|
انا كان هايتنصب عليا يارجاااااااله ههههههههههه
السلام عليكم ورحمة الله وبركاته
هاحكيلكو موقف حصل معايا وكنت هاتجنن من الناس اللى بتتفنن فى طرق النصب والضحك على الغلابه اللى عايشين بالعافيه كنت راجع من الشغل على اسكندريه نزلت فى الموقف الجديد فى محرم بك وكان معايا البندقيه الــbsa ملفوفه فى قطعة قماش كبيره كنت باعملها شوية صيانه وبمجرد ماقربت من بوابة الموقف حصل الاتى لقيت حوالى 12 شاب ومعظمهم شكلهم غلط لكن الابتسامه مبتفارقش وشهم http://www13.0zz0.com/2012/07/07/16/656268276.jpg واقفين قدام مداخل بوابات الموقف ومرصوص قدامهم كميه كبييييييييره اوى من تلفزيونات اجهزة كمبيوتر شوايات شاشات lcd اطقم صنى من اللى بــ 400 و600 جنيه وكل الحجات دى جديده زيرو بكراتينها واول مانزلنا من العربيه الميكروباص انا وباقى الركاب لقينا الشباب دول كل واحد منهم جاى على راكب مننا وبرده الابتسامه موجوده على وشه انا عملت نفسى مش واخد بالى ومشيت عادى لقيت واحد منهم جاى ورايا وماسك فى ايده زجاجة برفان من اللى هى بــ10 جنيه دى ودار بينى وبينه الحوار ده انا كلامى مكتوب باللون الازرق وهو كلامه باللون الاحمر يا استاذ ياستاذ نعم ياباشا ممكن بس ثوانى اقولك حاجه اسف والله انا متأخر والله ماهأخرك دقايق اسمعنى بس قلتله خير ان شاء الله بص حضرتك احنا هنا عاملين مسابقه مجانيه وحضرتك مش هاتدفع ولا مليم الا لو كسبت جايزتك عشان ماتقلقش من حاجه لا شكرا مش محتاج جوايز ياباشا اصبر بس وبص على الجوايز ده انت ممكن تكسب جهاز كمبيوتر يساوى 2000 بدون ولا مليم غير 90 جني مقابل الاشتراك فى المسابقه كل مافى الامر اللى يهمنا فى الموضوع هو اننا بنعمل دعايه لشركتنا وبرده والابتسامه مفارقتش وشه حسيت ان الفار بدأ يلعب فى عبى لكن انا لسه مطمن عشان مش هادفع غير لو كسبت جايزه وممكن اكسب حاجه حلوه http://www3.0zz0.com/2012/07/07/16/334109778.jpg ههههههههههههه وبصيت للأجهزه اللى مرصوصه قدامى وقلت لنفسى فيها ايه ياض جرب طالما مانتش دافع حاجه قلت للراجل طيب اي المطلوب بالظبط عشان اشترك ولا حاجه انت هاتفتح زجاجة البرفان دى (هى متغلفه ومعاها ظرف) وتشوف هديتك ايه جوه الظرف واى حاجه من الهدايا دى تمنها لايقل عن 400 جنيه يعنى ممكن كمبيوتر شوايه شاشه ال سى دى تلفزيون 28 بوصه لو كسبت اى هديه منهم هاتدفع فقط 90 جنيه مقابل الاشتراك فى المسابقه وتاخد جايزتك وتمشى مهما كانت ولو الورقه طلعت فاضيه ومكسبتش حاجه هتاخد زجاجة البرفان دى ببلاش وتمشى بدون ماتدفع ولا مليم انا فكرت فى الموضوع وقلت لنفسى ايه المانع ايا ان كانت الجايزه اللى هاكسبها فهى سعرها لايقارن بالــ90 جنيه وبعدين ده انا واد زكى جدا ومقطع السمكه وديلها ومستحيل ينضحك عليا احم احم ههههههههههههههههههه http://www13.0zz0.com/2012/07/07/16/640487801.jpg قلتله توكل على الله وافتح الظرف فتح الظرف الله اكبر علييييييك يابن اللعيبه ده انت كسبت جايزتين كمان مش جايزه واحده دى اول مره تحصل معانا انا الفرحه نطت فى عنيا وقعدت احلم بقى ياترى ايه الجايزتين كمبيوتر ولا شاشه ال سى دى ولا الاتنين مع بعض وقعدت احلم بقى احلام جميله http://www3.0zz0.com/2012/07/07/16/105326401.jpg هههههههههههههههه قلتله تسلم ياعم على زوقك ورينى بقى الورقه كده اشوف ايه هما الجايزتين لقيت مكتوب فيها مبروك كسبت 2 جايزه طقمين صينى لجهاز العروسه قلت الحمد لله طقمين بــ800 جنيه مثلا وهادفع فيهم 90 جنيه بس قال لا ياباشا دول جايزتين يعنى تدفع 180 جنيه قلت لنفسى مش مشكله برده انا كسبان طلعت ورقه بــ200 جنيه واديتهاله وادانى الباقى راجل امين فعلا ههههههههههههههههههه راح منادى لواحد تانى من زمايله وقاله خد الورقه دى وسلم الاستاذ الجايزتين مبرووووووووووووووووك يا استاذ اتفضل معايا اسم حضرتك ايه فلان الفلانى وانا ماشى معاه بقى قاعد احلم بالطقمين اللى باشوفهم فى اعلانات التلفزيون الطقم ابو 400 جنيه فيه 140 قطعه وشايل هم انى مش هاقدر اشيلهم لوحدى هههههههههههههههههه المهم وصلنا عند العربيه المركونه جنب البضاعه فتح الشنطه طلع الجايزتين اتفضل ياباشا جوايزك انا بصيت للجوايز وكان هايغمى عليا ويجيلى سكته قلبيه http://www3.0zz0.com/2012/07/07/16/235674954.jpg ههههههههههههههههههه هما عباره عن كرتونتين كل كرتونه فيها تقريبا 6 اطباق صينى و6 سلطانيه وكان من حسن حظى انى كنت باشوفها فى سوق باكوس عندنا على طول البياعين بيبيعوها الطقم بــ15 جنيه ومالهمش علاقه خاااااااااالص بالاطقم اللى هما حاطينها جنب البضاعه بره قلت لنفسى اوبااااااااااااااااا شكلك وقعت فى الفخ واتنصب عليك يامعلم وقال عامللى فيها زكى قال ههههههههههههههههه قلتله ايه ده؟؟ الجايزتين بتوع حضرتك لألألألألألألأ خليهملك يابابا انت فاكرنى هندى ولا ايه وزعقت بصوت جامد والناس بدأت تاخد بالها وتتلم وانا عارف ان اكيد كلهم شايلين مطاوى وممكن اتقطع دلقوت ومحدش هايلحقنى http://www3.0zz0.com/2012/07/07/16/505656440.jpg بس برده مهمنيش وقلت اللى يحصل يحصل لقيت تلاته منهم اتلمو حواليا ووشهم اتقلب من الحب والالفه اللى كانو عليها فى الاول الى الشر والنظرات مرعبه واللذى منه http://www13.0zz0.com/2012/07/07/16/472352854.jpg قلت لنفسى انا كده شكلى اتنصب عليا رسمى يارجاله هههههههههههههههههه عليا النعمه ياقاتل يامقتول هنا حتى لو هاموت مش هاسيب حقى وطلعت جرى على الواد الاولانى اللى اخد منى الــ200 جنيه قلتله هات الفلوس انا مش عاوز جوايز فلوس ايه ياعم انت مش دخلت السحب بمزاجك وبعدين ده انت كاسب جايزتين عاوز ايه تانى هو حد طايل لا ياعم الخفيف مش عاوز جوايزك الحلوه اللى بتضحك بيها عالناس الغلابه وكنت ماسك البندقيه فى ايدى ومستعد فى اى وقت لأى لحظة غدر منهم هى طبعا ملفوفه بالقماش بس كنت هاستخدمها كا (شومه) وكده يعنى http://www3.0zz0.com/2012/07/07/16/428009841.jpg والله جوايزك هناك اهى ياتاخدها وتخلع من هنا ياتسيبها انت حر انا حسيت انى لو مشيت هابقى اكبر جبان ومش راجل لو مشيت وفجأه قمت هاجم عليه وكان فى ايده كبشة فلوس كلها خمسينات على ميات على متينات (كله من دم الغلابه طبعا) ومسكته من ايده مسكه قويه وبصيت فى عنيه بصه جامده كلها شر وقلتله هات الفلوس احسن وحياة امى هاقتلك هنا دلوقت لقيت واحد من بعيد قاله اديله فلوسه ياعم ده شكله لبش وهايعملنا وش هنا قام مطلع 180 جنيه وادهملى وهو بيبصلى بصة كلها وغيظ ونفسه يقتلنى دلوقت اهو قمت واخد الفلوس وماشى ولااااااااااا كأن فيه حاجه وهما كلهم بيبصولى بغيظ ونفسهم يضربونى بس مش قادرين عشان مايفضحوش نفسهم http://www13.0zz0.com/2012/07/07/16/814511970.jpg واكيد طبعا فيه ناس كتير اوى غلابه انضحك عليهم غيرى منهم اللى مايعرفش سعر الحاجه دى فعلا ومنهم اللى بيكتشف انه انضحك عليه بس بيخاف يتكلم ومنهم اللى بيكون معاه مثلا حد من عياله او مراته وبيخاف يتكلم لكن على العموم انا قلت اللى حصل معايا وبعد كده شوفت مجموعات كتير بتشتغل بنفس الطريقه فى كثير من الميادين والحطات رجاء من الجميع اخذ الحيطه والحذر |
Re: انا كان هايتنصب عليا يارجاااااااله ههههههههههه
هههههههههههههههههههههه يا باشا انت صيد مواق غريبة مش بتصطاد برضه مواقف غريبة ههههههههههه بس انا لو مكانك كنت اخدت كبشة افلوس و سبتله ال 180 جنيه هههههههههه
|
رد: انا كان هايتنصب عليا يارجاااااااله ههههههههههه
بجد ربنا ينتقم منهم .. بينصبوا على الناس الغلابة ..
بس الله ينور عليك يا قبطان .. انا بعد كده لو داخل عركة هبقى اخدك معايا هههههههههههههههههه تحياتى يا باشا .. ومحدش اصلا منهم يقدر يعملك حاجة .. ولو حد حاول يعملك حاجة على طول اديله طلقة بالبى اس ايه .. هينزل مقفول على طول هههههههههههه |
رد: انا كان هايتنصب عليا يارجاااااااله ههههههههههه
هههههههههههههههههههههه حتى فى المواضيع العامة سردك ممتاااااااااااز ههههههه
و بعدين هو فكرك مشترك فى منتدى الصيد فى الهند ولا ايه :d :d :d |
رد: Re: انا كان هايتنصب عليا يارجاااااااله ههههههههههه
اقتباس:
ياعم بيبو والله تغور الفلوس كلها انا اللى عملته ده مش عشان ال180 جنيه انا اللى عملته ده كان بسبب انى حسيت بالاهانه وان شوية نصابين هايضحكو عليا وكمان اللى غاظنى اوى ان كان فيه ناس غلابه على نياتها بتشيل وتدفع وتمشى ومش فاهمين الحوار وانا واقف |
رد: انا كان هايتنصب عليا يارجاااااااله ههههههههههه
اقتباس:
اه والله ياحمد الراجل فعلا كان فى ايده اكتر من 5000 الاف جنيه وطبعا معظم اللى بينضحك عليهم ناس جايه من الارياف ومعندهاش فكره عن الاسعار وفى اى وقت تتخانق ياباشا ابقى ادينى رنه بس هههههههههههههههههه |
رد: انا كان هايتنصب عليا يارجاااااااله ههههههههههه
اقتباس:
بس بينى وبينك حاجه تفور الدم والله الصيع كل يوم بيتفننو فى اختراع وسيله جديده للنصب واكيد طبعا مايعرفوش انى مشترك هنا والا كانو خافو ههههههههههههههههههه |
رد: انا كان هايتنصب عليا يارجاااااااله ههههههههههه
والله ياباشا انا كل يوم بشوف مواقف فى الموقف وانا لسا راجع دلوقتى وكل يوم موضوع البرفان ده ويقعد يرشلى شوية برفان ويقولى بص جوايزنا ومش عارف ايه اروح قايله ربنا يسهلك واسيبه وامشى
مرة بقى كنت هتصدر فى موضوع فاجر اوى وناس ياما اتنصب عليها شوفت واحد واقف عامل مزاد وبيبيع تليفونات ومعاها هدايا وكلها ماركات (نوكيا - سامسونج - موتورلا - ال جى -وهكذا) وشوية تليفونات صينى معفنة بس كلها جديدة المهم دخلت وقفت وقلت اتفرج لقيته عرض nokia n8 على 240 جنيه وبعلبته وبكله قولت قشطة بس شكيت لما لقيت السعر ده المهم واحد ابن حلال قالى متشتريش حاجة كل ده مسروق اوام روحت حاطط ايدى على جيوبى وروحت واخد بعضى وماشى قلت الحمد لله ربنا بيحبنى وفيه ناس بتشترى وتبقى فرحانة يروحو طالعين وراهم ناس وياخدو التليفونات منهم ويبعوها تانى وهكذا وهكذا والغلابة كتيرررررررررررر وربنا يسترها علينا وعليكم يارب |
Re: رد: Re: انا كان هايتنصب عليا يارجاااااااله ههههههههههه
اقتباس:
انا هاخد اي حاجة من الموضوع اللي انت عامله :p |
Re: رد: انا كان هايتنصب عليا يارجاااااااله ههههههههههه
اقتباس:
|
رد: انا كان هايتنصب عليا يارجاااااااله ههههههههههه
هههههههههههههههههههه و الله انت راجل زي الفل يا قبطان و الحقيقه بتقابل مواقف غريبه و ناس غير عاديه ...بس الله ينور عملت الصح و انا بقا لو عندي حاجه حبقي اكلمك :) ..... حمدالله علي السلامه :)
|
رد: انا كان هايتنصب عليا يارجاااااااله ههههههههههه
ههههههههههههههههههههههههههههههههههههههه
برنس من يومك والله يابني الله ينور بجد |
رد: انا كان هايتنصب عليا يارجاااااااله ههههههههههه
اقتباس:
تسلم يابن بلدى ياغالى وعيونى عشانك ياباشا اتخانق انت بس ومالكش دعوه هههههههههههههههههه |
رد: انا كان هايتنصب عليا يارجاااااااله ههههههههههه
اقتباس:
ده انت اللى برنس والله |
Re: انا كان هايتنصب عليا يارجاااااااله ههههههههههه
الحاجه الوحيده الي انامستغرب منها انك كنت حتستخدم البي اس ايه شومه هههههههههههههههههههه
|
رد: انا كان هايتنصب عليا يارجاااااااله ههههههههههه
بجد ربنا يكتر من امثالك يا قبطان وقفت وقفة رجوله ودائما صوت الحق قوى والباطل دائما جبان
|
رد: Re: انا كان هايتنصب عليا يارجاااااااله ههههههههههه
اقتباس:
ياعم مروان ساعة الخناقه الواحد مش بيفرق معاه اى حاجه بتمسكها تدافع بيها عن نفسك وخلاص |
رد: انا كان هايتنصب عليا يارجاااااااله ههههههههههه
اقتباس:
وبجد بجد انا اكتر حاجه زعلت عليها هى الناس الكتير اللى كانو بيدفعو فلوس فى حجات ملهاش لازمه ويمشو وهما ساكتين منهم اللى مش فاهم القصه ومنهم اللى فهم فى الاخر وخاف يتكلم |
رد: Re: رد: انا كان هايتنصب عليا يارجاااااااله ههههههههههه
اقتباس:
ولا انت عاوز حقوق نشر وفلوس وحجات من دى هههههههههههههههههههههه |
Re: رد: Re: رد: انا كان هايتنصب عليا يارجاااااااله ههههههههههه
اقتباس:
|
رد: انا كان هايتنصب عليا يارجاااااااله ههههههههههه
ياباشا شغل الموقف ده نصب في نصب
انا برده كان هيتنصب من واحد عامل نفسه من بورسعيد وجايب بقي حاجات خرافه بس قطعت علي الموضوع وخلعت وفي ناس كانت تبعه وعامله نفسها من الي بيشتروا |
رد: انا كان هايتنصب عليا يارجاااااااله ههههههههههه
والله 100% ياقبطان انك مسبتش حقك يعنى انتا بتقول 20شاب وعقولهم جامده شويه بيستخدموها للنصب على الناس ليه بيعملو كده اكيد مش لاقيين حد يشغلهم او هما اصلا كده وبيستغلو فرصه الانحلال والا ايه الى بيحصل فيه ايه ربنا يستر على البلد.
|
رد: انا كان هايتنصب عليا يارجاااااااله ههههههههههه
يا قبطاااااان خدها قاعدة ماتصدقش اي حاااجة من الشارع ان شالله لو قالك هتكسب فيراري
لا مسابقات ف الشارع ولا ف التليفون ولا تليفزيون ..انا كتير اتصلوا بينا ف البيت مبروك كسبت هدية و شغل مفقوس اصلا بس عفارم عليك عجبني تصرفك |
رد: انا كان هايتنصب عليا يارجاااااااله ههههههههههه
ههههههههههههههههههههههههه
النصابين دول موجودين في كل حته بس الحمد لله يا قبطان انت عرفت تتصرف بس انا لو مكانك مكنتش خت الفلوس و مشيت انا كنت رحت جبتلهم شله من صحابي و نزلنا عليهم ضرب ههههههههههههههههه |
رد: انا كان هايتنصب عليا يارجاااااااله ههههههههههه
اقتباس:
وكويس انك نفدت منهم بدرى وربنا ينتقم منهم جميعا |
رد: انا كان هايتنصب عليا يارجاااااااله ههههههههههه
اقتباس:
دلوقت الواحد كل مابيخرج من بيته وهو راجع لازم يعد صوابعه قبل مايدخل البيت يشوفهم كاملين زى ماهما ولا لا ههههههههههههههههه |
رد: انا كان هايتنصب عليا يارجاااااااله ههههههههههه
اقتباس:
|
رد: انا كان هايتنصب عليا يارجاااااااله ههههههههههه
اقتباس:
لأن فيه واحد جارى كان دخل سحب فودافون بتاع السنه الى قبل اللى فاتت وكسب عربيه bmw |
رد: انا كان هايتنصب عليا يارجاااااااله ههههههههههه
اقتباس:
ربنا يباركله فيها يا رب |
رد: انا كان هايتنصب عليا يارجاااااااله ههههههههههه
اقتباس:
ياباشا على ايه العنف ده وبعدين الواحد مش ضامن ممكن وانت بتتخانق تيجى الشرطه العسكريه وتلمكو كلكو عاطل مع باطل وطبعا احكام من اللى قلبك يحبها |
رد: انا كان هايتنصب عليا يارجاااااااله ههههههههههه
اقتباس:
وكان بيعدى بيها عليا كل يوم فى الشارع ربنا يباركله فيها هى المسابقه كانت من حوالى سنتين كده فودافون كانت عاملاها سحب على خمسين عربيه بى ام فاكرها؟؟ |
رد: انا كان هايتنصب عليا يارجاااااااله ههههههههههه
اقتباس:
واكيد يا باشا فاكرها .. |
رد: انا كان هايتنصب عليا يارجاااااااله ههههههههههه
والله 100% ياقبطان
|
رد: انا كان هايتنصب عليا يارجاااااااله ههههههههههه
الحمد لله على سلامتك
|
رد: انا كان هايتنصب عليا يارجاااااااله ههههههههههه
اقتباس:
ربنا يكرمك |
رد: انا كان هايتنصب عليا يارجاااااااله ههههههههههه
ربنا ينتقم منهم كاهم إن شاء الله. بس إنت يا قبطان متزعلش نفسك.. بكرة بنا يكرمك بأحلى طقم صيني و أحلى تلفزيون عشان حضرتك قلبك صافي من جوة.. :) :)
و طبعا كالعادة طريقة سرد أكثر من رائعة يا باشا.. :) أحلى تقييم يا باشا :) :) |
رد: انا كان هايتنصب عليا يارجاااااااله ههههههههههه
ههههههههههههههههههههه_يا قبطاااااان_الكلام دة موجود من زمااااااان ومشهور فى الشرقية فية ناس عملت ملايين من الكلام دة معظم البرفانات الموجودة دى هما اللى بيعبوها تحت بير السلم_ والشرطة بتمسكهم بتهمة بيع سلعة مجهولة المصدر وعمرهم ما يتعملهم قضية نصب ومعاهم فريق محامين شغالين مع الكبار بتوعهم......انا فى مرة ناس من دول وقفونى وقالولى احنا شغالين فى شركة كذا............ وعاملين تخفيضات وتصفيات وجوايز ..............انا قعدت اضحك جامد عارف لية لان الشركة دى انا كنت المحامى بتاعها_هههههههههه وقعدت اقنع فى الواد وهو موش راضى يقتنع_الحل الامثل يا اعزائى اوعى تقف تتكلم مع النوعية دى ابدا والا حتى بدافع الفضول عشان ما تدخلش برجلك الكمين
|
رد: انا كان هايتنصب عليا يارجاااااااله ههههههههههه
والله ياباشا انا كل يوم بشوف مواقف فى الموقف وانا لسا راجع دلوقتى وكل يوم موضوع البرفان ده ويقعد يرشلى شوية برفان ويقولى بص جوايزنا ومش عارف ايه اروح قايله ربنا يسهلك واسيبه وامشى
مرة بقى كنت هتصدر فى موضوع فاجر اوى وناس ياما اتنصب عليها شوفت واحد واقف عامل مزاد وبيبيع تليفونات ومعاها هدايا وكلها ماركات (نوكيا - سامسونج - موتورلا - ال جى -وهكذا) وشوية تليفونات صينى معفنة بس كلها جديدة المهم دخلت وقفت وقلت اتفرج لقيته عرض nokia n8 على 240 جنيه وبعلبته وبكله قولت قشطة بس شكيت لما لقيت السعر ده المهم واحد ابن حلال قالى متشتريش حاجة كل ده مسروق اوام روحت حاطط ايدى على جيوبى وروحت واخد بعضى وماشى قلت الحمد لله ربنا بيحبنى وفيه ناس بتشترى وتبقى فرحانة يروحو طالعين وراهم ناس وياخدو التليفونات منهم ويبعوها تانى وهكذا وهكذا والغلابة كتيرررررررررررر وربنا يسترها علينا وعليكم يارب |
رد: انا كان هايتنصب عليا يارجاااااااله ههههههههههه
اقتباس:
|
رد: انا كان هايتنصب عليا يارجاااااااله ههههههههههه
اقتباس:
تسلم ياباشا على الدعوه الحلوه دى بس عاوزك كمان تدعيلى بالشاشه ال ال سى دى 42 بوصه اصلى بصراحه نفسى اجيبها من زمان ههههههههههههههههههه |
رد: انا كان هايتنصب عليا يارجاااااااله ههههههههههه
اقتباس:
اشطه عليييييييييييك يابو مروان يامظبطهم وكمان كنت المحامى بتاعهم زمان يعنى اكيد فاهم اسليبهم وسككهم كويس بس مع الاسف زى مانت بتقول هما عاملين حسابهم وبيعرفو يستغلو ثغرات القانون |
رد: انا كان هايتنصب عليا يارجاااااااله ههههههههههه
اقتباس:
|
رد: انا كان هايتنصب عليا يارجاااااااله ههههههههههه
اقتباس:
ومش عارف ليه الناس دلوقت بقت مسعوره عالفلوس وبيدورو على اى وسيله تجيب فلوس وبس الحمد لله على كل حال والحمد لله ان ربنا كرمك ولحقت نفسك وخلعت منهم دول عصابه |
رد: انا كان هايتنصب عليا يارجاااااااله ههههههههههه
اقتباس:
كلك زوق |
رد: انا كان هايتنصب عليا يارجاااااااله ههههههههههه
اقتباس:
حبيب قلبى انت والله ربنا يخليك لينا ياكبير |
رد: انا كان هايتنصب عليا يارجاااااااله ههههههههههه
و الله العظيم انك رااااااااااااااااااااااااااااااجل و ابن ستين راجل و لو كل واحد عمل زيك كده الاشكال الوسخه دى هتختفى
|
رد: انا كان هايتنصب عليا يارجاااااااله ههههههههههه
راجل ابن راجل من ظهر راجل ما فعلته لم تكن سلبي او تخاف وجزاك الله كل خير علي التبيه تسلم يا اخي
|
رد: انا كان هايتنصب عليا يارجاااااااله ههههههههههه
انا مش عجبني ف يالموضوع ده كله غير صيغه كتابتك للموضوع هههههههههههههههههههه
وبجد تسلم ايدك علي الافاده وطول موجود منهم في كل مكان من زمااااااااان ومعروف انهم نصابين |
رد: انا كان هايتنصب عليا يارجاااااااله ههههههههههه
اقتباس:
والمفروض ان الواحد طول ماهو على حق ميخافش من حاجه ربنا دايما بيكون معاك |
رد: انا كان هايتنصب عليا يارجاااااااله ههههههههههه
اقتباس:
وقلبى مع اى حد بيقع فى الموقف ده وهو معاه حد من اهله او حريم اكيد هايكون صعب يتصرف ساعتها |
رد: انا كان هايتنصب عليا يارجاااااااله ههههههههههه
اقتباس:
فعلا ياباشا انا شفت ناس عامله نفس الحكايه دى فى كل ميدان دخلته بعد كده زى مايكون عصابه كبيره ومنتشره فى جميع انحاء الجمهوريه |
رد: انا كان هايتنصب عليا يارجاااااااله ههههههههههه
الله ينور عليك
وحش يا باشا |
رد: انا كان هايتنصب عليا يارجاااااااله ههههههههههه
برنس انتااااااااااااااااااااااااااااااااااااااااا بررررررررررررررنس دي كانت هتحصل معايا كذا مره وانا رايح اسافر المنصوره
او اروح اي ميدان يقعد يغوي فيك بالكلام ويخليك تزغلل فعلا بيحطو حجات منها اغلي من 90 جنيه حجات غاليه |
رد: انا كان هايتنصب عليا يارجاااااااله ههههههههههه
اقتباس:
صباحك عسل |
رد: انا كان هايتنصب عليا يارجاااااااله ههههههههههه
اقتباس:
دول شوية اوباش وعاملين عصابه ربنا يريحنا منهم بقى |
رد: انا كان هايتنصب عليا يارجاااااااله ههههههههههه
هههههههههههه بس جدع والله ... غيرك يخاف من العدد ويقول أروح سليم أحسن
|
رد: انا كان هايتنصب عليا يارجاااااااله ههههههههههه
ههههههههههههههه حصل معايا حاجة شبه دى بس كانت الجائزة ب 40 جنيه وانا ماشتركتش
|
رد: انا كان هايتنصب عليا يارجاااااااله ههههههههههه
اقتباس:
والله هو بينى وبينك المفروض ان الواحد يعمل زى مانت بتقول كده لكن سعات بقى عرق الرجوله بينقح عاالواحد شويه |
رد: انا كان هايتنصب عليا يارجاااااااله ههههههههههه
اقتباس:
وطريقة النصب واحده ياحمد باشا ههههههههههههه |
رد: انا كان هايتنصب عليا يارجاااااااله ههههههههههه
الموضوع ده برضه موجود فى شارع رمسيس قبل ما توصل لقسم الازبكية فى ناس قاعده بنفس ازايز البرفان و معاهم عربية شنطتها متستفة كراتين على هدايا
و برضو من النصابين اللى ماشين اليومين دول بعض الشباب بينتحلوا شخصية مندوبين تايم شير و تسويق سياحى .... اتلم 3 شبان على واحد زميلي و اتثبت يا ولداه بمطواة عالصبح ( بس ربنا ستر خدوا الفلوس و سابو له المحفظة ) ربنا يكفينا شر النصابين و الحمد لله ان ربنا سترها معاك |
رد: انا كان هايتنصب عليا يارجاااااااله ههههههههههه
اقتباس:
شغالين بطريقه ممنهجه ربنا يكفينا شر ولاد الحرام جميعا |
رد: انا كان هايتنصب عليا يارجاااااااله ههههههههههه
ابن البلد ما يتخافش علية يا برنس
|
رد: انا كان هايتنصب عليا يارجاااااااله ههههههههههه
فالاول الحمد لله على انك بخير
تانى حاجة لازم تؤمن ان الحداية مبتحدفش كتاكيت مفيش حد بيعمل حاجة لله وللوطن كله ماشى بالنصب وبيع الكلام واحيانا البلطجة |
رد: انا كان هايتنصب عليا يارجاااااااله ههههههههههه
اتعملت قبل كده فى والدى للاسف بس كانت ب50 جنيه والحلو بقى انه مسكتشى غير لما دفع كل الفلوس اللى معاه 350 فى سبع هدايا كل مره يقول المره الجايه هكسب اللابتوب ويطلعله طقم كوبايات او طقم خشاف صينى من ابو 10 جنيه ...يومها لقيتوه داخل عليا بكرتونه فيها تلاته شامبو وطقمين خشاف وطقم اطباق وطقم كوبايات دفع فيهم 350 جنيه وطبعا انا نزلت ادور على ولاد النصابه فى الشارع وفص ملح وداب عشان كانوا ماشيين بعربيه مكروباس مكتوب عليها شركه موش عارف ايه للدعايه والتسويق
ربنا ياخدهم بس الكلام دا يجى من 10 سنين كده |
رد: انا كان هايتنصب عليا يارجاااااااله ههههههههههه
اقتباس:
|
رد: انا كان هايتنصب عليا يارجاااااااله ههههههههههه
اقتباس:
مع ان سعات كتير فيه ناس بتكسب حجات حلوه انا عندى جارى كان كسب عربيه بى ام دبليو من شركة فودافون وكل اللى دفعه فيها حوالى 350 جنيه والعربيه تمنها كان 210 الف جنيه |
رد: انا كان هايتنصب عليا يارجاااااااله ههههههههههه
اقتباس:
ربنا يكفينا شرهم والحمد لله انها جت عالفلوس وبس مع والدك |
رد: انا كان هايتنصب عليا يارجاااااااله ههههههههههه
ربنا سلمك منهم لان دول نصابين ولاد ستين كلب
مرة نزلوا عندنا قريه ريفيه وعدوا من قدام البيت وقالوا لوالدتي وانا مشيته بالزوق وبعد شويه لقيت عمتي بتزعق معاهم وبين بيتنا وبيت عمتي حوالي 300 متر روحت واخد الطبنجة الصوت طبعا واخدت الموبايل ونزلت اجري عليهم وانا مشهر الطبنجه العيال ركبها خبط في بعضها وعمت اني بتكلم في الموبايل وببلغ رقم العربيه لحد نزلوا زي الجزم وادوني العشرين جنيه اهم كانوا مبلغ قليل بس بس انا كنت متخيل انهم ناصبين عليها في مبلغ كبير |
رد: انا كان هايتنصب عليا يارجاااااااله ههههههههههه
اقتباس:
لكن اللى انا باحكى عنهم دول كانو عصابه وبيشتغلو الناس تحاتى ليك |
رد: انا كان هايتنصب عليا يارجاااااااله ههههههههههه
هههههههههههههههههههههه
موقف غريب فعلا وطريقة سرد ممتازة انا حصل معايا والله نفس الموضوع بس كنت راجع من الجيش وكنا 10 مع بعض بلبس الصاعقة ولما لقيته بيلبسنى العمة قمت شايل تسجيل وماشى وهو ورايا ياكابتن ياعم قولتله والله هاندغدغلك البضاعة كلها وادبناه بالتسجيل |
رد: انا كان هايتنصب عليا يارجاااااااله ههههههههههه
اقتباس:
والله انتو ميه ميه الناس دى عاوزه اللى يديها بالجزمه بجد وحاليا بقو منتشرين فى كل الميادين ومواقف السيارات تقريبا |
رد: انا كان هايتنصب عليا يارجاااااااله ههههههههههه
راجل بجد تسلم دماغك
و ربنا يكفينا و اياك شر عبادة |
رد: انا كان هايتنصب عليا يارجاااااااله ههههههههههه
بقابل منهم كتيييييييييييير الاشكال دى سواء فى موقف عبود او اسكندرية او حتى بيعدوا على البيوت
اصلا العرض مش منطقى وعلى راى بهير دا لو قاصد يخسر مش هيعمل كدا :) المهم الحمد لله ان حضرتك سليم وبخير |
رد: انا كان هايتنصب عليا يارجاااااااله ههههههههههه
ايه يا عم المواقف دي
بطصطاد او مبطصطدش بيحصلك حاجات غريبه بس زي السكر |
رد: انا كان هايتنصب عليا يارجاااااااله ههههههههههه
اقتباس:
مسائك ورد |
رد: انا كان هايتنصب عليا يارجاااااااله ههههههههههه
اقتباس:
على رايك يادكتور والله بس الحمد لله على كل حال واللى بيخخلى الواحد سعات يقع فى الفخ اللى زى ده ان فيه فعلا بعض المسابقات الحقيقيه وناس بتكسب فيها يعنى انا مثلا ليا جار كسب عربيه bmw فى مسابقة فودافون من حوالى اربع سنين كده |
رد: انا كان هايتنصب عليا يارجاااااااله ههههههههههه
اقتباس:
بس فيه اللى بيحكى وفيه اللى بيكفى عالخبر ماجور |
| الساعة الآن 05:04 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir