الديانا الكينج بتاعتي انضربت عين
 

السلام عليكم

مرة ال Air King ما بتدمجمعش و قلتولي اضرب بيها 300 رشه و شوف انحلت المشكلة

مرة سن الدبانة يقع.......... بس الحمد لله لقيته في العربية و جبت مفتاح الالن كي و ربطه كويس

المرة دي......يوجد في النيشان الخلفي فتحة الشيس صح؟ دي عبارة عن قطعة حديد فيها فتحة شيس واسعه و واحدة ضيقة يعني القطعة بتتقلب على مزاجك... المشكله اللي بيربط على القطعة دي مسمار الانكيه صغير جدا.......المهم المسمار ده فك لوحده و القطعة وقعت اثناء الصيد:eek:

على الفور تم تحديد المنطقة و تم تكليف المساعدين و تم مسح خط السير و الحمد لله احدهم عثر عليها

المهم مشعارف اثبتها لاني المسمار صغير و عجزت الاقي مقاسة و للأسف ركنت السلاح

هل حد عارف مقاس المسمار و منين الاقي مفتاح يربطه و ليه المسامير دي بتفك لوحدها

كل عام و الجدعان بخير

Re: الديانا الكينج بتاعتي انضربت عين
 

حضرتك منين ؟؟؟
انا عندي طقم مفكات الانكيه
فيه مفتاح صغير جدا و الطقم كنت جايبه تقريبا ب 15 جنيه
بس مش اي طقم هتلاقي فيه الصغير و لو حضرتك من اسكندرية كلمني

رد: Re: الديانا الكينج بتاعتي انضربت عين
 

اشكرك يا فندم بس خلي حد من السادة الاعضاء يقولنا مقاس المسمار ده كام و هو هو عادي ولا مشرشر لان الالنكيه يجي ثلاث انواع " اللي شوفتهم"

رد: الديانا الكينج بتاعتي انضربت عين
 

السبب أن المسامير بتتفك هو الأهتزاز في حاجه أسمها loctite موجود في بعض محلات العدد في شارع الجمهوريه

http://www.tecratools.com/media/productImages/34200.jpg

ده عباره عن لزق بيتحط على المسمار قبل ما يتربط و بينشف بعد حوالي 20 دقيقه علشان تفكه بعد كده سخنه شويه بالسشوار
بس خلي بالك و أنت بتشتري فيه أنواع permanent مش بتتفك الرقم الموجود على العلبه بيعرفك النوع أذا كان بيتفك ولا لأ
لو سعره غالي أو عاوز حل سريع أستعمل super glue بس لما تيجي تفكه هيكون صعب شويه و كمان بينشف بسرعه أوي
بالنسبه للمقاس بتاعه حضرتك عندك ال T06 ولا ال T05 ؟؟؟؟؟؟؟؟ ممكن تقيس المسمار لو موجود أو ممكن تدور عليه على النت عند بتوع قطع الغيار

الألن عباره عن شكل مسدس بدون سنون و هو ده المستعمل في الأسلحه الشكل المسدس ألي شبه النجمه مابيتسماش ألن بيتسمى هكس

على اليمين ألن و الشمال هكس

http://i01.i.aliimg.com/photo/v0/362...f_drilling.jpg

كل مقاسات المفاتيح بداية من 1 مم موجوده في شارع الجمهوريه و المقاسات بتاع نشانات الديانا عادتة بتكون 2 مم

أي خدمه

رد: الديانا الكينج بتاعتي انضربت عين
 

اولا مانحرمش من حضرتك و اشكرك على الشرح الجميل ده

فهمت حضرتك كويس

هو السلاح اللي عندي t06

شاكله نص مم؟ صح

رد: الديانا الكينج بتاعتي انضربت عين
 

متهيئلي أنه 2 مم و على العموم لو هتشتري مفاتيح ألنكيه هات 1 مم و 2 مم و 2.5 مم أو 3 مم بدل ال 2.5

رد: الديانا الكينج بتاعتي انضربت عين
 

لا يا فندم دا ال 1.5 كبير جدا.. انا لاقيت على النت يبدأ من 0.7 و ده اصغر حاجة وجدتها عالنت