|
اذى اميز انواع الحمام علشان الصيد
السلام عليكم ورحمه الله وبركاته انا الحمد لله جبت بندقيه بيونير من واحد صاحبى وان شاء الله ابقى ارفع الصور للاعضاء للتقيم انا بقى عاوز اعرف اميز الحمام علشان حرام لو ضرب حمام بتاع اى حد بس ياريت الخبراء يقرقو بين الانواع علشان نبعد عن الحرمانيه وجزاكم الله كل خير
|
رد: اذى اميز انواع الحمام علشان الصيد
وعليكم السلام ورحمه الله وبركاته
لو فى منطقه سكنيه يبقى اكيد الحمام اللى فيها تابع لاحد المواطنين عامل عشه حمام وبيربى حمام فيها وبيكون تمن الحمام اللى مربيه غالى سواء كان نوع الحمام جمعيه او وزار فقد يتراوح تمن فرد الحمام الواحد الى 60 جنيه وقد يكون اغلى من ذلك وقد يكون اقل على حسب جوده وتقليب فرد الحمام وبالتالى لو اصطادت حمامه تخصه غير مساله الحرمانيه انت هتبقى سببت له خساره كبيره فى ماله لذلك نصيحتى لحضرتك بلاش صيد حمام فى مناطق سكنيه يمكنك الصيد فى اى مناطق زراعيه او على طريق سريع او مناطق صحراويه او فى اكتوبر او فى اى مكان بعيد عن المناطق السكنيه منعا للمشاكل وغيره اما كيفيه تمييز الحمام عن بعضه البعض دى مساله طويله جدا واظن انه لا يمكن شرحها نظريا على العموم لو شفت حمامه فى منطقه سكنيه منقارها خنشورته (اللون الابيض اللى فوق المنقار ) كبيره وطول المنقار كبير او وسط وعين الطائر الدرب او ما يسمى جفن واسع ولونه ابيض او احمر يعنى عين الطائر واسعه كده وحواليها جفن كبير ده بيسمى حمام جمعيه والحمام الجمعيه ليه انواع كثير منها الازازى والمفصص والحديدى والزاجل والبايات والجرزلات انواع كثيره مختلفه الالوان ومختلفه فى لون الريش وحجم المنقار والدرب اللى حوالين العين اما لو كانت الحمامه منقارها صغير جدا جدا وحجمها صغير عن الحمام المعتاد والمنقار مش طويل ومواصفات اخرى مش عارف اذكرها لك نظريا ازاى يبقى ده نوع حمام اسمه وزار والحمام الوزار ليه انواع متعدده مثل الشقلبلظ والعبايشه والاكول وغيرها من الانواع انا كنت بربى حمام علشان كده قولت اقول لحضرتك شويه معلومات اوليه تعرف بيها اذا كانت الحمامه جمعيه ولا وزار وازا كانت جمعيه او وزار اذا فلابد ان يكون لهم صاحب مالك ليهم معلش وجعت دماغك وطولت على حضرتك والخلاصه ابعد عن صيد الحمام فى المناطق السكنيه وتقبل مرورى اخى العزيز |
رد: اذى اميز انواع الحمام علشان الصيد
جزاك الله خيرا
|
رد: اذى اميز انواع الحمام علشان الصيد
من الاخر ما تصطاتدش اي حمام في مناطق سكنيه
الحمام البري هتلاقيه اكبر من اليمام حاجه بسيطه ولونه دايما غامق مقارب للاسود او الكحلي |
رد: اذى اميز انواع الحمام علشان الصيد
اقتباس:
وجزاكم خيرا ان شاء الله لقد اثنيت اخى فى شكرك لى وزت ووفيت ربنا يبارك لك :) |
رد: اذى اميز انواع الحمام علشان الصيد
الله ينور عليك
|
رد: اذى اميز انواع الحمام علشان الصيد
الف شكر لكل اللى شارك فى الموضوع يعنى انا ممكن اصتاد فى حديقه مثلا ولا الواحد يقضيها يمام لحد مايتعود او يطلع مع احلى ناس طلعه كده يتعلم منهم شوايا
|
| الساعة الآن 09:28 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir