|
كام سؤال لاخوكم المبتدئ كل سنه وانتم طيبين فى مسدس الصوت
ليا كام سؤال ارجو الاجابه بلترتيب 1- يعنى ايه ماسوره مقفوله ومفتوحه ومين بيفتحها وعشان ايه؟ 2- يعنى ايه مسدس صوت بيضرب بلى ؟؟؟ واعرفه ازاى؟ 3- ايهالفرق بين المحلات ودايما سعرها عالى وبين التجار بدونمحل!! 4- لو هشترى مستعمل اعرف ازاى ان المسدس سليم ومش ملعوب فيه وايه هيا اوجه اللعب ؟؟ 5- هل التركى افضل او الالمانمى وهل فى فرق بين 9و8 مم؟ 6- يعنى ايه ماسوره متحركه وثابته واتوماتيك والى وكل المسميات الاخرى؟ وبتبقى ايه الملحقات ويعنى ايه طبه صوت وطبه بلى؟ 7- يعنى ايه مسدس رش؟ او صييد وهل مسموح بيه عادى -8 فى الاخر عاوز مسدس صوت يكون شبه الحقيقى ومش غالى تنصحونى بايه؟؟ حاجه تانيه بره الموضوع فى محلات بتبيع خناجر وسيوف ومطاوى جربت اشترى من امريكا مرضوش طب الناس دى بتبيع ازاى كده عادى؟؟ وشكراااااااااااااااااااااا |
رد: كام سؤال لاخوكم المبتدئ كل سنه وانتم طيبين فى مسدس الصوت
مسدس مفتوح يعنى الماسورة سالكة عشان مقذوف البلى يطلع منها
و ساعات بتيجى مفتوحة من المصنع او بتتفتح عند خراط انما المقفول بتكون الماسورة مش سالكة و بالتالى مش هتضرب البلى لكنها مقفولة عشان تعمل ردة فعل تخلى الاجزاء ترتد اتوماتيك و المحلات بتبيعها غالى لانها بفاتورة ضريبية و الكلام دة بس فعلا الاسعار مبالغ فيها يعنى انا شوفت مثلا الكيمار 75 هنا ب 1400 بالكتير اوى .. لكن فى المحل ب 2900 و نفس المسدس و انا شوفتة بنفسى و لو عايز تعرف ان المسدس سليم فى حاجات كتير تبص عليها زى انك تبص عالشاكوش و المجرى بتاع الاجزاء و تشوف الدهان متقشر ولا لا .. و تشم ريحة بيت النار هل فية ريحة البارود و تشد الاجزاء و تعلقها و تهز المسدس هل فية صوت حاجت بتلؤ او لا .. و هل فية لحامات و فى اختبارات فى حالة استعمالة فى الضرب .. هل بيحشر طلقات او لا و دة ساعات بيرجع لنوع الطلقة .. و تبص على ابرة ضرب النار هل السن بتاعها مدبب او بقى مدور و متاكل بسبب كتر الضرب تجرب تستعمل الزناد من غير طلق هل هو ناعم و سلس ولا خشن و تقيل و تجرب زرار حل الخزنة و فى حاجات تانية ممكن اكون نسيتها بردة و الالمانى افضل من حيث الخامة طبعا .. لكن التركى احيانا بيكون اسهل و متداول اكتر و اشهر و الطلقة ال8 و ال 9 بتفرق من حيث الحجم بس فرق بسيط يكاد يكون ملوش لازمة و الماسورة المتحركة يعنى ممكن تفك الماسورة من جسم المسدس بدون كسرها و الثابتة بتكون مية واحدة هى و المسدس نفسة مستحيل تتفك الا بالكسر و المتحركة ساعات بتتغير بماسورة صلب مششخنة عشان تضرب الحى و دة خطررررررر جدا لان خامة المسدس الصوت من الانتيمونيا بعكس المسدس الحى بيكون المسدس صلب يعنى تحويلة لضرب رصاص حى فيها دمار للمسدس و اللى بيستعمل المسدس و احنا فى غنى عنه و الملحقات بتختلف من نوع لاخر بس المنتشر يعنى بيكون العلبة و فرشة تنظيف و ازازة زيت سلاح و الكتالوج و طبة الصوت كاس صواريخ و طبة البلى بتستعمل بحسب نوع البلية المحشورة فى الطلقة و فايدتها انها بتعمل ردة فعل تخلى الاجزاء ترتد اتوماتيك عشان طبعا المسدس مفتوح و مش هيبقى فية ردة فعل .. بس الطبة بتقوم باللازم عشان تخلى البلية اسرع و ادق و الاحسن هى الطبة الطويلة الواصلة لبيت النار و المسدس الرش مش بيشتغل بالبارود .. لكن بضغط الهواء و بيكون معاه انبوبة غاز بتتركب مكان الخزنة من تحت و دى بتتباع عادى فى المحلات طبعا بعكس البلى و المسدس الاكتر شهرة هو الفيرات مجنام او الجاكال ديوال و غيرة و غيرة .. بس انا بفضل الجاكال ديوال لان لو تلاحظ فى المسلسلات بيستعملوة اكتر حاجة الايام دى هو و الفيرات مجنام لانة شبة الحقيقى جدا و الناس اللى بتببيع سلاح ابيض دى مافيا و بلطجية و يمكن تحت الكرتونة تلاقى سلاح حى الله اعلم :d اتمنى تكون الاجابات وافية سلام عليكم |
رد: كام سؤال لاخوكم المبتدئ كل سنه وانتم طيبين فى مسدس الصوت
مشكور ع الاجابه ولو انى مش فاهم حاجه !!!!!!!!!!!!!
ياريت ياجماعهاجابه بس مرتبه بنفس الترتيب الرقمى بتاع السؤال |
رد: كام سؤال لاخوكم المبتدئ كل سنه وانتم طيبين فى مسدس الصوت
يا باشا اللي انت عايز تعمله صعب و هو انك تفهم كل ده من كلام مكتوب نظري , خبرة السلاح مبتجيش كده لازم عملي شوف حد من صحابك معاه اي مسدس و امسكه و خليه يفهمك اي حاجه من معلوماته ولو قليله و امسكه و اضرب بيه و شوف بيشتغل ازاي و بص في الماسوره و خليه يفكهولك تشوفه من جوه بيشتغل ازاي و ده افضل حل لسيادتك و حيفيدك باذن الله
|
رد: كام سؤال لاخوكم المبتدئ كل سنه وانتم طيبين فى مسدس الصوت
اقتباس:
|
رد: كام سؤال لاخوكم المبتدئ كل سنه وانتم طيبين فى مسدس الصوت
ماشى ياجماعه بس لحدساعتها اعرف نظريا لى الاقل وكمان محدش جنبى عنده اصلى من الاقاليم وعاوز اشترى واحد ومش عاوز يتضحك عليا
|
رد: كام سؤال لاخوكم المبتدئ كل سنه وانتم طيبين فى مسدس الصوت
يا باشا انت كدة محتاج شرح لعالم السلاح :d ومسدسات رش كمان
بس انا حقولك على طريقة كويسة حاول تقرأ كثير من مواضيع المنتدى و تشوف الاسئلة و اجابتها واحدة واحدة حتفهم |
رد: كام سؤال لاخوكم المبتدئ كل سنه وانتم طيبين فى مسدس الصوت
تابع المنتدى بتاعنا و انت فى خلال اسبوع تبقى معلم
|
| الساعة الآن 05:50 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir