالبندقيه
انت فنان
احلى تقييم ليك ولموضوعك وبرجاء التثبيت من الادارة تحياتى يا كبير |
رد: الشرح الكامل لقنص الاسماك بالبندقيه
اقتباس:
|
رد: الشرح الكامل لقنص الاسماك بالبندقيه
حضرتك بتصتاد فين ؟؟
|
رد: الشرح الكامل لقنص الاسماك بالبندقيه
موضوع ممتاز وافادنا كتير بس ربنا يسهل ونقدر ننفذه على ارض الواقع .. وتسلم ايدك يا باشا
|
Re: الشرح الكامل لقنص الاسماك بالبندقيه
تسلم ايدك مش عارف اقولك ايه .... احلي تقييم و ارجو التثبيت
|
Re: الشرح الكامل لقنص الاسماك بالبندقيه
معلومه مفيده حضرتك بتصطاد فين؟؟؟؟؟؟؟؟؟؟
|
رد: الشرح الكامل لقنص الاسماك بالبندقيه
احيييك على الموضوع الرائع وبجد مجهود جميل .... مبروك على التثبيت و احلى تقيييم
|
رد: الشرح الكامل لقنص الاسماك بالبندقيه
اقتباس:
ويارب دايما تكون فى احسن حال |
رد: الشرح الكامل لقنص الاسماك بالبندقيه
اقتباس:
تحياتى |
رد: الشرح الكامل لقنص الاسماك بالبندقيه
اقتباس:
والمنطقه هناك مليانه اراضى زراعيه وترع ومصارف |
رد: الشرح الكامل لقنص الاسماك بالبندقيه
اقتباس:
وصدقنى هاتحس بمتعه كبيره اوى فى قنص الاسماك |
رد: Re: الشرح الكامل لقنص الاسماك بالبندقيه
اقتباس:
حبيب قلبى والله انت يابيبيتو |
Re: رد: Re: الشرح الكامل لقنص الاسماك بالبندقيه
اقتباس:
|
رد: Re: الشرح الكامل لقنص الاسماك بالبندقيه
اقتباس:
عندك من الكيلو 50 الى الكيلو 70 طريق مصر اسكندريه صحراوى كل المنطقه دى اراضى زراعيه وفيها ترع ومصارف كتير بس مش على الطريق مباشرة طبعا لازم هاتدخل لجوه شويه شمال او يمين |
رد: الشرح الكامل لقنص الاسماك بالبندقيه
اقتباس:
والاجمل واجمل هو ان الموضوع عجبك والاحلى والاطعم والاشيك هو التثبيت من حضرتك مشكووووووووووور لحضرتك جدا |
رد: الشرح الكامل لقنص الاسماك بالبندقيه
|
رد: الشرح الكامل لقنص الاسماك بالبندقيه
اقتباس:
اتمنى يكون فعلا الموضوع عجبك تحياتى الغاليه |
رد: الشرح الكامل لقنص الاسماك بالبندقيه
احلى تقيم لاحلى موضوع بس انت من الاسكندريه وابو صفيه من دمياط يعنى السمك كله وهاتلاقوا الاماكن الى فيها المواصفات دى بسهوله بس مش عارف عندنا موجوده ولا لا
|
رد: الشرح الكامل لقنص الاسماك بالبندقيه
اقتباس:
واحنا فى اسكندريه معندناش غير البحر وطبعا ماينفعش فيه الطريقه دى لكن باروح مكان بعيد عننا فى الكيلو 65 طريق اسكندريه مصر صحراوى اصطاد هناك ومشكوووووووووور ياغالى على تقييمك الجميل ده |
رد: الشرح الكامل لقنص الاسماك بالبندقيه
موضوع رائع يا رائع
|
رد: الشرح الكامل لقنص الاسماك بالبندقيه
|
Re: الشرح الكامل لقنص الاسماك بالبندقيه
الله ينور عليك انا هطلع واجرب .... وهاقولك ايه اللى حصل
|
رد: الشرح الكامل لقنص الاسماك بالبندقيه
كلامك صح لانى من الارياف ومجربين الحجادى من زمان
|
رد: الشرح الكامل لقنص الاسماك بالبندقيه
اقتباس:
|
رد: الشرح الكامل لقنص الاسماك بالبندقيه
موضوع ممتاز ربنا يكرمك ويبارك فيك ارجو من الادارة تثبيت الموضوع للاهمية والتجديد
|
رد: الشرح الكامل لقنص الاسماك بالبندقيه
ربنا يبارك فيكم ياجماعه والله
انا عاجز عن الشكر تحياتى للجميع |
رد: الشرح الكامل لقنص الاسماك بالبندقيه
موضوع جاامد اوي بس الواحد يصدات منين ؟؟
|
رد: الشرح الكامل لقنص الاسماك بالبندقيه
اقتباس:
|
رد: الشرح الكامل لقنص الاسماك بالبندقيه
موضوع رائع و شرح ممتاز تسلم الأيادي
|
رد: الشرح الكامل لقنص الاسماك بالبندقيه
اقتباس:
|
رد: الشرح الكامل لقنص الاسماك بالبندقيه
تسلم ايدك...موضوع جااااامد بصراحه وان شاء الله هجربه
|
رد: الشرح الكامل لقنص الاسماك بالبندقيه
اقتباس:
بس زى ماقلتلك اختار مكان فيه ميه قليله ويكون يوم حر |
رد: الشرح الكامل لقنص الاسماك بالبندقيه
موضوعك رائع بس ليا شويت حاجات صغنتوتة كدا هايكون احسن بيها الشبكة دى بدل مانعملها بتتباع على بعضها جاهزة وبدل للسلك بتكون حديد وبتتطبق برضو وفى حاجة شفتهم بيعملوها عندنا بس مش متاكد منها بيرموا فى الميه حاجة كدا تقريبا جاز فالسمك بيتخنق ويطلع يتنفس بيلموه بالشبكة من غير بندقية ولا حاجة
|
رد: الشرح الكامل لقنص الاسماك بالبندقيه
الله ينور عليك
هو ازااي ادي تقييم ؟ |
رد: الشرح الكامل لقنص الاسماك بالبندقيه
اقتباس:
المهم حاجه تقضى الغرض وخلاص وبالنسبه لموضوع الجاز ده حراااااااااااااااااااااااام لانك كده هاتضر الزرع بتاع الناس اللى بتروى من الترعه دى وكمان الجاز هايقضى على السمك الصغير (الزريعه) |
رد: الشرح الكامل لقنص الاسماك بالبندقيه
اقتباس:
صباحك عسل التقييم هاتلاقيه فى اعلى الصفحه على شمالك تحت الارقام بتاعة الصفحات كلمه مكتوب عليه التقييم دوس عليه واختار عدد النجمات اللى انت عاوزها |
رد: الشرح الكامل لقنص الاسماك بالبندقيه
احلي تقييم لاجمل شرح
|
رد: الشرح الكامل لقنص الاسماك بالبندقيه
اقتباس:
كل سنه وانت طيب |
رد: الشرح الكامل لقنص الاسماك بالبندقيه
تسلم ايدك يا قبطان على المعلومات الغالية دى
|
رد: الشرح الكامل لقنص الاسماك بالبندقيه
اقتباس:
تحياتى لحضرتك |
رد: الشرح الكامل لقنص الاسماك بالبندقيه
الله ينور عليك شرح ممتاز
|
رد: الشرح الكامل لقنص الاسماك بالبندقيه
اقتباس:
شرفنى مرورك |
رد: الشرح الكامل لقنص الاسماك بالبندقيه
الموضوع ده عجبنى اوى اوى اوى
|
رد: الشرح الكامل لقنص الاسماك بالبندقيه
اقتباس:
|
| الساعة الآن 06:17 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir