قناص المنوفية
 

السلام عليكم ، الاخ الكريم الدكتور احمد انا مش عاجبنى موضوع انسحابك من المنتدى ده لأن مش معقول كل لما تقابلنى مشكلة انسحب منها بالطريقة دى يجب المواجهة وعرض الموضوع على العام لاننا اسرة واحدة .

الأخوة المشرفين برجاء حسن المعاملة مع الاخوة الاعضاء لانى لاحظت فى الفترة الاخيرة مشاكل كتير وحاسس انها كانت ممكن تتحل وببساطة ، ارجوا اخذ كلامى بمحمل الجد

رد: قناص المنوفية
 

سعادتك عندك حق

رد: قناص المنوفية
 

برجاء ابلاغى ما المشكله

رد: قناص المنوفية
 

عمى احمد من اجدع الناس الى على المنتدى
والمفرود المشرف يوضح سوء التفاهم الى حصل

رد: قناص المنوفية
 

عند حضرتك حق

رد: قناص المنوفية
 

حصل اييييييييييييييه ؟؟؟

رد: قناص المنوفية
 

السلام عليكم ، يا جماعة لو حد معاه نمرة احمد يا ريت يكلمه ويفهم ويفهمنا احسن الواحد خلاص هيتجنن

رد: قناص المنوفية
 

يا رجالة هو إيه اللي حصل, و فعلا في الفترة اللي فاتت كثير أوووي إنسحبه عشان سوء تفاهم أو خطأ في الحديث في المنتدى.. لازك ترجعلنا يا قناص المنوفية... :) يا باشا كفاية إن حضرتك من رجالة المنوفية مسقط رأس الزعيم الراحل محمد أنور السادات رحمة الله.. :)

رد: قناص المنوفية
 

رد: قناص المنوفية
 

انا مش فاهم إيه الى حصل بس عايز افكر الاعضاء والمشرفيين اننا من مناطق مختلفة ومستويات اجتماعية مختلفة ففى جايماً اسلوب ضحك او معاملة لشخص المكان الى هو فيه اسلوبه كده فيجي واحد مش متعود على كده يزعل مثلاً فعايز اقول ان ممكن اى خطأ ميبقاش مقصود فلازم نستحمل بعض ونخف برضو على بعض ونعزر بعض

رد: قناص المنوفية
 

ايه يا رجاله !
هو محدش حضر الحكايه غيري ولا ايه ؟!
الموضوع ان الأستاذ قناص المنوفيه عمل موضوع عن عمه (القناص فليفل ) و هو في تركيا
و قال انه حيحاول يجيب بنادق و يدخلها مصر و كده
بعد ساعتين تلاته الموضوع اتمسح
راح قناص المنوفيه عمل موضوع و قال فيما
معناه ان موضوع عمه اتمسح و هو ممكن يعمل مليون
منتدي و مليون مشرف و هو حينسحب هو و عمه القناص فليفل
و طبعا كالعاده و زي كل موضوع بيحصل فيه حاجه
من النوع ده الأداره مسحت الموضوع
و الموضوع كان بعنوان "بلا كلام فارغ انا ماشي "
انا حضرت الموضوع من اول ما اتعمل لحد تقريبا لما اتقفل
و مستعد احكي بالتفصيل ايه اللي حصل

رد: قناص المنوفية
 

رد: قناص المنوفية
 

السلام عليكم ، يا جماعة احنا مش مع حد ضد حد لكن واجب كما ذكرت قبل ذلك ان مينفعش الردود الى مش حلوه والتصرفات الغير لائقة يجب التشاور والتحاور ، عايزين نبقا متحضرين بقا المنتدى يعج بالناس المحترمة يا ريت يتدخلوا لحل مشاكل من النوعية دى .

رسالة لأخى احمد حاول انك تتروى شوية

رد: قناص المنوفية
 

رايي من رائيك

رد: قناص المنوفية
 

أه فعلا يا Champion أنا قرأت الموضوع بتاع عم قناص المنوفية.. :ان المفروض قناص المنوفية يحاول يعرف اللي حصل الأول قبل ما ينسرع و يفهم غلط.. :(

رد: قناص المنوفية
 

خلاص يا جماعه حصل خير والموضوع اتحل الحمد لله
انا بس اللى زعلنى انى عملت موضوع فى نظرى هيفيد الأعضاء
والاقى المقابل انه يتمسح ! بس انا اتكلمت مع الاداره وفهمتهم
ان اى عضو بيعمل موضوع وبيتمسح بدون ما حد يقوله السبب
بتبقى حاجه مستفزه جدا بصراحه وانا مش اول مره على فكره يتمسحلى مواضيع
فانا لفت نظر الاداره للموضوع ده ووعدونى بالاهتمام
واشكركم كلكم على محبتكم وزعلكم انى مشيت والله انا كنت بدخل اقرا مواضيعكم
من غير مشارك عشان بجد انتم زى اخواتى ومقدرش اسيبكم وربنا يديم المحبه مبنا دايما ..

رد: قناص المنوفية
 

و الله يا فندم أنا كان عاجبني موضوع حضرتك جدا.. :) و زي ما حضرتك قلت حصل خير و لعلة خيرا لك إن شاء الله.. :) أهلا بعودتك.. :)

رد: قناص المنوفية
 

اهلا بالعوده :) :)

رد: قناص المنوفية
 

السلام عليكم ، النهاردة كان يوم رخم جدا معايا العربية عطلت واتعورت فى ايدى لكن الحمد لله لقيت خبر حلو وهو عودة ( قناص المنوفية ) .

رجاء الى الادارة حذف الموضوع ههههههههههههههههه

رد: قناص المنوفية
 

حبيب قلبى والله شكرا لذوقك والقلوب عند بعضها:)