مساعدة الله يخليكم
 

سلام عليكم جميعا... عيد سعيد عليكم جميعا بأذن الله
أنا عايز خدمة الله يخليكم لو فى حد هنا يعرف الاماكن اللى الواحد ممكن يشترى منها مركب صيد بسيط يرات يرات يقولى على المكان ولو فى حد يعرف الاسعار يبقى اكتر من رائع.


الفيديو اللى فوق فية المركب اللى انا عايز اشترية

يراب حد فيكم يقدر يساعدنى

رد: مساعدة الله يخليكم
 

با ريت حضرتك تكتب رقمق و انا هكلمك

رد: مساعدة الله يخليكم
 

0196679685 حضرتك ممكن تتصل بيا فى اي وقت.

رد: مساعدة الله يخليكم
 

السلام عليكم
كل سنه وحضرتك طيب
اللينك الى حضرتك منزله ما فتحشى معايا
بس لو حضرتك تقصد الزودياك
الى هو قارب مطاطى انا اقدر اخدمك فى الموضوع ده
وبتيراوح سعره بين 3000 أو 4000 ح جنيه و ذلك للمستعمل أما الجديد فسعره بيكون عالي شوية و لا يشمل هذا السعر الموتور
اما عن الموتور بيبدا من7000تقريبا و انت طالع و ذلك للجديد و فيه مواتير صيني بيكون سعرها هادي شوية و نفس الموتور اليامها حتى ان قطع الغيار واحدة و تقريبا نصف سعر الياماها
وعندنا هنا فى مصنع اسم الماركه بتاعتهWave marin
والمصنع ده ممكن يعمل اى حاجه انتا عايزها زى تعديل
يزودلك كده وحتى لو انتا عايزه تجهزه لصيد الجر هما هايظبطولك الكلام ده كله
وعلى قكره ملهوش اى ترخيص ولو العمليه زنقت شويه يبقى ترخصه رخصه وحده عائمه
وده يعتبر كلام فاضى وبتلفون للمسطحات يخلصلك كله حاجه بس تقل جيبك شويه
وموقع الشركه والعنوان والتلفونات اهى
عنوان المصنع
Tiger Marine
Address: 2/4 Laselki St., New Maadi - Cairo * Factory : 32 New industrial zone - Abu Rawash - Giza * Hurghada Branch : 24 Nasr Street - Dahar
Telephone: +202 25160405 begin_of_the_skype_highlighting +202 25160405 end_of_the_skype_highlighting
Fax: +202 25162573

موقع الشركة
http://www.tigermarine.com/Products/Products.aspx

وعلى فكره فى حاجات بتيجى صدفه ابقى خليك متابع سوق المنتدى ان شاء الله هانزل شغل هناك مواتير وزدياك
وكل سنه وانتا طيب
وياريت اكون ساعدتك فى طلبك
ولك منى كل الاحترام والتقدير
اخوك احمد من الاسماعليه

رد: مساعدة الله يخليكم
 

رد: مساعدة الله يخليكم
 

والله انا معنديش كلمات اشكرك بيها يأستاذ احمد ربنا يخليك فعلا... ردك رد واحد فاهم فعلا
بص انا المركب دة هستخدمة بأذن الله فى الصيد والصيد محتاج سكينة وكمان أخوك للاسف بيدخن فحكاية المركب المطاطي دية مش هتنفع معايا مش مطمن لها بصراحة. لو السكينة وقعت مني ولا طفية سجارة حتى وقعت فى المركب ˓ المطاط هيتخرم وهتلقى أخوك بيعوم مع السمك فى النيل. مشكلة الخشب على انا سمعتة أنه عايز صيانة كتير وانا مش بحب وجع الدماغ دة. عايز اشترى حاجة وانساها. اللى شوفتة مناسب ليا هو مركب فايبر جلاس. اللى بسمعة عنة ان مش بيحتاج صيانة تقريبا. انا مش عايز ماتور خالص. هشتغل علية بالمجداف بأذن الله ومش محتاجة يكون كبير. 2 متر ونص بأذن الله هيكون تمام جيدا بس من الضرورى جيدا أن يكون التصميم بتاعة أو اى حاجة تتعملة تخلية غير قابل للغرق. لو حضرتك تعرف حد ممكن يعمل أو يبيع مركب بالشكل دة يبقى ربنا يكرمك فعلا لو أدتنى رقم تليفونة.

أنا رافع لحضرتك هنا شوية صور لمركب اللى فى دماغى
http://www.searsparty.com/PaulSears/dinghy.htm
عيد سعيد عليك وعلى كل أهل الاسماعليه يأستاذ أحمد وشكرا مرة تانية

رد: مساعدة الله يخليكم
 

لا شكر على واجب
و ده اقل شى واللهى وانا تحت امرك يعلم الله
كلام حضرتك كويس جدا
بس احب اوضح لحضرتك فى موضوع الزودياك على فكره هو قوى جدا مش سيجاره هاتخليه يتلف
وبدليل استخدامه فى مهام عسكريه كتير جدا
وهو سريع فى النزول والطلوع
وكمان الشركات دلوقتى زودت حجم الغاطس بتاعه عشان يستحمل الموج والغاطس بيعمل على ثبات الزودياك فى البحر سواء ان كان فى موج او خلافه
وكمان ممكن حضرتك تستخدمه فى الرحلات وكده اذا كنت حضرتك من محبى رحلات الصيد فى البحر الاحمر او خلافه
واعتقد لم اكنت متاكد ان الى الصور الى حضرتك نزلتها دى مصنعه من الخشب مش من الفيبر
وعلى فكره الفيبر محتاج صيانه عندما يتصدم او بينزل بطريقه غير صحيحه
لان الشرخ بفوره زى ما بنقول( ويبقى محتاج صنايعى فيبر ودول كتير)
وعايز اقول لحضرتك على حاجه ان القارب عموما الى فى الصوره غير امن خالص ونهائيا
ولذلك انا ما بنصحشى بيه
لو حضرتك من من عشاق الصيد فى النيل
يبقى متغامرشى واصطاد من الشط
احسن من مغامره مش محسوبه
وربنا ما يجبشى اى حاجه مش تمام
ولو عايز تنزل النيل يبقى فلوكه ودى تاجرها مش مكلف و وهاتشتغل تسيقيط
زى الفل
وكل سنه وحضرتك طيب

رد: مساعدة الله يخليكم
 

ما شاء الله حاجة جميلة قوي حاسس إني سمكة بس كبيرة حبتين !!
ده غير إني حاسس إني فاهم كل حاجة ومتابع :s

رد: مساعدة الله يخليكم
 

ههههههههههههه
الكلام ده عليه ياباشا