|
رمسيس
السلام عليكم ورحمه الله وبركاته
لو سمحتم يا جماعه انا الحمد لله اتعرض عليا بندقيه رمسيس نمره 1 ب 500 جنيه جديد ومش من حد صاحبي لا من محل كبير كمان بس هو عشان يعرفني وصلي السعر ل 500 جنيه هيا جديده بالكرتونه وبالكسيه يعني حالتها لسه زيرو انا قلت مش هشتريها الا لما استشير الاعضاء المحترمين الاول انا بقي منتظر النصيحه ديه اشتريها ولا لا وبالعلم اني ممسكتش قبل كده خاااااالص يعني لو عرفت اجيب عصفوره يبقي الحمد لله ومعلشي يا جماعه هيا الرمسيس حلوه ولا وحشه يعني سرعتها كام يعني معلشي والله بتقل علي الاعضاء انا عاوز شويه معلومات عنها يعني ياريت اي حد يفدني في الكلام ده مع تحياتي للجميع واسف علي التطويل والسلام عليكم ورحمه الله وبركاته |
رد: رمسيس
موفق ان شاء الله والاعضاء يفيدوك
|
رد: رمسيس
الله يخليك يا باشا
وشكرا علي الرد |
رد: رمسيس
علي قد علمي المحدود هي نمره 1 و سرعتها من عارف و هي من البنادق القديمه و ليها قطع غيار كتير في السوق بس متهيقلي انها يعني علي قدها يعني مش حلوه اوي و طبعا ده الصح انك تجيب بندقيه رخيصه علشان تتعلم عليها انا برضو لسه جايب بندقيه شنجهاي 55 نمره 2 و الحمد لله كويسه معايه
|
رد: رمسيس
يعني من رايك هيا سعرها حلو ولا انا مخموم عليا
|
رد: رمسيس
وبعدين هيا ممكن تجيب عصافير او يمام او تجيب اي حاجه يعني ولا ايه
|
رد: رمسيس
لا يا فندم طبعا ...سعرها كده عالى جدا .. !!!!!!!!!!!!!!!! خاصة انك بتقول انها جديدة ؟؟؟؟؟؟؟
|
رد: رمسيس
طب مان سعرها ييجي كام رمسيس رقم 1 ييجي كام الجديده
|
رد: رمسيس
غاليه جدا بيشتغلك
جيب نمرة 2 صينى ارحم |
رد: رمسيس
مان يا جماعه سعرها الجديد بكام يعني
عشان اعرف سعرها بس |
رد: رمسيس
رمسيس جديده ب 500 سعر ممتاز طبعا و كبدايه هي بندقيه ممتازه و نادر انك تلاقي صياد ما ابتداش بالرمسيس و هي دقيقه و بتصيد للمسافات اللي ممكن تحتاجها دلوقت . و ده راي و ممكن ننتظر راي المزيد من الزملاء بس على الاقل السعر كويس جدا لو جديده او كسر زيرو
|
رد: رمسيس
اخى الكريم
السلام عليكم ورحمه الله تابع المنتدى وتابع القسم الخاص بالبيع والشراء وان شاء الله هتلاقى بنادق فى حدود فلوسك والرمسيس القديمه افضل من الجديد وكذالك المعادى القديمه افضل من الجديد وتمن الرمسيس يتراوح بين 350 الى 500 جنيه على حسب حالتها طبعا بتفاصل وومكن تشتريها ارخص من كده انت ونصيبك او تشترى بندقيه صينى هتكون شغاله معاك وميه ميه وزى الفل وهتعيش معاك وهتكون بندقيه صياده وعلى فكره البندقيه الرمسيس كويسه وتصطاد حمام ويمام وعصافير بس تهتم بيها وتتابع صيانتها من وقت لاخر وكان فى استاذ فاضل اسمه حوكا واحشنا مواضيعه والله كان عامل بالبندقيه الرمسيس احلى شغل المهم اعرف اخر حدود ميزانيتك كام ومتستعجلش لان مش كل يوم الواحد هيجيب بندقيه فى ظل الظروف الصعبه دى وربنا يكرمنا ويكرمك وان شاء الله باقى الاعضاء يفيدوك وان اخطأت فللاعضاء الكرام تعديل كلامى |
رد: رمسيس
اخى الكريم
البندقيه الرمسيس وعن تجربه بندقيه صياده وومكن تصتاد بيها يمامك وحمام وغربان كمان ولى صديق عزيز اصتادبيها تعلب وانا عن نفسى عندى البندقيه الرمسيس واعتز بيها جدا وبقفل بيها غربان والحمد لله اما بخصوص سعرها فهى سعرها ممتاذ ..... توكل على الله واشتريها وعمرك ما هتندم |
رد: رمسيس
سعر الرمسيس جديد من المحل 950 جنيهآ طبقآ لاسعار المصنع الحربى
|
رد: رمسيس
ههههههههههههههههههههه
الناس بتقولك غاليه يا عم ديه جديده ب 1200 من المصنع 500 ده كويس جداااااااااااااااااااااااااااااااااااااا |
رد: رمسيس
فيه حاجة غلط - لما الجديدة تعملها 1000 من المصنع - إزاى المحل هايديلك ب 500؟
|
رد: رمسيس
دى أكيد مستعمله بس لسه بحالتها وبالنسبى للكرتونه ممكن صاحب المحل يجبلك كرتونه بتاعت وحده جديده عارضها فى البترينه يعنى مهيغلبش عالعموم حتى لو مستعمله وحالتهه أكيد كويسه على كلامك وبسعر 500 جنيه يبكى سعر ممتاز توكل على الله وخدها مهتندمش
|
رد: رمسيس
ياجماعة لا مستعملة ولا حاجة دى اكيد بندقية كانت متخزنة فى المحل انا بصفة شخصية سئلت فى محل شاهين فى شارع الجمهورية فى وسط البلد على رمسيس سعرها 600 قبل الفصال بس كان الكلام دة قبل ما المصنع الحربى يغلى ويرفع سعرها الى 950 جنيهى
|
رد: رمسيس
يا جماعه اصل المحل ده كان مخزن بنادق كتير من قبل اما الاسعار تكون غاليه اوي كده
وهو راجل شيخ يعني مش بيحب الاسعار العاليه ولا بيحب يزود الاسعار لا وانا مسكتها لاقتها بتلمع وجديده لانج ومافيهاش اي خدوش خااالص |
رد: رمسيس
سعر ممتاز جدا وعلى فكرة هى بتتباع كده مستعملة مش جديدة اشتريها فورا وهى بندقية محترمة وصيادة
|
رد: رمسيس
طب معلشي يا جماعه انا لو عاوز اعرف انها جديده لانج اعمل ايه
|
رد: رمسيس
سعر الرمسيس الجديده من700الى 800جنيه وسرعتها 160متر ومفيش منها نمره اتنين نمره اتنين اسمها معادى البندقيه الرمسيس دقيقه جدا ومفيش تقريبا حد من القناصيين الكبار مبدأش بيها بس اخرها تقفل يمام من 25متر وصعب توقع اصلا حمام الا لو المسافه قريبه جدا وميزه اخرى انها معمره جدا وعيب فيها انها ممكن فى بعض الحالات مع الاستخدام تضرب لوحدها.
|
رد: رمسيس
اتوكل علي الله
|
رد: رمسيس
' طبعا لو جديدة و ما فيهاش عيوب ..... هذا السعر فيه تخفيض النصف - ال 500 يجيبوا حاجة مستعملة حالة كويسة و راجع المنتدي و تأكد بنفسك - ..... مع احترامي لكل من كتب قبلي .... وهي بندقية ممتازة و نادر ان يوجد صياد قديم ما ضربش بيها و للان انا بحبها و بتأدي كويس جداااااا معي ......... برجاء
1 - اشكر لي هذا التاجررر الأمين . 2- تكرم بارسال موبيله و عنوانه - على الخاص او الايميل في توقيعي - .... لاني باشتري كثير و عاوز اتعامل معه . شكرااااااااااا لكم |
رد: رمسيس
علي كدا انا غريب لاني ابتديت بbsa airsporter mk7
|
رد: رمسيس
افتحها وشوف البستم والسوسته والجلبه وشيك علي الشخشان
|
رد: رمسيس
حضرتك المحل ده في المنصوره
وحضرتك لو عاوز هو ممكن يعملك تخفيض وهو عنده بنادق كتير بس تخزين لو حضرتك عاوز نوع معين قولي وانا اسألك عليه ان شاء الله مع تحياتي |
رد: رمسيس
وانا ان شاء الي عاوز يسال علي اي نوع يقولي وانا هساله علي السعر وانا هكتب السعر
|
رد: رمسيس
ومعلشي يا جماعه ايه حكايه ان البندقيه تضرب لواحدها ديه
انا قلقان من الموضوع ده |
رد: رمسيس
500 كويس جداااااا طبعااا ... بس دي كده مش جديدة
بالتوفيق يارب |
رد: رمسيس
طيب ممكن الراجل يدينى انا كمان بنفس السعر او فرق بسيط ولا هو معرفة وليك انت بس ؟
برجاء الافادة ومبروك مقدما |
| الساعة الآن 12:58 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir