الصيد فى مصر - طلعة عذااااااب

الصيد فى مصر (http://www.egyhunt.net/index.php)

- صور وفيديو الصيد ورحلاته (http://www.egyhunt.net/forumdisplay.php?f=47)

- - طلعة عذااااااب (http://www.egyhunt.net/showthread.php?t=29147)

أبو صفية

12-05-26 03:08 PM

طلعة عذااااااب

السلام عليكم و رحمة الله و بركاته

النهاردة خدت البندقية و طلعت أصطاد سمك كالعادة و كالعادة برده ضربتلى كام رشاية فى الأول أشوف البندقية مظبوطة و لا لا و ما خيبتش خالص لكن مع السمك ضربت يجى 20 رشاية و ما جبتش و لا سمكة و لقيت عش غربان ضربت عليهم يجى 10 رشات برضه و لا غراب بشوف البندقية تانى لقيتها بتحدف شمال يجى 20 سنتى رجعت تانى ظبطها و رجعت للغربان موت 3 فروخ لكن للأسف ما صورتهمش المهم كملت صيد السمك و أول ما البندقية إتظبتت و بدأت العملية تمشى كالعادة لقيت شبارة حلوة قعدت مترصدلها لحد ما جبتها المهم بعد ما ضربتها لقيتها بتتحرك بجرى أجيب الهلب وعشان أجيبها لسة بحط رجلى لقيت تعبان محترم طالع يتحمص فى الشمس و أنا بصراحة بخاف منهم خوف غير طبيعى بالرغم إنى قتلت منهم كتير جدا بالبندقية و مقلكوش بمجرد ما شفته كأنى إتكهربت و أنا بجرى وقعت من على البر فى المصرف طبعا إتبليت مية و طين و حاولت أتعلق فى الغاب و أطلع وقعت تانى كام مرة لحد ما ربنا كرمنى و طلعت و بمسك غابة كبيرة لقيت عليها عش دنانين و عينك ما تشوف إلا النور إتقرصت فى إيدى و ودنى و ورموا جدا قمت واخدها من قاصرها و مروح وقلت بارك الله فى مارزق هيا طلعة منظورة و ألحق نفسى و كفاية عذاب و أسيبكم مع الصور و عملت على السمكة وش المصايب سهم عشان تعرفوا إنها نوعا تستاهل

http://img710.imageshack.us/img710/9084/dscf2503f.jpg

http://img705.imageshack.us/img705/9318/dscf2502n.jpg

عادل عبده

12-05-26 03:15 PM

رد: طلعة عذااااااب

ماشاء الله ولاقوه الا بالله تسلم ايدك يا باشا
ولا عذاب ولا حاجه

aymank2

12-05-26 03:19 PM

رد: طلعة عذااااااب

الحمد لله انك رجعت بالسلامه .

mohamed2010habib

12-05-26 03:20 PM

رد: طلعة عذااااااب

حمدا لله على سلامتك,,,

ابو عامر

12-05-26 03:47 PM

رد: طلعة عذااااااب

الف سلامه يا وحش وخلى بالك المره الجايه وها اقولك على حاجه فوت 3 ايام وارجع فى نفس الوقت ها تلاقى الثعبان مكانه ودى عن تجربه اكتر من مره وخد حقك منه وما تنساش تصوره

besho

12-05-26 04:22 PM

رد: طلعة عذااااااب

ازاي بتصطاد السمك بالبندقيه

Dark	12-05-26 05:01 PM

رد: طلعة عذااااااب

بالتوفيق باذن الله

amr naser

12-05-26 05:36 PM

رد: طلعة عذااااااب

اقتباس:

المشاركة الأصلية كتبت بواسطة عادل عبده (المشاركة 373889)

ماشاء الله ولاقوه الا بالله تسلم ايدك يا باشا
ولا عذاب ولا حاجه

يعنى الراجل وقع ى الميه واتبل ميه وطينه وبعديها اتقرص من الدنانين ومفيش عزاب
هههههههههه طب سيبك من الميه لكن تعالى عند الدنانين اقف يا معلم دى بتقرص جامد اوى وبتورم مكانها

dr_mohasan

12-05-26 05:59 PM

رد: طلعة عذااااااب

المهم البندقية سليمة ولا جرالها حاجة ؟؟؟
.
.
.
.
.
.
.
هههههههههههههههههه

طبعاً بهزر
ألف حمد لله على سلامتك

NEW_Year

12-05-26 06:03 PM

Re: طلعة عذااااااب

طلعة موفقة ياباشا وحمدلة علي السلامة

طمنا بس البندقية اية اخبارها زي ما قالك الدكتور

هههههههههههههههههههه

رامز ياسر

12-05-26 06:04 PM

رد: طلعة عذااااااب

ياباشا عود حميد والف سلامة عليك ومعلش اعتبرها شىء من المغامرة ياسيدى والاول والاخر قدر الله وما شاء فعل
والحمد لله على كل حال ......وتسلم ايدك على شوية السمك دول

samraghost

12-05-26 06:08 PM

رد: طلعة عذااااااب

تسلم ايدك يا سمكاوى يا قديم متالق كالعاده طبعا بس ليه سؤال يا ابو صفيه هى ايه الدنانين دى ؟

ابو مروان

12-05-26 06:17 PM

رد: طلعة عذااااااب

بيقولك بيتكهرب منهم _ 3 ايام ايه يا باشا ويرجعلة ابو صفية موش هايروح المكان دة تانى_ههههههههههه_بالهنا والشفا اكلة السمك

القبطان المصرى 77

12-05-26 06:34 PM

رد: طلعة عذااااااب

الف الف حمد الله على سلامتك يابو صفيه اهم حاجه
ومتزعلش على حاجه راحت منك ابدا
الحمد لله انك شفت التعبان قبل ماتدوس عليه وتبقى مشكله
ومتبقاش تنسى الدعاء ده كل يوم اخر النهار
وهو
اعوذ بكلمات الله التامات من شر ماخلق
تكرره تلات مرات كل يوم قبل غروب الشمس
والدعاء ده بيكفيك الحجات دى اللى زى التعابين والعقارب ان شاء الله

أبو صفية

12-05-26 08:42 PM

رد: طلعة عذااااااب

شكرا للجميع على المرور و التعليقات الطيبة و الجميلة و بارك الله فيكم جميعا و كفاكم كل شر و حفظكم من كل سوء و بالنسبة للإستفسارات كالتالى
1- البندقية الجمد لله سليمة أنا لما بضرب بركنها و أجيب الهلب على طول
2- بالنسبة للدنانين دى فيه ناس بتسميها الدبابير و دى فى الغالب بتكون عمله عشوش فى الأماكن الى تكون درجة سطوع الشمس فيها عالى و دى قرصتها أصعب شويتين من قرصة النحل
3- بالنسبة للدعاء و الله يوميا بعد الفجر و قبل المغرب بردده ( أعوذ بكلمات الله التامات من شر ما خلق , اللهم إنى أعوذ بك من شر ما أخاف و أحاذر , اللهم إنى أعوذ بك من شر نفسى و من شر الشيطان همذه و لمزه و أعوز بك من وعثاء السفر و سوء المنقلب فى المال و الأهل و الولد
4- بالنسبة للتعبان أنا فعلا متعود عليهم بالرغم من خوفى منهم لأنى يوميا بشوف من 5 إلى 10 حبات بتتحمص على الشط لأنى بصطاد سمك كتير فى وقت الشمس بس دول بيهربوا بسرعة إنما دا أنا كنت قريب منهجدا و إتفاجئت بيه مش إتفاجئت دا انا إتكهربت دى قليلة عليا
5- أنا مش مضايق و لا حاجة أنا بيقابلنى أكتر من كدا كتير و خاصة إن معظم صيدى باللليل بنقع فى الترع و تتكسر البنادق و الكشافات و نتقرص من الحشرات الى بتكون مبيته على النباتات دا غير تقطيع الهدوم بس بصراحة الى حرقنى أوى إن كل دا حصل فى أقل من خمس دقايق يلا خير المؤمن مصاب

أبو صفية

12-05-26 08:46 PM

رد: طلعة عذااااااب

اقتباس:

المشاركة الأصلية كتبت بواسطة القبطان المصرى22 (المشاركة 374024)

شكر خاص لك و الحمد لله على كل حال و ربنا يكفيك و يكفينا و يكفى الجميع كل شر و شكرا على الدعاء و الروح الطيبة

عادل عبده

12-05-26 09:11 PM

رد: طلعة عذااااااب

اقتباس:

المشاركة الأصلية كتبت بواسطة amr naser (المشاركة 373967)

يابنى انا كنت كاتب بقيه مشاركه بس النت عندى بقى زفت تقريبا متسيفتش
وبعدين يا اخى بعد ما يروق ويبقى زى الفل هيفتكر وهيضحك على الموقف وهيبقى مبسوط
المواقف ديه مش بتتنسى
والف مليار حمد الله على سلامته

أبو صفية

12-05-27 12:41 AM

رد: طلعة عذااااااب

اقتباس:

المشاركة الأصلية كتبت بواسطة عادل عبده (المشاركة 374162)

الله يسلمك و يسلم الجميع أنا فعلا كل ما أفتكر الموقف و لا أحكى لحد من أصحابى أضحك و يضحكوا
بس بصراحة لما أفتكر قرص الدنانين ما أضحكش

وليد سعد زغلول

12-05-27 07:17 AM

رد: طلعة عذااااااب

ألف حمد لله على السلامة ورحلة موفقة وبألف هنا وشفا

hogan

12-05-27 11:54 AM

رد: طلعة عذااااااب

تسلم والف سلامه عليك

Mahmoud@Sniper

12-07-11 06:08 AM

Re: طلعة عذااااااب

حمد الله على السلامة و بارك الله فيما رزق

الساعة الآن 10:34 PM