الصيد فى مصر

الصيد فى مصر (http://www.egyhunt.net/index.php)
-   البنادق الهوائيه (http://www.egyhunt.net/forumdisplay.php?f=79)
-   -   ساعدونا يا أحلى صياديين .. (http://www.egyhunt.net/showthread.php?t=3207)

Pellet-Master 10-09-14 05:37 PM
ساعدونا يا أحلى صياديين ..
 
بعد المشكلة اللي حصلت معايا .. حبيت أرجع للصيد تاني .. و ناوي على الحب القديم :D ال hunter 1250 نمرة 2 .. بس للأسف مش لاقيها نهائي .. و انا مش عاوزها إلا جديدة نووووووفي ..

إيه رأيكم ؟ .. أستنى شوية و أجيب ديانا ؟ ولا أدور على دي ؟ ..

و ياريت اللي عنده حاجة من دول يراسلني على الخاص .. شررررررررط إن البندقية جديدة نووووووووووفي ...

شكرا ليكم .. أنا محتار و عاوز رأيكم ..

محمد عز 10-09-14 06:30 PM
رد: ساعدونا يا أحلى صياديين ..
 
الحب القديم صعب تلاقيه جديد
بس حاول برضه
ولو وصلت لحاجة ابقى طمنا
ولو ما لقيتهاش
يبقى ما ليكش الاديانا
وهي بنت حلال برضه وبتعيش
وربنا يجمعك بالحبيب الأول

شلاطه سكوووب 10-09-14 07:16 PM
رد: ساعدونا يا أحلى صياديين ..
 
السلام عليكم عايز اقدم النصيحه اذا ممكن انسى الحب القديم وخليك في الديانا ال 52 الالماني لانها وبجدارها تستحق الاحترام من الدقه وخمات التصنع النضيفه عن الاسباني بكثير ارجو تقبل رائيي وربنا يوفقك بالخير

momo44 10-09-15 02:06 AM
رد: ساعدونا يا أحلى صياديين ..
 
لو عايز ال 1250 جديدة كانت موجودة عند فتح الله
انا كنت ناوى شتريها بس الاخوة قالو استنا وهات ال 52 احسن
وقد كان
جبت ال 48-52

المستشار 10-09-15 03:57 AM
رد: ساعدونا يا أحلى صياديين ..
 
طبعا الهنتر 1250 من البنادق السوبر هاى بور ومن المعروف عنها انها من اسرع بنادق ضغط الهواء وسرعتها بتصل الى 400 متر ثانيه باستخدام نوع معين من الرش والموجود فى السوق ان وجد هو الهنتر اكستريم وهى 1250 يعنى 380 متر كل ثانيه وطبعا والاهم من كل ده ان السرعه دى كلها ملهاش مجال فى الصيد فى البيئه المصريه فعليك باحد الديانات سواء 52 او الاير كينج 54 طبعا حاجه المانى محترمه سرعتها فى نمره تصل الى 280 متر ثانيه خامات عاليه الجوده بندقيه معمره سعرها فيها ومش بينزل والاهم من كل ده دقتها العاليه فى تجميع النيشان واللى بتفتقدها الهنتر 1250 من فرط سرعه الرشه الخفيفه واحتكاكها بالهوى وفى اختيار ثالث حسب امكانيات حضرتك وهو اختيار وسط فى السعر بين الجامو والديانا وهو ال بى اس ايه حاجه انجليزى محصلتش من القوه وادق نيشان فى بنادق ضغط الهوا واما عن الاسعار فالهنتر بتعمل 3500 ان وجدت والبى اس ايه 4000 ان وجدت ايضا وال ديانا 52 بتعمل تقريبا 5800 والديانا الاير كينج البندقيه اللى بتجيب من الاخر بحوالى 6500 واتمنى لك الاستقرار والثبات على اختيار معين وان تنعم بهوايتك وان تزداد بمشاركتك معنا كى تفيدنا وتستفيد منا فما الحياه الا مجموعه خبرات وتجارب نتشاركها معا يد بيد وعقل لعقل وتقبل مرورى

wegdan12345 10-09-15 11:27 PM
رد: ساعدونا يا أحلى صياديين ..
 
مش عارف اقولك ايه لكن انا بعشق الديانا 54 مش عارف هنا في المنتدي بيحبوا ال 52 لكن انا مبفضلهاش نهائي اما بالنسبة لل1250 فدي مش بندقية رماية يعني التجميع العالي مش مطلوب اوي لكن دي بندقية صيد ويفضل انها تكون نمرة 2 علشان تكون ادق وذات تاثير اكبر وهي في وجهه نظري تقليد للويبلي باتريوت

Pellet-Master 10-09-18 12:09 AM
رد: ساعدونا يا أحلى صياديين ..
 
اقتباس:
المشاركة الأصلية كتبت بواسطة محمد عز (المشاركة 26661)
الحب القديم صعب تلاقيه جديد
بس حاول برضه
ولو وصلت لحاجة ابقى طمنا
ولو ما لقيتهاش
يبقى ما ليكش الاديانا
وهي بنت حلال برضه وبتعيش
وربنا يجمعك بالحبيب الأول
شكرا لحضرتك .. و إن شاء الله أبقى أقول لحضراتكم ناوي على إيه

اقتباس:
المشاركة الأصلية كتبت بواسطة شلاطه سكوووب (المشاركة 26668)
السلام عليكم عايز اقدم النصيحه اذا ممكن انسى الحب القديم وخليك في الديانا ال 52 الالماني لانها وبجدارها تستحق الاحترام من الدقه وخمات التصنع النضيفه عن الاسباني بكثير ارجو تقبل رائيي وربنا يوفقك بالخير
المشكلة في السعر .. الماجنوم مثلا واحد قالي ب 7000 جنيه !!! ليه !!! .. مع إنها على النت ب ميجبش 2000 جنيه .. يعني بعد الشحن والذي منه 4000 بالكتيييييييييييييير أوي أوي .... شكرا لردك

اقتباس:
المشاركة الأصلية كتبت بواسطة momo44 (المشاركة 26734)
لو عايز ال 1250 جديدة كانت موجودة عند فتح الله
انا كنت ناوى شتريها بس الاخوة قالو استنا وهات ال 52 احسن
وقد كان
جبت ال 48-52
أنهى فرع بعد إذنك ؟ الإسكندرية ولا القاهرة ؟ .. مشكور لردك..


اقتباس:
المشاركة الأصلية كتبت بواسطة المستشار (المشاركة 26747)
طبعا الهنتر 1250 من البنادق السوبر هاى بور ومن المعروف عنها انها من اسرع بنادق ضغط الهواء وسرعتها بتصل الى 400 متر ثانيه باستخدام نوع معين من الرش والموجود فى السوق ان وجد هو الهنتر اكستريم وهى 1250 يعنى 380 متر كل ثانيه وطبعا والاهم من كل ده ان السرعه دى كلها ملهاش مجال فى الصيد فى البيئه المصريه فعليك باحد الديانات سواء 52 او الاير كينج 54 طبعا حاجه المانى محترمه سرعتها فى نمره تصل الى 280 متر ثانيه خامات عاليه الجوده بندقيه معمره سعرها فيها ومش بينزل والاهم من كل ده دقتها العاليه فى تجميع النيشان واللى بتفتقدها الهنتر 1250 من فرط سرعه الرشه الخفيفه واحتكاكها بالهوى وفى اختيار ثالث حسب امكانيات حضرتك وهو اختيار وسط فى السعر بين الجامو والديانا وهو ال بى اس ايه حاجه انجليزى محصلتش من القوه وادق نيشان فى بنادق ضغط الهوا واما عن الاسعار فالهنتر بتعمل 3500 ان وجدت والبى اس ايه 4000 ان وجدت ايضا وال ديانا 52 بتعمل تقريبا 5800 والديانا الاير كينج البندقيه اللى بتجيب من الاخر بحوالى 6500 واتمنى لك الاستقرار والثبات على اختيار معين وان تنعم بهوايتك وان تزداد بمشاركتك معنا كى تفيدنا وتستفيد منا فما الحياه الا مجموعه خبرات وتجارب نتشاركها معا يد بيد وعقل لعقل وتقبل مرورى
بجد شكرا جزيلا للشرح المفصل يا أخ المستشار ..بجد فهمني الفرق بين بنادق الهاي باور ..

اقتباس:
المشاركة الأصلية كتبت بواسطة wegdan12345 (المشاركة 26868)
مش عارف اقولك ايه لكن انا بعشق الديانا 54 مش عارف هنا في المنتدي بيحبوا ال 52 لكن انا مبفضلهاش نهائي اما بالنسبة لل1250 فدي مش بندقية رماية يعني التجميع العالي مش مطلوب اوي لكن دي بندقية صيد ويفضل انها تكون نمرة 2 علشان تكون ادق وذات تاثير اكبر وهي في وجهه نظري تقليد للويبلي باتريوت

شكرا لردك .. أنا بعتبر سعر الديانا غريب و مستغرب هيه ليه ماسكة سعر لحد الوقتي ؟ مع إن بنادق ال pcp أقوى و أدق و أرخص منها .. بكلامي ده عن أنواع معينه و طبعا في السوق الخارجي لأن الحاجات دي ممنوعة عندنا -.-

القناص2010 10-09-18 12:20 AM
رد: ساعدونا يا أحلى صياديين ..
 
نصيحة الاسعار برا حاجة وعندنا حاجة تانية يمكن فاكرين ان احنا اغنى من الناس الى برة فابيغلو علينا 100% واكتر كمان .......... لله الامر من قبل ومن بعد

momo44 10-09-18 04:22 AM
رد: ساعدونا يا أحلى صياديين ..
 
عند فرع القاهرة وهوة كان هايجيبهالى من الاسكندرية


الساعة الآن 06:29 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir