الفرق بين الحمام البرى والحمام البرجى
 

السلام عليكم
طبعا كلكم داخلين وفاكرين انى مجهز الصور والفروق ------- بس اخوكم غلبان مش عارف الفرق بينهم ------ قلت احط العنوان واكيد حد بيعرف هايجى وينزل الصور ويقول الفرق
ياريت حد يحطلنا الصور والفروق من حيث الشكل والحجم واللون ويفيدنا عشان اغلبنا الى الان ممتنع عن التصويب على الحمام لحد ما يعرف الفرق بين البرى والبلدى ------ولكم جزيل الشكر

رد: الفرق بين الحمام البرى والحمام البرجى
 

الحمام البرى الوانه مميزة فيه منه الاسود او الكحلى الغامق اوالرصاصى وفيه خطوط عرضية فى نهاية الاجنحة وبيكون لون الارجل حمراءhttp://www.pigeonshouse.com/1_6.html ودة رابط للتوضيح

رد: الفرق بين الحمام البرى والحمام البرجى
 

رد: الفرق بين الحمام البرى والحمام البرجى
 

السلام عليكم اخواني كل عام وانتم بخير انا ليه تعقيب صغير علي موضوع الحمام من حيث الشكل واللون انا مربي عندي حمام نفس اللي موجود في الصور من حيث جميع المواصفات نفس الشكل الازرق الكامل وبه خطوط اسفل الظهر عند بدايه الذيل ومش شرط ان يكون بري من هذه الالوان والاشكال الحمام الذاجل وتقبلولي مروي وياريت لو اسمع راي باقي الاعضاء للافاده اخوكم0000000000000000حساام

رد: الفرق بين الحمام البرى والحمام البرجى
 

هوة ده فعلا الحمام البرى
ومن ناحية ان فى منه بلدى
لما تشوف سرب حمام فوق ال30 حمامة نفس اللون
بيتهيألى مش ممكن يكون بلدى
مفيش حد هيربى الحمام كله نفس اللون

رد: الفرق بين الحمام البرى والحمام البرجى
 

معلش ممكن حد يعرفنا ايه الفرق بين البرى والبرجى لان هيا دى المشكله فعلا سهل جدا افرق بين الحمام البيتى والبرجى بس مقدرش افرق بين البرجى والبرى مع خالص احترامى لجميع الاعضاء

رد: الفرق بين الحمام البرى والحمام البرجى
 

فى راى الشخصى انه لو شخص قام ببناء برج حمام والحمام البرى عشش فيه الشخص ده ليس له الا ما لديه فى البرج ومايقدر ان يمسكه من فراخ الحمام دون ذلك فهوة ليس ملك لاحد . ومش بعيد بقه الحمام الى بيكون معشش فى الشقق فى المدن الجديدة نقول انه ملك لاصحاب هذة الشقق التى لم تسكن وده غير معقول طبعا

رد: الفرق بين الحمام البرى والحمام البرجى
 

اشكر الاستاد تيتو على وضع الصور والحقيقه انها واضحه جدا لكن المشكله الكبيره انى بشوف هدا النوع من الحمام الناس مربياه عندها وطاير مع الحمام البلدى
ولو قلنا اننا لو لقيناه فى اماكن بعيده هن الاماكن الماهوله عشان يبقى برى مش هاينفع عندنا لان انتو عارفين ان دلتا مصر كلها عمار وبين القريه والقريه قريه يعنى المسافات بينهم قريبه جدا
ضف على دلك بقه انك ممكن تضرب حمامه وتلقى اللى جاى يقولك انها بتاعته ومربيها والموقف البايخ اللى ممكن الواحد يبقى فيه ساعتها ------ واثبت بقه انها برى وانها مش بتاعته
تخيلوا مره واحد قالى اليمام ده بتاعنا واحنا مربيينه وما تضربهوش ----بمنتهى البحلقه والبجاحه ------هههههههه
اشكركم على الردود لكن هناك جزء مهم اننا كلنا ما نعرفش راى الشرع ايه فى المساله دى ------كل اجاباتنا كانت من اجتهادتنا الشخصيه وخصوصا فى النوع المهجن واحنا طبعا مش اهل فتوى يعنى لو حد يستفتى فيها شيخ يبقى افضل

رد: الفرق بين الحمام البرى والحمام البرجى