اريد معرفة تصفير السكوب الجديد وظبتة اززاى عشان دى اول مرة اجيب سكووب ف حياااتى
 

يا رجاااااااااااالة معلش دة تاانى موضوع اعملة بسسب السكوب الجديد الى انا جبتة بس مش عاارف اظبتة ازززاى واصفرة ازااااى ومش حتة كدة يا عنى اية لما يكوون الهدف بعيد اضرب فوقية ولما يكون قريب اضرب تحتية وازاااى اظبت السكووووب والنبى حد يفدنى عشان انا محتاااس حوسة كبييييرة ف الحواااار دة اجى اضرب عاليمام الطلقة متجيش فيها خاااالص مع انى منشن فيها بس مش عااارف ارجو من حضرتكم حد يقولى ازااااااااااااااااى اظبت السكوووب وشكراااااا جميعا لكم ومبرووووووووك علينا الدكتور مرسى رئيسا لمصر ويا رب بوفقنا با ونتقدم شوية

رد: اريد معرفة تصفير السكوب الجديد وظبتة اززاى عشان دى اول مرة اجيب سكووب ف حياااتى
 

في مواضيع كتيير عن ضبط السكوب حضرتك دور في المنتدى و هتلاقي

Re: اريد معرفة تصفير السكوب الجديد وظبتة اززاى عشان دى اول مرة اجيب سكووب ف حياااتى
 

بص يا وحش تظبيط السكوب سهل وبسيط
انت بتجيب قاعدة بندقية
او تثبت البندقية تحط تحتيها كياس رمل عشان تثبت
وبعديها بعد متركب الاسكوب طبعا
تضرب طلقة في هدف على بعد عشرة متر
حتلاقي طبعا انحراف لإن السكوب مش متظبط تيجي من العلامات الفوق في الاسكوب
تجيبة يمين او شمال وتحت وفوق على حسب مكان الاصابة
بعد كده تكرر العملية مرتين تلاتة عشان تتاكد مية بالمية
كده الاسكوب جاهز تطلع تصتاد بيه
المهم انك بين الاصابة وتظبيط الاسكوب اوعي تحرك البندقية ولا ملي واحد حتي
.................................................. ..............................
اما الموضوع التاني ازاي تضرب بيه هو لو الجو صاقي يعني مفيش هوا شديد تضرب في تقاطع المحورين
اما لو في رياح شديدة او المسافة بعيدة 50 متر او 40
ساعتها بتبتدي عملية التقدير وديه بتكون بالخبرة اكتر يعني اطلع انت بأهداف ثابتة اقعد اتدرب لحاد ميكون عندك الحس بالطلقة تبقي انت والطلقة حاجة واحدة فاهمني
خد نفس واضرب بين دقتين قلب لإن ساعتها بيكون جسمك ثابت جدا

رد: اريد معرفة تصفير السكوب الجديد وظبتة اززاى عشان دى اول مرة اجيب سكووب ف حياااتى
 

مع إحترامي للسيد زياد, لكن تصفير السكوب يتم بدون قاعدة.

1) هتجيب هدف تضربة بسيط (اللي هو عبارة عن خط بالطول و الأخر بالعرض).

2) هتحط الهدف على بعد 15 متر.

3) هتركب السكوب على البندقية

4) هتلف البكر بتاع السلاح إلى الصفر أو المنتصف.

5) هتمسك البندقية في الوضع اللي أنت مستريح في أكثر حاجة و اللي هتستخدمه على طول سواء واقف, أو جالس.

6) هتضرب على الهدف 5 مرات من مسافة 15 متر. حاول في كل مرة تخلي إيدك ثابتة جدا. و أنت في الوضع المفضل ليك. التظبيط لازم يتعمل كدة عشان لو عاملتة على قاعدة السكوب لما تيجي تستخدمة و أنت شايلة, الرش مش هيظبط لأن العوامل الإنسانية مش متاخدة في الحسبان.

7) هتشوف أغلبية الأهداف جاية فين بالنسبة للهدف يعني على يسار الهدف و أسفله.

8) يبقى هتحرك البكر للوجهة اللي عاوزها. يعني مثلا لو الرش جاي يسار الهدف و عاوزة يروح يمين شوية يبقى هتلف البكرة اللي فوق السكوب عشان تلف يمين حوالي 15 تكة. و تعيد تضرب 5 مرات.

9) هتعيد الحوار ده لحد لما الرش يبقى في منتصف الهدف إلى حد كبير.

10) دلوقتي هتلاقي إن الرش يا إما كله أعلى الهدف أو كله أسفل الهدف. لو الرش أسفل الهدف يبقى إحنا عاوزينه ييجي فوق شوية, يبقى هنلف البكرة اللي في الجنب لفوق.

11) هتضرب 5 مرات و تعيد الحوار ده لحد ما الرش يتظبط معاك في المنتصف الهدف.. :)

أتمنى أكون أفدت حضرتك

رد: اريد معرفة تصفير السكوب الجديد وظبتة اززاى عشان دى اول مرة اجيب سكووب ف حياااتى
 

الرجاله اوفو الرد :)
بالتوفيق

Re: اريد معرفة تصفير السكوب الجديد وظبتة اززاى عشان دى اول مرة اجيب سكووب ف حياااتى
 

مع احترامي لكلام سياتك انا ممكن معلوماتي قليلة بس ممكن تفسرلي الفيديو ده

http://www.youtube.com/watch?feature...&v=lLirsAFpsfE

رد: اريد معرفة تصفير السكوب الجديد وظبتة اززاى عشان دى اول مرة اجيب سكووب ف حياااتى
 

أيوا يا فندم أنا عارف إن أغلبية الناس بتظبط السكوب بقاعدة.. لكن ده لأن أغلبية الناس اللي عاملين الفيديوهات بيستخدمو البندقية للرماية من مسافات صغيرة, و كمان الناس بتاعت الرماية إيديهم بتبقى بنفس ثبات القاعدة بالظبط, فا مش فارقة معاه بقاعدة أو بدونها :o.. أما لو سألت واحد صياد محترف هيقولك إن لو ظبط البندقية بالقاعدة, في الصيد من مسافات هتبقى غير خالص.. :) تقبل مناقشتي يا أستاذ زياد.. :)

Re: اريد معرفة تصفير السكوب الجديد وظبتة اززاى عشان دى اول مرة اجيب سكووب ف حياااتى
 

اكيد متقبلها منكم نستفيد طبعا لإن لازم اتعلم وعشان كده جبت لحضرتك الفيديو عشان اتاكد من الحضرتك تقصده ووصلت المعلومة ومتقبها طبعا

Re: اريد معرفة تصفير السكوب الجديد وظبتة اززاى عشان دى اول مرة اجيب سكووب ف حياااتى
 

صحيح طاب ازاي لما بيصوب مسافات بلاحظ انه بيستعمل العلامات الموجودة في السكوب يعني مش بتبقي على المحور بتكون جمبه

رد: اريد معرفة تصفير السكوب الجديد وظبتة اززاى عشان دى اول مرة اجيب سكووب ف حياااتى
 

الفففففففففففففف شكر يا رجااااااااااااااااالة بجد افدتونى جدااااااااا شكرا يا رجاالة

رد: Re: اريد معرفة تصفير السكوب الجديد وظبتة اززاى عشان دى اول مرة اجيب سكووب ف حياااتى
 

عشان يا باشا مع المسافات, الجاذبية بتبدأ تشد الرشة لتحت و الرشة بتنخفض Bullet Drop في مستوى الطيران. لذلك يتم التصويب أعلى الهدف. الشرح في الصورة المدرجة:


http://www.deerhuntersclub.com/wp-co...rajectory1.jpg

بص يا باشا, الخط الأزرق هو مكان التصويب (يعني الكان اللي حضرتك منشن فيه), أما الخط الأحمر هو خط مسار بتاع الرشة. زي ما حضرتك شايف في أول الرشة بتطلع فوق, ذلك سبب أسباب بالستية محتاجة موضوع لوحدها. بعد كدة تلاقي الرشة بتنخفض بسبب قوة الجاذبية (اللي هو نفس السبب إنك لو رميت كرة بالعرض هتلاقيها بسرعة جدا بدأت تنخفض و تخبط في الأرض)..
أما العلامات هي تستخدم لقياس المسافة للهدف, و عشان يعرف هو لازم ينشن فين عشان يعمل حساب الإنخفاض, أصلة مش بيجرب بلكوسة, لا الكلام ده له معادلات, و له موسوعات كاملة.. :)

يعني مثلا (هاخد مثل حسب الصورة) لو عاوز تضرب في المكان اللي حضرتك منشن علية (اللي هو أظن فخد الغزالة) من على بعد 300 ياردة يبقى لازم تنشن على الرأس. ده كدة يأخد في الحسبان إنخفاض الرشة و على 300 ياردة هتخبط في الفخد (مش في الرأس ولا الأرض).. :)
أتمنى بكدة أكون أفدت حضرتك.. :)

رد: Re: اريد معرفة تصفير السكوب الجديد وظبتة اززاى عشان دى اول مرة اجيب سكووب ف حياااتى
 

+1111111111111111

رد: Re: اريد معرفة تصفير السكوب الجديد وظبتة اززاى عشان دى اول مرة اجيب سكووب ف حياااتى
 

أتمنى تكون إستفدت يا باشا.. :)