مميزات وعيوب الهاتف الذكي بلاك بيري
 

مميزات البلاك بيري

1- بسيط جدًا: يمكن جعله في الترتيب الثاني بعد (نوكيا) من ناحية البساطة .

2- معيار جهاز البريد الكفي في العالم: لا يوجد جهاز كفي يتعامل مع البريد الإلكتروني كما يتعامل (البلاك بيري)؛ لماذا؟ لأنَّ بنيته التحتية مصممة خصيصًا لذلك، فهو دومًا يعمل، لا تحتاج لإطفائه، ولا تحتاج إلى الاتصال بالشبكة اللاسلكية أو الهاتفية كي تقوم بوظيفة على الشبكة، فهو يتصل بشكل ذاتي ويبقى متصلاً، فلا تحتاج لإعادة الاتصال إذا ذهب إلى وضع الاستعداد، أو إذا أقفلته، فأنت دائمًا متصلٌ بالشبكة وليس ذلك فقط . . بل إنَّك لا تحتاج أيضًا إلى مزامنة بريدك الإلكتروني بالضغط على زر لجلبه، بل بمجرد أن تُرسل لك الرسالة فإنَّها تظهر في صندوق بريدك!

3- معيار أجهزة الطباعة الكفية: هذه الميزة، وهي سهولة الطباعة التي لا نظير لها جعلت من هذا الجهاز خيار الصمِّ والبكم في العالم، وأنا لا أمزح هنا، فمع كل جهاز جديد يوجد رقم خاص مميز للجهاز، إذا أضفت رقم جهاز صديقك فيه، فإنَّك تشتطيع مراسلته وإرسال الصور والمقاطع المتحركة ((مجانًا))، فإذا أضيف هذا إلى سهولة وسرعة الطباعة الرهيبة عليه فإنَّه أصبح لسان هؤلاء القوم وأذنهم؛ فسبحان الله الذي يسَّر ما يعوضهم عن فقد هذه النعمة .

4- طول عمر البطارية: لا يوجد جهاز كفي في العالم يضاهي (البلاك بيري) في عمر البطارية، فهو يعمل لأيام وأيام بدون إعادة شحن!! ثم إنَّ شحن البطارية يتم بشكل سريع بعدها .

5- الحماية الأمنية: بتفعيل نمط حماية 128 بيت، فإنَّ (البلاك بيري) هو الخيار الأول للجهات الحساسة التي تتطلب حماية عالية لبياناتها .

6- احتمال الإصابة بفيروس ضعيف: لأنَّ أغلب تطبيقاته محمية بشهادة ينبغي التحقق منها من الشركة الأم وهي (الريم) .

7- جهاز الكل في واحد: لقد فاق هذا الجهاز أجهزة النوافذ المتنقلة (وندوز موبيل) فانت تستطيع آداء أغلب المهام بدون الحاجة إلى تحميل برامج خارجية، ويميز هذا الجهاز بالانسجام القوي بين تطبيقاته، وترابط مهامها، فإذا أرسل إليك أحدهم رقم صديقك في رسالة نصية، فإنَّك تستطيع مباشرة بالضغط على الرقم المرسل مكالمته مباشرة بدون الخروج من التطبيق والذهاب إلى تطبيق الهاتف، وتستطيع إرسال صورة لمقتطف من كتاب بدون الخروج من تطبيق التصوير .

كما أنَّ برامجه تتميز بالتوافق مع المعايير المكتبية، فتستطيع باستخدام برنامج المحادثة المدمج معه أن تخاطب جميع من تعرف، سواء في الهوتميل أو الياهو أو الجوجل أو . . . إلخ بدون الحاجة إلى تثبيت تطبيقات إضافية!

كما تستطيع تحميل القواميس والمصاحف والخرائط وتشغيل الصوتيات بواسطة هذا الجهاز .

8- متعدد المهام: تستطيع تشغيل أكثر من تطبيق في وقت واحد .

يوجد الآن تسع ملايين مستخدم لهذا النظام التشغيلي يتركزون في الولايات المتحدة ودول أوروبا وآسيا .

9- ذو شكل جميل

العيوب

1- لا توجد به شاشة لمس: وهذا يصعب استخدامه مع تطبيقات الأجهزة الكفية المتقدمة - لكنه توافر في بعض الموديلات الحديثه الان.

2- تطبيقاته قليلة جدًا: مع أنَّ شركة (ريم rim) لها مجهود جبَّار في تطوير ودعم التطبيقات لمنصتها، والتي بلفت ألفًا وثلاثمئة من التطبيقات، فضلاً عن التطبيقات التي برمجها المطورون بانفراد، فإنَّ المستخدم سيفتقد العديد العديد من التطبيقات المفيدة التي يتوفر نظيرها في جهاز الجيب (بوكيت بي سي) فضلاً عن البالم .

3- دعم اللغة العربية ضعيف ومحدود: البرامج العربية في (البلاك بيري) أقل من أصابع اليد الواحدة، ويظهر البالم أمامه بموقف قوي على مستوى البرامج العربية ودعم اللغة العربية وهو الذي كنَّا نتندر بضعفه في هذا المجال(1) !

رد: مميزات وعيوب الهاتف الذكي بلاك بيري
 

بس ده موبايل غبي جدا انا معاي جلاكسي اس 2 احسن منه في العب و البرامج المحادثات (شات) ممتازه فيه شاشه كبيره و هو اكيد اندرويد

رد: مميزات وعيوب الهاتف الذكي بلاك بيري
 

مع احترامي للجلاكسي ونظام الاندرويد .. لا يزال تطبيقات الجلاكسي ترفيهيه لكن البلاك بيري تطبيقاته اقوا واعمق وأكثر آمان وهوه الهاتف الاذكي رقم واحد ف العالم علشان كده معظم رؤساء الجمهوريات والوزاراء والمسئولين ورجال الاعمال بيستخدمو البلاك بيري

رد: مميزات وعيوب الهاتف الذكي بلاك بيري
 

5- الحماية الأمنية: بتفعيل نمط حماية 128 بيت، فإنَّ (البلاك بيري) هو الخيار الأول للجهات الحساسة التي تتطلب حماية عالية لبياناتها .

6- احتمال الإصابة بفيروس ضعيف: لأنَّ أغلب تطبيقاته محمية بشهادة ينبغي التحقق منها من الشركة الأم وهي (الريم) .

رد: مميزات وعيوب الهاتف الذكي بلاك بيري
 

ماشي بس اجيب موبايل و هو تطبيقاته نادره و اي كلام و بفلوس و بالنسبه لحكايه الامان م الجلاكسي بينزله مائات برامج الانتي فيرس

رد: مميزات وعيوب الهاتف الذكي بلاك بيري
 

و علي قكره البلاك بيري ليس الهاتف الاذكي في العالم في سامسونج و ابل و اتش تي سي و في اخر القائمه بتاعت الهواتف الذكيه اليلاك بيري

رد: مميزات وعيوب الهاتف الذكي بلاك بيري
 

وبعدين فين الشكل الجميل ده شبه الطوبه او الزلطه

رد: مميزات وعيوب الهاتف الذكي بلاك بيري
 

هههههههههههههههههه بالعكس فيه موديلات منه شكله تحفها جدا ومش منتشره علشان سعرها عالي ومش اي حد بيقدر يقدر قيمتها

رد: مميزات وعيوب الهاتف الذكي بلاك بيري
 

طب الحاجه المماثله للجلاكسي اس 2 هو 9900 برضو شكلو غبي نظامه غبي

رد: مميزات وعيوب الهاتف الذكي بلاك بيري
 

شوف يا سيدي الاندرويد عالميا الاول بعدها الايفون بعدها نوكيا بعدها البلاك بيري

و معلومه مستخدمي الاندرويد اكثر من 30 مليون مستخدم

رد: مميزات وعيوب الهاتف الذكي بلاك بيري
 

يا ريس انا مقولتش غير ان الي بستخدموه صفوه العالم .. لكن تطبيقات الاندرويد ترفيهيه

رد: مميزات وعيوب الهاتف الذكي بلاك بيري
 

مع احترامي لاستاذ مروان وللاستاذ صاحب الموضوع ::: جلاكسي مين واندرويد مين دا الي اعلى من الآبل !!!!!

تعرف ان آبل اساسا منزله النظام بتاع الآي تونز والآب ستور الي فيه كل بررامج الاندرويد دا من 2008

وجلاكسي لسه شايفين عليه الاندرويد دا من مفيش فتره قليلة جدا !!

وع فكره آبل رافعه اكتر من قضية ع سامسونج وآتش تي سي يعني اساسا النظام الي حضرتك بتدعي انه متفوق على الـ apple ,,

آبــل عملاه اصلا قبل ما سامسونج تفكر تعمله

والتـاتش بتاع الآبل دماااار وكفايه الآي تونز والبرامج الي عليه والحمايه الغير مضاااااااهيه لأي جهاز ف الكون زي الاي فون آبل

ياراجل دا كفاااااااااااااايه عندي بستخدم تطبيق اسمه Siri مفيش اي موبايل قادر ينزله غير الآي فون

الي هو بتنطق مسج او تعمل اي كنترول بصوتك والاي فون يكتب الي تقوله بصوتك او ينفذ الامر الي قولته

فرق شااااااااسع بين الآي فون وبين فـون ف الدنيا سواء جلاكسي او بلاك بيري او اتش تي سي

رد: مميزات وعيوب الهاتف الذكي بلاك بيري
 

بجد والله شهادة حق لآبل والاي فون مفيش اي موبايل ف حياتي مسكته زي الآي فون ابداً

تاتش خيااااااااااااال مفيش تاتش بالقوه والدقه دي , تطبيقات وترفيه وبرامج والعاب فوق الخيال ووفيديووو آتش دي
وقوه في كل حاجه وشكله بس تحـــفه وشياكه وبرستيج


انصح اي حد بيفكر يجيب موبايل من الموبايلات الجديده لو قدر يجيب تمن الآي فون يتوكل ع الله ويجيبه بدون تفكير

رد: مميزات وعيوب الهاتف الذكي بلاك بيري
 

ع فكره يا استاذ مروان الصورة الي حضرتك واخدها شوت دي معناها ان اندرويد اعلى فعلا في المبيعات لكن مش معناه ان احسن او اعلى من آبل

رد: مميزات وعيوب الهاتف الذكي بلاك بيري
 

باشا بص كده على Nokia N900 وقل لى اى رأيك.

رد: مميزات وعيوب الهاتف الذكي بلاك بيري
 

كل هاتف وله مميزاته وصعب تلاقي تليفون موبايل فيه كل المميزات الي انت عايزها
بس انت ممكن تتنازل عن خاصية مقابل خاصية تانية احسن
بالنسبة للبلاك بيري هو تليفون حلو ومحترم بس عقيم حضرتك قلت ان له حوالي 1300 تطبيق
معنى كده ان الدعم قليل في مقابل ان الاي فون واجهزة الاندرويد عامة لها اكتر من 10000 تطبيق
وده يوحي بكثرة مستخدمينه
اما بالنسبة للايفون فكل شي الايفون بيعمله الاندرويد ممكن يعمله ومتحولش تجبلي حاجة الاندرويد مبيعملهاش لانك مش هتلاقي
جووجل قدريت توصل بالاندرويد الى كل الفئات من الطبقة المتوسطه واي تحتها حتى رؤساء الجمهوريات والوزاراء والمسئولين ورجال الاعمال بعكس ابل الي متمسكة بطبقة معينة
وحتة ان معظم برامجه ترفيهية فده ميضرش بل ده يزيد شعبيته

الايفون والاندرويد منافسين اقوياء جدا
البلاك بيري هاتف مش كل الناس تجيبه لانه مش هينفعهم اوي يعني (الي بيعمله البلاك بيري ممكن يعمله الايفون ويعمله الاندرويد)



لوسمحتم خرجو نوكيا من المقارنة لانها غير جديرة بالدخول للمقارنة

رد: مميزات وعيوب الهاتف الذكي بلاك بيري
 

انا عندي ايفون فور اس و جلاكسي اس 2 الايفون حلو لكن البرامج عليها حمايه غبيه اما الاندرويد كل مجاني و علفكره الاثنين لمسهم واحد بس الجلاكسي احلي

رد: مميزات وعيوب الهاتف الذكي بلاك بيري
 

و علفكره الجلاكسي ارخص

رد: مميزات وعيوب الهاتف الذكي بلاك بيري
 

كلامك صح بس عدد التطبيقات 500000

رد: مميزات وعيوب الهاتف الذكي بلاك بيري
 

حضرتك لو معاك جلاكسي هتبقى عارف ان 90 % من برامج الاندرويد اساسا مزيفه وكلها مقياس الحب , مقياس معرفش ايه وكلام فاضي

وبردو لو حضرتك معاك اي فون فور اس هتعرف ان فيه باتش اسمه Cydia بينزل وبينزل معاه باكجتش

بتخليك تنزل اي برنامج ف الدنيا بدون فلوس ولا حمايه ولا اي حاجه !!


الجلاكسي اقسم بالله مع والدي والله العظيم بحس ان التاتش بتاعه شبه الصيني بالظبط

تاتش الاي فون اعلى تاتش ف الموبايلات بجد

رد: مميزات وعيوب الهاتف الذكي بلاك بيري
 

بص اول حاجه لازم نعترف بيها ان 90% من مستخدمي البلاك بيري
واخدينو واجه
و علشان الجرابات
و علشات ال BBM
و علشان لقو اصحابهم كلهم معاهم البلاك بيري
و 90% مش مهتمين خالص بالامكانيات
بس لو قدامي Torch و asus transformer tab
وش كده الasus transformer tab

رد: مميزات وعيوب الهاتف الذكي بلاك بيري
 

الأول مبيعات مش الأول كفاءة ..

رد: مميزات وعيوب الهاتف الذكي بلاك بيري
 

كلامك سليم 100 % و مفيش نظام تشغيل يتعدى ال أو أس ماكنتوش أبدا ، لكن خاصية ال siri voice control system موجودة فى الجلاكسى s2 و s3

رد: مميزات وعيوب الهاتف الذكي بلاك بيري
 

تكرة ان تليفونك يبقى متوفر فية كل معايير الحماية !!

رد: مميزات وعيوب الهاتف الذكي بلاك بيري
 

كل دة حلو و جميل ، لكن فين بقى مقارنة ليثيوم البطارية !! للأسف مفيش وجه مقارنة .. الأى فون هو الوحيد اللى ممكن يستحمل لغاية 16 ساعه شغل متواصل ..

رد: مميزات وعيوب الهاتف الذكي بلاك بيري
 

أحلى تقييم لكل الناس اللى شاركت فى الموضوع ..

رد: مميزات وعيوب الهاتف الذكي بلاك بيري
 

انا عندي الايفون فور اس بطاريته بتخلص في 1 ساعه بالكتير من التصفح اما الجلاكسي 3 ساعات من التصفح

رد: مميزات وعيوب الهاتف الذكي بلاك بيري
 

رد: مميزات وعيوب الهاتف الذكي بلاك بيري
 

و الله انا شايف البلاك بيري ميقدرش يقف ادام الايفون او حتي الasus transformer tab
ولا في البطاريه ولا التصفح ولا اي حاجه .......

رد: مميزات وعيوب الهاتف الذكي بلاك بيري
 

مع احترامي لكلامك .. الا ان البلاك والايفون مفيش مقارنه بينهم .. ده حاجه وده حاجه تانيه وده ليه مستخدميه بعقليه وده بعقليه مختلفه اطلاقا

رد: مميزات وعيوب الهاتف الذكي بلاك بيري
 

انا لو لاحظت بكلم عالتورش مش الكيرف

رد: مميزات وعيوب الهاتف الذكي بلاك بيري
 

يا باشا مش هتفرق .. كفايه ان الايفون معاك .. ده يزيده كمان
تقبل تحياتي

رد: مميزات وعيوب الهاتف الذكي بلاك بيري
 

شكرا عالرد الرائع من حضرتك ده :)

رد: مميزات وعيوب الهاتف الذكي بلاك بيري
 

عفوا يا باشاااااااااااااااااااا

رد: مميزات وعيوب الهاتف الذكي بلاك بيري
 

موفق ان شاء الله

رد: مميزات وعيوب الهاتف الذكي بلاك بيري
 

:( :( :( :( :eek: