هام جدا ارجوا افادتي
 

انا زميل جديد واشتريت بندقيه gamo stutzen و تلسكوب بشنال 40-9-3وليزر ضبط نشان بس للاسف مش عارف اضبط النشان خالص
هل هو بيتظيط على عدد امتار معينه؟ ولو بيتظبط على عدد امتار البندقيه دي بتظبط على كام
هل الزوم في التلسكوب بيغير في ضبط النشان؟

اوجو افادتي انا محتار جدا

رد: هام جدا ارجوا افادتي
 

شوف حضرتك تعالى نبتدي من البدايه
1- أولا فك السكوب و هات كيسين عدس أو رز أو سكر أو رمل أو أي حاجه
2- أربط الجزء السفلي من القواعد في البندقيه
3-حط البندقيه على الأكياس و أستعمل ميزان ميه عشان تتأكد أن البندقيه عدله
4-حط السكوب على البندقيه و تأكد أن هم الأتنين عدلين و حط الجزء العلوي من القواعد و أربط السكوب

نبتدي بقى ضبط السكوب

المسافه الي حضرتك هتخترها لضبط السكوب هي المسافه الوحيده الي هيكون السكوب مضبوط عندها بمعنى أن أقرب أو أبعد من المسافه دي الرشايه هتيجي فوق أو تحت حاجه بسيطه

أحسن مسافه لضبط السكوب هي 20 متر لأنها بتدي منحنى شبه عدل للقذيفه بس ده مش موضوعنا دلوقتي المهم 20 متر هي أحسن حاجه

حط ورقه على مسافه 20 متر مرسوم عليها دايره بقطر 2.5 سم

أضبط السكوب على أعلى تكبير

أسند البندقيه على كيسين السكر و نشن على نص الدايره بالضبط

أكيد الرشه مش هتيجي في مكان ما نشنت المهم عمر البندقيه تاني و حطها عل أكياس السكر

نشن على الدايره تاني بس ما تضربش طبعا

بعد لما تنشن على الدايره أمسك البندقيه كويس علشام ما تتهزش ولا أقل هزه و منغير ما تحركها أو تهزها لف بكرات السكوب لحد لما الكروس بتاعت النشان تيجي على مكان الرشه ألي أنت ضربتها أول مره
دلوقتي أرجع نشن بالكروس على الدايره و أضرب

رد: هام جدا ارجوا افادتي
 

أه و التكبير مش بيغير في الضبط لكن بيغير في حاجه أسماها Holdover بس ماتوجعش دماغك بيها دلوقتي

رد: هام جدا ارجوا افادتي
 

شكرا يا باشا على الرد السريع

بس كده الليزر ضبط النشان مالوش لزمه صح والا ممكن استفيد منه

رد: هام جدا ارجوا افادتي
 

بصراحه الليزر يلخبطك أكتر من أنه يفيدك فنصيحتي ماتستعملوش
أنا بالطريقه الي قلتهالك بضبط السكوب بتاعي بأقل من خمس رشات
أصعب خطوه هي تثبيت البندقيه و أنت بتحرك البكرات و لو أيدك أتهزت هزه بسيطه هتبوظ الدنيا و تطر تبتدي من البدايه بس لو بتعرف تستخدم التكات الي على البكرات الموضوع هيكون أسهل
أنت دايما بتكون محتاج تلف البكرات عدد كبير يعني لفيتين أو تلاته كامليين
بس جرب و شوف بنفسك الموضوع محتاج أيد ثابته جدا أو يكون أحسن لو مامسكتش البندقيه خالص و لقيت حاجه تربطها فيها أو تحطها عليها عشان ماتتحركش

رد: هام جدا ارجوا افادتي
 

حضرتك ركب الاسكوب وحط الليزر وشيل البندقية فى وضع الضرب على الهدف وابدا اظبط بايدك التانية مش حياخد منك 5 ثوانى إن شاء الله

رد: هام جدا ارجوا افادتي
 

اشكركم جزيل الشكر على الاهتمام وعلى الاعضاء المحترمين انا فعلا حابيت الموقع ده بسبب الاخوه المحترمين وشكرا