|
الجمعه22/6/2012_خمس يمامات ودقناش وكام عصفورة
5 مرفق
السلام عليكم يا احلى قناصين فى بر مصر_طلعة اليوم كانت من الساعة 4 بعد العصر لحد المغرب_البنادق( النوريكا 73_شنغهاى)_البندقيتين نمرة 2_ الرش _انا كنت باضرب بالنوريكا برش مارسمان لمدة ساعة واكتر بس شكله موش راضى يمشى خالص مع النوريكا فغيرت للرمايه والرش ولف مع البندقيه على طول_الشنغهاى اضرب بيها اى رش شغاااااال_الحصيلة خمس يمامات ودقناش وانا حاطط صورة الدقناش بعد لما اتنضف _هو فى حجم اليمامة بالظبط بس زفر شويه_هاجرب اسويه لوحدة _ليكون وحش والا حاجة ويبوظ اليمام كان معايا ابن خالتى وهو اللى ضرب الدقناش بالشنغهاى وهو اللى مسكوا انا خفت من منقارة الطويل الحامى دة(اى خدمة شرح وافى اهة _موش حارمكوا من حاجة_هههههههههههه
|
رد: الجمعه22/6/2012_خمس يمامات ودقناش وكام عصفورة
هههههههههههههههههههههههههههه
اشطه عليك والله وكويس العروسه الجديده رجعتك للصيد وبقوه اديها رمايه بدل عاجبها وفرتك الدنيا وربنا ييسرلك الحال يارب بس عاوزيين بقى الصور جنب الشرح الوافى ده |
رد: الجمعه22/6/2012_خمس يمامات ودقناش وكام عصفورة
عادل باشا انا نزلت الصور_الاول حطيت الموضوع ونسيت ارفع الصور بس رفعتهم_شرفنى انك تكون اول واحد يعلق على الموضوع
|
رد: الجمعه22/6/2012_خمس يمامات ودقناش وكام عصفورة
ما شاء الله طلعة جميلة بس بصراحة ما أنصحكش بالطير الى بتسميه دقناش دا دى فصيلة إسمها الفيشر كينج و دى زفرة و بتتغزى على كل شئ حى تقدر عليه زى الحشرات و السمك و الزواحف
|
رد: الجمعه22/6/2012_خمس يمامات ودقناش وكام عصفورة
منور الموضوع يا ابو صفية_والله يا غالى انا ما ضربتش الدقناش دة ابن خالتى ضربة ودبحتة و فى التنضيف بتاعة مالقيتهوش واكل حاجة خالص بس هو زفر شويه _موش عارف بقى اطبخة والا ارمية ؟؟؟؟؟
|
رد: الجمعه22/6/2012_خمس يمامات ودقناش وكام عصفورة
بسم الله ما شاء الله على القناصين الكبار ورحلة جميلة وموفقة وبألف هنا وشفا
|
رد: الجمعه22/6/2012_خمس يمامات ودقناش وكام عصفورة
كالعادة منور الموضوع يا استاز وليد_شكرا على مرورك
|
رد: الجمعه22/6/2012_خمس يمامات ودقناش وكام عصفورة
ما شاء الله يا معلم بس ده مش دقناش خالص ومن رايى مش تاكله احسن
والله ولى التوفيق ................. |
رد: الجمعه22/6/2012_خمس يمامات ودقناش وكام عصفورة
حبيبى يا يونس_انا باقول كدا بس بعد اما اتنضف يبقى رزق القطط وخلاص _امال الدقناش دة اللى شكله ايه؟
|
رد: الجمعه22/6/2012_خمس يمامات ودقناش وكام عصفورة
تسلم ايدك يا ابو مروان الحمد لله ان البندقيه ظبطت معاك تحياتى ليك وللشبل الصغير .
|
رد: الجمعه22/6/2012_خمس يمامات ودقناش وكام عصفورة
الله ينور عليك يابو مرواااااااان على الشغل العالى
بس على فكره ده مش دقناش الدقناش بيكون لونه نفس الوان العصافير البلدى لكن حجمه بيكون كبير شويه على ما اعتقد |
رد: الجمعه22/6/2012_خمس يمامات ودقناش وكام عصفورة
استاز ايمن _بارك الله فيك _الحمد لله النيشان اتظبط بنسبة 90% _بناء على نصائحك_شكرا لمرورك وتعليقك_القبطان المصرى شكرا على مرورك يا غالى _انا ما اعرفش الطير دة اسمة اية بالظبط (دقناش والا غطاس والا فيشر كنج) الزملاء مختلفين فية جدا وناس بيقولوا بيتاكل وناس بتقول لا_بس هو زفر شويه لان معظم اكلة اسماك_لما نضفتة لقيت بطنة فاضية ما فيهاش حاجة_بس زملاء هنا قالو ما بيتاكلش ونفسى طلعت منه
|
رد: الجمعه22/6/2012_خمس يمامات ودقناش وكام عصفورة
تسلم الايادى اللى اصطادت وربنا يبارك لك واتمنى ان تتبعك باقى الاعضاء فى ذكر المعلومه عن نوع البندقيه ونوع الرش المستخدم لاهميه هذه المعلومه زى ما حضرتك سبقت الذكر
البنادق( النوريكا 73_شنغهاى)_البندقيتين نمرة 2_ الرش _انا كنت باضرب بالنوريكا برش مارسمان لمدة ساعة واكتر بس شكله موش راضى يمشى خالص مع النوريكا فغيرت للرمايه والرش ولف مع البندقيه على طول_الشنغهاى اضرب بيها اى رش شغاااااال_ جعلها الله فى ميزان حسناتك لافاده الاعضاء |
رد: الجمعه22/6/2012_خمس يمامات ودقناش وكام عصفورة
ده اسمه عندنا علي الصياد وله صوت مميز تعرف تميزه منه
وبيتاكل بس هو فعلا زفر |
رد: الجمعه22/6/2012_خمس يمامات ودقناش وكام عصفورة
ما شاء الله طلعه موفقه
|
رد: الجمعه22/6/2012_خمس يمامات ودقناش وكام عصفورة
استاز عبود _شكرى لحضرتك على تشريفك بالتعليق على الموضوع_الزميل سالاس شكرا على مرور حضرتك وياريت الاعضاء تذكر نوع البنادق والرش عشان نتعلم من بعض لان الصيد موش مهارة فقط الصيد خبرة ثم خبرة ثم مهارة والارزاق كلها بالله
|
| الساعة الآن 07:16 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir