الصيد فى مصر - أسعار البنادق 30-06-2012

الصيد فى مصر (http://www.egyhunt.net/index.php)

- البنادق الهوائيه (http://www.egyhunt.net/forumdisplay.php?f=79)

- - أسعار البنادق 30-06-2012 (http://www.egyhunt.net/showthread.php?t=30896)

أسعار البنادق 30-06-2012

السلام عليكم ورحمة الله وبركاته

انا بصراحة كنت عايز اشتري بندقية جديدة او مستعملة للصيد

قلت انزل وسط البلد اسأل علي الاسعار عاملة ايه

طبعًا انا اقصد وسط البلد ده بنها مش القاهرة ...... ايوا ايوا سامعك بنها العسل

الكل يركز ومحدش يعملي من بنها ... يلا ننزل سوا

المهم فيه محلين مشهورين اوي في بنها في شارع الكبري

واحد مش فاكر اسمه والتاني اسمه الجلاء

المهم دخلت المحل الاولاني اللي مش فاكر اسمه ايه

السلام عليكم
قالي وعليكم السلام كان معاه مسدس ملخوم في تصليحه (مسدس صوت)

بقوله اسعار البنادق

قالي اقل حاجة 1400 جنيه

قلتله نوعها ايه
قالي كرال فيبر

طيب والعتله السفلية
قالي 2500

قلتله ليه دي 1500 في كل حته

قالي لا مبقتش تنزل

شفت عنده بام صيني مستعمله نمرة واحد

بكام دي
قالي 3200 جنيه

يا عم دي جديدة 2800 قالي كان زمان يا استاذ

وبعدين بقي
طيب في جامو في الفترينة مستعملة cfx بكام دي
قالي 3500

بصراحة خدت بعضي ومشيت اشوف محل الجلاء التاني

المحل ده بعده بحوالي 100 متر

السلام عليك
وعليكم السلام

اسعار البنادق عند حضرتك
قالي اقل حاجة 1400

نوعها ايه
كرالي تركي فيبر

طيب العتلة السفلية
قالي 2800

وبعدين بقي

طيب في انواع ايه تاني
قالي اي نوع انت عايزة موجود

قلتله والتر تولون ماجنوم بصراحة انا بحب الماركة دي ونفسي في البندقية دي
رد وقالي ............
اتصدمت بصراحة وكنت هتجنن
قالي 12000

مقدرتش امسك نفسي بقي

قلتله ليه يا عم دي ب 200 دولار

قالي روح اشتريها

قلتله ما هي سايبه اعملوا ما بدا لكم

وسيبت بعضي عنده وخدت ديلي في سناني وقلت يا فكيك

انا بصراحة مش عارف الناس دي بتعمل ايه هو مش عارفين اسعار السوق ولا هما بيستهبلوا ولا ايه حكايتهم

المهم اللي يعرف اسعار البندقيتين دول ويقولي موجودين فين ينوبه ثواب

بس طبعا مش بأسعار بنها .

1- والتر تولون ماجنوم نمرة 2.
2- كرالي تركي عتلة سفلية نمرة 2

وهنيالك يا فاعل الخير والثواب