الصيد فى مصر - النوريكا اللي حيلتي .. باظت !!

الصيد فى مصر (http://www.egyhunt.net/index.php)

- بنادق ضغط الهواء ومتعلقاتها (http://www.egyhunt.net/forumdisplay.php?f=51)

- - النوريكا اللي حيلتي .. باظت !! (http://www.egyhunt.net/showthread.php?t=30613)

ِAhmedAlaa2007

12-06-23 03:35 PM

النوريكا اللي حيلتي .. باظت !!

الحقووووووني
البندقية بتاعتي باظت :'(
بجد مش عارف اعمل ايه

البندقية عملت فيها فتك وناصح والحمد لله فكيتها و نظفتها وشحمتها وكده يعني المهم ركبتها وجيت اجربها جيت اكسر البندقية الزناد مش راضي يلقط التعميرة !!
مش عارف ليه ؟
يالهوي لا يكون باظ !!
بجد خايف اوووي ومش قادر حد يساعدني يا رجالة
نوع البندقية نوريكا سبورت نمرة 2

احمد على

12-06-23 03:38 PM

رد: النوريكا اللي حيلتي .. باظت !!

ممكن تكون حطيت شحم على مكان اللقط
فكها تانى ونظف اخر البستم ومجموعة الزناد من الشحم ومتنساش تشيك على السوستة الى ورا الزناد ممكن تكون مش راكبة كويس

salas0010

12-06-23 03:55 PM

رد: النوريكا اللي حيلتي .. باظت !!

اخى ان شاء الله خير وقدر الله وما شاء فعل واتمنى ان اساعدك لاكنى لا اعرف السبب انتظر رائى الخبراء الافاضل

ِAhmedAlaa2007

12-06-23 05:17 PM

رد: النوريكا اللي حيلتي .. باظت !!

اقتباس:

المشاركة الأصلية كتبت بواسطة احمد على (المشاركة 393007)

اه فعلا انا حطيت شحم علي الحديدة اللي بتلقط
هاعم اللي حضرتك قولت عليه واجرب تاني
متشكر جدا علي المساعدة وربنا يجعله في ميزان حسناتك

ِAhmedAlaa2007

12-06-23 05:17 PM

رد: النوريكا اللي حيلتي .. باظت !!

اقتباس:

المشاركة الأصلية كتبت بواسطة salas0010 (المشاركة 393012)

اخى ان شاء الله خير وقدر الله وما شاء فعل واتمنى ان اساعدك لاكنى لا اعرف السبب انتظر رائى الخبراء الافاضل

شكرا علي مرورك يا باشا مش مهم تساعدني المهم انك اهتميت بمشكلتي و دخلت شوفتها وحاولت تساعدني

أحمد عطاالله إبراهيم

12-06-23 05:22 PM

رد: النوريكا اللي حيلتي .. باظت !!

يا باشا اهدى .. بسيطة جدا ان شاء الله .. وحاول تعمل فكرة استاذ احمد على وجرب وقولنا ايه اللى حصل ..

ِAhmedAlaa2007

12-06-23 05:30 PM

رد: النوريكا اللي حيلتي .. باظت !!

اقتباس:

المشاركة الأصلية كتبت بواسطة أحمد عطاالله إبراهيم (المشاركة 393045)

يا باشا اهدى .. بسيطة جدا ان شاء الله .. وحاول تعمل فكرة استاذ احمد على وجرب وقولنا ايه اللى حصل ..

طمنتني يا باشا شكرا جدا
ان شاء الله هجرب واشوف

أحمد عطاالله إبراهيم

12-06-23 05:42 PM

رد: النوريكا اللي حيلتي .. باظت !!

اقتباس:

المشاركة الأصلية كتبت بواسطة ِahmedalaa2007 (المشاركة 393051)

طمنتني يا باشا شكرا جدا
ان شاء الله هجرب واشوف

اهم حاجة اهدى خالص .. عشان لو انتا متوتر وخايف على البندقية ممكن تتسبب فى حدوث مشكلة اكبر ..

هدى نفسك خالص والبندقية مافيهاش حاجة خالص يا باشا .. حاول بس تنضفها من الشحم الزيادة وخلاص ..وركب كل حاجة زى ما فكيتها اول مرة .. وقولى حصل ايه ..

عبووود

12-06-24 01:13 PM

رد: النوريكا اللي حيلتي .. باظت !!

زي ما الرجاله ما قالولك..
ولا في اي حاجه
وشوف مجموعه الزناد شيك عليها

Ahmed salama

12-06-26 02:28 AM

رد: النوريكا اللي حيلتي .. باظت !!

اهدا بس انت الأول وطالما البندقية مفيش فيها حاجة اتكسرت يبقى الموضوع تركيب غلط بس
اتأكد انها متركبة زي ما فكتها أول مرة واحنا معاك لو في أي حاجة

ِAhmedAlaa2007

12-06-26 01:19 PM

رد: النوريكا اللي حيلتي .. باظت !!

اقتباس:

المشاركة الأصلية كتبت بواسطة ahmed salama (المشاركة 394683)

اقتباس:

المشاركة الأصلية كتبت بواسطة عبووود (المشاركة 393533)

زي ما الرجاله ما قالولك..
ولا في اي حاجه
وشوف مجموعه الزناد شيك عليها

متشكرين يا احلي رجالة
هقوم اعملها تاني واقولكوا
بس الصراحة انا خايف اجي نحيتها تاني عشان دي غلبتني في التركيب فخايف اعمل حاجة تاني فتبوظ واتصدم !!
ان شاء الله هقوم احاول بالراحة كده وربنا يسها
شكرا علي مساعدتكم ليا

محمود خطاب

12-06-29 05:22 AM

Re: النوريكا اللي حيلتي .. باظت !!

لف البستم كويس خلي فتحت اللقط الي ورا في النص بالظبط لان ممكن يكون البستم داخل كويس بس مش ملفوف عدل

وده السبب الوحيد مفيش غيره الشحم ملوش دعوه

ابو الشوق

12-07-02 12:34 AM

رد: Re: النوريكا اللي حيلتي .. باظت !!

اقتباس:

المشاركة الأصلية كتبت بواسطة محمود خطاب (المشاركة 396251)

يا باشا لو البستم راكب غلط مش هيعرف يكسر من الاساس

ِAhmedAlaa2007

12-07-02 04:30 PM

رد: النوريكا اللي حيلتي .. باظت !!

متشكرين يا أحلي رجالة
عملت اللي قولتوا عليه بالضبط وفعلا كان في سوستة من بتوع الزناد راكبة تحت البنز والمفروض تكون فوقه المهم فكيت البنز وعدلت السوستة والحمد لله حسيت من قبل ما اجربها انها اتعدلت والزناد رجع لحالته الاولي المهم ركبتها وسميت الله وطلعت البلكونة وكسرتها والحمد لله لقطت والبندقية اشغتلت وبقت تمام
وفي اخر كلامي احب اقول شكرا من قلبي لكل واحد كتب رد في الموضوع وربنا يجزايكم خيرا ونردهالكم في الافراح

الساعة الآن 01:03 PM