|
الشرطة تتسبب فى حدوث جريمة قتل
مقتل شاب بالهرم
انا احد شهود العيان اللى عاصرت الاحداث من بدايتها اهل المتوفى مشهورين بالبلطجة والاجرام وسجلاتهم فى الاقسام والنيابات معروفة المهم يوم الحادث بدء منذ العاشرة صباحا عندما قامت اسرة القتيل بالقاء زبالة تتضمن جثة كلب نافق امام بيت اسرة المتهمين وعند قيام الاخ الاصغر بنقل الزبالة امام منزلهم اللى بالمناسبة المنزلين امام بعضهما البعض الفرق بينهم 5 امتار بالضبط نزل القتيل واخوه الاصغر واحد العاملين معهم ومع احدهم سلاح ابيض وهجموا على محمد ونجم وقاموا بعمل جرح قطعى فى الراس والبطن للاخ الاكبر محمد وتم عمل الاجراء اللى قد يتبع من اى مواطن عادى والذهاب الى قسم شرطة الهرم اللى حولهم لمستشفى الهرم وتم عمل 5 غرز فى الراس و3 غرز بالبطن للاخ محمد ومن هنا بدأت الماساة بعدم تحرك اى قوة للقبض علي المعتدى من الساعة الثانية عشر ظهرا وحتى الواحدة مساءا وقت وقوع الحادثة اللى كان تحرك القانون كان هيمنع كل اللى حصل بكون القتيل كان هيكون محجوز للاعتداء لكن لا عدم وجود اى حركة واستمرار الاستفزاز من جهة اهل القتيل تسبب فى تطور الاحداث المؤسف وقتل الشاب بسلاح ألى كان قد جلب للحماية من تكرار الهجوم انا الاحداث اللى وقعت بعد منتصف الليل لا اعرف تفاصيلها يالضبط لكن اللى حصل من الشرطة ده مؤامرة لازم يتعاقبوا عليها ولازم نعرف ليه الشرطة للأن تتكاسل فى عملها وتتسبب فى المأسي .......اه وطبعا حاليا اهل القتيل عايزين يثأروا وحرب شغالة واحتمال كبير وجود ضحايا تانى وشكرا لشرطة مصر الحبيبة لا حول ولا قوة الابالله |
رد: الشرطة تتسبب فى حدوث جريمة قتل
لا حول ولا قوة الابالله
|
رد: الشرطة تتسبب فى حدوث جريمة قتل
لا حول ولا قوة الا بالله
:( |
رد: الشرطة تتسبب فى حدوث جريمة قتل
السلام عليكم ، انا من عين شمس برضه موضوع الخناقات دى بقت كتير جدا ولسه من حوالى شهر 3 ماتوا من واحد كان بيضرب بالالى والى يغيظك بقا التلاته دول مكنوش فى الخناقة اصلا والى كان ماسك الالى لغايه دلوقتى موجود فى المنطقة ولا الشرطة مسكته ولا حاجة .
ربنا ياخد الفاسدين اللهم امين |
رد: الشرطة تتسبب فى حدوث جريمة قتل
الجواب بيعاقبوا الشعب لأنه قام بالثورة
|
رد: الشرطة تتسبب فى حدوث جريمة قتل
فعلا ملهاش حل او منطق غير انهم بيعاقبوا الشعب واللي يغيظ اكتر ان السيد الرئيس طالع فى الجرائد امس بيشيد برجال الشرطة ومجهوداتهم انسان ضعيف جدا وموش هيعرف يتحكم فى الشرطة او غيرها
|
رد: الشرطة تتسبب فى حدوث جريمة قتل
ياريت مصدر الخبر بعد اذنك
|
رد: الشرطة تتسبب فى حدوث جريمة قتل
مصدر الخبر حصل ادام عينة يا هيما وبيحصل حاجات افظع من دى بكتير والل عندنا واحد قاتل تلاتة ولسة موجود
|
رد: الشرطة تتسبب فى حدوث جريمة قتل
اقولك انا السبب فى عدم تحرك اى من قوات الشرطه لان فى احيانا كثيره يتم التعامل بين افراد الشرطه وبين بعض البلطجيه زى المشاكل الى انتا بتحكى عنها ولكن ان قام ضابط بقتل احد او اطلاق النار عليه يتم محاسبه الضابط واحالته للتحقيق وان مات البلطجى ياخذ لقب شهيد مع العلم ان قتل البلطجى الضابط يبقى الضابط مات اثناء تاديه واجبه المقدس معلومه اى شخص يحب ياخد معاش بيروح اى خناقه ولو حتى بلطجى علشان ياخد معاش مصاب ثوره او شهداء ثوره وعلى فكره انا صديقى ضابط حين رائى بلطجى فى اكتوبر بيثبت صاحب سوبر مركت ببندقيه الى هوا واخر معه فرد تعامل مع الى معاه الالى واطلق عليه النار علشان الناس الى فى السوبر مركت مات البلطجى وصديقى اتوقف عن العمل ياريت الكل يرد عليا |
رد: الشرطة تتسبب فى حدوث جريمة قتل
طب ده يبقي الاهمال من القيادات الكبيره في الشرطه الي مش مديه فرصه للناس النضيفه انها تشتغل
|
رد: الشرطة تتسبب فى حدوث جريمة قتل
الشرطة بتخلينا نكرة الرئيس المنتخب والتامر دة لصالح النظام القديم - سترك يا رب
|
رد: الشرطة تتسبب فى حدوث جريمة قتل
اقتباس:
كلامك سليم 100% ودة فعلاً اللى بيحصل .. وللأسف النائب العام والنيابة عموماً هما اللى وضعوا الشرطة هذا الموضع .. خلوا الضباط مش عارفين يتعاملوا مع البلطجية وخايفين من المحاسبة والسجن ؟؟؟ !! سبحان الله البلطجى يبقى شهيد والضابط يبقى مجرم !!! والشرطة عندها حق طبعاً بس مش على حساب الشعب المحترم .. فياريت الجهات المسئولة تطلع بيان بالتعامل مع البلطجية وحتى لو قتلوا .. ولا يتم محاسبة أى رجل شرطة يقوم بقتل بلطجى.. |
رد: الشرطة تتسبب فى حدوث جريمة قتل
اقتباس:
http://www1.youm7.com/News.asp?NewsI...=203&IssueID=0 |
رد: الشرطة تتسبب فى حدوث جريمة قتل
اقتباس:
الحل مثلا بموضوع الامن تعيين وزير داخالية يثق فيه ويكون مهامه اعادة الامن وتنظيم عمل منظومة الشرطة بأسرع وقت مع متابعة سير الأمور من هيئة الرياسة |
رد: الشرطة تتسبب فى حدوث جريمة قتل
شووويه صبر .... شويه شويه الضشرطه هتشد حيلها والامن بقى يرجع اكتر من الاول ........انتو مش ملاحظين دا
من ايام وانا مروح على الدائرى الطريق وقف لمده 15 دقيقه وعربيات كتيره جدا يعنى 200 300 عربية ...... واشاعوا ان 3 معاهم الى هما اللى موقفين الطريق ..... بعد الربع ساعة جت عربيات الشرطه وفتحت الطريق عادى وكانوا جايين حمله حلوى يعنى 3 بوكس 3 شيروكى 3 نص نقل كده يعنى .............. بس منه لله بقه اللى قعدنا سنه ونصف عامل فيها حامى البلد و الثورة وهى خربانة اصلا |
رد: الشرطة تتسبب فى حدوث جريمة قتل
اللهم اهلك الظالمين بالظالمين واخرجنا منهم امنين
|
رد: الشرطة تتسبب فى حدوث جريمة قتل
انا شايف ان الناس موقفها متناقض جدا . يعنى لما قامت الثوره و اقسام مصر كلها اتحرقت .اناس فرحت جدا و بقت تشارك بقلبهاو و ايدها و كل حاجه .زى ما يكون دى اقسام الشرطه فى دوله اسرائيل. و بعد شويه لما كان الناس عايزه تحرق و تقتحم وزاره الداخليه . برضه كانت الناس فرحانه و مؤيده جدا مش عارف ليه . و الناس فى الشارع كانت بتقول مش عايزين شرطه .واحنا نعرف نحمى نفسنا و نحمى بيوتنا .زى ما حصل ايام اللجان الشعبيه
و محدش فاهم ان دى مش شغلته انه يقعد طول اليل تحت فى الشارع علشان يحمى عربيه و لا شه و لا حتى انسان . دى شغل الشرطه و وزاره الداخليه .و النهارده الناس جايه بتقول ان الشرطه مقصره و مش شايفه شغلها انتوا اللى كسرتوا جهاز الشرطه .محدش يلوم الا نفسه .و كلمه اخيره اتقوا الله فى انفسكم و فى رجال الشرطه |
رد: الشرطة تتسبب فى حدوث جريمة قتل
اقتباس:
وفي حوادث كتير الشرطة لما بتحب تتصرف بتتصرف وتخلص الموضوع لما بيكون طرف في الموضوع ضابط شرطة مثلاً القوات بتتحرك وتروح تقبض علي البلطجي عادي بمنتهي السهولة وحتي لو كلامكم صحيح هي دي وظيفة ضابط الشرطة في العالم كله انه يواجه المجرمين بس ضباطنا اللي مش واخدين علي كدة |
| الساعة الآن 12:09 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir