بسم الله الرحمن الرحيم


بما انى ماخرجتش من زمان والجمعه الى فاتت راحت علينا نومه انا ومحمد صاحبى قلت لازم نخرج الجمعه دى كانت بعد الفجر و كانت رحله جميله بس مرهقه جدا خاصتا لما الشمس طلعت بجد ربنا يستر علينا فى رمضان المهم البندقيه كانت الشنجهاى B3-2 والرش هدف مان الحصيله 13 فرد يمام وتقريبا 4 او 5 ماعرفناش نجيبهم ماعرفناش نجيبهم دى معناها مستحيل لانكم مش عارفين احنا بنعمل ايه عشان نجيب اليمام الى بيقع فى مكان صعب نجيبه كالعاده طرائف محمد مش بتخلص

اول موقف رحنا مكان معتادين نروحه جنبه واحد بيرعى غنم وساعات بيبقى ماشى بيهم واحنا بنلبد هناك لليمام النهارده كانوا هناك والكلاب ماقلكش فقعدوا ينبحوا علينا محمد مسك لهم فرع شجره كبير وقعد يهوش وعمل فيها بقى زى مابنقول دكر والمفاجئه ان الكلاب بتدخل علينا ومش خايفه راح رامى عليهم الفرع وطلع يجرى هههههههههه كان موقف مضحك جداااااااااا


تانى موقف واحنا مروحين كان فيه ترعه صغيره وفيها سمك مش كبير اوى يعنى طالع على الوش قلت لما اجرب موضوع صيد السمك جبت واحده بطلقه فى دماغها والتانيه غرقت على طول المهم الاولى فضلت على وش الميه فحبينا نجيبها عشان اخوه ماكنش مصدق الموضوع ده فوهو نازل اتزحلق ومسك بايده الاتنين على الارض ورجله تحت فكرنى ساعتها بفيلم عنتر ابند شداد لما غاص فى الرمل وبيقول ادركنى يا شيبوب ههههههههههههههه كان موقف يموت من الضحك بردوا


طولت عليكم اوى اسف ونيجى للصور والجوده رديئه شويه ماعلش التلفون صينى وتعبان

http://img515.imageshack.us/img515/9332/dsc0000106t.jpg

http://img694.imageshack.us/img694/4619/dsc0000107h.jpg

http://img411.imageshack.us/img411/3787/dsc0000108.jpg

السمكه الى جربت اضربها

http://img88.imageshack.us/img88/9966/dsc0000104.jpg

محمد صاحب المواقف الكوميديه

http://img513.imageshack.us/img513/605/dsc0000109.jpg

العبد لله

http://img685.imageshack.us/img685/4749/dsc0000111o.jpg