|
فضفضه.
الناس بقت خلاص بتموت بعض علشان الفلوس الله يخرب بيت الى كان السبب والنصابيين بقت فى كل مكان والبلطجه والسرقه بالاكراه بقت فى عز الظهر ومفيش ليهم كاسر وكله بيضرب فى كله والناس الى حوالين قصر الرياسه بقت الباعه الجائلين اكتر منهم تخيل عرقسوس بيتباع قدام قصر الرياسه خلاص بقت دوله منحله والشرطه والمحامين فى اشتباك والمنصه والتحرير ودوله مدنيه ولا اسلاميه والزباله خلاص سدت الطرق الرئيسيه والى فضل من الاراضى الزراعيه طلعت ابراج الشارع عرضه 4 و5متر يعنى الناس لو مدت ايديها تسلم على بعض من البلكونات طلعت 12و14دور ومحدش مستحمل حد كل يوم خناقات وخرطوش وضرب نار وسلاح ابيض والضرب فى مقتل مش تهويش ودكاتره بتموت فى المستشفيات والنهارده كل مستشفيات الحكومه اضراب علشان الدكتور الى اتقتل جوه القصر العينى والناس هجت من الريف والصعيد وكل واحد فرش فرشه فى وسط الطريق وقعد والحته ديه خلاص بقت بتاعته ومعاه سلاحه ومعارك مع بعض ومع الناس والمترو كل يوم اضراب الطرق بتتقفل علشان واحد مش لاقى بنته والاخر تطلع بايته فى شقه واحد صاحبها وسكه القطر كل يوم مقطوعه علشان انبوبه والاسبوبه وسينا خلاص بقت محتله حتى الجيش بيموت والشرطه بيتاخد سلاحها وبتتقتل والقاعده خلاص عملتها كندهار بيمشو بالمدافع والرشاشات فى عز الظهر والاعلام كل واحد بيقطع فى التانى وكل واحد رايه هو الى صح علشان فلتت زمانه وكل واحد اهبل عامل حاجه هبله يتسلط عليه الاعلام زى بتاع ملك اليمين او عكاشه وغيره .الشركات الاجنبيه بطير وتصفى اعملها الشركه الى انا فيها بقالى 14سنه مشغله 6000عامل فى خمس مصانع فى المنطقه الصناعيه ده غير حوالى 6 مصانع صناعات تكميليه فيها اكتر من 4000عامل فى خطوط محجوزه للشركه اكبر مجموعه مصانع فى المجال فى افريقيا والشرق الاوسط بنصدر ب85مليون دولار فى الشهر اكبر الماركات العالميه مكتوب عليها صنع فى مصر من سنتين بدء انشاء مصنع فى الصعيد فى المنيا كانت المرحله الاولى تستوعب 1500 عامل اتصرف عليه 10مليون دولار 3حاويات الى واخده المكن والخامات اتسرقت واتخطفت من 3شهور على الطريق كل حاويه رجعت ب100الف جنيه فديه العمال الى كانو بيدربوهم اتسرحو المصنع نقلوه لبنجلاديش البضاعه الى بتروح المينا او المطار من عندنا بتتفتح وبيتسرق نصها والى مبتسرقش بيتبهدل والمصيبه بيتسرق من العاملين فى المينا علشان بتطلع من عندنا عليها حراسه المديرين الاجانب عايزين يمشو كلهم من مصر يروحو فروع تانيه للشركه فى الصين وتايلاند وبنجلاديش . هو ده الى نزلنا علشانه معرضين نفسنا للموت هيا ديه مصر اول حضاره فى العالم هو فيه ايه العيب فين حد يقدر يجاوب
|
رد: فضفضه.
ياااااااااااااااااااه يا ايمن باشا
ايه السواد ده كله بس الموضوع مش بالكئابه دى كلها يعنى هو اينعم اللد فيه انحلال كتير وده طبيعى فى العالم كله لكن برده البلد لسه بخير الحمد لله |
رد: فضفضه.
يا قبطان البلد لسه فيها شويه خير هيروحو لو الاحوال متعدلتش وكل واحد عرف الى ليه والى عليه صدقنى الصوره هيا الى سوده مش انا الى مسودها بس ياريت تجاوب عن السؤال.
|
رد: فضفضه.
بجد مش لاقى كلام اقوله .. كل كلام حضرتك صح .. وبيحصل ..
وبيتهيألى .. العيب فينا احنا .. |
رد: فضفضه.
الاجابه هى
العيب فينا احنا طبعا ياباشا لان التربيه قلت مبقاش فيه تربيه اصلا دلوقت كل واحد بيتجوز وبيخلف ويأكل وبس مفيش تربيه معظم الاجيال اللى انت شايفها دلوقت هى تربيه التلفزيون وحط تحت التلفزيون مليوووووووووون خط تربية قنوات ميلودى وروتانا وفيه كمان دلوقت قنوات المولد مصراويه وشعبيات ودى طبعا قنوات متخصصه فى قلة الادب(الرقص والحركات الايباحيه) تربية فيفى عبده ودينا تربية البرامج الهدامه اللى بتدور فى المقام الاول عن كثرة عدد المشاهدين بغض النظر عن المضمون تربية الافلام الهندى والامريكانى تربية الافلام الخليعه اللى الواحد بقى بيخاف يتفرج عليها دلوقت لو موجود وسط اهله تربية الافكار الغلط اللى بيزرعها بهايم الاعلام زى توفيق عكاشه ولميس الحديدى وغيرهم فلما الناس تسيب اولادها تحت رحمة الناس دى هى اللى تربيهم اتوماتك كده هاتلاقى النتيجه فى الشوارع بالمنظر اللى انت شايفه ده يعنى بالبلدى كده الناس بعددت عن ربنا وعن تربية اولادها على الصلاة والخوف من ربنا وكااااااااااااااااانت دى النهايه وسلملى على الميترو بقى |
رد: فضفضه.
اقتباس:
|
رد: فضفضه.
عايز ايه اكتر من حرامى يطلعلنا الساعة 12 الظهر وفى مكان مليان ناس
|
رد: فضفضه.
اقتباس:
|
رد: فضفضه.
انا معاك يا ايمن بك ولك احلي تقيم
|
رد: فضفضه.
اقتباس:
|
رد: فضفضه.
اقتباس:
|
رد: فضفضه.
اقتباس:
|
رد: فضفضه.
كلامك كله مظبوط و فعلا العيب في الشعب و كما قال القبطان في التربيه السيئه الواحد و لله خايف بس انا اكتر حاجه مخوفاني هي ان الاراضي الزراعيه بقت قلها مباني و لله انا عايش في منطقه تعتبر اكتر من 75 % منها زراعه دلوقتي بقت الزراعه حوالي 40 % بس و كل شويه انلاقي مجموعه غيطان بقط شارع ربنا يستر علي البلد ده كده علي الاقل الواحد مش هيعرف يصتاد ههههههههههه
|
رد: فضفضه.
اقتباس:
الحجات دى تقريبا موجوده من التسعينات لكن كان فيه ساعتها قبضه حديديه من الامن والناس كانت بتخاف واللى كان عاوز يعمل حاجه غلط كان بيفكر الف مره فى العواقب لكن دلوقت العمليه لسه عايمه ومفيش ظابط ولا رابط ان شاء الله بكره الامور تتظبط لما البلد تقف على رجلها ويبقى فيه عدل |
رد: فضفضه.
اقتباس:
|
| الساعة الآن 01:49 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir